Efektet e mëkatit

[Ibn Abdu Rrahim]

Efektet e mëkatit

El-Arbiah 14 Dhul Hixheh 1430 / 02 12 2009

1 – Njeriu pengohet prej diturisë për arsye se dituria është dritë që Allahu e bënë që ta arrin zemrën, ndërsa mëkati e fik dritën. Kur el-Shafiu ishte ulur para Malikut dhe i lexonte atij, ai e admiroi atë për shkak të inteligjencës, vigjilencës dhe të kuptuarit e tij që e pa tek ai. Ai tha, “Unë mendoj që Allahu ka bërë që drita të hyjë në zemrën tënde, prandaj mos e fik atë me errësirën e mëkatit.”

2 – Do të pengohesh prej furnizimit. Në Musnedin e Ahmedit është transmetuar se Theubani ka thënë: “I Dërguari i Allahut (paqja dhe shpëtimi i Allahut qoftë mbi të) ka thënë: ‘Njeriu pengohet prej furnizimit për shkak të mëkateve që i bënë.’ ” (Transmetuar prej Ibn Maxheh, 4022, i klasifikuar si hasen prej Albanit në Sahih Ibn Maxheh).

3 – Ai ndien largim (izolim) që vije ndërmjet një personi dhe Zotit të tij, dhe ndërmjet tij dhe njerëzve tjerë. Njëri prej selefëve tha: “Nëse i bëjë mëkat Allahut, e shohë atë në sjelljen e shtazës ngarkuese dhe në gruan time.”

4 – Gjërat bëhen të vështira për atë, kështu që ai nuk e drejton vëmendjen e tij drejt ndonjë çështje përveç se e gjen rrugën të bllokuar apo e gjen atë të vështirë. E njëjta shenjë, për atë që e ka frikë Allahun, gjërat bëhen të lehta për atë.

5 – Mëkatari do të gjen errësirë në zemrën e tij, ku do ta ndijë atë ashtu siç e ndien errësirën e natës. Kjo errësirë do të ketë ndikim në zemrën e tij ashtu siç ka ndikim errësira fizike në shikimin e tij. Se dëgjueshmëria është dritë dhe mos dëgjueshmëria është errësirë.
Sa më e fuqishme të bëhet errësira, aq më i fuqishëm bëhet hutia e tij, derisa të bije në bidate-risi , në devijim dhe në gjëra të tjera që e shpien në një përfundim të keq, pa e vërejtur fare, sikurse i verbëri i cili del në errësirë, duke ecur i vetmuar. Kjo errësirë bëhet e dendur derisa ti mbulon sytë, pastaj bëhet më e dendur derisa ta mbulon fytyrën, ku duket e errët dhe mund të shihet nga çdonjëri.
Abdullah Ibn Abasi ka thënë: “Veprat e mira e ndriçojnë fytyrën, i japin dritë zemrës, dhe sjellin furnizim të bollëkshëm, fuqi fizike dhe dashuri në zemrën e njerëzve. Veprat e këqija e bëjnë fytyrën të errët, i japin errësirë zemrës, dhe sjellin dobësi fizike, mungesë të furnizimit dhe urrejtje në zemrën e njerëzve.”

6 – Pengohet prej ibadetit dhe dëgjueshmërisë. Nëse mëkati nuk sjell diç tjetër përveç asaj që e pengon njeriun prej veprave të adhurimit e që është e kundërta me mëkatin, dhe e mbyll hyrjen tek aktet e ibadeteve tjera, kjo do të ishte e mjaftueshme.
Pra mëkati e pret rrugën e tret dhe të katërtë dhe kështu me radhë, dhe për shkak të mëkatit ai pengohet prej shumë akteve të ibadetit, ku secila prej tyre do të ishte më e mirë për atë se sa kjo botë dhe e tërë ajo që gjendet në të. Pra ai është si një njeri i cili han ushqim i cili me të sigurt do ti shkaktoj sëmundje të gjatë, dhe se ai pengohet prej shumë ushqimeve tjera që janë më të mira se ai. Dhe Allahu është Ai tek i Cili duhet kërkuar ndihmë.

7 – Mëkati lind mëkate derisa ta dominon personin dhe ai s’mund ti ik asaj.

8 - Mëkatet e dobësojnë vullnetin e njeriut. Gradualisht e forcon vullnetin e tij për të bërë mëkate dhe dobësohet vullneti i tij për tu penduar, derisa mos të mbetet aspak vullnet në zemrën e tij për tu penduar...pra ai kërkon falje dhe e shprehë pendimin, por ato janë vetëm fjalë në buzë, sikurse pendimi i gënjeshtarit, ku zemra e tij ende është e vendosur që të bëjë mëkate dhe të insistojë në ato. Kjo është njëra prej sëmundjeve më serioze që mund ta shpie në përfundim të keq.

9 – Ai do të bëhet i pandjeshëm dhe më nuk do ta sheh mëkatin si të neveritshëm, pra do të bëhet zakon i tij, dhe ai nuk do të shqetësohet nëse njerëzit e shohin duke e bërë mëkatin apo flasin për atë.

Për prijësit e imoralitetit, kjo është paturpësi përfundimtare në të cilën ata gjejnë kënaqësi të madhe, saqë ndihen krenar për mëkatin e tyre dhe ju tregojnë njerëzve për atë të cilët nuk e din se e kanë bërë atë, duke ju thënë, “O ti dhe ti, e kam bërë këtë dhe këtë.”
Njerëzit të tillë nuk mund të ju ndihmosh dhe rruga e pendimit në shumicën e rasteve është e bllokuar për ata. Pejgamberi (paqja dhe shpëtimi i Allahut qoftë mbi të) ka thënë: “I tërë umeti im do të jetë mirë përveç atyre që e bëjnë mëkatin haptas, dhe ajo përfshin raste kur Allahu e mbulon mëkatin e një personi, por në mëngjesin e nesërme ai e zbulon veten dhe thotë, ‘O ti dhe ti, mbrëmë e kam bërë këtë dhe këtë, pra ai me paturpësi e zbulon veten e tij kur Zoti i tij tërë natën e ka mbuluar mëkatin e tij.’” (Transmetuar prej el-Buhariut, 5949; Muslimi, 2744).

10 – Kur të bëhen shumë mëkate lënë njollë në zemrën e personit i cili i bënë ato, pra ai bëhet njeri prej neglizhentëve. Ashtu siç thotë njëri prej selefëve, në lidhje me ajetin –

“Jo, nuk është ashtu! Por të këqijat që i punuan, zemrat e tyre ua mbuluan (u mbuluan me mëkate dhe vepra të këqija).”

[el-Mutafifin 83:14 ] –

kjo donë të thotë mëkat pas mëkatit.

Si fillon kjo është se zemra njolloset prej mëkateve, dhe nëse mëkatet shtohen atëherë njolla rritet më shumë derisa të bëhet ran (e mbuluar me mëkate dhe me vepra të këqija), pastaj rritet derisa të vuloset dhe zemra mbulohet dhe mbyllet.
Nëse kjo ndodh pasi që personi të jetë udhëzuar dhe të ketë kuptuar, atëherë zemra e tij është përmbysur, dhe në atë pikë shejtani e merr kontrollim mbi atë dhe e drejton ashtu siç dëshiron ai.

Shejh Muhamed Salih El-Munexhid
botaislame.com