Ndasite Politike ne Shqiperi

[Duaje Siveten]

perseri, postimi i bere nga una nuk do te thot se jam shinasija ... kush mundet te jape ndonje mendim per problemet qe shtrohen ... sa per biografi dujsive apo shinasive - lereni ne ndonje rubrike si "sigurimi - syri vigjilent i partise" ...

Gazeta Shqiptare

Problemi i ndasive politike në Shqipëri

Shinasi Rama

Shoqëria e sotme në shtetin shqiptar është në një krizë të thellë e të gjithanshme morale që, në dukje të parë, ngjan sikur nuk ka se si me pasë shërim. Shteti është i kapur, paria është e korruptuar, administrata është e kriminalizuar, shoqëria civile është e paralizuar, ekonomia është e bazuar në shërbime e shitblerje dhe, shoqëria është moralisht e ç’orientuar e pa vlera të përbashkëta. Mbi të gjitha, në shtetin shqiptar ka një shterpësi vlerash e modelesh lidhur me rrugët që duhet të ndiqen e me zgjidhjet e përshtatshme për të dalë nga kriza, ç’ka ka krijuar përshtypjen mbytëse se ai vend është i pashpresë dhe i dënuar të mbesë në këtë qorrsokak. Niveli i diskursit politik është mjeran, materializmi është sundues e rampant, zvetënimi moral i parisë është i prekshëm dhe ka dalë krejt sheshit, mungesa e alternativave dhe mosbesimi në alternativat ekzistuese kanë krijue një boshllëk të jashtëzakonshëm vlerash.

Një nga aspektet kryesore të jetës politike ku manifestohet kjo krizë vdekjeprurëse e moralit në shoqëri është organizimi dhe manipulimi i paskrupullt i ndasive politike nga ana e parisë së Tiranës. Në të gjitha shoqëritë e tjera që dolën nga sistemi i mëparshëm në perandorinë sovjetike, ndasitë sunduese politike janë kthyer në rregullsitë e në shtratin tradicional. Gjithkund, njerëzit mbështesin parti e struktura që janë të bazuara në besimin fetar, në identitetin kombëtar, në interesat materiale, apo në territorin. Shteti e kombi janë kthyer në qendër të vëmendjes dhe mbrojtja e interesit kombëtar është parësore për paritë e këtyre kombeve e shteteve.

Në këtë drejtim, në shtetin shqiptar ka ndodhur një paradoks i jashtëzakonshëm dhe i papërsëritshëm. Ndasitë politike sunduese në kohën e tanishme në shtetin shqiptar janë identike me ato të periudhës së mëparshme. Ndasia kryesore që ua lehtëson shumë punën partive politike me marrë mbështetjen e njerëzve është ajo komuniste-antikomuniste. Sjelljet e individëve, lidhjet e tyre politike, besnikëria klasore e sociale të gjitha gjykohen përmes këtij këndvështrimi. Kjo gjendje polarizimi e kundërvënieje ka arritur një nivel histerie e ekstremizmi të tillë që gjithkund tjetër do të ishte e frikshme.

Mekanizmi që përdor paria e Tiranës për ta kontrolluar e menaxhuar këtë gjendje është shumë i sofistikuar. Teknika e saj e preferuar është denigrimi e izolimi i kundërshtarëve, dhe këtu arma me e përdorur është shpifja. Për shkak se njerëzit nuk munden më ditë se ç’ka ndodh, ato bien lehtësisht pre e insinuatave dhe shpifjeve që dalin nga fabrikat e segmenteve respektive të parisë.

Në një shoqëri ku ka gati 70 vjet që nuk është marrë vesh se ku ka fillue e vërteta dhe ku fshihet lepuri i mashtrimit, ku besimi tek lajmi fillon e mbaron tek personi e jo tek vlerësimi i fakteve, ku thashethemet trajtohen si e vetmja rrugë më marrë vesh të vërtetën, shpifja është instrumenti i zgjedhur dhe i preferuar.

Dhe paria e Tiranës e ka përdorur shpifjen me efikasitet të jashtëzakonshëm për të denigruar, izoluar dhe eliminuar të gjithë kundërshtarët e saj. Mbi të gjitha, paria e Tiranës e ka përdorur shpifjen për të ruajtur ndarjen artificiale politike në mbështetës e kundërshtarë të segmenteve sunduese të saj. Shpifja është mjeti i preferuar për të manipuluar ndasitë politike dhe për të marrë legjitimitetin nga mbështetësit e parisë.

(vijon)

[DYDRINAS]

[I]

Shoqëria e sotme në shtetin shqiptar është në një krizë të thellë e të gjithanshme morale

Shteti është i kapur

paria është e korruptuar

administrata është e kriminalizuar

shoqëria civile është e paralizuar

ekonomia është e bazuar në shërbime e shitblerje

shoqëria është moralisht e ç’orientuar e pa vlera të përbashkëta

në shtetin shqiptar ka një shterpësi vlerash e modelesh lidhur me rrugët që duhet të ndiqen e me zgjidhjet e përshtatshme për të dalë nga kriza

Niveli i diskursit politik është mjeran

materializmi është sundues e rampant

zvetënimi moral i parisë është i prekshëm dhe ka dalë krejt sheshit

mungesa e alternativave dhe mosbesimi në alternativat ekzistuese kanë krijue një boshllëk të jashtëzakonshëm vlerash.

Një nga aspektet kryesore të jetës politike ku manifestohet kjo krizë vdekjeprurëse e moralit në shoqëri është organizimi dhe manipulimi i paskrupullt i ndasive politike nga ana e parisë së Tiranës

Ndasitë politike sunduese në kohën e tanishme në shtetin shqiptar janë identike me ato të periudhës së mëparshme.

Ndasia kryesore që ua lehtëson shumë punën partive politike me marrë mbështetjen e njerëzve është ajo komuniste-antikomuniste.

Sjelljet e individëve, lidhjet e tyre politike, besnikëria klasore e sociale të gjitha gjykohen përmes këtij këndvështrimi.

Mekanizmi që përdor paria e Tiranës për ta kontrolluar e menaxhuar këtë gjendje është shumë i sofistikuar.

Teknika e saj e preferuar është denigrimi e izolimi i kundërshtarëve, dhe këtu arma me e përdorur është shpifja.

Në një shoqëri ku ka gati 70 vjet që nuk është marrë vesh se ku ka fillue e vërteta dhe ku fshihet lepuri i mashtrimit, ku besimi tek lajmi fillon e mbaron tek personi e jo tek vlerësimi i fakteve, ku thashethemet trajtohen si e vetmja rrugë më marrë vesh të vërtetën, shpifja është instrumenti i zgjedhur dhe i preferuar.

Cfare propozon vete Shinasiu?

Ka shume te verteta ne ato fjale, mirepo ai bazohet vetem ne qendrimet e asaj qe ai e quan "pari e Tiranes" dhe me qeverisjen aktuale.

Cfare mendon ai per klasen politike shqiptare?

[juanito02]

Klasa politike shqiptare eshte tejet e mykur dhe duhet rinovuar pjese pjese
Te ike Saliu dhe gjithe shpura e tij si autori maksimal i amoralit politik dhe deformimit te tejskajshem te normave te demokracise dhe te reformohet pd realisht djathtas.
Te pastrohet ps nga e kaluara komuniste dhe te reformohet si e majte europiane.
Te behet dekomunistizimi real i shoqerise
Te shkoje prona te i zoti
Te behen konkurse reale per zgjedhjen e administrates se shtetit
Te denohen vjedhesit e zgjedhjeve ne menyre qe te mos perseriten me dhe te rregullohet kodi zgjedhor ne dobi te kombit e jo te partive

Ja pak nga gjerat qe mund te behen sado te duken utopi

[Brari]

"""Dhe paria e Tiranës e ka përdorur shpifjen me efikasitet të jashtëzakonshëm për të denigruar, izoluar dhe eliminuar të gjithë kundërshtarët e saj...."""


shkruan shinasia.. atje lart..

po cilet jan keta mo shinasi.. se paria eshte term i pa percaktuar..
kan emra njerzit qe perbejne parine..

pse nuk i thua mo shino..

po ti mo shino qe kurdisesh gjithmon para votimeve nga njeri krah i parise.. cfar ben..
po ndihmoke shpifesit.. pra..

shum kuq ..ashtu..keq.. o shinasi ed-ramo-llaraj..

un nuku kam degjuar gjer me sot qe saliu te ket shpifur per ndonje nga krahu tjater i parise te cilit i sherben prej kaq vjetesh shinasiu..

kur thot berisha se edvini eshte psikopat.. ashtu eshte..
kur thote eshte shpifs ..ashtu eshte..
kur thote se eshte hajn.. i tille eshte..

..

[Justiniani]

KOHA JONE

Luke Velaj tregon historine e tij per te njohur Shinasi Ramen qe sipas tij njihet si "dhjetorist" por qe per Velajn, eshte "spiuni i Sigurimit te Shtetit qe me coi 12 vjet ne burg"

"Ne dhjetor te vitit 1990, kur nisem protestat dhe serish ne shkurt 1991 kur menduam vetemohimin, te gjithe beme ne vetvete nje betim, qe te mbajme idealet e kesaj levizjeje gjalle dhe te pastra. Ne kerkuam nje Shqiperi si e gjithe Europa dhe jemi shume. Kerkuam nje Shqiperi ne NATO dhe ky eshte realitet tani dhe kerkuam nje Shqiperi demokratike dhe Europa sapo na pranoi statusin e vendit kandidat per ne BE.

Eshte e vertete qe demokracia i ka dhene te drejten e fjales cdo individi ne Shqiperi dhe kjo e drejte mbrohet me ligj nga Kushtetuta e vendit. Megjithate, mendoj se kur flasim per ngjarje te medha si ato qe ndodhen ne dhjetor te vitit 1990, morali dhe integriteti i njerezve duhet te jete ne nivelin e atij ideali per te cilin ne te gjithe se bashku luftuam. Cdo gje nisi ne 8 dhjetor dhe studentet te mbeshtetur masivisht nga gjithe shqiptaret arriten ta shnderronin levizjen studentore ne nje levizje te gjere masive per pluralizem. Kjo levizje u kurorezua me krijimin e te pares parti opozitare ne Shqiperi, Partise Demokratike.

Diktatura nuk ishte shkaterruar ende, por krijimi i PD-se jepte shpresen qe lufta te spostohej ne nje nivel me te larte. Populli opozitar kishte perfaqesuesen e vet politike. Nuk ishte e thjeshte se menjehere disa njerez, te cilet me kohe dhe me nje qellim ishin infiltruar nga Sigurimi i Shtetit ne levizje e me pas, brenda radheve te PD-se, ku nisen luften e ashper. Nje prej tyre ka qene edhe shinasi rama, i cili vetem per nje gje eshte per t'u pergezuar, besnikerine ndaj Alise dhe bashkepunetoreve te tij ne PS. Ky person ka te drejte te flase, thjesht sepse ne Shqiperi ka liri te fjales, por moralisht ai duhet te heshte dhe ka 1000 arsye per kete. Ai duhet te heshte deri kur t'i tregoje shqiptareve me prova se nuk ka qene bashkepunetor i Sigurimit te Shtetit, pasi cfare shqiptaret dine per te aktualisht, eshte se ai ka qene agjent dhe vete viktima e tij, nje qytetar nga Shkodra, z.Luke Velaj e ka akuzuar Shinasi Ramen publikisht.

Ne daljen publike te z.Velaj thuhet: "Pashe keto dite ne gazete nje material te shkruar nga njefare shinasi rama lidhur me politiken e Tiranes e me rolin e tyne ne jeten e shqiptareve. Interesante, e kishte nenshkruar si "Instruktor" tamam si dikur instruktoret e KQRPSH! Ky bandill priti njehere qe shefi i tij Ramiz Alia te thoshte nje fjale e pastaj me te marre udhezimet nisi zbatimin ne jete te ideve te tij te "ndritura".

Ky Shinasiu ka nje histori te pasur sigurimse e komuniste si pak kush ne moshen e tij, gje qe e ben kete "trim" kampion madje! Ai pat, nje kohe ne Shkoder, nje reputacion jo te mire, pat lene shkollen e Oficereve dhe nisi te endej rrugeve duke u futur ne shume grupe te rinjsh e me gjithkend, e njerezit e thjeshte kujtonin se eshte si ata, por ne fakt ai kishte pas misionin, te endej ashtu dhe te shoqerohej me sa me shume vete. Kete e provon dalja deshmitar ne gjyqin tim, personit me emer Luke Velaj, nga Shkodra. Me ka dale deshmitar duke shpifur e zbatuar detyrat e Sigurimit. Une hengra nja 12 vjet burg prej tij e Shinasiu per shperblim u dergua ne shkollen e Gjuheve te Huaja, pasi e kreu detyren mire. Aty edhe u gjend ne dhjetorin e studenteve ne vitin 1990 e qe nisi te beje karriere ne PD. Pasi ia tregova Sali Berishes te verteten rreth Shinasi Rames, PD ia tregoi kete Shinasise e ai u largua nga vendi per t'u vendosur perfundimisht ne USA, ku me kane thene se shume shitet si figure kombetare!? Kulmi!

Kam vetem kaq per t'i thene ketij djali, se nese nuk ndihesh fajtor per sigurimslleqet tuaja te pakten hesht e mos na jep leksione se na e ka shpifur shtypin ky emri yt. Le te flasin ata qe jane te paster, se te pakten kane shembull per te dhene e jo juve shoku shinasi rama, sepse ju jeni djegur, ja keni shitur shpirtin djallit te kuq sigurims. Ma mire tani rri ne heshtje e lepi kocken qe te ka rene per hise.

Megjithate, agjenti Rama nuk e ka degjuar kete keshille, por vazhdon te jape leksion, jo vetem duke injoruar idene e moralit, por duke ofenduar dhe fshikulluar gjithe ata qe kane vuajtur ne burgjet e komunizmit. Kane qene te pabese si shinasi rama qe kane futur neper burgje qindra mijera shqiptare ne kohen e diktatures dhe ne rastin e Rames eshte shume e keqe, sepse ai e ka bere thjesht per nje te drejte studimi. Kuptohet qe ai nuk mundet tashme te dale nga loja qe ka nisur, pasi padroni i tij Ramiz Alia, qe ka nje urrejtje te thelle per PD-ne, e ka thirrur serish ushtarin Rama t'i sherbeje si dikur ne vitin 1991 shkaterrimit te se vetmes parti te madhe demokratike.

Pra, Shinasiu nis universitetin ne moshe te madhe dhe levizjet studentore e gjejne ate student. Ne fillim ai ishte konstruktiv ne fjalimet e tij, pasi thjesht misioni ishte te ngjitej sa me lart, pra te infiltronte ne kryesine e PD-se e mundesisht te merrte frenat e PD-se. Kur ai pa se figura te medha te PD-se, si Berisha, Hajdari, Meksi, Pashko etj. u evidentuan shume shpejt dhe, qe ne fillim, siguruan nje mbeshtetje te madhe, Shinasiu nisi planin "B", duke dale neper tribuna e duke permendur gjakun ne cdo fjalim te tij. Ai nuk kerkonte pluralizem, por ai kerkonte thjesht shkaterrim te pluralizmit, ai kerkonte anarshi totale dhe deshtim te perpjekjeve te shqiptareve per demokraci. Ne kete rast nderkombetaret do te vertetonin tezen e Alise se eshte shume e veshtire te mbash nje popull si shqiptaret ne nje sistem te lirise. Askush nuk ra ne gracken e ketyre tezave. Si per ironi te fatit, ne te njejten kohe Edi Rama bertiste nga tribuna e Stadiumit "Qemal Stafa" per varje te komunisteve ne deget e rrapeve dhe kjo i pelqente edhe Rames tjeter nga Qyteti "Studenti".

Ne, studentet, u ngritem per pluralizem e demokraci, ne kerkuam qe ta bejme Shqiperine si e gjithe Europa e jo ta katandisnim ne nje katraure te tipit Somali. Me pas Shinasiu, kur e pa qe ishte e veshtire te caje mes dragojve, mori planin "C" nga Ramiz Alia. Ai vendosi qe te krijonte shoqaten "Fan Noli" dhe duke perdorur kete emer te gjithe u mblodhen, pasi menduan se ishte nje shoqate letrare, por jo, ai paraqiti nje program krejtesisht politik me idene qe t'i kundervihej partise se pare opozitare ne vend, Partise Demokratike. Ne ate kohe PD ishte ende e impenjuar me rrezimin e diktatures se Ramiz Alise, nderkohe qe shinasi rama fuste shkopinj nen rrota. Keto shkopinj nuk ishin nen rrotat e Berishes, por ai po i vinte nen rrotat e te gjithe shqiptareve qe kerkonin te cliroheshin nga diktatura qe po mundohej te mbijetonte. Kur te pranishmit degjuan programin politik te individit Rama nuk e mbeshteten dhe ky ishte fundi i perpjekjeve, pasi shinasi rama jep direkt doreheqjen nga kryesia e PD-se. Ne ditarin e Azem Hajdarit per nje nga mbledhjet e para te kryesise se PD, citohen disa fjale te simbolit te levizjes studentore, ku ai shprehet se ishte shume mire qe Shinasiu dha doreheqjen pasi ne Shkoder ai nuk kishte punuar mire. Me kete shprehje Azemi po kerkonte t'i vinte kapakun bemave te sigurimsit Rama.

E verteta te jep lirine

Hapja e dosjeve kurre nuk duhet politizuar, por thjesht duhet bere, per shkak se agjentet e Sigurimit thjesht kerkojne anarshi dhe nje Shqiperi te destabilizuar, pasi vetem keshtu mund te mbijetojne. Nga ana tjeter, ne nje Shqiperi qe nuk i hap dosjet e komunizmit, kushdo qe ka kryer krimin e spiunimit ndaj nje te pafajshmi, apo rolin e agjentit te Sigurimit, mund te dale hapur apo te deklaroje e te kerkoje ndjese publikisht. Ne kete rast, ai person eshte i lire shpirterisht.

Une kerkova largimin e Shinasi Rames nga PD

Duke qene djali i njerit prej 200 petritave te themelimit te PKSH-se, ushtarakut Ali Rama, Shinasiu nuk kish nga shkon "molla bie nen molle"-thone!

U be edhe ai sigurims pse kjo pune shkon me gjak, por fatkeqesisht ndryshe nga sigurimsat klasike, Shinasiu pat nje kohe reputacionin e rrugacit ne Shkoder, pat lane shkollen e oficerave e endej rrugeve me gjithkend e njerezit e thjeshte duke e pare ashtu kujtuan se eshte ashtu si ata, por ne fakt ai kish pase mision me ndejte ashtu. Kete e provon dalja e tij deshmitar ne gjyqin tim, personit me emer Luke Velaj nga Shkodra me ka dale deshmitar duke shpifur e zbatuar detyrat e Sigurimit. Une hengra nja 12 vjet burg prej tij e Shinasiu per shperblim u dergua ne shkolle te gjuheve te huaja se kreu detyren me se miri!

Aty edhe u gjend ne dhjetorin e studenteve 1990 e qe duke ba karriere ne PD po te mos i thosha une Sali Berishes se ne rast se nuk perzeni nga PD persekutorin tim une do iu kundervihem boterisht. PD ia tregoi kete Shinasise e ai ia mbathi ne USA ku me kane thene se si shume shitet per figure kombetare!? Kulmi! Kam vetem kaq me i thane ketij djalit, nese nuk ndihesh fajtor per sigurimlleqet tuaja te pakten hesht mos na jep leksione se na shpif shtypin emri yt, le te flasin ata qe jane te paster se te pakten kane shembull me dhane! Jo juve shoku Shenasi Rama ju jeni djegur, ia keni shite shpirtin djallit te kuq sigurims! Ma mire tash rri ne heshtje e lepij kocken qe te ka rene ne hise".

[Albo]

Eshte krijuar nje "mit" tek shqiptaret, sikur "politika na ndan" apo "politika na polarizon" dhe kjo eshte per faj te "politikaneve tane" e per faj te "partive politike". Ne fakt, te gjithe ata qe mendojne keshtu, jane vetem karafila nga mendja kur vjen fjala tek politika. Politika si shkence eshte e ndertuar mbi ndasite e interesave te grupeve shoqerore ne shoqeri. Dhe ne cdo shoqeri demokratike ka ndasi politike, qe nuk fillojne me kryetaret e partive apo me partite, por fillojne me ata qe ato grupe interesash qe ato parti perfaqesojne. Pra ky "mit ogurzi politik" i shqiptareve buron nga mosnjohja e duhur politike e tyre.

Miti i dyte i madh eshte miti i "Shqiperia nuk po ndryshon per mire e nuk po ecen perpara". E kam shprehur edhe njehere tjeter ne kete forum qe cudia me e madhe me realitetin shqiptar eshte qe te huajt dine te vleresojne me shume arritjet e shtetit shqiptar se sa vete shqiptaret. Ne te njejten kohe qe shteti shqiptar ben histori me pranimin me te drejta te plota ne NATO, ne te njejten kohe qe BE pranon aplikimin e shtetit shqiptar per anetaresim dhe premton liberalizimin e vizave per shqiptaret brenda pak muajsh, kukuvajkat e shtypit shqiptar si brenda dhe jashte Shqiperise nuk arrijne ti shohin ato suksese.

Shqiperia ka nje demokraci e nje sistem politik shume here me te shendetshem se fqinjet e saj, Greqi e Itali qe kane nje tradite demokratike me te vjeter se ne. Ku duket e si matet kjo? Duket tek fakti qe ne keto 20 vjet demokraci, shqiptaret i jane drejtuar zgjedhjeve te parakohshme vetem dy here. Numerojini numrin e zgjedhjeve te parakoshme ne Itali e Greqi ne keto 50 vjet qe kane ardhur si rezultat i destabilitetit politik e keqqeverisjes. Suksesi ne politiken italiane e greke matet me mbarimin deri ne fund te nje mandati zgjedhor!

Dhe dy fjale per "shpifjet" apo "sulmet personale" ne politike. Sic e kam thene edhe njehere tjeter me pare, ata njerez qe e kane lekuren e holle nuk duhet te merren me politike e nuk duhet te jene figura publike. Bejne mire te mbeshtillen me guacken e kermillit ne privatesine e qytetarit te thjeshte. Por kur merr inisiativen qe te merresh me politike e te jesh i zgjedhur nga sovrani, duhet te jesh i pergatitur qe te presesh jo vetem levdata por edhe sharrje, jo vetem te verteta por edhe shpifje. Eshte detyra e cdo politikani qe ti mohoje apo pranoje shpifjet si te genjeshterta apo te verteta.

Dhe shkrime e kendveshtrime si ky me lart, me shume se nje denigrim i klases politike shqiptare, jane nje shkelje me te dyja kembet e dinjitetit te sovranit popull, qe del te votoje ne zgjedhje. Pjesmarrja e zgjedhesve shqiptareve eshte shume here me e larte se demokracite e tjera, qe do te thote se shtetasi shqiptar e ndjek me nga afer se sa kujtojne disa politiken shqiptare. Pra zgjedhesit shqiptar nuk i jepet aq kredi sa duhet.

Pyeteni profesorin "dhjetorist" te na gjeje nje demokraci ne bote, ku politika nuk eshte polarizuar dhe kundershtaret politike nuk e sulmojne njeri-tjetrin?

Albo

[Duaje Siveten]

Problemi i ndasive politike në Shqipëri

Shinasi Rama
...

KONTROLLI I NDASIVE

Polarizimi ekstrem i shoqërisë shqiptare është i qëllimtë. Si pasojë e këtij polarizimi të qëllimtë të parisë, vendi duket i përfshirë nga një luftë intensive klasash që herë-herë duket shpërthyese dhe që e çon vendin në prag të një 1997-te të re. Mirëpo kjo luftë është imagjinare sepse paria e mban vendin në tension vetëm pse i intereson asaj por nuk e ka përplasjen për së vërteti. Një veçanti e kësaj lufte klasash imagjinare është se ajo nuk zhvillohet më nga shteti i manipuluar nga paria kundër popullit të vet por zhvillohet nga dy palët e parisë për interesat e veta të ngushta kundër popullit dhe kundër vetë shtetit të tyre.

Gjithashtu, duhet thëne se kjo përpjekje e pandalshme e parisë së Tiranës është një lufte e klaneve dhe strukturave kriminale në nivel të shoqërisë me kapë e me kontrollue shtetin. Duke i përdorur masat e gjera të popullit, mbështetësit, funksionarët, militantët por edhe familjet e këtyre kategorive si armë mitingash në përplasjen e tyre për pushtet, segmentet e parisë kanë krijuar një gjendje dramatike që e ka paralizuar shtetin e mpirë shoqërinë shqiptare. Mendësitë e perceptimet e këtyre dy grupimeve që mbështesin njërën palë apo tjetrën palë të parisë, janë të papajtueshme e diametralisht të kundërta.

I shtyrë e i cytur nga paria e vet dhe nga zallamahia mediatike e propagandës partiake dhe e mercenarëve të parisë së Tiranës, populli shqiptar po ecën në dy kahe të kundërta të rrugës. Po të vazhdohet të ecet në këtë rrugë, përplasja është e paevitueshme, dhe është vetëm çështje kohe para se plaga e malcuar të shpërthejë. Dhe e keqja është se duke dashur ta shmangë urrejtjen e popullit prej vetes, paria e Tiranës qëllimisht e drejton atë urrejtje të mbështetësve të vet drejt pjesës tjetër të popullit.

Asgjë nuk e ilustron këtë qëndrim me mirë se thënia e Berishës në vitin 1995 gazetarit amerikan Peter Lukas (e botuar ne librin e këtij të fundit) “mbas meje u baftë qameti.” Në qendër të interesave të parisë janë ato si individë, mandej familjet e tyre, mandej klani që i mbështet. Të gjithë shqiptarët e tjerë janë mish për top në përplasjen e tyre.

(vijon)

[Duaje Siveten]

Vijon nga Problemi i ndasive politike në Shqipëri, Shinasi Rama

DENIGRIMI DHE IZOLIMI I INDIVIDEVE KUNDERSHTARE

Në thelb të këtij problemi kyç të përplasjes së pandërprerë të popullit shqiptar për hir të parisë e në shërbim të interesave, qëndrojnë sistemet e ndryshme të vlerave të parisë që janë përvetësuar nga masat dhe janë kthyer në botëkuptime të tyre. Tragjikomedia është se dy partitë kryesore janë të mbështetura në sisteme vlerash paradoksale e jashtë kohës që jetojmë. E vërteta e pastër është se të dy palët i përdorin këto sisteme vlerash absurde për të fshehur e për të mbuluar mbrojtjen e interesave të tyre jetike në ekonomi, në përpjekjen për kontrollimin e shtetit, të sistemit të vlerave dhe të gjithë shoqërisë. Kështu, Partia Socialiste drejtohet nga një kupolë mafiozësh që kontrollojnë sektorë të caktuar e të rëndësishëm të ekonomisë, ndërsa PD drejtohet nga familja e kriminalizuar e kryeministrit Sali Berisha. Militantët që mbështesin partitë e simpatizantët e tyre janë thjesht partizanë, tifozë, interesaxhinj, të paguar, shpesh edhe fundërrinat e shoqërisë, mirëpo këto që bërtasin më shumë, dëgjohen edhe më shumë.

Gjithsesi, në sipërfaqe por edhe më shumë në thellësinë e bindjeve të mbështetësve të tyre, dallimet në pikëpamje midis palëve të parisë së Tiranës janë të prekshme e krejtësisht të papajtueshme. Të dy forcat kryesore dhe satelitet e tyre kanë interpretime të kundërta për rrugën që duhet të merret nga shqiptarët si popull, për zgjidhjen e problemeve bashkëkohore, e mbi të gjitha për vlerësimin e së shkuarës së shqiptarëve nën sundimin e Enver Hoxhës dhe të parisë së Tiranes gjatë tranzicionit. Por matanë përplasjes së mbështetësve të tyre, paria ka mirëkuptim dhe segmentet e saj i ruajnë rrugët e komunikimit me njëri-tjetrin. Matanë gjuhës së helmatisur qëndron oferta për të zgjidhur problemin. E shkuara është e manipulueshme deri në ekstrem, por sa kalon kriza, ajo duket sikur harrohet. Kjo është një pari që e bashkon krimi i përbashkët. Këto ia hanë mishin njëri-tjetrit, por kockën ia lënë.

Mirëpo, në sipërfaqe, e gjithë politika e sotme e parisë së Tiranës sillet e përsillet rreth interpretimit të së shkuarës, rreth injorimit të së tashmes dhe heshtjes apo mashtrimit të hapur rreth së ardhmes. E vetmja mënyre që paria ka gjetur me i mbajtë njerëzit të lidhur për strukturat e saj politike është me i bindë që ato kanë qenë të persekutuar në një periudhë ose në një tjetër. PS, Gramoz Ruci e të gjithë rrotull tij luftojnë me e bindë ‘popullin e majtë’ se kanë jetuar mirë në kohën e Enver Hoxhës dhe se ata e fëmijët e tyre duhet t’ia dinë për nder PPSH por edhe se Salihi është armiku i tyre për vdekje dhe ato nuk mund të jetojnë mirë sot pikërisht për shkak të Salihit. Nga ana e vet, PD e Salih Berisha, se në fund të fundit, PD është Salih Berisha, lufton me i bindë mbështetësit e vet, ‘popullin e djathtë’ se ata kanë qenë ‘të persekutuar’ nga sistemi i atëhershëm, dhe se Salihi është Skënderbeu që i ruan prej ‘balozave të zinj’ të PS-së. Vendet ndërrohen kur vjen çështja e trajtimit të këtyre grupeve gjatë tranzicionit. PS mundohet t’i bindë mbështetësit e vet se ata janë të persekutuar nga Salih Berisha por nuk e japin një cent nga perandoritë që kanë ndërtue. Nga ana e tij, Salih Berisha mundohet të paraqitet si mbrojtësi i këtyre ish-persekutuarve, dhe njeriu që i mbron dhe i shpëton nga komunistët duke e çuar vendin e shtetin pikërisht atje ku iu intereson këtyre armiqve të tij. E kështu vazhdon loja e parisë së Tiranës, “shaju ditën, puthu natën,” ruaj interesat e shpinën e njëri-tjetrit, ndërsa shqiptarët vazhdojnë që të mos jetojnë jetën normale që ata e meritojnë.

Pra, përplasja midis dy palëve të parisë është reale por jo vdekjeprurëse sepse ato i kalkulojnë mirë veprimet e tyre ndërsa gjendja duket e nderë dhe përjetohet dramatikisht vetëm nga njerëzit e thjeshtë. Lojtarët kryesorë të parisë merren me njëri-tjetrin në mënyrë racionale, ia dinë pikat e dobëta njëri-tjetrit, dhe përdorin teknika për të ndërtuar e për të mbajtur ndasi artificiale politike që në Tirane kanë qenë tejet të suksesshme dhe i kanë izoluar të gjithë ata që mund të flasin kundër parisë. Teknika është e thjeshtë: kundërshtari paraqitet sikur i përket palës tjetër dhe sapo të fillojë tamtami në media, mbështetësit respektivë që lexojnë vetëm një gazetë krijojnë një bindje për persona, politika e interesa që është pikërisht ajo që don kryetari i partisë respektive.

Paria nuk e bën luftën me kundërshtarët e vet për t’i zhdukur. Ajo don vetëm t’i paralizojë e t’i bëjë inefektive, me gjuhën e tyre “t’ia heqë gjarprit dhëmbin”. Sa kohë që njerëzit nuk janë në lojë politike, sa kohë që nuk janë të rrezikshëm, sa kohë që ato nuk flasin, sa kohë që ato shiten e blihen, sa kohë që tremben për vdekje nga shantazhi e kërcënimi, atëherë janë punët mirë, sepse vetëm ashtu paria mundet me vazhdue me vjedhë si i don qejfi e pa frikën e ndëshkimit.

Përpjekja e tyre themelore është që të mbajnë bashkë kopenë e mbështetësve të tyre dhe të mos e lënë që të shohë dritën e ditës, të vërtetën, e as interesin e tyre real e jetik si qytetarë e si shqiptarë. Dhe, ç’ka është më e keqja, përditë e më shumë, ata e shohin vetën si çobanë të kopeve të mbështetësve e popullin shqiptar si bagëtitë e tyre. Duke dashur ti mbajnë kopetë e tyre bashkë, ato mundohen ti vulosin të gjithë njerëzit si kundërshtarë apo mbështetës, ti përçajnë e t’i izolojnë, ti trembin me ‘gogolin’ apo duke imituar ujkun. Kush është nuk është me njërën palë “ipso facto” është armik dhe është me palën tjetër. Figurativisht, instrumenti që përdoret për të mbajtur kopenë bashkë nuk është me zagari i stanit, por gazetarët, televizioni, radio si dhe mercenarët e tjerë të shtypit. Dhe natyrisht shpifja e thashethemet janë instrumenti i preferuar i parisë.

Në momentin që dikush thotë të vërtetën, ajo e vërtetë kalon në filtrin e interesave të parisë ose të segmentit të interesuar të saj. Në momentin që dikush nuk pajtohet me krimin që po ndodh në shtetin shqiptar, ai duhet të paraqitet si persekutues i kopesë që i shkon mbrapa kryetarit të radhës, ‘ky është ujk i veshur si dele’. Në mos qoftë persekutues, atëherë duhet të paraqitet si nipi, djali i hallës, vajza e tezes, apo si dhëndri i kriminelit ose si nusja e persekutorit.

Tragjedia është se në një vend ku PPSH sundoi për 40 vjet e ku dy bijat e saj, PD e PS, kanë sunduar bashkë për gati 20 vjet, ka persekutorë sa të duash bile mundet me u thanë lirisht se nuk po merret vesh se kush asht persekutori i kujt. Të gjithë janë të lidhur me persekutorë, realë apo imagjinarë, të gjithë kanë persekutuar gjithkënd, gjithkush ndjehet sinqerisht i persekutuar dhe askush nuk thotë se ka persekutuar kënd dhe kjo është ajo që i intereson parisë. Por kriteri është se kur nuk i intereson parisë, je persekutues dhe kur i intereson asaj je i persekutuar.

Në një vend ku shteti ka qenë njëherë e për kaq shumë kohë krejtësisht i plotfuqishëm lidhja me shtetin ka qenë jetike për grupe e individë që kanë dashtë me mbijetue. Ai ka qenë sistemi, njerëzit nuk kanë njohur botë të tjera dhe në atë sistem janë përpjekur më i gjetë zgjidhjet e problemeve të tyre jetike. Kanë ba kompromise, janë ndje keq, kanë qenë të instrumentalizuar prej shtetit por kanë mbijetue. E shkuara e tyre që dikur është duke normale tash është kthyer në armen që i mban peng, nuk ka rëndësi se të kujt, të krimit të PS-së ose peng të krimit të PD-së. E kështu, njerëz që mund të ishin shqiptarë të mirë, qytetarë të mirë, zyrtarë të afte, njerëz me botë, njerëz që kanë dashtë një jetë më të mirë, më të ndershme me shpresë e me dinjitet janë shuar në heshtje e janë tretë e po treten në harrim. Këta të mjerë janë varrosë gjallë në të shkuarën e tyre. E varrmihësi ka qenë paria e Tiranës që i mban peng me të gjithë mënyrat e mundshme, me dosje, me bukën e gojës, me kërcënime, me shpresa boshe e natyrisht me shpifjen.

Tash 20 vjet në tranzicion kemi një shtet që është krejtësisht i pafuqishëm. Në këtë shtet parimi kryesor është ‘haja qenit pija qenit e hajt t’i bijmë karadyzenit.’ Në këtë kohë të vështirë për shqiptarët lufta për kontrollin e burimeve materiale e të shtetit ka qenë e frikshme dhe shteti ka pasur për të gjithë e të gjithë janë turrur me vjedhë sa ma shumë. Sot, edhe pse e kuptojnë se ku i ka futur paria e Tiranës, shumë shqiptarë janë të pazotët me folë, e shohin veten të përdorur, nuk dinë rrugë të tjera, e kanë humbur ndjesinë e nderit e të dinjitetit, ose janë ndry në jetët e tyre e po shkatërrohen pse sistemi të detyron që për me jetue, të merresh vesh edhe me dreqin tre herë në ditë. Shkurt, lufta e objektivi i parisë ka qenë që askush të mos mundet më ikë prej lëmshit të krimit e të gëlbazës morale ku e ka synimin me i futë paria e Tiranës. Deri tash, ajo duket se ia ka arritë qëllimit. Njerëzit bajnë krime si me kenë kurrgja, sepse paria e Tiranës ia ka futë mendësinë e burgut e të kampit të përqendrimit, ku objektivi kryesor është me mbijetue vetë edhe pse ndoshta kjo kërkon me shitë shpirtin tënd e ardhmërinë e fëmijëve.

E si pasojë, persekutimi nga ana e parisë ka marrë forma të ndryshme dhe me pasoja të rënda për shoqërinë që shpesh kanë shkuar deri në neuroza e histeri kolektive. Në këtë përpjekje për me mbijetue në llumhanën morale të Tiranës, gjithkush e shet veten për ç’ka nuk ka kenë e ç’ka nuk don me kenë, gjithkush mundohet me u shitë si mbështetës i dikujt edhe pse e din mirë se ai njeri nuk ia don të mirën, shoqëria nuk ka standarde të pastra morale, nuk ka sjellje civile publike e përgjegjësi shtetërore dhe, me i ra shkurt, kjo është njëlloj si festa përrallore e shtrigave dhe e vampirave që nuk ngopen me rropullitë e të gjallëve e të vdekurve. E kush e ndërpret orgjinë e parisë së Tiranës, është automatikisht i klasifikuar si persekutues dhe duhet dënuar e eliminuar jo vetëm nga paria, por mbi të gjitha nga mbështetësit e saj. Sa kohë që nuk ka kundërshtarë të hapur, orgjia konsiderohet realiteti i jetës për të gjithë shqiptarët që mendojnë se kështu është e sillet e gjithë bota. Të paktën këtë ua thotë përditë e tridhjetë herë në dite arsenali mediatik i segmenteve të parisë.

Shkurt e përmbledhtas, objektivi i përbashkët i PS-së dhe i PD-së është me i mbajtë njerëzit peng, me i zvetënue, mos me i lanë me kenë njerëz, me i zhveshë nga çdo gjë njerëzore. Asgja që qëndron në rrugën e tyre të pasurimit e të sundimit nuk duhet me mbijetue. Mirëpo, paria e din mirë se edhe këto njerëz që sot po bajnë kompromise me gjithçka, prej nderit deri tek fëmijët e tyre, e që po përçudnohen prej hallit apo prej zorit, nuk kanë me harrue. Njerëzit munden mos me folë por të gjithë e dinë se prej kah po iu vjen e keqja. Herët ose vonë do të shuhen edhe këto, do të treten në harrim e si brezat e mëparshëm, do të varrosen në të shkuarën e tyre. E keqja nuk ka emër e përkatësi. Po ka shumë të ngjarë që disa prej tyre do të gjejnë forca për të luftuar të keqen e për të synue me ndërtue një jetë më të mirë. E të gjithë ata janë e ardhmja e atij vendi e miqtë e mi.

(vijon)

[dardajan]

Eshte krijuar nje "mit" tek shqiptaret, sikur "politika na ndan" apo "politika na polarizon" dhe kjo eshte per faj te "politikaneve tane" e per faj te "partive politike". Ne fakt, te gjithe ata qe mendojne keshtu, jane vetem karafila nga mendja kur vjen fjala tek politika. Politika si shkence eshte e ndertuar mbi ndasite e interesave te grupeve shoqerore ne shoqeri. Dhe ne cdo shoqeri demokratike ka ndasi politike, qe nuk fillojne me kryetaret e partive apo me partite, por fillojne me ata qe ato grupe interesash qe ato parti perfaqesojne. Pra ky "mit ogurzi politik" i shqiptareve buron nga mosnjohja e duhur politike e tyre.

Kjo eshte e vertete por tek ne si gjithmon eshte ne krah te kundert , ne kemi ne fillim perfaqsuesit politikan dhe ne base te tyre ndertojme interesat e perfaqsuesve, gjithashtu ne base te tyre ndertojme edhe interesat ekonomike te politikaneve, kurse ne bote politikanet jane ne fakt dikush me fuqi ekonomike para se te behen politikan. Kurse ne e shohim politiken si firme ku prodhohen para ndertohen bisnese me leverdi dhe sigurisht pastaj duhet edhe te mbrohen prej tyre.

Miti i dyte i madh eshte miti i "Shqiperia nuk po ndryshon per mire e nuk po ecen perpara". E kam shprehur edhe njehere tjeter ne kete forum qe cudia me e madhe me realitetin shqiptar eshte qe te huajt dine te vleresojne me shume arritjet e shtetit shqiptar se sa vete shqiptaret. Ne te njejten kohe qe shteti shqiptar ben histori me pranimin me te drejta te plota ne NATO, ne te njejten kohe qe BE pranon aplikimin e shtetit shqiptar per anetaresim dhe premton liberalizimin e vizave per shqiptaret brenda pak muajsh, kukuvajkat e shtypit shqiptar si brenda dhe jashte Shqiperise nuk arrijne ti shohin ato suksese.

Shqiperia ka ndryshuar dhe do ndryshoje me shume por gjate ketij ndryshimi shumica e popullsise u varferua me shume dhe nje pakice e pasurua me shume pra ndryshimi po behet ne kurriz te pjeses tjeter te popullit, qe merr buken me lista. Do ishte me mire qe te gjith te kishin te njejtat shance per tu pasuruar e rritur mirqenien e tyre. Pastaj keto ndryshime po behen me borxhe dhe jo me fuqine ekonomike te vendit.

Shqiperia ka nje demokraci e nje sistem politik shume here me te shendetshem se fqinjet e saj, Greqi e Itali qe kane nje tradite demokratike me te vjeter se ne. Ku duket e si matet kjo? Duket tek fakti qe ne keto 20 vjet demokraci, shqiptaret i jane drejtuar zgjedhjeve te parakohshme vetem dy here. Numerojini numrin e zgjedhjeve te parakoshme ne Itali e Greqi ne keto 50 vjet qe kane ardhur si rezultat i destabilitetit politik e keqqeverisjes. Suksesi ne politiken italiane e greke matet me mbarimin deri ne fund te nje mandati zgjedhor!

Keto dite ndodhem ne Tirane dhe mund tju them qe mitingu i 8 dhjetorit ishte bere me detyrim nga qeveria per te gjithe administrateten. Nuk jane llafe rrugesh me mjaftuan vetem dy deshmi njera e kunates qe punon si mesuese e me tha se i kercenuan me largim nga puna nese nuk paraqiteshin ne miting, vendi i takimit ishte tek sahati ku drejtoresha me nje liste ne dore shenonte pjesmarresit.
Tjetra ishte e motres qe punonte ne spital takimin e kishin ke 15 katshi edhe ata me kercenim per vendin e punes dhe me liste paraqitje.
Ju jeni i vogel dhe nuk e keni provuar diktaturen dhe ligjet e saj , prandaj po jua them une qe kjo llogjik veprimi,kercenimi, dhe organizimi mitingjesh behej ne ate kohe nga PPSH. Ne nje shtet demokratik njeriu duhet te jete i lire realisht dhe jo vetem ne leter. Liria nuk percaktohet nga fjelet e bukura por nga faktet reale.

Sa per ndyshimin e qeverive ne itali e greqi mos bej krahasime se e verteta qendron ndryshe, atje qeverite bien sepse interesa e atyre grupeve qe thoni ju me lart nuk ju i ntereson te behen reforma te verteta , dhe nje qeveri me 2 vjet jete nuk arrin te beje asnje reforme, ky eshte motivi i vertet i zgjedhjeve te perseritura.

Pyeteni profesorin "dhjetorist" te na gjeje nje demokraci ne bote, ku politika nuk eshte polarizuar dhe kundershtaret politike nuk e sulmojne njeri-tjetrin?

Kjo eshte e verteta dhe e keqja me madhe e sistemit partiak te drejtimit te nje populli apo shteti.

Kur te zhdukim kete sistem drejtimi do kemi paqe ne popull dhe nuk do kete me kundershtare politik, por njerez qe punojne per nje qellim te vetem dhe te perbashket.