Nuk më rri as shpirtiPostuar më parë nga mondishall
Nuk me rri as zemra
Do drejtuar gishti
Kush për.mjerr nder endrra?!...
Sapo të lexova
ndjeva drithërimë
A do ta shoh Zonjë?
Nënë Shqipërinë?!
Ndaj nuk do ta zgjas
Se s'dimë të festojmë.
Ndoshta do pëlcas
E s'do ta shoh Zonjë.
Sytë nga Europa
A do integrohemi?...
Rrugët plot me gropa
Jo më kot ankohemi.
Jepi miku im
Se kemi një hall
Unë si një Agim
Ti si Mondishall.
urime, urime, urime
Pershendetje me vargje per vargjet e tua, miku Agim...
Robinsonë
Të gjithë! Dëgjoni? Të gjithë!
Të gjithë jemi Robinsonë,
në Tokën-ishull të universit
Kështu na lanë Perënditë
Për mos patur më punë me njerëzit.
Kështu na e thotë fillesa
Mirë, po e besoj, ja kështu
Po më pas dhe ajo e shkreta
S'di pse u ngatërrua më shum'.
Ç'patën më pas Perënditë
Me Robinsonin dhe ishullin e tij?
Erdhën çuditërisht një ditë
Aty, aty lart në Olimp.
Ç'patën, pyes, ç'patën
Me krijesën e ishullit, Robinson?
Të ishin kaq të papara
Ndaj femrës që epshet i zgjon?
Ç'deshën bënë, edhe ikën
Si piratët e detrave dikur
Robinsonit i lanë pas frikën
Dhe egon për të qenë dikush.
Kështu, ja kështu, Robinsoni
Në Tokën-ishull të universit
Nga vetja një Zot tjetër krijoi
Dhe poshtë vetes, skllevërit.
Të gjithë! Dëgjoni? Të gjithë!
Jemi Robinsonë në Tokën -ishull
Kjo sigurisht për Perënditë
Dhe për gjithë Robinsonët e paditur.
@E Sh
-Pasja e shpirtit është privilegj për trupin. (E SH)
Vetëm dy njerëz
Ku është ai prag
Ku është ajo portë
Kur erdha nga larg
Mik në kët' botë?
Kaloj vetëm pragje
Hap e mbyll porta
Mik në imazhe
I huaj si bota.
Vetëm dy njerëz
Njerëz hyjnorë
Më dhanë jetën
I kam shenjtorë.
Më ngrenë kur bie
Pragjesh penguar
Me frymë shenjtërie
Botës së huaj.
Një nënë, një babë
E Zotit, thagmë.
@E Sh
-Pasja e shpirtit është privilegj për trupin. (E SH)
Sa ka njeri tek një njeri
Askush nuk e di
Sa është njeriu tek njeriu
Sa ka njeri tek një njeri
Vetëm në e thëntë gjeniu.
Gjeniu i notës së artë
I të artës fjalë gjeni
Qoftë me emrin Mozart
Qoftë me emrin Shekspir.
Qoftë Ajnshtajni kozmik
I verbëri Homer, qoftë
Bet'hoveni me simfonit
Aristoteli me ca filozofë.
Ku janë këta gjenij?
Ndonjë i gjallë si këta?
Askush sot nuk e di
Njeriu njeriun sa e ka.
@E Sh
-Pasja e shpirtit është privilegj për trupin. (E SH)
Me pelqeu shume. Urime per keto vargje kuptimplote!
Për çdo çast në këtë botë
vdes një plak lind një fëmijë
nga këta që vijnë e shkojnë
vallë sa mbajnë emrin njeri
S'të bën 'njeri' veç një pamje
një dna një kromozon
por një shpirt drithërues
që vetë jetën dashuron
Mos shkruaj gjë kur je me nerva, sepse, ndërsa plaga e gjuhës është më e keqe se e shpatës, mendo ç’ka mund të jetë ajo e pendës
Faleminderit shigjeta, te pershendes me ...
Paradoks psiqik
Eshtë kaq e vërtetë, sa e vërteta çuditet
Moral të bëj, deri në hipokrizi
Nga njera anë, më tërheqin instiktet
Nga ana tjetër, jam kaq moralist.
Instiktet i fsheh, i struk psiqikës
Psiqiken e shfaq, në rolin fallc
Jo, nuk e bëj këtë prej frikës
As nuk e bëj, për të shitur moral.
E bëj nga kompleksi, që s'e dinte as Frojdi
Unë e ditkam dhe prapë s'e kuptoj
Sigurisht, egziston një kompleks Edmondi
Derisa një kompleks bote, egziston.
Luftoj me veten, me veten paqësohem
Mbetur një jetë, një paradoks psiqik
E di, sa herë më pak kompleksohem
Bota më bën, të çmendur, armik.
Eshtë kaq e vërtetë, sa e vërteta çuditet
Aq sa dhe Frojdi, mos ngjallet, vetvritet.
@Edmond Shallvari
Selanik, 14 tetor 2012
-Pasja e shpirtit është privilegj për trupin. (E SH)
Urgjente
Sot, kur është nder mos kesh nder
Sot, kur është mirë mos bësh mirë
Sot, kur është keq mos bësh keq
Bota s'ka nevojë për çmendinë.
Urgjent duhen ngritur sa më parë
Klinika për pacientët normalë.
@Edmond Shallvari
-Pasja e shpirtit është privilegj për trupin. (E SH)
Flamuri im
Kush tha që ndjehem 100 vjet i pavarur?
Kufijtë e shtetit s'e nxenë shpirtin tim
Gjithë universin shtet ta kisha patur
Mangët do ndjehesha, nga ky shtetrrethim.
Nga ky shtetrrethim, ku u linda, u rrita
Flamurin tim, degdisjes e ngrita.
@Edmond Shallvari
-Pasja e shpirtit është privilegj për trupin. (E SH)
Kufijtë e vendlindjes sime
Harta e vendlindjes ka formën time
Formën e trupit, të shpirtit tim
Fillon e mbaron kësaj hapësire
Bashkë me ecjen, ajrin që thith.
Nuk pretendoj hapësirë përtej ecjes
Përtej frymëmarrjes, s'pretendoj hapësirë
Mjafton hapësira e lirë e vetvetes
Aty formësoj të vendlindjes kufijtë.
Aty ku arrin jehona e zërit
Gjuha e zërit jehonën arrin
Aty ku ndjehem, kuptohem i tëri
Janë të vendlindjes sime kufijt.
@E Sh
-Pasja e shpirtit është privilegj për trupin. (E SH)
O popull i mirë!
Ku shfaqet një lider
Mblidhet një popull
Për t'u zbritur çdo herë
Në turmë të pangopur.
Pangopësi instiktesh
Manirash pangopësi
Gëzohesh kur vritesh
Për liderin e ri.
Kurban i trupit
I shpirtit kurban
Turma e fundit
Fillimit tiran.
Tiranit lider
Liderit Zot
Turma përmjer
Vetveten si sot.
Vetveten si sot
Si sot e më parë
Më parë dhe mot
Kjo turmë e palarë.
E palarë në trup
Në shpirt e palarë
Një votë më shum'
Liderit të marrë.
Liderit të marrë
Liderit të çmendur
Normali popull
Turmë e pagdhendur.
E pagdhendur turmë
Kohës moderne
Një hallkë më shumë
Zinxhirit të skllevërve.
Skllevërve të lirë
Lirisë absurde
O popull i mirë
Largoju prej turme!
@ Edmond Shallvari
Selanik, 26 tetor 2012
-Pasja e shpirtit është privilegj për trupin. (E SH)
Regullat e Postimit
Përgjigju Duke Cituar
Krijoni Kontakt