Zërat e çjerrë

[riza2008]

Përshëndetje Mondi dhe Ereza për leximin dhe komentimin e postimeve të mia...Respekte miq të nderuar.....

Rrebeluar........

U rrebelova...,s'edi shkakun,
Vetëm shkruaj egërsisht.
Flak' e trurit,dogji barkun
Dhe më thau si shelgjisht.

Tani qesh e zemërohem,
Si një foshnjë që s'kupton gjë.
S'e kuptoj pse rrebelohem
Edhe bredh si kal pa frë.

S'di ç'kërkoj nga vetia ime,
E kam shtrydhur si limon.
Dhe ato dy-tre thërrime,
Ja lë zogut në ballkon.

Rrebeluar më shkon dita,
Nata ëndrra riprodhon,
Fatin vetes,kurr s'ja dita,
Ndaj tani më tradhëton.....

[riza2008]

Ç'kërkon...?!

Çfar kërkon nga mua zëmërmira
Dhe pse më burgos me një shikim.
Më hedh në tallaze dhe rrëpira
Dhe pse është dimër, sjell blerim.

Mos po kërkon buzët,zemrën, sytë
Po të fal çdogjë nga trupi im.
Them me ty që shpejt i zgjidh magjitë
Edhe gjarpëroj si vetëtimë.

Ndoshta më di Zot-do gjithësinë,
Edhe pse nuk jam, do bëhem Zot.
Un' për ty, do çmënd perëndinë
Edhe do të jap çfar kërkon sot.....

[riza2008]

******************

Redaktore të shpirtit,
Kam gruan time.
Ajo më redakton ç'do regëtim,
Psherëtimat,
m'i kthen në vargëzim.....

[riza2008]

Sa keq.........?!


Sa keq vërtet,sa keq....,
Mes uqërsh i rrethuar.
Çfar heq poet,çfar heq,
Shpirtin ta kan' kafshuar.

Sa keq vërtet,sa keq,
Ti vdes nga varfëria.
Me vargun tënd vadit,
Të mbijë mënçuria.

Sa keq vërtet,sa keq,
Jo,s'ngopet lukunia.
Çfar pret poet,çfar pret,
Pllakosi babëzia....

[riza2008]

Nuk jam plakur para kohe.......


Nuk jam plakur para kohe,
Janë vitet që më plakën.
Si dy sy pas një bregore,
Që nuk e shikojnë flakën.

Tymi duket nëpër qiell,
Si vet' mëndia ime tym.
Iku koha plot me diell,
Tani reja po më shtyn.

Un' jam shërbesë e Zotit,
Edhe mirë i kam shërbyer.
Po kjo erë e fortë e motit,
Si një degë shpirtin ka thyer.

Un' nuk jam ai i pari,
Edhe s'ka se si të jem.
Jeta mëndjen mirë m'a tarri.
Dhe më tha: Mos vdis si qen...

[Xhenet.M.S.]

Ju falenderit Poet,qe shpirtin me yshqeni!

[riza2008]

Më kini dëgjuar.......


Më kini dëgjuar,kur flas për dashurinë,
Si skuqem e ndruhem, si një zoçkë fshati,
Si e gëlltis heshtjen,si e djeg mërzinë,
Si e heq inatin,që me zor më kapi.

Më kini dëgjuar,kur këndoj për dashurinë,
Si më hidhet zemra mbi tinguj kitare,
Si më ndrisin sytë,kur përtyp çudinë,
Si i hap kanatet që prehen në varre.

Më kini parë,apo s'u vjen mirë,
Kur vrapoj në rrugë me lule në duar,
Aromë dashurie, gjith' natën kam pirë,
Edhe sa mbyll sytë prap i ëndërruar....

Po s'u ka rën' rasti,kini humbur shumë,
Brënda shpirtit tim,vlon veç dashuria,
Ajo kalon malet dhe përrenjtë si lumë
Edhe varrin ka, tek ndjenjat e mia......

Sueda ju respektoj për leximin dhe komentimin e poezive të mija.Jeni e respektuar nga ana ime...Ju përshëndes me këtë postim të çastit...

[riza2008]

Kam dashur......


Gjithnjë kam dashur të mos jem askushi,
Në shpirtin tënd,askushi jo e jo.
Kjo bot' që me zbrazdësi më mbushi,
Si zog pa krah më tha jeto,jeto.....

Edhe i tillë,urrejtjen s'e kam njohur,
Si një zgalem mbi re kam eksploruar.
Askushi shpirtin,kurrë nuk m'a ka ngrohur
Dhe si një gjeth pranverën kam kërkuar.

Në rrug pa shtigje,shtigjet i kam çelur,
Të hapur i kam lënë për njerzit shtegëtar,
Kush dëshiron askushin,askush ka për të ngelur
Ky zëri im rrebel, s'e do as për në varr.

[Foleja_]

Kur ti largohesh......

Sa herë që Ti, ikën prej meje,
Unë e humbas si askush tjetër.
Si ylli fshihesh prapa reje
Dhe nga njeri më kthen kuçedër.

Nga ajo rrugë që ti ke hapur,
Tek ai shteg të dal në prit.
Ma thuaj që nuk më ke dashur
Dhe ta var veten si bandit.

"Poet"- më thonë dhe pak i "marrë",
Unë të them ty- jam natyrisht.
Kur ti largohesh pa më parë,
Nuk besoj më në Zot dhe Krisht.

Kur per dashurine ,lumturine, dhembjen e pikellimin gjen mijera fjale e shprehje qe te bejne per vete cdo here ,ske si quhesh ndryshe pos Poet me shpirt . Fillova mbreme vone te lexoj poezite tuaja dhe vazhdova edhe sot ,te falenderoj per udhetimin shpirteror qe me fale duke lexuar keto poezi.

[riza2008]

Kur per dashurine ,lumturine, dhembjen e pikellimin gjen mijera fjale e shprehje qe te bejne per vete cdo here ,ske si quhesh ndryshe pos Poet me shpirt . Fillova mbreme vone te lexoj poezite tuaja dhe vazhdova edhe sot ,te falenderoj per udhetimin shpirteror qe me fale duke lexuar keto poezi.

Eh Foleja! Jemi udhëtarë me të njëjtin shpirt,panvarsisht se kujt i krijohet mundësia për ta shprehur këtë gjë.Un' e shpreh ti e ndjen,pra jemi të barabartë,e njëjta ndjenjë lëviz në poezinë time.Faleminderit për leximin dhe komentimin tepër të këndshëm.Ju uroj shëndet dhe mbarësi...Respekte