Permbytjet ne Shkoder, nisi verifikimi i demeve

[goldian]

ka nga shkodra ketu qe mund te na informojn direkt?

qe ne dat 30 te 2009 tes u tha shteti katundareve.. IKNI..
ata jan mesuar te mos e degjojn shtetin e pas 90 dyshit.. se ai i meparshmi.. aty i linte me ngordh e askush nuk guxonte me bo ciu miu apo mjau au..
aso kohe degjohej vetem ZP -ja e rtvsh-ja e ppsh-se e ata e qendisnin vete se cfar duhej thene..

keshtu pra katundaret kishin 10 dit kohe me ik sa rruget ishin pa uje.. e mund te shkonin ku te donin..
tani duhet shteti.. pra ushtari e polici e piloti e shoferi i shtetit me i gjet shpi me shpi katundaret.. e me i nxjerr nga uji e me rrezikue ushtari e polici e shoferi e piloti i shtetit jeten e vet me shpetue ate te te pandergjegjshmit krye derrit e te hajnit..

sepse filozofja e hajnit.. po vepron..
mos te iki un.. e ishalla iken zefi e shkoj ja vjedhi sendet.. edhe zefi po ashtu.. nuk iki un e ishalla thyn qafen marku e frroku e shabani e shkoj naten ja vjedhi lopen e delen e derrin e televizorin a mercedes-orin.. e nga ky hajnoizem reciprok djallezor ata nuk luajten e tash duhet saliu me cu djemt e nanave te policve e pilotve e ushtarve me shpetue hajnat dallkauke..

kjo nuk eshte ne rregull..




--

a te duket normal ky postimi jot o shoku brari
po ti e une e keta tjeret qofshin ps pr pk pd pm pl e kena bethen rehat e flasim si te na cohet
po ato njerez qe po vuajne kush po i ndihmon
ti gjen rastin me ba dhe humor me ja fut dhe komunizmit me ba dhe salen hero
o SHOKU BRAR THUHET DERI PARA 2 oreve se nga bacalleku nuk kalohet (ti as ja ke idene sa e rendesishme a kjo pike per shkodren)
une per vedi ne numrat ellogarive te hapura tek tv1 hnael jam mundu me ofru pak pak ndihmen teme financiare sikurse ju kam kerku dhe miqve te mi
a ka moderalesha ky forum a hic
TI CA PO BAN APO VEC PO SHAN SE TJETER GJA SDIN
ISHALLA STE NDODH TY NEJ FATKEQSI STA UROJ SE MANDEJ E SHEF BETHEN NGUSHT FORT

p.s kerkoj falje per fjalorin po me vjen keq per ata njerez qofshin katundare apo qytetare demokrat apo socialista apo lsista mbi te gjitha jane njerez

[Jeto_Jeten]

[I]

Zëdhënësja e Partisë Demokratike, Erla Mëhilli ka dalë të premtne me një deklaratë për shtyp me anë të së cilës ka reaguar negativisht për vizitën e kreut të opozitës në zonat e përmbytura ku sipas saj, ai duhet të ishte më parë në ato zona.

“Ai as që nuk denjoi të ndërpriste pushimet e luksit në Paris apo Bangkok edhe pse zona të tëra u përmbytën dhe kaluan Vitin e Ri nën kërcënimin e vërshimit të ujërave apo dallgëve të detit”, tha Mëhilli.

“Sot, Rama vizitoi zonat e përmbytura ku në vend të solidaritetit shau dhe fyeu me gjuhë ordineri fshatarët e përmbytur tek Ura e Lahajt, vetëm se e pyetën ‘ku ishe ti gjer sot’ dhe se reaguan me indinjatë të thellë kur u tha atyre se ju përmbyti qeveria dhe jo moti”, tha ajo.

“Partia Demokratike dënon këtë qëndrim të Zotit Rama dhe i kërkon atij të solidarizohet me të dëmtuarit nga përmbytja dhe të mos shkojë atje vetëm për t’i sharë dhe ofenduar vetëm e vetëm se ata reaguan ndaj trillimeve të tij se qeveria nuk po bën gjë për t’i ndihmuar dhe se është ajo që ju përmbyti dhe jo moti”, vijoi Mëhilli.

“Partia Demokratike sot nuk reagon ndaj këtyre trillimeve të Edvinit mbasi përgjigjen më të merituar ja dhanë sot fshatarët e Trushit tek Ura e Lahajt” përfundoi Mëhilli.

ky as per sy e faqe si krietar partie ska shku deri m'sot me i pa, kur osht bo nami apo skish mbaru pushimet n'paris e dubai me gjet koh per kshu gjonash pa rendsi. do ene vota, si ka *yje* ene flet vroma

[DYDRINAS]

Podujeva ndan 20 mijë euro për zonat e përmbytura në Shqipëri

Podujevë, 8 janar 2010 - Kryetari i ri komunës së Podujevës Agim Veliu, pasi u kujtoi këshilltarëve gjendjen e rëndë në Shqipëri nga përmbytjet e mëdha që janë duke vazhduar, propozoi që komuna e Podujevës të ndajë një ndihmë nga buxheti i saj për dëmet e shkaktuara në një shumë prej 20 mijë eurosh. Ky propozim u votua njëzëri nga të gjithë këshilltarët. Pardje edhe komuna e Gjakovës ka ndarë 10 mijë për të njëjtin destinim.

E Kosove, Kosove e tregon veten se kush je! Rrace fisnike!

[juanito02]

Edhe pjesa nga xunkthi qe permbyt qe eshte nga ana e Bunes dhe jo afer ures se Bacallekut.
Fola me ca njerez te mi atje dhe nja dy pellembe uje i kishin sot ne mengjes brenda ne shtepi.

[DYDRINAS]

Gjadri: Digat mbi Drin kanë siguri absolute qysh në projektim

Ilirian Agolli
Zëri i Amerikës
08-01-2010


Një nga projektuesit kryesorë të hidrocentraleve të Shqipërisë, inxhinieri i njohur Egon Gjadri thotë se siguria e tre hidrocentraleve mbi lumin Drin është absolute. Zoti Gjadri, i cili për shumë vite ishte drejtues i Institutit të Projektimeve, pohon se diga e hidrocentralit të Fierzës mund të përballojë pesëfishin e ujërave që po mblidhen aktualisht në atë liqen. Projektues i disa dhjetëra veprave energjitike, ai theksoi se tërësia ujore e Shkodrës duhet ri-studiuar, dhe institucionet shkencore të kësaj fushe duhen riorganizuar.

Zëri i Amerikës: Profesor Gjadri! Këto ditët e fundit të përmbytjeve në veriperëndim të Shqipërisë, krahas shqetësimit të madh për shpërnguljen e mijëra banorëve , po zhvillohen debate të shumta edhe mbi sigurinë e veprave hidro-energjitike mbi lumin Drin. Çfarë mund të na thoni ju mbi këtë çështje shqetësuese për opinionin publik, si njëri nga projektuesit kryesorë të hidrocentraleve të vendit?

Egon Gjadri: Veprat janë të siguruara për kalimin e një plote me përsëritje një herë në dhjetëmijë vjet, pra për një prurje shumë të rrallë. Kjo është me një probabilitet përsëritje një herë në dhjetë mijë vjet. Në Fierzë kjo plotë është 9 mijë e 600 metra kub ujë në sekondë. Duke qenë kuota e kurorës së digës në 312 metra në Fierzë, aktualisht sasia e ujit atje është 292 metra lartësi, atëherë niveli i liqenit në Fierzë është rreth 20 metra më poshtë se kuota e kurorës së digës. Kjo duhet të jetë e qartë për të gjithë.

Zëri i Amerikës: Pra, projekti ka tolerancat me plus-minuset e veta. A mund të manovrohet edhe në lartësi mbi 290 metra?

Egon Gjadri: Edhe nëse vjen kjo plotë e madhe që thamë 9 mijë e 600 metra kub ujë në sekondë niveli i ujit në liqen mbërrin rreth kuotës 300 metra. Nga 290 metra shkon në kuotën 300 metra. Por ngelet gjithmonë 12 metra poshtë kreut të digës. Nga ana tjetër projekti ka parashikuar edhe një rast rezervë. Qysh atëherë e kemi në pjesën e parë të regullores në përshkrimin e veprave që, në rast se për një arësye ose për një tjetërbllokohet tuneli numër 3 në kuotën 222 metra, që ka një portë 7 metra me 7, atëherë plota e madhe e supozuar 9 mijë e 600 metra kub në sekondë kalon vetëm me tunelin numër 4, që shkarkon edhe aktualisht maksimum 1 mijë metër kub, me 4 turbinat në punë që janë 500 metra kub me nivel uji maksimum 306,5 metra.

Zëri i Amerikës: Profesor! Po thoni që edhe nëse porta numër 3 nuk do të funksionojë, projekti ka parshikuar shkarkimin deri në 306 metra?

Egon Gjadri: Po, po, është parashikuar në projekt. Kjo është një llogaritje maksimale, nëse vjen plota 10 mijë vjecare me 9 mijë e 600 metra kub, dhe jo më pastaj këto plota me 1 mijë e 500 metra 2 mijë metra kub në sekondë që janë aktualisht. Këto janë parashikuar në projekt dhe janë zbatuar me ndërtim në terren.

Zëri i Amerikës: Sapo hyri viti i ri befas koinciduan disa plota të njëpasnjëshme. Si do t’i vlerësoni kolegët tuaj më të rinj që menaxhojnë tani KESH-in, që hapin dhe mbyllin portat, ose koordinojnë prodhimin me shkarkimet?

Egon Gjadri: Punonjësit e KESH-it kanë një përvojë mjaft të gjatë. Dhe kjo përvojë është transmetuar nga brezi në brez. Rregulloret janë të sakta dhe nuk kanë pse të ndryshohen, sepse as në natyrë dhe as në hidrocentral nuk ka ndryshuar ndonjë gjë e madhe. Regullorja duhet të zbatohet me elasticitet duke gjykuar rast pas rasti në mënyrë që edhe ana energjitke të plotësohet në maksimum, pra të prodhohet sa më shumë, por pa cënuar sigurinë e veprave.

Zëri i Amerikës: Çfarë do të rekomandonit për tërësinë ujore të zonës së Shkodrës?

Egon Gjadri: Tërësia ujore e Shkodrës, ndoshta me introduktimin e hidrocentralit të Bushatit, ka nevojë për një studim më të gjerë. Duhet përfshirë edhe pjesa poshtë e Lezhës, përveç argjinaturave dhe kullimeve, stacioneve të pompimit, dhe shumë punime janë bërë atje. Duhet përfshirë edhe ajo ardhja e jashtëzakonshme të e ujit të detit për herë të parë, se ndoshta ka të bëjë me ndryshimin e klimës, nevojitet pra, një kuadër më i gjerë studimi i asaj zone.

Zëri i Amerikës: Ju lutem, në fund, cilat janë disa rekomandime tuaja lidhur me mirëmenaxhimin e sistemit hidroenergjitik të Shqipërisë dhe funksionimin e institucioneve shkencore të kësaj fushe, të cilat gjatë tranzicionit janë trazuar dhe janë zvogëluar shumë?

Egon Gjadri: Është e nevojshme ekzistenca e një instituti të vogël , apo e një bërthame shkencore, jo projektuese por së paku studimore teknike. Duhet kjo për të pasur një pikë referimi të gjithë; qeveria, KESH-i për diçka madhore që mund të ndërmerret. Këtu mund të ishin grumbulluar një pjesë e njerëzve që jetojnë ende, apo që janë shpërndarë në punë të ndryshme. Kjo qendër duhet për të bërë vlerësime mbi gjendjen dhe projektet në perspektivë, dhe kjo nuk i kushton shtetit shumë sesa do t’i jetë shtetit kjo.

[DYDRINAS]

Sipas parashikimeve meteorlogjike, do te kete sasi te pakta reshjesh edhe gjate dy diteve te fundjaves.

Ne Shkoder do te kete ne vazhdim reshje te dobeta shiu, ndersa ne zonat malore te veriut dhe verilindjes do te kete reshje debore dhe temperatura nen 0°C, gje qe do te sjelle stabilitet ne prurjet e lumenjve qe furnizojne kaskaden e Drinit.

[Jeto_Jeten]

Sipas parashikimeve meteorlogjike, do te kete sasi te pakta reshjesh edhe gjate dy diteve te fundjaves.

Ne Shkoder do te kete ne vazhdim reshje te dobeta shiu, ndersa ne zonat malore te veriut dhe verilindjes do te kete reshje debore dhe temperatura nen 0°C, gje qe do te sjelle stabilitet ne prurjet e lumenjve qe furnizojne kaskaden e Drinit.

lajm i mir. t'shpresojm ka kalu m e keqja

[DYDRINAS]

Gjermania i ofron ndihmë Shqipërisë për përballimin e situatës në veri


Irene Eidemüller, këshilltare për kulturën dhe marrëdhëniet me mediat në Ambasadën Gjermane në Tiranë.


Gjermania merr përsipër në kuadër të BE-së, të japë çdo lloj mbështetje për të ndihmuar zonat e dëmtuara nga përmbytjet e këtij fillim viti, në rrethin e Shkodrës.


“ Shqipëria i drejtoi ditët e fundit BE-së një kërkesë për ndihmë ndërkombëtare, për shkak të përmbytjeve të rënda në rrethin e Shkodrës. Në përgjigje të kësaj kërkese, Organizata gjermane për Asistencë Teknike, ka dërguar ekspertët e saj, që do të jenë pjesë e ekipit të ekspertëve të BE-së, që vepron përmes strukturës së Qendrës Monitoruese dhe Informuese për Mbrojtjen Civile. Ndërkohë autoritetet gjermane janë në kontakt të ngushtë me qeverinë shqiptare dhe institucionet ndërkombëtare, të cilat koordinojnë asistencën dhe mbështetjen për Shqipërinë” - tha Irene Eidemüller, këshilltare për kulturën dhe marrëdhëniet me mediat në Ambasadën Gjermane në Tiranë.

Projektet gjermane synojnë parandalimin e situatave të emergjencës

Mbështetja gjermane ka edhe një përmasë tjetër. Ajo synon shmangien në të ardhmen të përsëritjes së përmbytjeve të tilla në zonat përreth hidrocentraleve, të ngritura mbi kaskadën e lumit Drin. Një projekt i madh ndërkombëtar, i financuar me 20 milion euro nga qeveria gjermane dhe organizata të tjera ndërkombëtare financiare, ka nisur rrugën e realizimit. Projekti quhet “ Mbrojtja e digave të hidrocentraleve mbi lumin Drin dhe Mat”.

Pirro Trebicka, koordinator i projektit në zyrën e KfW-së në Tiranë, thotë për Deutsche Welle-n: “Qeveria gjermane përmes KfW-së do të bashkëfinancojë këtë projekt të madh, që synon të sigurojë digat e hidrocentraleve mbi lumin Drin dhe Mat. Ky projekt është ideuar nga realiteti i digave të hidrocentraleve të ngritura mbi këta dy lumenj, ku kërcënimi i dëmtimit të tyre është i pranishëm pasi nuk është e qartë se sa të sigurta janë digat në këto hidrocentrale.”

Sinjalizimi i popullsisë në zonat e rrezikuara - komponent i rëndësishëm i projektit

Projekti përmban edhe mënyrat bashkëkohore të sinjalizimit të popullsisë në zonat pranë hidrocentraleve për çdo eventualitet. Mbështetja financiare gjermane për këtë projekt, niset nga ruajtja e një energjie të padëmshme për mjedisin, energjie ekologjike, siç është energjia elektrike e prodhuar nga hidrocentralet. Kjo qëndron në bazë edhe të finacimit nga Gjermania përmes bankës KfW, të projekteve të mëdha rajonale në sektorin energjetik , si ai i Linjës së Ritransmetimit të tensionit të Lartë, Tiranë – Podgoricë, Prishtinë- Tiranë dhe i Unazës 110 kilovolt në Jug të Shqipërisë.

Autor: Ani Ruci

Redaktoi: Eliana Xhani

[DYDRINAS]

Gjakova ofron strehim për të përmbyturit në Shqipëri


Pas vendimit të kryetarit të komunës, dr.Pal Lekaj për të ndarë dhjetë mijë euro dedikuar qytetarëve që kanë pësuar nga përmbytjet në veriun e Shqipërisë,si dhe dërgimit të një formacioni të zhytësve dhe të kërkim shpëtimit, qytetarët në komunën e Gjakovës në harmonizim me kryetarin e komunës kanë shprehur edhe një tjetër solidaritet duke treguar gadishmërinë për të sistemuar familje. Bëhet fjalë për një mijë familje që në rast te evakuimit do të kenë mundësinë të sistemohen në komunën e Gjakovës.
Ky vullnet i shprehur po stimulon edhe tjera familje në komunën e Gjakovës. Kryetari i komunës, dr.Pal Lekaj bën të ditur se familjet ë dëmtuara menjëherë mund të zhvendosen në Gjakovë ku i pret sistemimi i menjëhershëm. Ndërsa, për familjet që nuk janë në gjendje të mirë materiale janë duke u bërë përpjekje që në koordinim me qytetarët që kanë shprehur dëshirën për të ofruar sistemim mirëpo të cilat nuk kanë mundësi materiale por kanë hapësira ambientale dhe vullnet për ti strehuar familjet e dëmtuara, që atyre familjeve komuna tu ofrojë ndihmat e duhura.


Data: 08.01.2010

http://www.gjakova-komuna.org/?mod=news&newsid=1658&id=1

[mia@]

Se imagjinoj dot si jetojne te zhytur ne uje. Gjithe ajo lageshtire o Zot! Dy hapa e nxjerr femijen gjer te makina kur dale, mbuluar koke e kembe dhe me iken truri te mendoj se mund te marri ndonje te ftohte, e jo me ata femije qe po jetojne me dite ne ato kushte.
Te isha une do kisha levizur. Nuk behet shaka me shendetin. Nuk i merr njeri muret. Para shendetit nuk vihet asgje. Zoti i ndihmofte! Sa me pak pasoja ne shendetin e tyre.