Permbytjet ne Shkoder, nisi verifikimi i demeve

[Cim Tironsi]

Nga permbytjet ne fshatin Bushat.

[Edvin83]

Niveli i ujit rritet ora-orës, duke kërcënuar kryeqendrën e veriut

Katastrofë në Nënshkodër dhe panik në qytetin e Shkodrës. Kjo është situata më e fundit e shkaktuar nga hapja e detyruar e portave të hidrocentraleve mbi Drin, që kanë shkaktuar përmbytje masive. Gjatë ditës së djeshme, niveli i ujit në zonën e Nënshkodrës është rritur frikshëm, duke bërë që tashmë e gjithë zona e Nënshkodrës të ngjasojë me një liqen të madh. Konkretisht janë mbi 9 mijë ha tokë të përmbytura, mbi tremijë persona të evakuuar dhe mbi dymijë shtëpi të përmbytura.
Izolohet qyteti

Uji ka pushtuar tashmë edhe një pjesë të rrugës nacionale Tiranë-Shkodër, duke e bërë të pamundur qarkullimin nëpër të të veturave e furgonëve. Vetëm kamionët kanë mundur të përshkojnë dje rrugën kryesore që lidh qendrën më të madhe të veriut me pjesën tjetër të vendit, duke paralizuar kështu edhe punën në pikat kufitare të Hanit të Hotit dhe Muriqanit. Kalimi i mjeteve të vogla është orientuar tashmë nga rruga e Vaut të Dejës, që është e amortizuar, por në terren të sigurt sa u përket përmbytjeve.
Zgjerohet “liqeni”

Gjatë ditës së djeshme, përmbytjet kanë përfshirë edhe lagjet periferike të qytetit, si Bahçallek, Ajasëm, Qafë dhe Udhakryq, ku banorët janë detyruar të lënë shtëpitë, pasi përmbytja rrezikonte jetët e njerëzve.
Forcat e zhytjes së RENEA-s dhe FNSH-së së Shkodrës, në bashkëpunim edhe me forcat e ushtrisë, kanë bërë të mundur evakuimin e pjesës më të madhe të banorëve që gjendeshin në këto banesa. Ndërkohë, personeli mjekësor bën thirrje që uji i pijshëm në zonat e përmbytura të mos përdoret, pasi është i rrezikshëm.
Panik në qytet

Situata në të vërtetë ka krijuar një panik tepër të madh te qytetarët e Shkodrës. Makinat e shumta të ushtrisë dhe policisë që lëviznin me shpejtësi, ushtarët dhe policët në terren, helikopterët që patrullojnë në lartësi të ulët krijojnë ndjesinë e të qenët në hall të madh. Nisur nga kjo gjendje, ku niveli i ujit u rrit aq shumë sa bllokoi rrugën nacionale Shkodër-Tiranë në vendin e quajtur harku i Berdicës, është ndërprerë mësimi në të gjitha shkollat e qytetit, duke nisur nxënësit në shtëpi deri në një njoftim të dytë.

Paniku në qytet është rritur edhe më shumë pas këtij vendimi. Shumë qytetarë janë sulur drejt supermarketeve dhe dyqaneve ushqimore, duke blerë miell, vaj, sheqer e ujë të pijshëm. Në rrugë e në lokale, njerëzit bisedojnë vetëm për përmbytjen, duke diskutuar edhe skenarët më të pabesueshëm, me shembje digash e vërshim të menjëhershëm të ujit në formën e një cunami.
Shtabi i emergjencës

Shtabi i emergjencës ka hapur edhe një llogari bankare, ku qytetarë të ndryshëm mund të kontribuojnë për banorët e zonave të përmbytura në Shkodër. Strukturat e ushtrisë dhe të policisë janë të përqendruar kryesisht në komunat Dajç, Ana e Malit, Bërdicë, Guri Zi, Velipojë dhe lagjet e rrezikuara të Bashkisë Shkodër, ku po bëjnë evakuimin e komunitetit të rrezikuar.
Janë marrë masa duke siguruar 27 tonë ushqime dhe 10 tonë ujë të ambalazhuar për të përballuar çdo situatë të padëshiruar.

Ndërkohë, Bashkia Shkodër ka vënë në dispozicion të qytetarëve numrat telefonikë: 242393 dhe 243783, ndërsa Qarku Shkodër dy numra të tjerë 248409 dhe 242373. Pranë këtyre numrave ka shërbim 24 orësh për të marrë telefonata nga qytetarët në lidhje me problemet që mund të kenë në një situatë të tillë.
Rruga

Uji ka pushtuar tashmë edhe një pjesë të rrugës nacionale Tiranë-Shkodër, duke e bërë të pamundur qarkullimin nëpër të të veturave e furgonëve.

Gazeta Shqip/ 08.01.2010

[SENSUALI_TR]

Braçe: Ministri i Energjetikës e dinte situatën e vështirë
Opozita shqiptare ka akuzuar qeverinë se ka vënë në rrezik jetën e qytetarëve, duke mos menaxhuar siç duhet situatën e ujërave të liqeneve mbi Drin. Deputeti socialist, Erion Braçe, ka shkuar edhe më tej në akuzat e tij, duke deklaruar se qeveria ka bërë “biznes me ujin e liqeneve”.

Deputeti Braçe u ka bërë apel banorëve të zonave të përmbyten të largohen nga zonat e banuara, pasi sipas tij, “katastrofa që po konsumohet në dëme të mëdha materiale-pronësore e që rrezikon të thellohet në dëme njerëzore, materiale-pronësore, ekonomike gjithashtu, nuk është produkt i kushteve atmosferike”. Ka qenë një akuzë komplekse ajo e opozitës në lidhje me situatën e krijuar në fshatrat e Nën-Shkodrës, pasi sipas socialistëve nuk ka asnjë të dhënë që të jep të kuptosh se situata e motit ka qenë e jashtëzakonshme dhe e ka provokuar këtë gjendje të rëndë.

Deputeti i PS-së, Erion Braçe, deklaroi dje se “të gjitha të dhënat që ne disponojmë, që janë zyrtare e publike, dëshmojnë për një vjeshtë e dimër të sapo nisur në kushte normale, me reshje të trendit të zakonshëm, aspak të jashtëzakonshme në kufij, që të mund ta justifikojë këtë gjëmë”. Parlamentari i PS-së ka deklaruar më tej se “numrat rrëzojnë alibinë me “ngrohje globale” të Kryeministrit Sali Topalli, po aq sa kori popullor “na myti shteti” adreson përgjegjësinë penale te qeveria”. Më tej Braçe e ka krahasuar argumentimin e qeverisë mbi përmbytjet me atë të katastrofës së Gërdecit që ndodhi më 15 mars të vitit 2008, ku humbën jetën 26 veta. “Alibia e ‘aksidentit teknologjik’ në Gërdec, e përsëritur në formën e ‘katastrofës natyrore’ në Shkodër, nuk shpëton më dot askënd”, tha deputeti i PS-së.

Argumentet
Sipas socialistëve, qeveria ka bërë biznes me ujin e hidrocentraleve për shkak të mungesës së parave në buxhetin e shtetit. Gjithashtu deputeti Braçe, në argumentet e tij për arritjen në këtë situatë, theksoi se “prodhimi dhe eksporti i fortë i energjisë elektrike është parë si mundësia reale që qeveria të rregullojë llogaritë e saj”. Por akuzat e socialistëve nuk mjaftojnë me kaq, pasi sipas deputetit të së majtës, pikërisht për të mbledhur para nga qeveria “është stimuluar fort mbledhja e ujit në liqenet e hidrocentraleve të kaskadës së Drinit, veçmas në Fierzë. Hidrocentrali atje, në nëntor e dhjetor nuk ka punuar thuajse fare në të gjithë agregatet e tij”.

Opozita shqiptare ka deklaruar se mbledhja e ujit në kaskadë ka detyruar një regjim të fortë importi për OSSH-CEZ, import që vijon edhe tani. Por, në mënyrën më të habitshme e gjitha kjo ka ndodhur kur të paktën Ministria e Ekonomisë ishte në dijeni të gjendjes së vështirë në liqenet e kaskadës së Drinit. 20-30 ditë më herët, në datë 8 nëntor, ministri i Ekonomisë kishte ngritur një komitet të posaçëm për të menaxhuar situatën hidroenergjetike në vend. Dëshmi e fortë se menaxhimi i tillë me regjim importi dhe mbledhje uji në liqene ka qenë i qëllimtë. Sipas Braçes, menaxhimi i ujit në liqenet e kaskadës së Drinit për qëllime biznesi, duke shkelur çdo ligj, çdo rregullore të administrimit të tyre në fuqi, çdo rregull bazë të sigurisë kombëtare, bëri që në Fierzë qeveria ta çonte nivelin e ujit në liqenin e hidrocentralit në mbi 195 metra, 5 metra mbi nivelin e sigurisë e disa metra të tjera mbi nivelin e lejuar të periudhës. /Gazeta Shqip/

[SENSUALI_TR]

Ministri i Energjitikes, Dritan Prifti ka bere nje bilanc te zymte te situates ne qarkun e Shkodres. Duke folur ne emisionin “Top Story” ne Top Channel, Prifti ka saktesuar se siperfaqja e mbytur nga uji eshte rreth 10 mije hektare toke.
“Situata per zonen qe eshte permbytur eshte e veshtire. Eshte bere evakuimi i rreth 400 familjeve, jane mbi 2 mije te evakuar dhe permbytja eshte shtrire ne nje zone rreth 10 mije hektare. Demi eshte i madh, sidomos per ata qe e vuajne, por po aq e madhe eshte angazhimi i strukturave te pushtetit qendror dhe lokal per t’i mbeshtetur keta njerez”, ka pohuar Prifti.

Ish-kreu i KESH ka theksuar se situata e krijuar, me permbytje masive, ka qene e parashikuar me pare per shkak te prurjeve te medha te reshjeve qe kishin perfshire vendin.

“Ne e prisnim kete gje qe te ndodhte. Ne date 26 dhjetor, kur nuk kishte asnje centimeter permbytje ne Shkoder, une kam njoftuar publikun se situata e prurjeve parashikohej qe do te ishte shume e ngarkuar ne 4 diteshin qe do te vinte. Une ate dite kam njoftuar kryeministrin dhe 4 ministra se mund te kete dalje te lumenjve nga shtrati. Ne date 27, ajo qe pritej ndodhi”, ka saktesuar Prifti.

Por ai ka nenvizuar se reshjet e bores dhe shiut ne veri te vendit kane qene tej parashikimeve dhe si pasoje permbytjet jane shtrire ne nje zone shume me te gjere dhe niveli i ujit ne Fierze shkoi mbi 290 metra.

“Reshjet ishin jo vetem ne nje pjese rreth Vaut te Dejes dhe Komanit, por ne nje zone ujembledhese qe eshte mbi 5800 kilometra katrore. Reshjet do te ishin ne te gjithe pellgun dhe ne prisnim qe te rriteshin prurjet e liqeneve dhe lumenjve. Per 3-4 dite niveli i ujit ne Fierze shkoi ne 293 metra. Ishte nje rritje goxha e shpejte per nje periudhe shume te shkurter”, ka shtuar Prifti. /Top Channel/

[SENSUALI_TR]

"Nëse hapen tunelet në momentin që do të vijnë prurjet maksimale dhe ka problem atëherë ndodh niveli i katastrofës maksimale, prishet diga në Fierzë, Komani, Vau i Dejës dhe përfshihet me Lezhë e Shkodër".

Kështu është shprehur në një intervistë për VOA inxhinieri Dhimitër Cico. Sipas tij banoret duhet të largohen menjëherë sepse situata do detyrojë që autoritetet të bëjnë një shkarkim "detyrues". Se cilat janë rreziqet që kanosen dhe çështjet teknike që duhet të kihen parasysh në këtë situatë inxhinieri i shpreh në intervistën e mëposhtme.
Inxhinier Dhimitri, me përvojën e madhe në punën tuaj si inxhinier i hidrocentraleve mund të na thoni se si e vlerësoni situatën e fundit hidrike në Veri të vendit që lidhet me hidrocentralet dhe përmbytjet në këtë zonë?
Situata është shumë kritike. Rregullatori i të gjithë këtyre baseneve është hidrocentrali i Fierzës. Në momentin që po flasim kuota aty është 293 e pak më shumë ndërkohë që duhet të jetë 290 metra sipas rregullores së shfrytëzimit apo pritjen e prurjeve që mund të vinë nga shkrirja e borës dhe nga reshjet që presim këto ditë. Ky është një moment shumë kritik dhe në këtë rast dua t'i bëj edhe një herë thirrje të gjithë popullatës që: përmbytjet aktuale në zonat fushore që ndodhen nën hidrocentralin e Vaut të Dejës janë kalimtare por rreziku i vërtetë i kësaj është ardhja e plotave e cila duhet të përballohet fillimisht nga Fierza, pastaj nga Komani dhe më pas nga Vau i Dejës. Nëse vjen një masë rreth 3000-3500 m3 ujë në sekondë, Fierza duhet të shkarkojë menjëherë. Duhet të hapë të gjitha portat me radhë Komani dhe pastaj Vau i Dejës. Me pak fjalë do të vijë një prurje rreth 2000 apo më shumë m3 ujë në sekondë. Ky është rreziku më i madh për banorët që jetojnë atje sot.
Përveç dëmeve materiale deri tani nuk ka pasur humbje njerëzore, në rast se këto porta do të hapen rrezikon kjo situatë që të kemi dhe humbje njerëzore nga goditja e papritur e vrulleve të ujit?
Është e padiskutueshme që do të ketë edhe goditje në njerëz. Vetëm me shkarkimet rreth 1000 m3/s apo 2000 m3/s që do të shkarkojë Vau i Dejës përfundimisht. Rreziku më i madh i kësaj është për pajisjet sepse hidrocentralet përbehen nga diga, tunele dhe ca kulla që kanë porta. Digat dhe tunelet e kanë dhënë sigurinë e tyre sepse diga ka kohë që punon dhe mban nivele maksimale nivele të ndryshme të ujit. I gjithë shqetësimi është funksionimi i këtyre portave të cilat duheshin mirëmbajtur në vite. Sipas meje këto porta nuk janë mirëmbajtur. 60-70 metra është tuneli numër 3 i shkarkimit i cili duhet të jetë në gatishmëri nëse vijnë këto të plota. Kjo më shqetëson sepse është e pa garantuar që të ndodhë pastaj katastrofa. Nëse hapen tunelet në momentin që do të vijnë këto prurje dhe ka problem atëherë ndodh niveli i katastrofës maksimale, prishet diga në Fierzë, Komani, Vau i Dejës dhe përfshihet me Lezhë e Shkodër.
Po flasim për hidrocentrale që janë 30 apo 50 vjeçare. A ka pasur një protokoll të mirëmbajtjes së tyre në vite, a janë mirëmbajtur këto në vite, cili është shëndeti i këtyre hidrocentraleve nga i cili varet edhe shëndeti i banorëve të këtyre zonave?
Këtu ka kaluar 20 vjet dhe nuk ka një informacion kurse sot flitet për rritje nivelesh, shfrytëzim të ujit, prodhim i (x)kilovat, për shitje dhe ndërkohë nuk jepet një sqarim teknik. Duhet të këtë inxhinierë që merren me këtë punë dhe të thonë që tuneli numër 3 është funksional, është kontrolluar dhe kur, tuneli numër 4 është kontrolluar dhe kur. Të thuhet si është gjendja e portave. Funksionojnë në këtë moment apo jo sepse këtu është dyshimi më i madh për të gjitha hidrocentralet me rrahë.
Inxhinier Dhimitri, në projektimin e hidrocentraleve a ka pasur një skenar të rrezikut maksimal se sa është numri i banorëve poshtë digave dhe cili mund të jetë rreziku maksimal që u kanoset atyre?
Mbas ardhjes së demokracisë sigurisht që njerëzit ku gjetën vend të lirë ndërtonin pa pyetur dhe pa një skemë të organizuar. Shumë nga këta banorë kanë hyrë ndoshta në zona që janë të palejueshme për ndërtim, pikërisht në zonën që bën derdhjen Drini. Aty ka edhe argjinatura, duhet të ketë thellime të shtratit për të marrë këto prurje që vijnë në maksimum rrjedhje nga hidrocentrali i Vaut të Dejës.
Domethënë projektet nuk kanë parashikuar këto ndërtime të parregullta që janë bërë tani?
Absolutisht jo. Ai ka parashikuar argjinatura, thellime shtrati për të përballuar këtë prurje.
Po prurjet shumëvjeçare të Drinit. Ç'mund të themi për ujërat që vijnë nga burimi i Drinit, a janë ato një shkak apo janë vetëm reshjet lokale që po bien në Veri të Shqipërisë?
Po nëse ato shkarkohen këtu sigurisht që do të kemi prurje më të mëdha. Po marrim rastin që vetëm prurja që vjen nga lart, prurjet normale që bie shi apo shkrirje e dëborës janë të konsiderueshme dhe gjendja e këtyre hidrocentraleve duhet të jetë në nivele minimale që të presë këto prurje dhe shkarkimet të jenë graduale. Edhe nëse vijnë këto në kuotën 293 në Fierzë që deklarohet sot. KESH thotë që po shkarkojmë nga 10 apo më shumë centimetra në ditë nuk e kuptoj se si mund të qëndrojë ajo kuotë 293 metra. Prandaj banorët duhet të largohen menjëherë sepse situata do detyrojë që autoritetet të bëjnë një shkarkim "detyrues". Të bëjë shkarkime në mënyrë që hidrocentrali të jetë në gjendje të presë prurjet që do vijë në vazhdimësi 10 apo 15 ditë më vonë.


Situata dje (ora 19:00)

Fierza
Prurjet 800 m3/s
Niveli i liqenit 292.08 metra
Niveli maksimal 296 metra
Derdhjet 400 m3/s
Turbinat në punë 4

Komani
Prurjet 550 m3/s(anësore)
Niveli i liqenit 173.76 metra
Niveli maksimal 175 metra
Derdhjet 900 m3/s
Turbina në punë 4

Vau i Dejës
Prurjet 325 m3/s (anësore)
Niveli i liqenit 75 metra
Niveli maksimal 76 metra
Derdhjet 1300 m3/s
Turbina në punë 5

Ulëz-Shkopet
Prurjet 500 m3/s (anësore)
Niveli i liqenit 128.10 metra
Niveli maksimal 128.10 metra
Derdhjet 400 m3/s
Turbina në punë (4)(2)


Inxhinieri Meksi: Po u prish Fierza, Shkodra zhytet në 5 metra ujë

Alarmi për një katastrofë të mundshme si rezultat i arritjes së nivelit maksimal në Fierzë ka kthyer vëmendjen tek specialistët që kanë iniciuar e projektuar kaskadën e Drinit. Një prej tyre inxhinieri Thoma Meksi në një intervistë për Panoramën shprehet se "situata katastrofike", aq e lakuar këto kohë nuk lidhet me sigurinë e digave por me pasojat që vijnë pas kësaj. Sa është niveli maksimal i Fierzës? Çfarë do të ndodhte nëse dëmtohet diga dhe sa funksionale janë momentalisht portat? Këtyre pyetjeve inxhinieri Meksi i përgjigjet në intervistën e mëposhtme.
Çfarë do të thotë "situatë katastrofike", e cila po përmendet vazhdimisht nga qeveria?
Fjala që përmendet nga qeveria si "katastrofike" nuk ka të bëjë me sigurinë e digave apo hidrocentraleve por me pasojat që vijnë pas kësaj, rreziku që ju kanoset vendeve që janë nën nivel apo afër me to.
Kush është niveli maksimal i lejuar i ujit, me manualin e digave, në liqenin e Fierzës, dhe Komanit?
Niveli maksimal i lejuar në manualin e digave është 290 në Fierzë, por lejohet edhe pak më shumë 291, 292 dhe maksimumi 293 prandaj kanë lejuar deri në këtë pikë e cila nuk është ndonjë gabim i madh prandaj ata po mundohen ta ulin.
A është parashikuar, gjatë ndërtimit të hidrocentraleve dhe digave, një situatë e tillë?
Një situatë e tillë është parashikuar sepse për këtë arsye janë bërë edhe portat. Portat e Fierzës janë në gjendje të shkarkojnë deri në 1500 m3 ujë në sekondë. Ka ndodhur në vitin 1981 që ka shkarkuar 1500 m3 ujë në sekondë. Ndërsa për momentin po bëhen shkarkime shumë larg kësaj shifre dhe është hapur vetëm një portë dhe jo plotësisht. Ekziston një portë tjetër më poshtë e cila shkarkon më shumë por që mund të dëmtojë zonat përreth nga efekti "trampolinë".
Sa porta shkarkuese janë parashikuar në Fierzë dhe Koman, dhe a mendoni se KESH po i përdor të gjitha ato?
Komani dhe Fierza kanë 4 porta, dy ndërtimi dhe dy shkarkimi, të gjitha portat janë efektive. Porta numër 4 që shkarkon më pak dhe numër 3 që shkarkon më shumë. Lidhur me masën e madhe të ujit ka një problem. Nuk është vetëm uji që shkarkon hidrocentrali 500 apo 1000 m3 por edhe uji që del nga puna që bëjnë turbinat dhe këto kohë po punohet me kapacitete të plota. Janë katër turbina. Porsa i përket shkarkimeve është parashikuar që portat e Fierzës të shkarkojnë 1500 m3 në sekondë por ka një problem.
Sa është sasia e ujit që mbajnë liqenet, dhe në rast të shembjes së digave, kush janë zonat më të rrezikuara?
Nuk di të them me saktësi sa është sasia e ujit. Kurse porsa i përket rrezikut mund të them se në kohën kur janë ndërtuar këto diga Fierza dhe Komani, fshatrat përreth janë spostuar dhe janë bërë kanale dhe infrastrukturë për derdhjet. Me ndërtimet informale vend e pa vend, fshatrat tani janë ndërtuar edhe në zona ku ju kanoset rrezik. Nëse prishet diga e Fierzës e cila është digë dheu që po u prish pak prishet e gjitha, sasia e ujit që ka do të bëjë që niveli i ujit në Shkodër të shkojë 5 metra. Është një katastrofë e madhe. Në këtë situatë ka vend për kritika por nuk më takon mua t'i bëj. /Gazeta Panorama/

[goldian]

zot ndihmoji njata njerez se po vdesin

[Nice_Boy]

Ju kisha lut mos të silleni lajme të opozites që sulmon tani qeverin se jan fajtor për kohen e keqe. Mos e flliqeni temen sepse ata i gëzohen kësaj fatkeqësie natyrore për të sulmu Berishen.

Mos e flliqeni temen por mundohuni të jepni ndonjë koment më të mirë dhe ti ndihmoni sado pak me fjal popullin e atij vendi që të largohen sa më shpejt nga vendet e tyre dhe të kërkojn ndihmen nga qeveria sepse nuk jan lojra këto po u prishen bigat atëher do të ndodh një katastrof më e madhe që ka ndodh ndonjëher në Shqiperi.


Edhe njëher lejeni artikujt që i sjell Opozita se nuk ndihmon aspak situaten në atë vend.

[SENSUALI_TR]

Ju kisha lut mos të silleni lajme të opozites që sulmon tani qeverin se jan fajtor për kohen e keqe. Mos e flliqeni temen sepse ata i gëzohen kësaj fatkeqësie natyrore për të sulmu Berishen.

Mos e flliqeni temen por mundohuni të jepni ndonjë koment më të mirë dhe ti ndihmoni sado pak me fjal popullin e atij vendi që të largohen sa më shpejt nga vendet e tyre dhe të kërkojn ndihmen nga qeveria sepse nuk jan lojra këto po u prishen bigat atëher do të ndodh një katastrof më e madhe që ka ndodh ndonjëher në Shqiperi.


Edhe njëher lejeni artikujt që i sjell Opozita se nuk ndihmon aspak situaten në atë vend.

Solla artikuj dhe nga opozita dhe nga mazhoranca ku vete ministri i Energjitikes te emisioni TOP STORY e pranoi qe eshte dhe gabim njerezor dhe ka pergjegjes per keto ngjarje, pastaj ti vete ke hapur tema per meritat ne thonjza te mazhorances o je politik ti bashk me Brarin ne kete forum o seshte asnje tjeter kshu qe mos fol kot pa fakte dhe pa argumentime.

[juanito02]

Vetem debilat e Sali Berishes kujtojne se gezohet njeri me kete situate tejet te keqe humanitare.
Askush nuk gezohet se ska se si te mos i vije keq gjithkujt per ato njerez qe po rrenohen me katandi.
Kaq debile jane keta partizanet e berishes sa edhe indinjaten legjitime te njerezve te cdo lloji per kete situate arrijne ta quajne gezim.

[goldian]

o juanito se ti je i dhene per politike
po ky prifti a mos gabohem ka ken minister ne kohe te nanos
apo jam gabim
cdo me saliun ky