Zërat e çjerrë

[Agim Doçi]

Në se zë e pyet.....


Në se zë e pyet : Si ke qën' pa mua?!
Si t'u dukën ditët,si t'u dukën netët?!
A të shkonte mëndia,për një tjetër grua?
Apo ke ndaluar tek ajo që mbetët.

Un' po të përgjigjem pa m'u dridh' qerpiku,
Ashtu si një trim që s'ka frik' nga plumbi.
Ditët edhe netët, si një prit armiku,
Edhe zemra rrifte, si gugim pëllumbi.

Pa për grua tjetër, s'po të hapem fare,
Se vetmi e shpirtit pranon çdo tik-tak.
Por si ti nuk gjeta,si dele manare,
Ndaj vija vërdall,si ndonjë kaçak....

Une e kam shume mik poetin tone Riza
Madje e takova ne nje Panair!
ndjeva kenaqsi...madje te medha
Se perveç Poetit, eshte njeri i mire!

Ti Riza i dashur, vjerrsheron shume qartë.
Madje kam shume endje, në çdo varg or mik.
Sepse ti kur shkruan mbi desktop a kartë
Shkruan dhe per gratë me "thumb" simpatik.

Tashti unë do shkruaj, vetëm kater rreshta
Per at' bukuri qe, quhet dhe femër....
Une kam nje te dashur, që aq shume e deshta
Qe nga ay moment qe ka hyrë në zemër...

[riza2008]

Une e kam shume mik poetin tone Riza
Madje e takova ne nje Panair!
ndjeva kenaqsi...madje te medha
Se perveç Poetit, eshte njeri i mire!

Ti Riza i dashur, vjerrsheron shume qartë.
Madje kam shume endje, në çdo varg or mik.
Sepse ti kur shkruan mbi desktop a kartë
Shkruan dhe per gratë me "thumb" simpatik.

Tashti unë do shkruaj, vetëm kater rreshta
Per at' bukuri qe, quhet dhe femër....
Une kam nje te dashur, që aq shume e deshta
Qe nga ay moment qe ka hyrë në zemër...

Përshëndetje i nderuari Doçi.Ishte vërtet kënaqësi për mua që të takova në panairin e librit 2010 dhe pash nga afër atë kollos të vargut shqiptar që me dëshirë dhe pasion profesionisti ligjërove për librin e Lediana Kapajt dhe poetët e rinj të njohur nëpërmjet F.Sh.Çdo kush që u ndodh në atë sallë e pa se si ju i dhatë jehonë vargut lirik të Ledianës duke recituar mjeshtërisht poezi nga libri i saj,kjo për këdo është një xhest intelektuali zemërgjerë.Ju uroj shëndet e lumturi kështu qofsh ngahera.......


E çuditshme....!


Un' e njoh këtë kaçurrele sykaltër,
Çdo ditë kalon tek lagjia ime.
Qepallat e saja më mbajnë me hatër
Dhe nga larg më vret me shigjetime.

E çuditshme! Magjia vetë.
Zhurma e takave ma bën zgjimin.
As un',as ajo,s'e kemi të lehtë,
Ndaj shtegëtojmë në qiej mallimi....

[Agim Doçi]

Na morrën në qafë takat e grave...
Madje edhe hiret e tyre të magjishme
Sadopak të flemë, hynë në mes endrrave
Dhe në endër ja msyjnë, aq të madherishme.

Kam parë e s'kam parë endrra me princesha
Jam dehur pranë tyre, veç nga bukuria
Një herë sytë hapur ti kisha, unë desha
Çe do Miku im, na lodhi pagjumësia!....

Ndaj sot kam vendosur, të vuash vetëm TI...(lol)
Se je Lasgushian, kur shkruan për femrën...
Shijoj vargun tend, qe rrjedh dashuri.
Të isha "kaçurrele", do ta falja zemrën........(lol)

[riza2008]

Çfar t'ju them........?!


Çfar t'ju them, un' kësaj dite,
Që zvarritem anës Lanës.
Nuk po gjëj një rreze drite
Dhe t'ja shikoj syçkat nënës.

Çfar t'ju them,çfar të më thoni,
Ku t'ja gjëj, babait folenë.
Si t'ja bëj që ta dëgjoni,
Si t'ja heq nga shpina dhenë.

Çfar t'ju them,më ngriu fjala.
Malli, plagët m'i zbuloka.
Qielli mbushur krejt me gala,
Re e zezë më rri tek koka...........

Respekte i nderuar dhe i pa lodhuri Agim Doçi.Rinor ngelsh ngahera...

[Agim Doçi]

riza2008 ja diçka mbas teje.
Me dashuri e respekt vllaznor.
Agimi

Ikën të mos kthehen kurr
Ata që na deshën shumë
Lana sot është mbushur shurrë
Dikur ishte “goxha” lumë!

Mos vajto të bëj rixha
Miku im, se ikin vitet
Unë kam motër, s’kam vëlla
Mbesa jashtë Atdheut rritet...

Shih më mirë shëndetin tënd!
Riza – miku im i mirë.
Se vetmija njerzit çmënd...
Malli vetëm të bën mirë.

Unë kam mallë për gjith njerzimin
S’dua lot, brengë e trishtim.
Zhytem thellë dhe gjej gëzimin
Tek një varg, në vjerrshërim....

[riza2008]

Jetoni ju, jetoj dhe unë..........


Jetoni ju, jetoj dhe unë.
Un' si kërmill mbi bar me vesë.
Dhe pse punoj si bletë në punë
Qindarkat më kanë ngelë në pjesë.

Jetoni ju,jetoj dhe unë,
Ju dhe pa djersë,paratë detë.
Unë nga e hëna në të shtunë
Nuk e blej dot dhe një gazetë.

Jetoni ju, jetoj dhe unë.
Unë varfërinë e kam ortak.
Ju pini gjak si një shushunjë
Dhe trashni kokë e fryni bark.

Jetoni ju,jetoj dhe unë.
E njëjta baltë ne na ka rritë.
Kjo baltë poçarit i prish punë,
Se s'bëhet poçe,........ Plasarit........


Respekte Doçi............kini të drejtë,por ja ky fat na ra do ta jetojmë jetën si të na vijë..

[Agim Doçi]

Gjith jetën shtriva dorën para jush
Një herë nuk u ngopa, ende kam uri...
Dikush më jepte lekë, dikush një mangall prush
Unë kisha shumë nevoj♪7 per dashuri

[riza2008]

Themi..........


Rri e rri më thua: " Je si djalë"!
Dhe më përkëdhel si një fëmi.
Po brezaret që kan' mbirë në ballë,
Si të duken,apo si stoli?!

Rri e rri të them: "Je si vajzë"!
Ti ngul sytë e s'ngopem dot' me ty.
Po dëbora mbi flokët e tarrë,
Si të duken,apo virgjëri?!

Rrimë e rrimë e themi: Si u plakëm!
Si na iku mosha arrati.
Dhe pse me të puthur,jetën tonë e matëm,
Prap na plaki...pati xhelozi......

[riza2008]

Rrënjët e jetës........

Rrënjët e jetës, vetë i futa thellë
Edhe tek shkëmbinjtë, brënda depërtova.
Ishja veç lastar,kur i pata mbjellë
Edhe nëpër botë si trim i lëshova.

Thellësia e rrënjës e rriti lastarin
Dhe e bëri trung mbi tokën e shkëmbtë.
Në degët e tij, s'e pranoi litarin
Që donin ta varnin, njerzit e pamëntë.

I lëshova degët mbi krahët e erës,
Stuhisë i lash trungun,më larg ta largoj.
Nën hijen e tij do të shtrihem verës
Edhe në gjith' botën dashuri dhuroj.....

[Nanushi]

S'di se pse.....?

S'di pse sot urrejtjen, zë në gojë,
E dhe them: Ka ngelur pak për ty.
Ti që jetën e ke kthyer lojë,
Më vështron si korbi drejt në sy.

U bë kohë,këtë fjalë s'e përdorja,
I betuar s'do ta përdoria kurrë.
Po ti ç'pate m'u qepe si rrodhja
Dhe si vemje më rri mbi lëkurë.

Un' urrejtjen e kisha harruar,
Ç'deshe që ma ngjalle përsëri?!
Ma brengose shpirtin,me lodrate tua.
Dhe ma vodhe, atë pak dashuri....

P.S: Për arsye redaktimi postimi hidhet dy herë

Thene te drejten miku im me pelqeu tej mase shume poezia!.. Eshte e thurrur shume bukur, qarte dhe ndjehet aq bukur menyra e drejtimit te pyetjes. Ehh "urrejtja" per dike shume e vogel, por tek dikush tjeter me peshen e dashurise brenda goxha e madhe.
Te pergezoje