Kohë çalamane

[mondishall]

Iku një grua-mama!

E dinte
Sa tmerr!
Udhëtimi i fundit,
i kthimit fatal.
Në fundin e një jete në mes
I një jete varrosur bashkë me të
I një varri ku plaga nuk nxë.

I një gruaje-mama
I një mamaje-grua
Që vite vetmie Amerikës i fali
Për vite jete të fëmijëve të saj
Që pranë s'i pati.

U kthye vendlindjes
për funeralin e madh
Të një jete të vogël
që jetën e madhe la pas.

---------------------------------------------

E vërtetë në fatkeqësinë e saj, e dhimbshme në të vërtetën fatkeqe.
...para pak ditësh.

[mondishall]

Bukuri i shton kësaj natyre

Çdo hap që ti hedh-një notë muzike
Çdo ecje që bën-një melodi lind
Çdo shfaqja tënde-një rrezatim drite
Pa diell e pa hënë, prapë ndrit.

Eshtë diçka magjike, që vetëm ti e ke
Diçka që bukuri i shton kësaj natyre
Xheloz bëhet dielli dhe hëna, sepse
As ti, as vargu im, s'marrim borxh prej tyre

[mondishall]

Fotografisë rinore

Unë vetes i besoj, që kam qenë, Ti
Po Ti i beson vetes, që Unë, je?
Ç'të flas kot dhe unë, moj fotografi
Ti mbetesh një çast imja, dikur, atje...

E prapë po të flas, se më vjen inat
Xheloz për veten time, më bën për çudi
Por tek ngjasojm' në shpirt, qetësohem ndërkaq
Ndryshe do t'gris ty, a të sotmin shpirt.

[mondishall]

E fshehta dëshirë

Një të fshehtë dëshirë qiellit ia thashë
Nga sqepi i një zogu, si degëzë peme u kap
Një çast ai fluturoi mbi kokën time lart
Dhe më as degëzën e as zogun s'i pashë.

E fshehta dëshirë, që kurrë s'ju tha
Shpirtit të asaj, që një jetë e priti
Me degëzën zogu folenë e ngriti
Mua pa folenë e atij shpirti më la.

[ajzberg]

Bukuri i shton kësaj natyre

Çdo hap që ti hedh-një notë muzike
Çdo ecje që bën-një melodi lind
Çdo shfaqja tënde-një rrezatim drite
Pa diell e pa hënë, prapë ndrit.

Eshtë diçka magjike, që vetëm ti e ke
Diçka që bukuri i shton kësaj natyre
Xheloz bëhet dielli dhe hëna, sepse
As ti, as vargu im, s'marrim borxh prej tyre

Kjo eshte serenate poetike,te pershendes Mondi

[mondishall]

Mos me kujto serenatat ajzberg, se fillon nostalgjia qe ne fillim te kesaj jave dhe s'kalohet lehte pastaj.
Te falenderoj e pershendes.

“Njerëzia”

I pashë ujqërit
Ma rrëmbyen trupin
E shqyen siç dinë të shqyejnë veç ata.
Të etur kthehen
Gotat t’i mbushin
Me shpirtin tim mbetur gjall’.

Tërbohen të mjerët
Nga etja e madhe
Që shpirti im s’ja u shuan.
Shndërrohen në njerëz
Me dhëmbë drakulle
Nga gjumi më zgjojnë tmerruar.

Dal nga shtëpia
Dhe ndjehem i plotë
Me trupin dhe shpirtin tim.
Në çast “njerëzia”
Më ngulin thonjtë
Dhe ëndrrën mbarojnë në zgjim.

[xani1]

Seç u kënaqa me këto vargje Tuat, mik. Paçi shëndetin dhe jetë të gjatë!

[KUJTIM CAMI]

Kështu foli Odisea

Ja ku u ktheva, e imja Penelopë
Uro të drunjtin Kalë, për kët' fat
Që mendja ime polli për një Trojë
Dhe pjella polli shkatërrim e gjak.

Oh, të paskam plakur, Penelopë!
Vetë si e harrova pleqërinë?
Ti me një pëlhurë ç'bëre kohë
Unë me një Kalë ç'bëra rininë.

Nuk di pse më prite, Penelopë
Për dashurinë që luftës ja dhuruam
Për fronin mbetur bosh pa të zonë
Që qasësit e tjerë s'e merituan?

Nuk di kë Odise tani do duash
As unë nuk e di kë Penelopë
Veç di, dinakërinë që krijuam
Do lemë trashëgim në këtë botë.

Oh sa kohe kisha pa u emocionuar......! Faleminderit Mondi qe me dhe kete kenaqesi perj kohesh te larguar.
Me pelqyen te gjitha dhe s'dija ke te zgjidhja dhe me short i ra kesaj poezije qe te vecoja, ndersa faqen ku do lexoja e zgjodha vete.
Urime dhe faleminderit Mondi.

[mondishall]

Kujtim, ku je, na mori malli o djale. Nese je i zene me pune madhore ne favor te jetes, te justifikoj mungesen ketu. Ndjehem mire qe nuk je bere pishman per kohen e harxhuar ne leximin e poezive te mia. Te falenderoj e pershendes.



Pyes!

Pyes të gjallët
Të vdekurit përgjigjen
Çuditen të marrët
Normalët s'çuditen.

Të vdekurit pyes
Të gjallët heshtin
Diçka i tremb
Apo diçka fshehin?

Pyes veten
Për të gjallët e vdekur
Përgjigja mbetet
Kufomë e patretur.

Veten pyes
Për të vdekurit e gjall'
Përgjigja hesht
Si i heshturi varr.

Pyes pa pyetje
Pa përgjigje përgjigjem
Guackës së vetes
Si kërmilli mblidhem.

As bota s'pyet
S'përgjigjet as bota
Për kërmillin e shkret
Zvarritur ndër kohëra.

[KUJTIM CAMI]

Mirmengjes Mondi.

Po, pishman jam bere qe bera kohe pa hyre ne FSH e pa lexuar keto poezi te mrkullueshme. Edhe kjo e fundit shume e bukur. Kalofsh nje dite sa me te bukur dhe me sa me shume muze.