Kohë çalamane

[mondishall]

O, mama!

O bukuri e bukur
E trupit bukuri
E shpirtit të padukur
Që sot parajsës ndrit…

Më shaj si dikur
.........Si dikur, cimbithmë!
...........Shuplakën, oh, shuplakën
...................... E dorës tënde kërkoj!
................Bëmë, o mama, çtë duash
..................Veç kaq larg mos ikë!
....Nuk rroj dot pa uratën
Oh, i mjeri, si rroj!

[brunilda_it]

O, mama!

O bukuri e bukur
E trupit bukuri
E shpirtit të padukur
Që sot parajsës ndrit…

Më shaj si dikur
.........Si dikur, cimbithmë!
...........Shuplakën, oh, shuplakën
...................... E dorës tënde kërkoj!
................Bëmë, o mama, çtë duash
..................Veç kaq larg mos ikë!
....Nuk rroj dot pa uratën
Oh, i mjeri, si rroj!

Urimet e mia Mondi !
Sa ne menyre te sinqerte dhe shpirterore vijne prej jush keto vargje per PRINDIN__ne kete rast "mamane" !
Vargje qe me kalimin e viteve te gjithe e ndiejme kete peshe ...
....dhe fund poezia mbyllet me vargun :
...Nuk rroj dot pa uratën
Oh, i mjeri, si rroj!
Urimet e mia Mondi !

[mondishall]

Faleminderit briliana per kete vizite dhe koment dashamires.

[mondishall]

Më prit

Nuk ngutem të të vij
Sepse jam ngutja vetë
Mes nesh kjo largësi
Copë qielli që lidh retë.

Më prit në tjetrën anë
Sa t’kapërcej midis
Kët’ qiell që sot na ndan
Bashkon mes kaltërsish.

[mondishall]

Qeshja flet më shumë se fjala
Fjala qesh më shumë se qeshja
Shpirti loton më shumë se syri
Syri dashuron më shumë se zemra. (E SH)

[mondishall]

Buzët dhe shega

Buzët e tua si hapje shege
Hapja e shegës si buzët e tua
Të dyja këtë çast ç'më bëni për vete
Ç'më çthurni këtë çast, të dyja.


p.s Piktura me shege realizuar nga Vangjel Nikolla

[ajzberg]

Te pershendes bili99 me...



Sot jam vetë gjithësia


Sot jam vetë gjithësia
Nuk kam fillim-mbarim
Gjithçka pra është e imja
E imja infinit.

S'dua t'ja di nga vij
Nga shkoj s'dua t'ja di
Shpërthej, shkatrroj, krijoj
Në kohën infinit.

Nuk njoh se ç'është mosha
Për mua s'ka kuptim
Por veç më dhimbset bota
E njerëzve hallexhinj.

Që kur e njoha hallin
U bëra hallexheshë
Nuk di kush lindi djallin
Që mua më përqesh.

Mos duhet të njoh veten
Më mirë se vetja mua?
Jo s'dua që të endem
Në infinit të vuaj!

Sot jam vetë gjithësia
Nuk kam fillim-mbarim
Që djallin kam dëbuar
Në fundin infinit.

Bukur Mondi ,nganjehere te pelcet shpirti ,une kete poezi dota titulloja[shoqerisht]revolta e poetit...........

[mondishall]

Te falenderoj e pershendes ajzberg...


Rrëfimi i diktatorit "disident"

Për tjetër u nisa
Për tjetër më bënë
Marksi, Lenini, Stalini.
Më dhanë të pija
Më dhanë për të ngrënë
Kështu ma mësuan gatimin.

Menyja e tyre
Ma mori mendjen
Nuk dija më tjetër gatim.
Të rrija në krye
Duhej që gjendjen
Ta mbaja në zap përdit'.

Qërim i patates
Dhe prerja e qepës
Më dhanë idenë e madhe.
Që jo vetëm llafet
Bëjnë mirë për njerëz
Pa bërë dhe Luftë Kllase.

E ç'ë, se ndodhte
Më shumë qërimi
Më pastër a s'del patatja?
Shtatë ju shkonte
Atyre që shihnin
Si kokat servirja mbi pjata.

Pas më ndiqte
Një popull i tërë
Jetë nga jeta e tij më dha.
Për mua vdiste
E çfarë s'ka bërë
Për mua hidhej në zjarr.

Vazhdova kështu
E ç'faj kam unë?
Armiqtë s'më linin rehat.
Me kokat mbi hu
Që ngula më shumë
Qepnjerëzit i bëra zap!

Më thoni tani
A s'jam disident
Që ndryshe desha ta nis?
Sa për dënim
Të shkoni në hell
Ata që më bënë "marksist"!

[pranvera bica]

Ky lot

Nuk di se si më doli sot ky lot
Nga dhimbja, urrejtja, dashuria?
Ai rrjedh dhe unë s'e ndal dot
Apo ai s'ndal dot hallet e mia?

S'besoj fjala e parë të ishte hall
Besoj fjala e parë tjetër të ish'
Pse sot ky lot që rrjedh në hallin ndal
Mos vallë bashk' me njeriun halli lind!?

I nderuar Mondi!Thone qe poezia buron nga shpirti...ju patjeter mik kini nje shpirt te bukur prandaj dhe poezia juaj eshte e tille...vertet halli lind me njeriun por me te lind edhe dashuria qe dominon hallin...Suksese mik ,ju ndjek me dashuri...

[mondishall]

E gjendur si gjithmone mikja ime, me fjale te ngrohta, dashamirese dhe inkurajuese. Te falenderoj e pershendes perzemersisht.