riza2008,me pelqeka menyra se si shkruan,te lumte pra!Postuar më parë nga Luli X
S`e kane thene kot : Poeti eshte i lindur i tille.
Se s`ka kohe te behet, do thoja une.[/QUOTE]
Respekte Luli X.Mirse e gjete adresën time.Ju falenderoj që më lexoni dhe ndjej kënaqësi që ju pëlqen poezia...kalofshim mirë...
Ku ti gjëj.....
Po ku ti gjëj, gërmat e kësaj moshe?!
Që ti skalit mbi gur të varrit.
Ti gdhënd si guri i një qoshe
Të ndrijnë si djersa përbri ballit.
Vallë ku ti gjëj? E ku t'i gjëj'?!
Të gjitha ëndrrat që më kanë zgjuar,
Të ngrej për to një lapidar
E t'i ledhatoj me duar...
Dhe ja i gjeta,e ja si gjeta,
Unë në mëndje i kam skalitur,
Për këto gërma gjumë nuk fjeta
Dhe me to bashkë vdekjen kam pritur..
Ndryshuar për herë të fundit nga riza2008 : 12-10-2010 më 14:05
Më mirë......
Më mirë të vdes,ndoshta gëzohesh,
Nga heshtja jote i vdekur jam.
S'jam anormal që të përçmohesh,
Një mal me mall në zemër kam.
Ti rrugën tënde e ke gjetur,
Un' në udhkryq gjëndem akoma.
Po çfar ti bëj këti shpirti të etur,
Që veç për ty bije në koma...?!
S'di se çfar kërkoj......?!
Un' i harruari i zemrës tënde,
S'di çfar kërkoj, nuk di çfar pres.
Një jetë të tërë me sy më çmënde
Dhe asnjëherë s'më nxorre pjesë.
Un' i zhurituri i buzës tënde,
Veç ëndrra shoh e ëndrra sjell.
M'i sjell kujtimet në ato vënde,
Si fara e drithit që t'i rimbjell.
Un' fatkeqi i pandrequr,
Asgjë s'kërkoj se ç'më takon,
Një puthje tënde si të çqepur,
E var në shpirt si medaljon.....
Sot e dua Shqipërinë...
Sot e dua Shqipërinë,
Si thëllëza kuluvinë.
Cep më cep e skut më skutë,
Jetën ngjall e freskoj trutë.
Sot e dua Shqipërinë,
Si evlati që pi gjinë.
Se ç'kërkojnë ca harbut,
Ca rrebelë e turinj ***...
Sot e dua Shqipërinë,
Për një cërmëdel në brinjë,
Kur vjen puna për flamur,
Gjakun jap e skuq çdo gur....
Lirika dhe epika, bote e trazuar e poetit, qe aq embel dashuron ne varg dhe aq rebelueshem e shigjeton ate aty ku duhet. Keshtu i dashur Riza vazhdofsh, sa fluturimin, aq dhe trokun kalorsiak te poezise . Urime.
-Pasja e shpirtit është privilegj për trupin. (E SH)
Mondi ju përshëndes dhe ju falenderoj që lexoni krijimet më tepër se modeste të mija.U jam mirnjohës për kohën që harxhoni.Në vazhdim të avazit tim un' po shkruaj një krijim të çastit të titulluar:
Kur ty s'të kam.....
Harrova vitin kur kam lindur,
Për datën s'kam asnjë kujtesë.
Ndaj jam i ashpër i pa bindur
Dhe nga kjo jetë nuk dua pjesë.
Po pse më duhet dita,viti?
Për relike s'kam nevojë!
Kjo jetë aspak s'më guduliti,
Veç më përdori si pisqollë.
Ç'do gjë tani e kam harruar
Dhe kam harruar pse jetoj.
Kur ty s'të kam në kraharuar,
As dit,as vit s'kam pse kujtoj....
Më mungon...
Më mungon çdogjë në këtë jetë
Dhe kjo gjë aspak s'quhet çudi.
Më mungon ti fjala e vërtetë,
Më mungon ti zë e ti njeri.
Më mungon e më mungon memorja,
Që ma vodhët ju në errësirë.
Nuk ka faj, që më përbuz dashnorja
Që më shan e më thot i pirë.
Më mungon dëshira për vizione,
Fantazia është varrosur krejtë.
Ç'është kjo jetë kaq monotonone
Të përmjerr e të flak si fletë...
Ndryshuar për herë të fundit nga riza2008 : 14-10-2010 më 16:22
S'ke provuar....
Ti s'ke provuar mall poeti,
Ndaj dhimbjes i thua gëzim.
Thua: Eshte i cekët deti
Dhe nuk ka dallgë e valëzim.
Ti s'paske fjetur nëpër zemra,
Ndaj thellësi s'paske në shpirt.
Pse vjen natën nëpër ëndrra
Shëtit mbi trupin tim meit.
Ti s'ke provuar mall poeti
Dhe po të them: Mos provofsh kurrë.
Çdo gërmë që shkruan, në gjak e gjeti
Dhe ja pi ti si një shushunjë..
Ndryshuar për herë të fundit nga riza2008 : 15-10-2010 më 02:50
Ske pse merakosesh.....?!
Ti ma thithe ajrin pa kuptuar
Dhe më ktheve mua azmatik.
Jap e marr me supe e me duar,
Se mos vdes e mos të sjell ty frik.
Dhe po vdiqa s'ke pse merakosesh,
Kjo është jeta,ç'do kush ka një fund.
Veç në shpirtin tënd të më varrosësh
Si një trim e dashnor, në mund....
Regullat e Postimit
Përgjigju Duke Cituar
Krijoni Kontakt