Ku vdekja dot s’më gjen
Do lindë dita prapë
Pas perëndimit tim
Një çast do ndjej mesnatë
Një çast do ndjej ndriçim.
Pastaj do jem mes tyre
Apo ato mes meje
Si netët nëpër yje
Si yjet përmes netve.
Unë prapë do të qesh
Me buzën e një Hëne
Piklotin do e tret
Si meteor çdo mbrëmje.
Do kthehem në mëngjes
Grimcuar në një rreze
Perëndimin do e pres
Për të rilindur veten.
Kështu, edhe i ikur
I kthyer do të jem
Pafundësis’ i lindur
Ku vdekja dot s’më gjen.
-Pasja e shpirtit është privilegj për trupin. (E SH)
Tërbimi i Hadit
21 janar, 2011-të
Hadi(1) që pa gdhirë ulet në fron
Ujrat e Akerontit(2) rrjedhin qetë
Qetë dremit dhe plaku Haron(3).
Hadi shikon orën dhe jep sinjalin
Zotrat mbitokës nisen me rrëmbim
Turmës vërtiten, të vdesin të gjallin
Hadit t’ja çojnë pastaj për gjykim.
Hadi tërbohet nga plani i prishur
Turma e gjorë ka mbetur pa Zot
Hyjneshat Keret* vrasjen kanë nisur
Punën ka nisur dhe plaku Haron.
Ja dhe Empuza*, në një udhëkryq
Turmën tmerron me sulmin e saj
Shpirti që del nga i vrari në trup
Hipën në varkën e Haronit plak.
Ja dhe Lamia*, i nënave tmerr
Rend çakërdisur errësirës së ditës
Jetën e një biri pa mëshirë e merr
Dhe nënën e vesh me rroben e zisë.
Më pas Eriniet(4) vërtiten mbi turmë
Turma e mallkimit të çmendur vrapon
Hadi në fron tërbohet më shumë
Ku t’i degdisë të vrarët e gjor’?
Urdhër i jep Haronit plak
Falas t’ju shërbejë me varkën e tij
Shpirtrave të marë, vrarë pa faj
Që shtojnë e shtojnë, të vdekjes mbretëri.
22 janar 2011
1-Hadi-perëndia e nëntokës.
2-Akeronti-lumë për në botën e Hadit.
3-Haroni-plaku me varkë, që çon shpirtrat para Hadit(çdo shpirt duhej ta paguante)
4-Eriniet-hyjnitë e hakmarrjes e mallkimit.
*-Keret, Empuza, Lamia, etj, hyjnitë e Hadit, që vrasin e marrin shpirtrat e të gjallëve.
-Pasja e shpirtit është privilegj për trupin. (E SH)
Vazhdojmë…
Vazhdojmë ta çbëjmë të bërën
Të bërën që s’ditëm ta bëjmë
Për pjesën shkatrrojmë të tërën
Dhe pse s’patëm kurrë të tërë.
Vazhdojmë në inat me vetveten
Vetveten ta njohim nuk dimë
Të mirën e bëjmë të keqe
Të keqen e bëjmë më mirë.
Vazhdojmë pa ditur ç’vazhdojmë
Ecim pa ditur se ku
Me lindjen perëndimin ngatrojmë
Dhe Zotin ngatrojmë më shum’.
-Pasja e shpirtit është privilegj për trupin. (E SH)
Dhe vuan bashkë me mua
E prita ëndrrën zgjimit
Mos zgjohej bashkë me mua
Ta ndjeja brenda shpirtit
Të prekur, të jetuar.
Të mos më ndahej ditës
Ashtu si s’ndahet natës
Larg ankthit edhe frikës
Larg ngricës edhe vapës.
Të ecja me të bashkë
Në gjysmëecjen time
Aty ku bota jashtë
S’më prek në ëndërrime.
Të isha gjysmë ëndërr
Pranë gjysmës sime zgjuar
Por ëndrra zgjuar është
Dhe vuan bashkë me mua.
-Pasja e shpirtit është privilegj për trupin. (E SH)
Në djall u shndrofsha!
Kjo udhë e pashtruar
Ky shtrim i pa udhë
Në ecje ngatruar
I ngatruari unë.
Në pluhur e baltë
Në gurë e gropa
I lodhur, me plagë
U ktheva nga shkova.
Provova asfaltin
I sigurt në ecje
Kujtova se fatin
E pata me vete.
Gjëkundi s’më nxorri
S’më çoi gjëkundi
Asfalt rrethori
Diametrash më humbi.
Kjo udhë e pashtruar
Ky shtrim i pa udhë
Nga djalli krijuar
Apo qenie si unë?
Në qofshin si mua
Si ata në qofsha
Vetveten s’e dua
Në djall u shndrofsha!
-Pasja e shpirtit është privilegj për trupin. (E SH)
Postuar më parë nga mondishall
Haroni zgjat doren
heshturazi kerkon parat
Hadi numeron te vdekurit
Perendite qeshin
Neser fillojme prap
Dija eshte injorance e mesuar.....
Sa shumë dhe.. sa pak
Sa shumë kam për të thënë
Sa pak s’dua të them
S’mjafton një jetë e tërë
S’mjafton një univers.
Sa shumë dua të shoh
Sa pak der’ sot kam parë
S’mjafton një teleskop
As mijra qofshin bashkë.
Sa shum’ dua të dëgjoj
Sa pak që kam dëgjuar
Nuk më ndihmon një Zot
As dhjetra të bashkuar.
-Pasja e shpirtit është privilegj për trupin. (E SH)
Profeci
Nesër do ndodhë patjetër si dje dhe sot
Gjaku do qarkullojë në trup bashkë me frapenë
Ajri do qarkullojë mushkërisë bashkë me tymin e cigares
Prostituat ritualisht këmbët do i ngrenë
Qyeti do gdhijë e do ngrysë më shumë hallet.
Nesër do ndodhë si sot dhe dje
I çmenduri s'do jetë më i çmendur
Normali s'do jetë më normal
Merimanga s'do ketë fijen për ta endur
Njeriu do jetojë si merimang.
Nesër...
Mos ndodhtë si nesër!
-Pasja e shpirtit është privilegj për trupin. (E SH)
Selanik!
Mirmëngjes Selanik!
Njëlloj qenkemi gdhirë të dy sot
Të vrenjtur e me dhimbje koke.
Si thua, një kafe bashkë ta pimë
Mbase dhimbja na largohet.
Mirdita Selanik!
Si thua, drekojmë në paralia*?
Me kupën Lefko Pirg** të pimë
Uzo, apo recinë Malamatina.
Mirmbrëma Selanik!
Si thua, darkojmë në Makedonia Palas***?
Kjo ditë kështu dua të më ik
Me të fundit evro të të qeras.
Natë e mirë Selanik!
Një ëndërr më shumë, një shpresë më pak.
*paralia-shetitorja në breg të detit
**Lefko Pirg-Kulla e Bardhë afër detit
***Makedonia Palas-Hoteli afër detit.
-Pasja e shpirtit është privilegj për trupin. (E SH)
Profeci
Nesër do ndodhë patjetër si dje dhe sot
Gjaku do qarkullojë në trup bashkë me frapenë
Ajri do qarkullojë mushkërisë bashkë me tymin e cigares
Prostituat ritualisht këmbët do i ngrenë
Qyeti do gdhijë e do ngrysë më shumë hallet.
Nesër do ndodhë si sot dhe dje
I çmenduri s'do jetë më i çmendur
Normali s'do jetë më normal
Merimanga s'do ketë fijen për ta endur
Njeriu do jetojë si merimang.
Nesër...
Mos ndodhtë si nesër!
-Pasja e shpirtit është privilegj për trupin. (E SH)
Regullat e Postimit
Përgjigju Duke Cituar
Krijoni Kontakt