Zërat e çjerrë

[riza2008]

Un' pres.........


S'jam më ai njeriu pa fara,
Ai i marri budalla-njeri.
Që si tufë të më vësh përpara,
Të të duartrokas e të të shikoj në sy..

Un' sot jam më i shqetsuari i ditës,
Më i trondituri në këtë tërmet pa ballë.
Perde i hidhni llampës së dritës
Dhe këtë tufë e bëtë të ecin çalë-çalë.

As ju nuk jini më ata të parët,
Ithtarët e emrit-popull.
Tani barazoheni me të marrët
Dhe si egërsira sulmoni në strofull.

Por un' pres dhe s'e humbas shpresën,
E pres një ditë me zjarre dhe vullkane.
Ata që na mashtruan dhe e prishën besën
Të gërmadhohen në varre mjerane.....

[riza2008]

Sepse jemi ftohur.....


Sepse jam ftohur dhe un' me ty.
Arsyen s'po e gjëj dot',ndjej mjegullirë.
Kur takohemi s'shihemi më në sy
Dhe kur puthemi,puthemi si të shtirë.

Sikur je ftohur dhe ti me mua,
Kur më jep dorën zgjat vetëm gishtat.
Vetullat i ngrys,sikur të kam miljonat hua
Dhe buzqesh si në llohë shelgjishtat.

Ai zjarri i parë i furishëm është shuar,
Të dy ngjajmë si kongjillat nënë hi.
E gënjejmë veten si vjeshtë e përcëlluar
Dhe kthejmë sytë nga retë që sjellin prap' stuhi...

[riza2008]

Askush s'më ndal.....
[COLOR="Black"][B]

E çaj jetën si zog me flatra
Dhe lodhje s'ndjej e as uri.
Në rrug më del papritur nata
Dhe natën çaj me sytë e mi.

S'më ndal dëbora bënur mal
Mbi të rrëshqas si skiator.
Detin çaj ngadal-ngadal
Si hënë ndriçoj si meteor.

Kjo drit' mbesoj do ndriçojë gjatë
Askush ndriçimin nuk ja ul.
Si do të jetë,jeta shtërngatë,
Un' prap do çaj si një herkul......

tetovaria ju përshëndes dhe ju uroj gjith të mirat.Po ju përshëndes në këtë temë pasi temën a thoni një fjalë e konsideroj të mbyllur nga ana ime,por jo për lexuesin.Qofshi e nderuar...Respekte...

[riza2008]

Ç'kërkon.....?!


Ti hyn dhe del pa përshëndetur,
Si hije gushti mbi një leth.
Me sytë mbyllur,si i vdekur,
Si kal pa fre në tru më breth.

Ç'kërkon të bësh me këto gjeste,
As vet' s'e di çfar bën kështu.
Më fërfëllin si erë bjeshke,
Si manikin' më rri kërcu.

Un' shkëmb i sertë që s'ndjej tërmete,
Lëkundem sot,si ndonjë djep.
Portretin tënd e sjell ndër vete
Dhe cicëroj si zog në step.....

[riza2008]

Ju shoh.......


Ju shoh, o njerëz,si jetën kërkoni
Dhe si haeni me të dhëmbë përdhëmbë.
E lini atdheun tek tjetri punoni
Dhe botën të tërë e matët me këmbë.

Ju shoh, o njerëz, si shtegëtoni mbi dete,
Si hapni shtigje mbi baltra e llume.
Mbi supe mbani mallin e rrëmete
Dhe shpinën s'ja kthyet kësaj furtune.

Ju shoh,o njerëz,në sy kur më vini
Dhe s'gopem së pari e folur me ju.
Aman po j'ua them dhe pse ju e dini
Shqiponja e shqipes folenë e ka këtu...

[riza2008]

I burgosuri dhe hija....

Nëpër cepat e dritares në burg,
Nëpër muret e kallkanta prej guri.
Një hije më tunde e më shkund,
Si furtuna që pëlpaset tek muri.

E ndjek nëpër dhomë si afije,
Më zhduket e çfaqet sërishëm,
Vetvetia më duket si hije
Dhe hija, si një i përbindshëm.

Mbyll sytë dhe veshët me duar,
Mëndjen nga hija e heq.
Kush dreqin m'a paska dërguar
Që zinxirat m'i shtrëngokërka më keq...

[riza2008]

Zëri i Arsyes......


Le të më flasi zëri i tingulluar,
Veshi im e do edhe e dëgjon.
Zanoret e tij përkëdhel me duar
Dhe diçka të re zemra kompozon.

Mos më thoni se ky zë ka vdekur,
Nuk ua besoj dhe trishtohem keq.
Zëri tingëlluar thyente dhe hekur
Gabimet në bot'ëmbëlsisht i ndreq.

Le të më thonë çdogjë cmirrëzinjtë,
As nuk i dëgjoj,as nuk i përfill.
Sytë nuk ua hedh t'u shikoj turinjtë,
Zërin e arsyes nuk e quaj trill.......

[riza2008]

Me shpirtin tim çdo gjë e mas'........


Nga qiell mos m'i ulni yjet,
Se rrugën natën e gjëj vetë.
Me zogjtë e kam shtëpinë në pyje
Dhe bashkë me ta ndjehem i qetë.

Nga qielli mos ma ulni hënën,
Kjo i duhet gjith njerëzisë.
Un' dhe pa dritë e gjëj vet' nënën
Tek gjoksi saj shkoj e pi sisë.

Nga qielli pra mos zbrit Pegas,
Un' rrugën e bëj veç në këmbë.
Me shpirtin tim çdogjë e mas'
Dhe dhimbje,gaz i kthej në këngë....

[Enesi]

Nje nga temat me te bukura ne kete forum. Vazhdo me tej Riza, eshte kenaqesi te te lexoj.

[riza2008]

S'di se pse.....?

S'di pse sot urrejtjen, zë në gojë,
E dhe them: Ka ngelur pak për ty.
Ti që flokët ke lyer me bojë,
Më vështron si korbi drejt në sy.

U bë kohë,këtë fjalë s'e përdorja,
I betuar s'do ta përdoria kurrë.
Po ti ç'pate m'u qepe si rrodhja
Dhe si vemje më rri mbi lëkurë.

Un' urrejtjen e kisha harruar,
Ç'deshe që ma ngjalle përsëri?!
Ma njollose shpirtin, si flokët e tua
Dhe ma vodhe, atë pak dashuri....
Përshëndetje Enesi! Ju dëshiroj mirseardhjen dhe kënaqësinë që shpreni...