Zërat e çjerrë

[riza2008]

Vapë dhe vetëm vapë......

Vapa është shtrirë tej për tej qytetit,
Çdogjë është tharë,shteroi dhe ky lumë.
Hapat mu shkurtuan si të gjith miletit,
Buza zuri kore, u tha kjo pështymë.

Rrugëve si i shkretë,si vet' shkretëtira.,
Djersët nuk pushojnë,lagur si në shi.
Ngado erë e keqe,vetëm ndyrësira,
Nuk më vihet brënda ,sikur s'kam shtëpi.

Sikur më kanë flakur, si mall i skaduar,
Si një rrobë e vjetër, fare demode.
Shpirti është i lodhur,krejt i sakatuar,
Si një i pakëmbë qëndroj përmbi dhe.

Vapë dhe vetëm vapë,flakë janë ndezur gurët.
Flaka ka arritur der' në qeveri.
Nuk besoj ta ndalin këta të paudhët,
Flakët do ti nxjerrin lartë përmbi çati.....

[riza2008]

S'kam faj.........


S'rroj dot' pa ty moj mikja gotë,
Kur kam trishtim shkoj në kllapi.
Të vë në buzë një tjetër botë ,
Të kthej një gllëqkë tjetër njeri.

Të pi me kut se s'ke derman,
Ti ta bën mëndjen lesh e li.
Ndodh që të pi dhe me filxhan,
Pastaj jetoj në mbretëri.

Ti je ilaçi botës plakur
Dhe për moment s'pyet askënd.
Kur të pi ty rend duke llapur
Çdogjë vërdall s'e lë në vënd.

Ti ta merr mëndjen e ta kthen prapë,
Këtë ta quaj mirësi.
Dhe kurrë s'të piva në të thatë,
Nuk më the: Ndal!...Ti je lubi.....

I lumtur...., kush s'e ka provuar,
Deri në masën çakërrqef.
Të merr peng si pakuptuar
Hallin ta shton e kurr' s'ta ndreq'.

S'rroj dot' pa ty moj mikja gotë
Dhe pse e quaj çmënduri.
Nuk kam faj un' faj ka kjo botë
Që se kuptojë fjalën ...NJERI........

[Xhenet.M.S.]

Si gjithe here i lexoj e rilexoj poezit tua dhe udhetoj me boten tende.

Se rroj dot pa ty mikja ime
por nje dite dhe ty do te braktis
i kfjellur i pire jeta ka intrige
shpresoj digund tjeter
qetsin dot takoj.

[Agim Doçi]

riza2008. Po deshe ma prano kete krijim te hershem. Ti i dashtun Riza je nje mjeshtervjerrsherimi ndaj une gjej pak kohe dhe futem tek dritarja jote,
Respekte

Unë milingonë kam qefë të isha
Sa forcë të madhe ajo ka!
Se mban mbi supe të atilla pesha
Shtatë herë nga vehtja më të mëdha

Do kisha qejfë të isha buall
Të çel ugaret ku mbillet drithë
Të hiqja pas qerret me grurë
Të kishte BUKË…BUKË për të gjithë !

S’do ishte keq të isha zog
Dhe krahë të kisha për fluturim
Por jo ama të isha korb,
që kërrmat ha në pikëllim…

dhe peshk me hala do të pranoja
në det të kripur…o në liqen
por midis shokëve kurr s’do doja
të isha unë një peshkaqen!

Ndaj jam më i lumturi shqiptarë
Madje dhe shkruaj poezi.
Se mbaj mbi supe të thjeshtën fjalë
Të madhërishmen fjal’ NJERI.

[riza2008]

Si gjithe here i lexoj e rilexoj poezit tua dhe udhetoj me boten tende.

Se rroj dot pa ty mikja ime
por nje dite dhe ty do te braktis
i kfjellur i pire jeta ka intrige
shpresoj digund tjeter
qetsin dot takoj.

Respekte Sueda dhe më vjen mirë që po rritesh me shpirt poetik...Urime....

[riza2008]

riza2008. Po deshe ma prano kete krijim te hershem. Ti i dashtun Riza je nje mjeshtervjerrsherimi ndaj une gjej pak kohe dhe futem tek dritarja jote,
Respekte

Unë milingonë kam qefë të isha
Sa forcë të madhe ajo ka!
Se mban mbi supe të atilla pesha
Shtatë herë nga vehtja më të mëdha

Do kisha qejfë të isha buall
Të çel ugaret ku mbillet drithë
Të hiqja pas qerret me grurë
Të kishte BUKË…BUKË për të gjithë !

S’do ishte keq të isha zog
Dhe krahë të kisha për fluturim
Por jo ama të isha korb,
që kërrmat ha në pikëllim…

dhe peshk me hala do të pranoja
në det të kripur…o në liqen
por midis shokëve kurr s’do doja
të isha unë një peshkaqen!

Ndaj jam më i lumturi shqiptarë
Madje dhe shkruaj poezi.
Se mbaj mbi supe të thjeshtën fjalë
Të madhërishmen fjal’ NJERI.

Po i nderuari Doçi këtë poezi e kam lexuar tek libri juaj :"Rrëzuar mbi vetminë" dhe më ka pëlqyer tej mase.Respekte që e risolle është poezi e madhe.....

[riza2008]

Lermë.....


Koka më dhëmb,
Zemra më rreh.
Dua që jetën ta jetoj.
Ti që më do e më njeh,
Si zemra më dhimbsesh njësoj.


Në heshtje flas.
Në heshtje flasin.
Vallë ç'mund të bëj?!
Më thonë:Ngjasim.
Në cep të syrit djajtë gajasin.

Po ku të zhytem?
Në ç'ujra vallë?!
Të rri në breg?
Të rri mbi valë!
Më mirë tek trupi yt si ngjalë...

Lermë të dehem,
lermë të flas.
Në prush të digjem, të përcëllohem.
Me cep të syrit të të ndjek pas,
Heshtjen tënde, të pi,..... Freskohem.....

[riza2008]

****************

Askush s'e merr vesh,ç'ndodh në këtë jetë,
Çdogjë e trzauar si një çorbë e thartë.
E gëlltit me qejf,pa patur recetë
Dhe më tej s'dallon kur është ditë dhe natë.

Rrëmbimthi të tërë,s'dinë se ç'të kërkojnë,
Shtypet shpirt e zemër si një milingonë,
Njëra të thot Zot,tjetri i thot Zonjë
Dhe me zell të madh prap të poshtërojnë.

Askush s'e kupton djallin se ku fshihet,
Pak shejtan në bark paskan' pat' të tërë.
Tjetri s'e dallon kur marrosen qiejt
Dhe ngre sy e supe si i një djall i shtënë..

[riza2008]

Kudo që shkoj.......


Kudo që shkoj në shpirt të ruaj,
Si gjë e rrallë në këtë botë,
Kur shikoj tjetër,nga ty veç ndruaj,
Jo se s'kam qejf e i pazotë.

Kur vjen pranvera çelin lulet,
Aromën tënde e thith unë,
Ta dish fort mirë si shtizë më ngulet,
Një manushaqe të kem më shumë.

Përse të rroj pa shpresë dhe fat,
Kur ty të kam e qortoj zotin,
Buzqeshia jote shpirtin ma kap,
Buzqeshja tjetër më ndjell lotin....

[riza2008]

S'kam merake.......

Nuk ndjehem më si i vetmuar,
As ai që qaja veten.
Si zogj në qiell fluturuam
Yje ishim,yje mbetëm.

Tani çdogjë e kam provuar
Nuk kam merake përsëgjalli
Ta fus një thik në kraharuar
Për vdekjen malli të më marri.