Kohë çalamane

[Helikranon]

mondishall !

"Fjala e kuajve", nje perle e vertete !

[MI CORAZON]

Te falenderoj e pershendes, i dashur Agim...

* * *
Një fjalë të ndez
Të shuan gjysmë fjale
Çerek fjale të vret
Apo të jep ringjallje.

............Bukur!

[mondishall]

Helikranon dhe MI CORAZON, ju falenderoj per viziten ne kete faqe poetike dhe vleresimin dashamires qe shprehni. Ju pershendes...

Antikryqi im


Tre ditë ju desh Atit për ringjalljen e birit

Tre ditë t'ja mbyllte plagët nga kryqi kryqëzuar

Fuqi ka Ati i madh të bëjë jetë dhe prej hirit

Por, ooh, nuk ka fuqi ndaj kryqit të shenjtëruar!



Si është e mundur vallë të shenjtërohet arma

Të kthehet në simbol, besim përjetësie?

Ajo që jetën vret dhe le veç vdekjen prapa

Ajo që gjallë gozhdoi një bir perëndie?



O Zot, dënomë mua për antikryqin tim

Mos lerë njerëzinë në çmendurinë e njëjtë

Ajo ështe prapë gati të bëjë rikryqëzim

Në emër të Atit, Birit dhe Shpirtit të Shenjtë!

[Enesi]

Nëse doni të më gjeni…

Unë jetën s’e ndava në parcela
Të hynte kushdo për ta mbjellë
Qysh çastin kur kësaj jete erdha
M’u sulën demonë për ta vjelë.

Vazhdon kjo lojë demonësh
Unë lojën time vazhdoj
Si unë i shoh të kthyer prej kohësh
Si ata sot veten time shikoj.

Nuk di kush fiton e kush humb
As kam për ta ditur më vonë
Veç di që bashkë me mua në fund
Do kthehen në ëngjëj ca demonë.

Kërkomëni, nëse doni të më gjeni
Ngatërruar ferrparajsës, diku…
Si lëng magjik një vargun tim e derdhni
Do shfaqet ai Mond që njihni ju.

Shume e bukur, shume e ndjere...

[mondishall]

Shume e bukur, shume e ndjere...

Shume te faleminderit, Enesi! Te pershendes...

Vetskllavërim

Nuk di pse humbas në fitore demonësh
Dorëzohen para meje dhe skllav i tyre jam
Mos janë ata vallë, kulçedra shumëkokësh
Apo un' jam një demon, që kthej veten në skllav?

[mondishall]

Shpirti i zërit

Flas me nerva kur kam të drejtë
Dhe kur s’kam të drejtë, i nevrikosur bërtas
Kjo do të thotë që veprimi i njëjtë
Më bën të njihem e mos njihem në çast.

Kështu më ndodh dhe kur flas i qetë
I njëjti veprim, për të njëjtën kundërti
Në doni të dini se kur kam të drejtë
Mos dëgjoni zërin, por shpirtin e tij.

[mondishall]

Unë, Toka dhe Koha

Me mua ec Toka
Me Tokën unë ec
Me ne ecën koha
Në ecje të tre.

Në ecje të tre
Por jo në një hap
Dikush prapa ngel,
Dikush tepër larg.

Dikush tepër larg
Pa ditur se ku
Dikush rend ta ndal
Por humbën diku.

Por humbën diku
Ndaj ec kuturum
Nuk di në jam un'
Apo koha u zhduk?

Apo koha u zhduk
Dhe mbeta pa kohë
Si pikë në fund
Si pena pa bojë.

Si pena pa bojë
Si letra pa fjalë
Pa kohën në kohë
Pa Tokën, i marrë.

Pa Tokën, i marrë
Hapësirës së çmendur
Bëj të hedh një hap
Por strukem i trembur.

Por strukem i trembur
Rreth vetes i ngrirë
Vetëm shpirti i mbetur
Më kujton njerinë.

Më kujton njerinë
Nga vendi më tund
Rend kohës ta arrij
Në fundin pa fund.

Në fundin pa fund
Dhe unë le të jem
Një grimcë më shum’
Që mbartën një jet’.

[mondishall]

Paradoksale!?

Mos bëni siç bëj unë
As ç'them unë, mos thoni
Për ju s'do desha kurrë
Të jem masë etaloni.

E di që bëj ç'ka s'duhet
Ç'ka s'ndodh e di që them
E di që ndez ç'ka shuhet
Dhe s'shuhet dot ç'ka s'ndez.

Unë prapë vazhdoj kështu
Jetoj në timen kohë
Në të jam vetëm unë
Bashkë me të shumtën botë.

[Helikranon]

mondishall !

Gezuar 2011 familjarisht !

Nje faleminderit te madh per kenaqesine qe na ke dhene me poezite e tua,

megjithese e kuptoj qe eshte pak.

Perseri faleminderit dhe shendet!

[mondishall]

mondishall !

Gezuar 2011 familjarisht !

Nje faleminderit te madh per kenaqesine qe na ke dhene me poezite e tua,

megjithese e kuptoj qe eshte pak.

Perseri faleminderit dhe shendet!

Helikranon, s'ka me njerezore dhe miqesore se fjala e mire e mikut. Te falenderoj per vleresimet dhe urimet e ngrohta, qe me shendetesojne e frymezojne me shume shpirtin. Gezuar kalofshi dhe ju familjarisht festen e ndrimit te viteve. Viti i Ri 2011 fillofte dhe vazhdofte me i mire se cdo vit tjeter.

Gezuar e lumturi uroj per gjithe forumistet dhe familjet e tyre.