Permbytjet ne Shkoder, nisi verifikimi i demeve

[DYDRINAS]

Është administrata ajo që po përmbyt Shqipërinë!

» Dërguar më: 09/01/2010 - 14:50

Kiço Blushi

Në këto ditë paniku, kur nuk dihet se si do të vejë halli i veriorëve, nëse do të përmbytemi si në një cunam të papërballueshëm apo jo, nëse do të çahen digat apo jo, nëse do të evakuohen njerëzit dhe bagëtitë apo jo, nëse do të ketë dëme të pashmangshme në njerëz apo jo, nëse do të hapen portat e shkarkimit apo jo, nëse do të ketë rreshje të tjera apo jo, nëse do të shpërblehen të dëmtuarit apo jo, nëse do të vijnë specialistë të huaj që të na shpëtojnë apo jo, nëse...nëse...Por askush nuk po e vret mendjen në këto ditë të kijametit të thotë një gjë fare të thjeshtë: kush është fajtori i vërtetë? Është fajtor moti, është “ngrohja globale”, janë shirat dhe dëbora, apo mos është keqadministrimi i vendit, në këtë rast i hidroçentraleve?
Madje edhe opozita, për të mos u “kriminalizuar” del e thotë se hë për hë nuk ka rëndësi se kush është fajtor, por vetëm të “shpëtohen njerëzit”! Ndërkohë jo vetëm Shkodra, po edhe Tropoja u izolua! Tropoja e Berishës u izolua kësaj here nga pjesa tjetër e Shqipërisë jo nga krimet dhe nga përçarjet, por se ura në Fierzë që e lidh atë me Shqipërinë po rrezikohet të shëmbet!...Por edhe Shkodra po izolohet! I tërë veriu ka rënë në një cunam të paparë, të frikshëm e të papashikueshëm! Diku janë bllokuar rrugët, diku janë prishur urat, diku janë shëmbur shtyllat e tensionit të lartë...Vetë fakti që autoritetet e larta të vendit, duke nisur që nga kryeministri e më poshtë po bëjnë orë e çast thirrje për evakuim, për largim, për braktisje sa më të shpejtë të shtëpive e të tokave, pavarësisht nga niveli i shirave, tregon se përmbytjet mbeten një rrezik real e potencial, jo dhe aq nga shirat, po nga “hapja e detyrueshme e portave të digave” të hidroçentraleve!
Përmbytjet pra do të shkaktohen edhe në ditët që do të vijnë nga “shkarkimi i detyrueshëm i ujrave”...”Na vjen keq shumë,- na tha kryeministri, - por ne do të dërgojmë ushqime, do të bëjmë”....do të bëhen madje edhe dëmshpërblime një për një...! Dëmshpërblim po, por përse, për faj të natyrës apo për faj të gabimit njerëzor? Nëse ka faj natyra, nëse nuk është përgjegjëse “ngrohja globale”, pra nëse sivjet kanë rënë më shumë shira se çdo vit (dhe kjo mund të verifikohet kollaj!), atëhere dëmshpërblimi është detyrim i gjithë shoqërisë, por nëse dëmi është shkaktuar nga keqadministrimi, nga një “gabim njerëzor” (si psh në Gërdec), atëhere përse duhet të paguajë shoqëria, pa e “paguar” më së pari ai/ata që e kanë shkaktuar këtë dëm, apo edhe krim të pashëmbullt?
Pikërisht këto ditë Presidenti Obama doli e tha që për kalimin e një terroristi në avion, “përgjegjësia është imja, si president që ka për detyrë sigurinë kombëtare”...A thua se Presidenti duhej të ishte një kontrollor në pikën hyrëse...Kurse tek ne askush nuk merr përgjegjësi, jo vetëm kur hidhet në erë një shtet i tërë, si në vitin 1997, as kur hidhet një krahinë e tërë si në Gërdec, por as edhe kur hapen me urdhër (nga lart) portat e hidroçentraleve dhe përmbyten me mijëra hektarë tokë, mijëra shtëpi e qindra njerëz të pafajshëm!
Por kjo, pra përmbytja nga hapja e portave, në fund të fundit “qënka në të mirë të shqiptarëve!”, kështu doli e na kumtoi solemnisht kryeministri, administratori numur një i vendit! Që po përmbytemi nuk është dhe aq keq, përkundrazi, kjo është në të mirën tonë, se përndryshe mund të na ndodhte ndonjë katastrofë e paparë...!Kjo logjikë po drejton të gjithë administratën dhe propagandën qeveritare! Në fund të fundit “situata po menazhohet me sukses dhe deri tani nuk ka viktima!”...Ky është një sukses tjetër i madh! Por kush ka dhënë urdhër që të mos bëhet shkarkimi i ujrave në kohë e me rregjim dhe pse nuk është zbatuar “bibla” e digave, dmth rregullorja; pra, pse nuk ka funksionuar komiteti për digat, gjë që automatikisht do të shmangte këtë katrahurë?
Askush nuk përgjigjet! E sigurt është që edhe kësaj here “fajtorët do të ikin në drejtim të paditur!” Do të shpërndahen ca ndihma, do të bëhen ca tendera, do të vidhen më vonë edhe ca para, do të shpërndahen ca “projekte”, do të çelen ca fonde nga buxheti, do të “menazhohen ca buxhete shtesë për hidrovore dhe për argjinatura”, do të ndreqen ca rrugë dhe ca ura, dhe...dhe më në fund të gjithë do të mbeten të kënaqur duke marrë nga një kockë! Harresa, ky balsam që e kemi dhuratë që nga koha e dushmanit, do të bëjë atë që ka bërë jetë e mot në këtë shoqëri! Kështu, shkodranët, lezhjanët, matjanët, kuksjanët, njëlloj si gërdecarët do të votojnë përsëri për komandantin, për gjeneralin, për Berishën dhe për Jozefinën!...
Por përmbytjet dhe fatkeqësitë nuk do të zhduken, pasi natyra përsëri do të na japë të tjetra mësim-pësim-ndëshkime të cilat nuk i shmang dot paraprakisht një shtet e aq më pak një shoqëri njerëzore e pavetëdijëshme dhe e papërgjegjshme si kjo e jona!...Duhet ta pranojmë, të paktën në këtë rast, se është një mjerim i vërtetë që ne shqiptarët nuk e paskemi aftësinë të nxjerrim mësime as nga historia e afërt, po as nga ndëshkimet e herë pas hershme që po na jep jo Zoti, po natyra, me të cilën ne jemi sjellë e po sillemi barbarisht! Mesa duket është natyra dhe jo ndërgjegja jonë ajo që po na ndëshkon për votën që dhamë qershorin e vitit të kaluar!
Apo mos kujton kush që të paktën kësaj here do të veprojë Prokuroria e Përgjithshme? Jo, se hetimi detyrimisht do të shkojë sërish në derën e Berishës! Dhe dihet që ky burrë fuqiplotë ka tashmë aq përvojë sa të mos ketë dhënë asnjë urdhër me shkrim, po vetëm me gojë, prandaj me siguri edhe kësaj here, në rast se do ta lypë nevoja të shpëlajë veten, ka për të djegur disa nëpunës të nivelit të mesëm, deri te niveli i drejtorëve, sikundër veproi në rastin e Gërdecit! Edhe këta, sikur të rrasen në burg, nuk do të guxojnë të hapin gojën e të thonë se me shkresa dhe me informacione kanë njoftuar disa herë jo vetëm ministrinë, po edhe kryeministrin!
***
Në këtë zallamahi biblike doli një grua e tha se nuk pranon të ikë nga shtëpia se ajo tashmë “është mësuar me përmbytje të tilla”...Pra, ajo (dhe natyrisht jo vetëm ajo është ambjentuar me fatkeqësitë dhe përmbytjet, të cilat përsëriten vit për vit), shpreson se edhe kjo përmbytje, pavarësisht se është më e rëndë se kurdoherë, do të kalojë...Padashje kjo grua ka shprehur atë që ndjejnë dhe përjetojnë të gjithë qytetarët shqiptarë, kudo që janë: AMBJENTIMIN tonë të kollajshëm me TË KEQEN! Sipas kësaj logjike ne sivjet jemi keq, por në diktaturë ama ishim akoma më keq! Sivjet ne u përmbytëm, por ama nesër do të bëhen diga në Bunë, nesër do të marrim viza, nesër do të dëmshpërblehemi.....nesër ... nesër....do të na vijë Berisha dhe zonja Jozefinë të cilët mund të kenë gabuar, por ama ata janë “demokratë”, sepse nuk shkojnë nëpër kazino e nëpër pabe të Greqisë kur ne përmbytemi, por vijnë dhe na qajnë hallin të veshur madje edhe me çizme!...
Kulmi i kulmeve kur, në këtë atmosferë kataklizmoje, del një korrespondent e raporton në mes të rrugës nacionale, në hyrje të Shkodrës së përmbytur tejembanë që të na bëjë me dije se shkodranët çuditërisht “tërë këtë atmosferë të përmbytjes po e kalojnë me humor!”...Madje, për ilustrim, sa kohë që korrespondenti po na jepte këtë “haber me humor”, u shfaqën të filmuar edhe disa banorë që ndërkohë po hidhnin grepat e peshkimit në Bunë...
Të jetë kjo një tjetër tallje me shkodranët (njëlloj si më 2 Prill) që tregon për të disatën herë se shkodranët me kulturë të lashtë do të mbeten sërish te niveli i barcaletave?!
***
Ndërkohë si një lajm i gëzuar dhe shpresëdhënës erdhi haberi që do të na mbërrijnë disa ekspertë nga Italia, madje edhe një nga Gjermania!...Shyqyr që do të na vijnë ekspertët e huaj që na kanë mësuar deri tash se si “duhet të zihet kosi”! Madje thirrje i qënka bërë për ndihmë edhe NATO-s! Por këta ekspertë, derisa të hapin hartat e të studjojnë projektet, derisa të shohin portat, të masin nivelin e ujërave, derisa të bëjnë parashikimet e motit dhe të prurjeve, pra derisa të na mësojnë se si mund të dalim nga kjo gjëndje katastrofike, me siguri ujërat do të kenë bërë hatanë e do të kenë mbaruar punë me përmbytjet...Pra, thirrja e ekspertëve të huaj, përveçse është pjesë e një propagande tjetër mashtruese, provon një të vërtetë të hidhur që ka dalë këto ditë: mënjanimi dhe përjashtimi në masë nga administrata i ekspertëve dhe specialistëve vendas!
Të gjitha qeveritë në këto njëzet vjet janë sjellë në mënyrë kriminale me administratën dhe sidomos me specialistët! Një punonjës i Kuvendit më tha këto ditë se në Kuvend të Shqipërisë tani flitet vetëm gegnisht, me nëndialektin e Jozefinës! Marrëveshja PD-LSI u bë publike me kusht që kjo parti të merrte 20 % të administratës në nivel vendi! Çdo parti që vjen në pushtet të parën gjë që bën (kjo është arma e tyre e vetme!) ndërron nga themelet administratën, që nga rojet e deri te shoferët! Në të gjitha dikasterët qëndrore dhe Bashkitë kryesore të Shqipërisë mosha mesatare rrezik nuk është më shumë se 25- 30 vjeç...Çupa e djem të rinj që lyejnë flokët me xhel dalin përditë nëpër ekrane si drejtorë të mëdhenj dhe si ekspertë të fjalës së fundit; ata kanë në dorë fatet e administrimit apo keqadministrimit të pasurisë kombëtare e fondeve publike! Të gjithë këta e dijnë një gjë fort mirë: që në atë post janë vënë nga kryetari, dhe jo nga aftësitë, as nga “masterat”...Aq më pak nga përkushtimi ndaj interesave kombëtare...Sa të ndërrojë pushteti, ata e dijnë që do të ikin, ndaj psikologjia e tyre është përkohëshmëria dhe pasiguria, militantizmi i verbër dhe lepepeqëria, ndaj: o burra, rrëmbe ç’të rrëmbesh!
Tashmë u bë mëse e qartë se ekspertët dhe specialistët nuk janë pyetur e nuk pyeten jo vetëm për çështjen e kufijve e të hidroçetraleve, as për çminimin dhe demontimin, as për kulturën dhe trashëgiminë kombëtare (deri aty sa Ministri i Kulturës nuk e di që I.Qemali është varrosur në Vlorë, dhe për më tepër edhe rektori i Vlorës guxon e kërkon heqjen e këtij emri të nderuar nga universiteti)...Niveli i dëshpërueshëm dhe shkatërrimtar i administratës tonë publike duket në gjykatat, në çpyllëzimet, në legalizimet e në kthimin e pronave, në mbrojtjen e lumenjve, në ndërtimet me dhe pa leje, në erozionet e letrat me vlerë, në dëmshpërblimet e të përndjekurve, në ndarjen e pasurisë kombëtare, në urbanizim, kanalizime, hidrovore, etj, pa përmendur nivelin e shkollave, spitaleve dhe ambulancave, që janë në gjëndje mjerane; të gjitha këto tregojnë se ne kemi një administratë publike jo vetëm të paaftë e të papërgjegjshme, por nga keqpërdorimi që i ka bërë dhe po i bën politika, shpesh edhe antikombëtare, pse jo edhe kriminale!...Kriminale jo vetëm që bëhet pjesë e vjedhjes dhe e abuzimeve me tendera dhe me rryshfete, po edhe me mbylljen e syve e të veshëve kur këtij vendi e këtij populli herë pas here i shkaktohen dëme të pallogaritshme, morale, monetare e materiale!
Duket si tepër e rëndë kjo që po them, por të heshtësh e të pajtohesh, dhe aq më keq, të guxosh e të dalësh në publik për të mbrojtur abuzime dhe krime si ai i Gërdecit, si rruga Durrës-Kukës apo edhe si kjo përmbytje e radhës, më e pakta që mund të thuash është: kjo administratë e quajtur “publike” është ajo që ka përmbytur sistematikisht dhe pa ndërprerje fatin e Shqipërisë dhe rrugën e saj drejt demokracisë funksionale! Tek e fundit është kjo administratë e korruptuar e pa pikë dinjiteti profesional, po edhe pa ndërgjegje kombëtare, që ka ngrënë dhe po ha si një lubi fondet e hidrovoreve, të rrugëve, të shkollave e që ka bërë miliona nga blerja dhe nga shitja e energjisë së hidroçentraleve, nga groposja e projekteve....e, më kryesorja, nga djerrëzimi i shpresës sonë për një shtet të së Drejtës!
Kjo i leverdis parisë së Tiranës. Këtë synim djallëzor, i cili e bën më të kollajtë, më jetëgjatë e më të sigurt pushtetërimin, krerët tanë “demokratë” e kanë kryer më së miri, prandaj kanë bërë dhe po bëjnë të pamundurën të largojnë e të përsëndyjnë ekspertët dhe specialistët tanë nga administrimi i pasurisë dhe i vlerave kombëtare! Për këtë mjafton të shihet jo vetëm si u shkrinë institutet shkencore dhe Akademia, por si u trajtua guximi qytetar i një specialisti ushtarak për kufirin tonë detar dhe si u quajt arkitekti i portave të hidroçentraleve nga kryeminstri: një “portjer”...!


gazeta shqiptare

Permbytjet e kesaj zone, ne kohen kur ne pushtet ishte Blushi senior dhe i biri.

Interpelance me ish-Ministrin e qeverisjes socialiste, ne vitin 2004.

I nderuar Zoti Kryetar i Kuvendit, Te nderuar kolege deputete, Duke marre shkas nga interpelanca e kerkuar nga zoterinjte Pjeter Arbnori, Zef Gjoka, Pal Dajçi si dhe Luigj Gjoka, pra, perfaqes

Publikuar më 2002-11-04 00:00:00

I nderuar Zoti Kryetar i Kuvendit, Te nderuar kolege deputete, Duke marre shkas nga interpelanca e kerkuar nga zoterinjte Pjeter Arbnori, Zef Gjoka, Pal Dajçi si dhe Luigj Gjoka, pra, perfaqesues ne Kuvend te zonave me te prekuara nga shirat e shumte te rena gjate fundit te muajit Shtator ne Shkoder dhe Lezhe, ju falenderoj per interesimin qe tregoni ne detyren perfaqesuese, por dhe per mundesine qe me jepni, kete mundesi tjeter per te komunikuar me ju, me Kuvendin dhe me shtetasit per analizen dhe masat e identifikuara nga permbytja dhe nevoja per rehabilitimin e pasojave te saj, per te shprehur, pra, angazhimin e Qeverise ne perballimin e pasojave dhe ne organizimin e veprimeve per nderhyrje me substanciale qe zgjidhin ne menyre sa me te plote nevojen qe te mos perseriten fenomene te tilla. Po hyj ne pergjigjet e pyetjeve nje pas nje. Pyetja e pare: Analiza e Qeverise per faktoret dhe pergjegjesite qe paten si rrjedhoje permbytjen katastrofike ne qarqet Shkoder dhe Lezhe. Disa nga faktoret qe na rezultojne qe sollen permbytjet ne Qarkun e Lezhes dhe te Shkodres jane: 1) Faktori kryesor ishte densiteti i madh i rreshjeve te rena ne intervale kohe te shkurtra, ne nivelin mbi 247 mm ne 24 ore, me pasoje fatkeqesine natyrore, gjendjen e emergjences civile dhe demet e ndjeshme ne objekte, ne gjene e gjalle, ne bujqesi si dhe ne prishjen e ekuilibrave te jetes normale te popullsise. 2) Faktoret qe stimuluan ne perkeqesimin e shpejte te situates kritike ishin bllokimi i kanaleve, demtimi i pritave, argjinaturave, ndertimet e paligjshme dhe pa kriter, shfrytezimi iracional dhe i demshem i shtreterve te lumenjeve nga nyjet e inerteve, shpyllezimet e neglizhuara ne vite, demtimi i pritave malore te zones nga Lezha deri ne Mnel-Vig, ndertimet e qendrave te banuara ne zonat qe historikisht ka pasur permbytje, mosfunksionimi ne teresi i sistemit te kullimit te tokave si pasoje e bllokimit te kanaleve te dyta dhe te treta, si dhe bllokimi i kanaleve te ujerave te larta. Natyrisht qeveria ushtroi menjehere gjithe autoritetin dhe aktivizoi mundesine ligjore dhe ekzekutive qe dispononte per te organizuar punen qe te perballohej jo vetem situata e permbytjes, por dhe emergjencat per jetet e njerezve dhe normalizimin e gjendjes. Me te kaluar faza kritike, ne krahas veprimeve u futem ne evidentimin e pergjegjesive dhe te masave me te qendrueshme ne kohe qe efektet per keto fenomene te neutralizohen. Pyetja e Dyte: Ç'masa qe ka marre Qeveria per te ndihmuar banoret, biznesmenet dhe fermeret e ketyre zonave per te rikuperuar demet qe u kane shkaktuar atyre keto permbytje? Qeveria fillimisht u njoh me gjendjen ne keto zona dhe ne nje mbledhje urgjente te sajen te dates 22/09/02 shpalli me Vendimin Nr. 437 gjendjen e fatkeqesise natyrore per 15 dite ne qarqet e Lezhes, Shkodres, Dibres dhe Kuksit. U krijua struktura ligjore e Komiteti Nderministror i Emergjencave Civile, u thirr pra ne pune, me pjesemarrjen e ministrive kryesore qe ligji i ngarkon me nderhyrje ne kete fushe. Prane ketij Komiteti u ngrit nje strukture informacioni dhe operacionesh koordinative qe ne menyre te vazhdueshme siguruan bashkeveprimin ne funksion te emergjencave. Ne çdo ministri, prefekture e njesi te Qeverisjes Vendore u ngriten menjehere, sipas ligjit, shtabet e emergjences per perballimin e situatave te fatkeqesise natyrore. U ndertua gjithe kuadri normativ ,gjithashtu, me udhezime te nevojshme dhe u ndoq me kembengulje zbatimi i tyre lidhur me menyren e veprimeve dhe koordinimin, qe nga shtabet e bazes e deri tek shtabet qendrore, ne Komitetin Nderministror e ne Keshillin e Ministrave qe kane qene pothuajse vazhdimisht i aktivizuar ne funksion te vendimmarrjes per nderhyrjet emergjente, sepse ka masa qe aktivizohen me vendime te komitetit nderministror te emergjences, ka masa qe duhet te aktivizohen me vendime te Qeverise. Pra, mund te themi se Qeveria u angazhua plotesisht ne ardhjen ne ndihme te banoreve te zonave te permbytura dhe ne stabilizimin e situates. Antaret e Qeverise, deputetet dhe antaret e Komitetit Nderministror, duke i falenderuar te gjithe, e njohen situaten ne vend, duke marre kontakte te vazhdueshme me banoret dhe strukturat e Qeverisjes Vendore. Persa i perket ndihmave te drejtperdrejta per familjet me te demtuara ne zonat e Lezhes dhe Shkodres, fillimisht u veprua me ato qe ishin te depozituara ne magazinat e Drejtorise se Pergjithshme te Rezervave te Shtetit. Familjet e demtuara, per nevojat urgente, u ndihmuan me strehim te perkohshem dhe u furnizuan me buke dhe ushqimet e nevojshme. Me sensibilizimin qe Qeveria beri ne organizmat nderkombetare, nga shume qeveri te vendeve te Europes dhe me gjere si dhe organizata te specializuara,ju pergjigjen kerkeses se drejtuar nga ne. Keshtu erdhen ndihma nga Greqia, Turqia, Belgjika, Italia, Hungaria, Sh.B.A, Kanadaja, Japonia dhe disa vende te tjera. Gjithsejt u angazhuan ne ndihme te drejtperdrejte ose te terthorte 13 shtete. Organizatat nderkombetare dhane nje ndihme te konsiderueshme, ku vlen te veçohet Programi Boteror i Ushqimit. Po keshtu Kryqi i Kuq Shqiptar veproi menjehere me ndihma per familjet e evakuuara si dhe disa organizata joqeveritare dhe biznesi vendas dhane nje kontribut te mire, duke u aktivizuar shume shpejt ne drejtim te ndihmave. Ne nje bilanc te bere, tashme, masash nderhyrese Popullsise se demtuar nga rreshjet ne qarqet e Lezhes dhe Shkodres ju dhane 22 mije batanije, 800 cadra, 645 ton ushqime te ndryshme, 20 mije konserva gjithfaresh dhe buke ne sasi te konsiderueshme. Ne numrin e llogarise se hapur ne Banken e Kursimeve jane derdhur nga donatore te ndryshem ne favor te te demtuarve shumat prej 12 344 700 leke dhe 5 mije EURO. Gjithashtu jane dhuruar 500 mije USD amerikan dhe 1 mije ton cimento nga sipermarres te huaj qe kryejne aktivitet ne Shqiperi. Keto ndihma mundesuan zgjidhjen e problemeve emergjente jetike per zonat e demtuara. Ne mbledhjen me te fundit, para pak ditesh, ne fundjave, te Komitetit te Emergjences qe analizoi bilancin e veprimeve, gjendjen e rikuperuar dhe masat afat shkurtra dhe afatgjata do te vazhdojne te ndermerren, emergjenca u vleresua si e kaluar dhe detyrat per rehabilitimin e plote te objekteve te demtuara dhe te sistemeve preventivuese per te ardhme u programuan. Keshtu, ministrite e linjes kane bere identifikimin e plote te demeve si dhe vleresimet e tyre ne komples per infrastrukturen e zonave te demtuara. Institucioneve lokale te ketyre zonave ju eshte kerkuar hartimi i projekteve te objekteve te demtuara, ne veçanti per ato objekte qe ndihmojne dukshem ne stabilizimin e situates dhe ne parandalimin e situatave te tilla ne te ardhmen. Qeveria ka dhene per perbalimin e situates te permbytjes ne trajte Grandi per organet e pushtetit vendor shtese 1.3 miliarde leke dhe ka bere nje rialokim te fondeve buxhetore mbi investimet ne zonat e permbytura per shumen 1.3 miliarde leke te tjera. Ne buxhtein e vitit 2003 qe do ti vije brenda 10 ditesh, kuvendi, po programohen nderhyrje qe garantojne zgjidhje te qendrueshme dhe nje ndikim te dukshem social dhe ekonomik per zonat qe historikisht kercenohen nga fenomene te tilla natyrore ne menyre te posacme me mundesine qe parlamenti te miratoje ne menyre te vecante keto nderhyrje. Pyetja e trete. Demet qe u jane shkaktuar infrastruktures se ketyre zonave, si rrugeve urbane, rurale, urave, sistemeve te kullimit e vaditjes, argjinaturave, institucioneve sociale dhe kulturore, etj, si dhe masat qe po merr Qeveria per eliminimin e tyre. Sipas te dhenave te Qeverise, rezulton se Qarku i Lezhes eshte me i demtuari persa i perket objekteve qe ju kini permendur me shqetesim ne pyetjen tuaj. Per Prefekturen e Lezhes rezulton se jane prishur: - Ura ne total 54 cope me vlere 76 milion leke; - Rruge rurale te demtuara me vlere 100 milion leke; - Ndricim urban me vlera e rehabilitimit 470 mije leke; - Ne sistemin bujqesor u demtua kanali i ujrave te larta te Zadrimes ne Fishte dhe ne afersi te ish-fabrikes ushqimore, argjinatura e kolektorit te hidrovorit te Balldrenit, argjinatura e lumit Mat dhe disa panele mbrojtese ne pjesen fundore te saj, qe vleresohen ne total me shumen prej 61 milion leke. Per Prefekturen e Shkodres rezulton se jane demtuar: - Ura ne total 15 cope me vlere 30 milioon leke; - Rruge rurale te demtuara me vlere 13,6 milion leke; - Ndertesa te njesive vendore te qeverisjes me vlere 1 milion leke; - Ne sistemin bujqesor u demtua prita prej betoni dhe argjinatura, te ndertuara ne lumin Gjader ne vitin 1954 ne afersi te fshatit Mali i Rrezuem, gerryerje te tokes bujqesore nga lumi Buna, zhavorrizim te saj ne zonen e Nenshatit dhe Hajmelit nga materialet e ngurta te 12 perrenjeve malore si dhe mbushje te rrjetit te kullimit me materiale te ngurta, ne total me vlere demi dhe rehabilitimi vleresohen me shumen prej 51 milion leke. Ne Rrethin e Lezhes, me Vendim te Keshillit te Ministrave Nr.459, date 26.09.02, u akordua nje fond prej 27,5 milion lekesh per riparimin e argjinatures se kanalit te ujerave te larta te Zadrimes ne Fishte dhe ne zonat e ish-fabrikes ushqimore, argjinatures mbrojtese ne zonen e Ishull Shengjinit, per riparimin e kanaleve terthore ne zonen e Bregut te Mates, te argjinatures e kolektorit te shkarkimit e ujerave te hidrovorit te Balldrenit, duke perfshire ne shumen e siperpermendur edhe shpenzimet per importimin e elektropompave te hidrovorit te ri te Ishull Shengjinit, i cili do te vihet ne pune brenda ketij viti. Me fondet e Bankes Boterore per kete zone ka filluar projektimi i objekteve prioritare dhe brenda vitit pritet qe te fillojne punimet ne argjinaturen e krahut te djathte te lumit Mat me vlere 35 milion leke si dhe do te behen edhe disa investime te tjera per pyllezime te reja ne zonat me errozion te larte me nje vlere prej afro 250 mije USD. Per riparimin e demeve te shkaktuara nga permbytjet ne Rrethin e Shkodres ka filluar faza e projektimit per objektet me te demtuara si prita terthore prej betoni e dheu ne Lumin Gjader prane Fshatit Mali i Rrezuem, mbrojtja nga lumi Buna ne fshatrat Darragjat e Shirgj dhe nga lumi Drin ne Bahcallek. Keto punime kapin nje vlere prej afro 60 milion leke dhe do te fillojne sapo projektet te kene perfunduar me fondet e Projektit te dyte te Rehabilitimit te Ujitjes e Kullimit me bashkefinancim te Qeverise Shqiptare dhe Bankes Boterore. Me nje fond prej 40 milion lekesh eshte bere e mundur vazhdimi i punimeve per kullimin e zonave te Nen Shkodres ne kanalet kulluese nga Dajci deri tek Ura e Gjo Lulit, per kolektorin kryesor te grykes se Mertemzes si dhe per sistemin e kullimit me hidrovorin e Vilunit, duke perfshire edhe plazhin e Velipojes. Gjithashtu, riparimi i pjeseshem, qe u be ne Uren mbi Lumin e Bunes, do te vazhdoje me riparimin e plote te saj si dhe vitin tjeter do te nise ndertimi i nje ure e re me nje investim prej afro 3,5 milion USD. Pyetja e katert: Masa e fondeve te shpenzuara ne vite per sistemin e kullimit ne keto zona, si edhe efikasiteti i tyre. Une kam hulumtuar gjate tre viteve te fundit se sa ka shpenzuar me buxhetin e shtetit, vetem per sistemin e kullimit jane investuar 83.7 milion leke nga te cilat ne Shkodrer 27 milion leke, ne Lezhe 38 milion leke dhe ne Kurbin 17,8 milion leke, me nje mesatare vjetore prej 28 milion lekesh. Keto investime perbejne vetem 22% te nevojave per funksionimin normal te ketij sistemi sipas kushteve te projektimit. Me Projektin e pare dhe te dyte te Rehabilitimit te Ujitjes dhe Kullimit, si bashkefinacim i Qeverise Shqiptare dhe i Bankes Boterore, jane investuar shumat e meposhtme per kullimin e mbrojtjen nga permbytjet (argjinatura dhe kanale te ujerave te larta): Ne Rrethin e Kurbinit 130 milion leke deri ne fund te vitit 1996 Ne Rrethin e Lezhes 204 milion leke per periudhen 1998-2002 Ne Rrethin e Shkodres 77 milion leke per periudhen 2000-2002 Ne total: 411 milion leke ose rreth 4 milion USD. Keto investime kane pasur si efiktivitet perballimin e rreshjeve, vecanerisht ne 3-4 vitet e fundit, ne kushtet e rreshjeve normale me sa duket duhet shqyrtuar projekti edhe ne funksione te ndryshimit klimatik. Pyetja e peste dhe e fundit: Mbi hartimin e nje strategjie afatmesme e aftagjate per te perballuar ne menyre normale nga sistemi dhe administrimi shteteror i fatkeqesive natyrore te ngjashme me ato te ketij viti. Po jap pergjigjen te kthyer ne disa nivele: Ministria e Pushtetit Vendor dhe Decentralizimit, sepse eshte ministria qe ka peshen kryesore per te perballuar situaten emergjente sipas ligjit. Veprimtarine kryesore qe beri gjate situates se emergjences e ka cuar ne identifikimin e ketyre masave te programuara, ne studimin kompleks per rehabilitimin e fushes se Torovices, ne dyfishimin e kapacitetit te pompave te hidrovorit, ne rregullimin e infrastruktures sidomos te rrugeve lidhese midis fshatrave dhe ne stabilizimin me energji elektrike te hidrovorit te Talies. Jane detyrat qe merren per shkak te koordinimit ekzekutiv nga dikasteret perkatese ne mbeshtetje. Ministria e Rregullimit te Territorit dhe Turizmit po studion nderhyrjet e nevojshme dhe financimet buxhetore krahas rehabilitimit emergjent per vitin e ardhshem ne rrjedhjen e furnizimit me uje, ne largimin e pompave dhe trasfomatoreve duke i ruajtur nga demtimi, ne vendosjen e pompave te tjera me nafte, klorinimin e ujit, etj. Ministria e Transporteve ka tashme neper duar projektet rehabilituese te akseve rrugore dhe te urave ne funksion te ushtrimit buxhetor qe po mbyllet dhe atij qe po programohet. Ministria e Industrise dhe Energjetikes, e cila si strukture dhe vecanerisht KESH-i pati deme shume goditese. Ne divizionin e prodhimit pershembull te sistemit energjitik demet ishin 50 milion leke, ne divizionit e transmetimit 194 milion leke, ne divizionin e shperndarjes 213 milion leke dhe u konsumua plotesisht rezerva e KESH-it me transformatore, shtylla, kabllo ne funksion te emergjences te permbytjeve. Pra, do te rehabilitohen baza materiale ne funksione normaliteti dhe per sistemin energjitik dhe KESH-in si menaxher i tij. Po hartohen projektet per permirsimin gradual te sigurise se sistemit ne keto zona dhe, nenpermjet Ministrise se Financave, po sigurohet mbeshtetja e duhur financiare me rialokime te nisura dhe qe do te bitisen brenda vitit, nga buxheti i ketij viti dhe me investime te reja buxhetore ne vitin 2003. Rialokimi i deritanishem sic ju thashe eshte 2,6 miliard eshte perdorur ne funksion efikas fondi rezerve i Keshillit te Ministrave dhe "Rubrika", masa afatmesme dhe afatgjata per korrigjimin e sistemeve ne zonat per shkak te permbytjeve do te jene te vecuara ne buxhetin e vitit 2003. Strukturat me pak vunerabel qe funksionuan pothuajse ne standartin e mergjences qe kerkon ligji, sic ishin strukturat e Mbrojtjes Civile dhe te Rendit. Dmth policia e Shtetit u gjend e pergatitur edhe nga pikepamje e akteve normative dhe e struktures koordinuese per te perballuar emergjencat ne baze te ligjit, gje qe e coi menjehere ne funksionin e vet, ne vendin e duhur per te perballuar situatat shume kritike te lidhura dhe me shpetim jete njerezish. Po vazhdon trainimi i strukturave ne vecanti i drejtuesve te policise ne funksion te emergjences civile dhe Drejtoria Logjistike e saj ka nje program qe po zbatohet per te afruar rezerva prane drejorive te komisariateve ne qarqe dhe ne rrethe ne funksion te perballimin te emergjencave. Gjithashtu Ministria e Mbrojtjes rezultoi me struktura funksionale dhe te pergatitura me kete funksion, kishte pergatitur plane te perdorimit operacional te struktures se Forcave te Armatosura per Mbrojtjen Civile, sistemin e lajmerimit dhe komunikimit te te gjithe strukturave dhe qendren e bashkuar operacionale. Masat e qeverise orientohen ne konsolidimin dhe zgjerimin e struktures se Mbrojtjes Civile aktualisht prane Shtabit te Pergjithshem, Forcave te Armatosura dhe ne trazicion drejt struktures ligjore te perballimit te emergjences civile prane Ministrise se Pushtetit Vendor dhe Decentralizimit. Me te gjitha programet dhe prioritetet e tjera, te nderuar deputete, qe ka shpallur dhe ka bere aktive Keshilli i Ministrave gjate ketyre tre muajve, ne po ndertojme krahas nderhyrjeve bllokuese te ndertimeve te paligjshme, te shfrytezimit te zhavorreve ne shtreterit e lumejve, te efektit te veprimtarive te paligjshme ne sisitemet e kullimit, ne sistemet e furnizimit me uje te pijshem, ne sistemet e prishjes se mbrojtjes nga erozioni ne territoret pyjore, gjithashtu, te gjitha masat dhe financimet per vitin 2003 dhe ne vazhdim, per te rehabilituar gjendjen, per te bere korrigjimet e nevojshme dhe per te ndertuar sisteme te qendrueshme kullimi, mbrotjeje dhe normaliteti te jetes ne zona te banuara, per te cilat na ndihmuan permbytjet te kuptojme edhe karakterin kritik edhe kostot jo te vogla qe duhet te marrin persiper dhe te sakrifikojme si prioritet per t'i perballuar. Ky ishte informacioni qe desha t ju jap ne pergjigjet e pytjeve tuaja. Mbetem ne dispoziocion.


http://www.infoarkiv.com/media/artikull/iden/97160/titulli/I-nderuar--Zoti-Kryetar-i-KuvenditTe-nderuar-kolege-deputeteDuke-marre-shkas-nga-interpelanca-e-kerkuar-nga-zoterinjte-Pjeter-Arbnori-Zef-Gjoka-Pal-Dajci-si-dhe-Luigj-Gjoka-pra-perfaqes

[Llapi]

FSK dërgon trupa shtesë në aksionin e kërkim-shpëtimit në Shqipëri

FSK dërgon kontingjent shtesë në Shqipëri
Mbështetur në kërkesën e Qeverisë së Republikës së Kosovës, për shtimin e trupave të FSK-së në aksionin e kërkim-shpëtimit, pas situatës së rënduar nga vërshimet në veriun e Republikës së Shqipërisë; drejtuesit e ministrisë së FSK-së ndërmorën masat e nevojshme për shtimin e numrit të pjesëtarëve të FSK-së në këtë aksion.

Kontingjenti shtesë u nis sot në orët e hershme të mëngjesit i pajisur me automjete dhe pajime tjera të nevojshme për këtë mision, ku do ti bashkëngjitet njësisë që atje po ndihmon që nga 5 janari i këtij viti.

Pas deklarimit të NATO-s për arritjen e kapaciteteve të para operacionale, kjo është hera e parë që FSK-ja merr pjesë në një mision humanitar jashtë shtetit. /Telegrafi/

[juanito02]

juan ..

lexo kte ish mikun e veli erionit qe e njeh mire djallin rama.

-



Edi, zgjohu…

10/01/2010 - 12:53



• Besjan Pesha

Edi, dje një miku im nga Shkodra më merr në telefon rreth orës 12:00 dhe më thotë se kishte marrë një telefonatë nga dikush që quhej “Komiteti i Shpëtimit të Shkodrës” dhe që e kishte njoftuar se Diga e Hidrocentralit ishte gati duke u shembur dhe se rezervat e bukës në qytet ishin në limite prandaj duhej të nxitonte për të shpëtuar veten dhe të afërmit dhe të akumulonte sa më shumë rezerva ushqimore që të kishte mundësi Ndërkohë mësoj se edhe shumë qytetarë të Shkodrës kishin marrë telefonata të ngjashme në shtëpitë e tyre, telefonata të cilat kishin për qëllim vetën dhe vetëm përhapjen e panikut dhe krijimin e kushteve për një situatë anarkike në atë qytet.
Edi, nuk të kam shkruar kurrë seriozisht, sepse nuk të kam marrë asnjëherë seriozisht, por sot situata është ndryshe, sot mungesa jote e seriozitetit mund të na kushtojë edhe jetë njerëzish prandaj po të drejtohem me këtë letër, duke qenë i sigurt se në një farë mënyre do të arrijë tek ty e ndoshta diçka e ndërron në mendjen tënde të brishtë, ndoshta arrin të zgjohesh e të përmendesh nga ëndrra jote e fundit.
Edi, gjatë ditëve të fundit i ke dhënë një urdhër makabër brigadës tënde virtuale. Të ngrenë receptorët dhe të shpërndajnë panik sa të munden në çdo shtëpi shkodrane, kështu që ndoshta revolucioni yt portokalli, i kadifejtë apo ngjyrë pink, të mund të fillojë aty ku Berisha është më i fortë, bash në bastionin e Partisë Demokratike. Mendja jote e brishtë gjithnjë ka qenë e aftë për kalkulime djallëzore, por të ikën nga vëmendja përherë kalkulimi kryesor, ai njerëzor. Çdokush që është marrë me organizim fushatash elektorale në Shqipëri arrin të dallojë firmën tënde mbi këto telefonata dhe është shumë e qartë si për mua dhe të tjerë se plani yt i radhës, për të ardhur në pushtet, kalon rishtazi mbi jetën e qytetarëve shqiptarë. Ti në dëlirin tënd narkotik ëndërrove se mbas mijëra telefonatash, njerëzit të dëshpëruar do të dilnin në rrugë dhe do të mësynin fillimisht dyqanet e ushqimeve duke i thyer e bastisur ato si rrjedhojë e dëshpërimit, më pas kontingjenti kriminal i qytetit të Shkodrës i drejtuar nga njerëzit e krimit që t’i mban afër do t’i drejtohej bankave dhe dyqaneve me vlerë duke bastisur dhe vjedhur ato, më pas disa militantë të tutë do t’i vinin flakën makinave dhe si përfundim mbasi ta kishe shkatërruar qytetin, pasi të kishe vrarë qindra qytetarë të pafajshëm, t’i do të dilje dhe do t’ju bëje thirrje për qetësi duke marrë rolin e papës e duke i bërë thirrje qeverisë që të dorëhiqej e të krijonte një qeveri të shpëtimit kombëtar, sepse me shumë gjasa kjo situatë do të shpërthente në miniaturë edhe në qytete të tjera të Shqipërisë, sigurisht që eksperienca e Gramozit në këtë fushë do të të ishte shumë e vyer. Më pas do të shpalleshin zgjedhjet e jashtëzakonshme dhe ti më në fund e askush tjetër do të mund të bëheshe ai, Neroni i Shqipërisë.
Edi, Zgjohu!
Edhe kësaj radhe ashtu si në zgjedhjet e fundit shqiptarët të dhanë të njëjtën përgjigje, atë që meriton, të injoruan. Qytetarët e Shkodrës nuk ju përgjigjën thirrjes tënde për panik. Askush nuk të morri seriozisht ty dhe telefonatat e tua. Situata në atë qytet është duke u përmirësuar jo vetëm sepse natyra dalëngadalë po e zbut zemërimin e saj por mbi të gjitha sepse mijëra punonjës të përkushtuar të institucioneve shtetërore përkatëse luftuan dhe janë duke luftuar ditë e natë me kapricot e saj krah për krah me qytetarët. Nivelet e prurjeve në kaskadat e liqeneve janë duke rënë, po ashtu edhe ndërtimi dhe forcimi i argjinaturave është duke ecur përpara e kështu gradualisht po i vihet fre vërshimit të ujit përmbytës. Brenda dhjetë ditëve situata do të normalizohet, uji do të tërhiqet, dëmet do të kalkulohen dhe do të fillojë puna për riparimin. Brenda këtij viti do të fillojnë investimet për marrjen e masave ekstreme kështu që situata të tilla të mos përsëriten dhe të gjithë banorët e dëmtuar do të dëmshpërblehen. Jeta do t’i kthehet normalitetit dhe Shkodra do të jetë rishtazi qyteti i traditës dhe qytetarisë. Qeveria do të vazhdojë punën e saj dhe në qershor do të liberalizohen vizat. Shqipëria do të marrë statusin e kandidatit ndërsa ti do të hysh në parlament ose përndryshe do të humbasësh grupin parlamentar dhe më pas do të humbasësh zgjedhjet vendore, nuk do të jesh më kryetar i Bashkisë së Tiranës e së fundmi aty nga viti tjetër do të lësh edhe postin si kryetar partie. Pastaj do të hysh në depresion…
Edi, ky është realiteti që do të përjetosh me sy hapur. Nuk e kam stisur unë, as është kjo ëndrra ime. Ky është realiteti që ke ndërtuar vetë, ditë mbas dite. Nëse do që qytetarët e këtij vendi të të respektojnë e ndoshta edhe të të votojnë, nëse do ta ndryshosh të ardhmen që po i rezervon vetes atëherë çoje grupin parlamentar në parlament e aty kritiko çfarë nuk shkon mirë e propozo të bëhet më mirë, mos nis më fletërrufe në Bruksel por lufto përkrah qeverisë që vizat të liberalizohen edhe vish çizmet e shko në Shkodër ashtu siç po bëjmë të gjithë. Mos dëgjo Takun, as Kënon e as Erin, ata nuk kanë çfarë të humbasin sepse tashmë kanë humbur gjithçka edhe dinjitetin njerëzor, por ti je ndryshe, ti je ende kryetar edhe për pak kohë, sillu si i tillë e mos ëndërro sepse askush në këtë vend përveç të dëshpëruarve që ke mbledhur rreth vetes nuk do të të ndjekin në marrëzi. Shqiptarët tashmë janë qytetarë evropianë.


panorama

Kjo eshte thjeshte histori kaubojsish brar dhe po e ka bere dikush gjejeni dhe vareni te vendi herojve te vigut.
Po me pare varni edhe nje person tjeter qe shpalli zyrtarisht ne cdo medie "JEMI NE PRAG TE KATASTROFES" dhe per mua ska me terror se ky zyrtari.
Ai qe e ka leshuar kete terror e ka emrin Sali Permbytes Berisha.
Te pakten ti qe ke bere shkollen e dreqit mos sill brockulla te tilla kaubojsish si ajo qe solle lart.

[puroshkodran]

Jo po, nuk ka njerez qe gezohen per ket fatkeqsi......

[Preng Sherri]

Ata që gëzohen për këtë gjë ka; është opozita që mendon që me këtë rast do t'mund të provokoj ndoshta ndonjë rebelim dhe të përmbys qeverin! Deklaratat e Ramës që " s'kemi të bëjmë me rebelim të natyrës" është dëshmi për këtë gjë!
Por me këtë rast do t'ju lutesha që të gjithëve, të mos merreni shumë me politik ngaqë më së paku na duhet ajo në këto momente!
Ajo që duam është të tregojm se si mund të ndihmojm në menagjimin e krizës dhe si mund të ndihmojm banorët por edhe shtetin pas kapërcimit të krizës!
I mjerë është ay që këtë gjë mundohet ta shfrytezoj për interesa personale!
Nuk ka qeveri në botë që mundet t'i diktoj natyrës se kur duhet të bjerë shi e kur duhet të bjerë borë ose se kur na duhet dielli!

[djaliepirotas]

"Shkodër, Rama: Qeveria mos merret me opozitën por me njerëzit
Pas një inspektimi në zonat e përmbytura në Shkodër, kreu i PS-së i bëri sot thirrje qeverisë që të mos merret me opozitën, por të zgjidhë situatën e krijuar në zonat veriore. Duke i faturuar mazhorancës përgjegjësitë e situatës së krijuar, Rama tha se, përgjegjësit kanë paturpësinë të bëjnë politikë me katastrofën."

Une se mar vesh kete pune. Ne vend qe keta alamet burrash te shkojne e te ndihmojne dhe ti ofrojne ndihmen e tyre modeste qeverise dhe popullit ne keto momente te pazakonta , shkojne e bejne politike vulgare. Rames i duket sikur cfare po thote kur deklaron se fajin se kane rreshjet por.."Qeverrisja e keqe" Ne gjuhen e popullit kesaj i thone : fshati digjet e...k.. krihet.
Lerini ujrat te bien, lereni te qetesohet situata e pazakonte Z. Rama dhe pastaj me te pare e me te bere. Futuni ne parlament dhe atje shkulini dhemballet korupsionit dhe keq-qeverisjes qe konstatoni. Jo rrugeve me shi, me permbytje. Mos u mundoni te perfitoni edhe nga fatkeqesite natyrore per te bere politike "moderne". Populli ne keto momente kerkon derman dhe jo politike.

[juanito02]

Ne shqiperi ska dell qytetar o preng sherri.
Se deri tani nja 10 rebelime do ishin bere atje po ja qe burrnija ka shku ne fund te kembeve.
Cudi si rri e duron te keqen ai popull qe e hedh ne ere rri urte, e permbyt dhe e shkaterron prape rri urte.
Iku koha e atyre qe ju shkonte lodren juve beni qef tani.

[njemik]

Se kuptoj ckerkojne kta katunaret. Zonja e nderuar shkodrane thote qe kemi vepruar me mire se Britania dhe Franca. Atehere... Lerini gamgamet po duroni sa te thahet uji se sjua ka fajin qeveria...

Topalli: Ne shmangëm katastrofën, Britania e Franca s'ia dolën dot

Kryetarja e parlamentit, deputetja e Shkodrës, deklaroi nga zonat e përmbytura se qeveria e saj ka bërë atë që nuk e bën dot Britania e Madhe dhe Franca, duke shmangur katastrofën.

Topalli tha se në Europën Perëndimore po humbasin jetë, çka nuk ka ndodhur në Shqipëri.

Duke iu referuar reshjeve të borës, që natyrshëm kaplojnë veriun e kontinentit çdo vit, e që bllokojnë një pjesë të infrastrukturës, Topalli gjeti një moment për të krahasuar situatën atje me hapjen e digave në mënyrë të qëllimshme nga qeveria për të përmbytur banorët e zonës së saj. Topalli nuk është përgjigjur ashtu si shefi i saj pyetjes se a ka pasur reshje më shumë se herë të tjera në këtë periudhë dhe cilat kanë qenë kuotat e Fierzës.

"Unë çdo minutë, veç të tjerash flas edhe me kryetarët e komunave, të cilët me stafin e tyre të shoqëruar nga forca të ushtrisë dhe policisë ndjekin nga afër situatën. Deri tani kanë shkuar 40 ton ushqime, ujë, si dhe ushqim edhe për gjënë e gjallë. Angazhimi shkon përtej asaj që mund të imagjinohet. Kemi si asnjëherë më parë një menaxhim me sens të madh përgjegjësie dhe qëndrim më afër njerëzve, në këto kushte që vijnë si shkak i ndryshimeve të klimës, dukuri që po e shohim në Greqi, Poloni, Gjermani, Britani ku ju e keni parë si është izoluar edhe aeroporti, hekurudhat etj. Këtu, për fatin tonë të mirë nuk kemi humbje në jetë dhe i gjithë vullneti dhe përqendrimi ynë është të mos lejojmë asnjë humbje jete. S'ka gjë më të shtrenjtë se jeta e njeriut. Gjithçka që varet nga strukturat shtetërore është në menaxhim e sipër me përgjegjësinë më të madhe," tha Topalli.

Duke komentuar vizitën e Ramës në Shkodër, ajo shtoi se opozita bën karrierë me mortin.

"Ka njerëz në këtë vend që lindin më shpresën që të shohin vetëm morte dhe e bazojnë karrierën e tyre në to. Edhe pse ka ardhur në Shkodër pas dhjetë ditëve ai mbeti i zhgënjyer se nuk gjeti asgjë nga këto. Unë që e njoh këtë zonë dhe njoh problemet që kjo zonë ka pasur në dekada nga përmbytjet, për shkak së është e rrethuar nga uji, nuk kam parë ndonjëherë një menaxhim, vullnet politik dhe sens përgjegjësie më të madhe.

Unë mendoj se kësaj radhe masat parandaluese kanë qenë ato që kanë bërë që të mos jemi në gjendje katastrofe si Britania, Franca, etj. Unë nuk mbaj mend ndonjë rast tjetër, të tilla masa parandaluese dhe menaxhim të tillë kur ministrat janë të instaluar këtu 24 orë në 24 në funksion të çdo banori," tha Topalli.

[juanito02]

Ca kujton ti se Anglia e Franca jane mbrapa bjeshkeve te namuna qe as katunar smeriton me te thirr.
Ca katastrofe paska ndodh ne France e Angli?
Jan myt njerezit nga qeverria dhe atje?
Paska than Jozi ja kalum Anglise e Frances hahahahaha. Kuku moj nane e paskan ne dore vendin tone ksi Hazhi Qmilesh.
Po a e din ca po nodh ne France e Angli sot o haxhi qamil me pc ke dora?

[mia@]

Ama e paska thene jozi?! Cfare ngushellimi! Po a ngushellohen kaq kollaj dhe viktimat e permbytjeve?