Fundviti
I ngucur vetvetes
Tek mua ngucur
Si grahmë e vdekjes
I kohës së humbur.
I trembem, s’më trembet
S’më falet, s’e fal
S’e dua me vete
Shtes’ moshe mbi varr.
Fundvite pa funde
Pa fillime fundvite
Ku jeta shkundet
Si pemë ndër thëllime.
Ku dielli mërzitet
Me veten e tij
Arratisur vërtitet
Universit të shkrij’.
Ku Hëna rënkon
Vetminë e saj
S’ka varg që ta ngroh’
S’ka lot që ta qaj’.
Se loti u shter
Saharës në shpirt
Në shpirtin që pret
Të Shpirtit Vit.
30 dhjetor 2010
-Pasja e shpirtit është privilegj për trupin. (E SH)
Gezuar Mondi ,me behet qefi qe shkruan tere vitin,suksese ne Vitin e Ri 2011
Dija eshte injorance e mesuar.....
Nga mot Gezuar Ajzberg! Te pershendes...
Lopata e shpirtit
Të zbraz e të mbush lopata e shpirtit
Në kosh plehrash shpirtin ta kthen
Nuk njeh ajo pasuri të virtutit
Ndaj atë e zbras e veset i mbledh.
E ç’faj ka metalikja lopatë
Bishti i drunjtë s’ka faj gjithashtu
Nëse lëviz nga një dorë e thatë
Thatuar në të pashpirtin trup.
Kështu klonohet njeriu i mjerë
Nga një lopatë e thjeshtë plehrash
Që zbraz e zbraz të virtutit vlerë
Me mbushje të re kartmonedhash.
Kaq është kjo histori me lopatë
Koshi i plehrave tashmë u mbush
Sa kohë të urdhërojnë paratë
Njeriu do zbrazet në shpirt e trup.
Ndryshuar për herë të fundit nga mondishall : 03-01-2011 më 11:56
-Pasja e shpirtit është privilegj për trupin. (E SH)
Plagdhimbja
Kjo dhimbje pa plagë
Kjo plagë pa dhimbje
Plagdhimbje që s’ndal
Udhës në ikje…
Në ikjen e nisur
Me qarjen e foshnjës
Vazhdoj duke pritur
Shërimin e kohës.
Të kohës që s’di
Më ka, a s’më ka
Si qenie njeri
A si hiç të saj.
Kjo gjendje kome
E kohës sëmurë
Me qarje foshnje
S’mu nda as burrë.
Plagë pa dhimbje
Dhimbje pa plagë
Plagdhimbje në lindje
Kryqëzim në të gjallë.
Në të gjallën e vdekur
Në të vdekurën e gjallë
Plagdhimbja e mbetur
Fundqarja e parë.
-Pasja e shpirtit është privilegj për trupin. (E SH)
Κolisterini i fjalës
Kjo «çorbë eklektike për të varfër»
S’na ndahet e s’na ndahet në gatim
Thua të burojë nga tru i mangët
Apo diku tjetër ka burim?
Nuk më vjen keq për gatuesin
Ai le të shijoj çorbën e tij
Unë jam në sofër me lexuesin
Të shijoj ç’ka ha, edhe ç’ka pi.
Por ajo kërkon mjeshtër gatimi
Jo spurdhjakë kuzhinash, diletantë
Që na shtojnë yndyrë kolisterini
Nga servirje çorbash në çdo pjatë.
-Pasja e shpirtit është privilegj për trupin. (E SH)
mondishell,pershendetje!
Plage pa dhimbje
Dhimbje pa plage
Plagedhimbje ne lindje
Kryqezim ne te gjalle.
Ne vargjet tuaja shoh shpesh veten.Faleminderit .
Mondi si gjithnje befasues. Urime miku im Zoti te ka falur nje shpirt te mbushur plot me muze por ti si bujar qe je e ndan me ne qe te na mbushesh shpirtrat edhe ne. Faleminderit mik.Postuar më parë nga mondishall
Faleminderit miq per ngrohtesine e fjaleve mes ftohtesise se dimrit.
-Pasja e shpirtit është privilegj për trupin. (E SH)
Ndjekja e mallit
Nuk di ku është qielli
As toka ku është
Kujtimi më mbeti
Jashtë tyre i shenjtë.
Se toka s’më la
Të ecja siç ecet
Se qielli më tha
Në re të kthehem.
Dhe ika jashtë tokës
Jashtë qiellit ika
Pafundësisë së botës
I qetë të vdisja.
Por malli s’mu nda
Më ndoqi, më ndjek
Pafundësia si varr
Më keq po më tret.
-Pasja e shpirtit është privilegj për trupin. (E SH)
Më lini të fle
Mëngjesin s'e prita
Më priti ai
Nga ëndrra u ngrita
Një tjetër njeri
Nuk isha vetvetja
E lashë në ëndërr
Dhe pse qaja, qeshja
Beqar, edhe dhëndër.
Beqar i paditur
I virgjër në kulm
Dhëndër i mitur
I rritur më shum'.
Vetja e fjetur
Më fliste e heshtur
Çfarë kohe ke gjetur
Që qan duke qeshur?
Që qesh duke qarë
Në dhimbje i lumtur
Me sy dhe pa parë
Kohën e humbur.
Kohën e gjumit
Të ëndrrës së vrarë
Fëmijës dhe burrit
Plakur më parë.
Më lini të fle
Mos prisni të zgjohem
Me të zgjuarin atje
Kam frikë të ndrohem.
-Pasja e shpirtit është privilegj për trupin. (E SH)
Regullat e Postimit
Përgjigju Duke Cituar
Krijoni Kontakt