Bibla duhet interpretuar vetëm nga kisha!

[Albo]

Albo. Nuk pretendoj dhe as kam pretenduar se i di të gjitha. Di aq sa Fryma më ka zbulur deri në këto momente dhe sa kam jetuar në këto momente në Perëndinë. Ulu dhe lexo ose studio se çdo të thotë të jesh i shenjtë dhe të jetosh një jetë të shenjtë sipas fjalës së Perëndisë. Ke për të kuptuar shumë.

Une nuk kam perse lexoj Biblen per te kuptuar se cfare do te thote "jete e shenjte" pasi une kam me mijera shembuj shenjtoresh te Kishes ne keto 2000 vjetet e fundit. Pra nuk e kam nje njohje "teorike" me te lexuar, por kam nje njohje historike e nga afer. Une nuk kam lexuar vetem Shkrimin e Shenjte, une kam lexuar edhe jeten e shenjtoreve te Kishes, une kam lexuar edhe komentet e tyre mbi vargjet e Bibles. Ne fakt, Bibla orthodhokse qe une perdor ka komentet e shenjtoreve te Kishes per cdo rresht. Kur kam paqartesi ne ate qe lexoj shfletoj edhe komentet e shenjtoreve te Kishes ne shekuj.

Ke njohur ndonje shenjtor te krishtere ne jeten tende qe ben nje jete te shenjte?
E di historine e atij librit qe mban ne dore dhe e ka emrin Bibla?
E di se kush e ka ruajtur dhe ua ka percjelle Biblen brezave?
Kush te garanton qe Bibla qe po lexon eshte autentike dhe jo e cunguar nga njerezit?
Si e mbron veten ti nga interpretimet personale kur lexon Biblen?
Ku shkon e meson ti me shume informacion per historine e personazheve biblike per te cilat Dhiata e Re nuk jep shume informacion, sic esht rasti i Nenes se Zotit, Virgjereshes Mari?

Beja keto pyetje vetes dhe jepu pergjigje, qe te fillosh te kuptosh qe krishterimi qe ti njeh eshte nje krishterim sektarian i ngritur mbi interpretimin personal tendin apo te nje grupi te vogel njerezish, nuk eshte Krishterimi i Vertete qe deshmon Shpirti i Shenjte i Perendise i cili eshte deshmuar, mesuar e trasheguar njesoj nga te gjitha brezat e te krishtereve ne keto 2000 vjet.

Albo

[SERAFIM DILO]

Diku lexova se ndërsa ne duhet të lexojmë Biblën çdo ditë, nuk na lejohen shpjegimet apo interpretimet. Ato janë pronë vetëm e kishës.

A keni mundësi të më thoni se çfarë kuptoni me këtë shprehje?

Pres pjesëmarrje vetëm nga të krishterët. U lutem atyre që nuk i takojnë besimit të krishter të mos japin mendimet e tyre këtu.

Ju faleminderit!

Pyetje pa kuptim edhe per ne protestantet...

Megjithate kisha te lejon te shpegosh edhe matematiken po te duash,po nuk te "lejon" ta interpretosh....

[Peniel]

Une nuk kam perse lexoj Biblen per te kuptuar se cfare do te thote "jete e shenjte" pasi une kam me mijera shembuj shenjtoresh te Kishes ne keto 2000 vjetet e fundit. Pra nuk e kam nje njohje "teorike" me te lexuar, por kam nje njohje historike e nga afer. Une nuk kam lexuar vetem Shkrimin e Shenjte, une kam lexuar edhe jeten e shenjtoreve te Kishes, une kam lexuar edhe komentet e tyre mbi vargjet e Bibles. Ne fakt, Bibla orthodhokse qe une perdor ka komentet e shenjtoreve te Kishes per cdo rresht. Kur kam paqartesi ne ate qe lexoj shfletoj edhe komentet e shenjtoreve te Kishes ne shekuj.

Pikërisht këtu është edhe ndryshimi ynë drastik. Ti ke për shembull shenjtorët ndër vite kurse unë kam për shembull Të Shenjtin e Të Shenjtëve, Zotin vetë, Jezu Krishtin. Ai është kreu i Kishës i Trupit të Tij dhe sytë e mi janë të ngulur tek Ai. Nuk ka dhe nuk ka për të pasur shembull më të mirë shenjtërie se sa Krishti. Nuk e vë në dyshim dhe as nuk e mohoj se ka pasur dhe ka njerëz të shenjtë, por për mua shembulli ngelet dhe do të jetë Krishti vetë. Njeriu ngelet njeri dhe rruga e shenjtërimit është e vështirë dhe e gjatë. Thërritemi të kemi në qendër të vëmendjes Krishtin dhe jo njerëzit sado të shenjtë të jenë.

Sipas njohurive të tua, si mund të jetë një njeri i shenjtë?

Si e mbron veten ti nga interpretimet personale kur lexon Biblen?

Nga grupi i pyetjeve të tua zgjodha të të përgjigjem për këto dy pyetje. Pyetjet e tjera me karakter historik i kemi stërdiskutuar dhe janë informacione të njohura.

Pyetja e mësipërme duhet të shoqërohet me një ndarje në dy grupe. 1) Interpretimi personal nga jo të krishterë dhe 2) Interpretim personal nga të krishterët.

Me grupin e parë nuk ia vlen të merresh pasi i kemi parë nëpër Forum gafat e tyre në lidhje me interpretimet e Biblës.

Grupi i dytë është edhe grupi më interesant por edhe më problematiku. Nuk do të desha të ripërsëris ato që të kam shkruar në postimet e mësipërme në lidhje me interpretimin personal. Një i krishterë i vërtetë udhëhiqet nga Fryma e Shenjtë dhe nëpërmjet Frymës merr edhe fuqinë për të kryer vullnetin e Perëndisë në jetën e tij. Fryma e Shenjtë është dhurata e Perëndisë për njeriun i cili pendohet, pranon mëkatin e tij dhe beson në Jezu Krishtin. Çfarë e bënte Tempullin në Dhiatën e Vjetër të shenjtë? Prania e Perëndisë. Çfarë e bën të krishterin të shenjtë? Prania e Perëndisë, Fryma e Shenjtë:

1 Korintasve, kapitulli 3:

16 A nuk e dini ju se jeni tempulli i Perëndisë dhe se Fryma e Perëndisë banon në ju?

17 Në qoftë se dikush e prish tempullin e Perëndisë, Perëndia do ta prishë atë, sepse tempulli i Perëndisë, i cili jeni ju, është i shenjtë.

kapitulli 6:

19 A nuk e dini se trupi juaj është tempulli i Frymës së Shenjtë që është në ju, të cilin e keni nga Perëndia, dhe se nuk i përkitni vetvetes?

20 Sepse u bletë me një çmim! Përlëvdoni Perëndinë, pra, në trupin tuaj dhe në frymën tuaj, që i përkasin Perëndisë.

2 Korintasve, kapitulli 6:

16 Dhe çfarë marrëveshje ka tempulli i Perëndisë me idhujt? Sepse ju jeni tempulli i Perëndisë së gjallë, sikurse tha Perëndia: ''Unë do të banoj në mes tyre, dhe do të ec ndër ta; do të jem Perëndia i tyre dhe ata do të jenë populli im''.

17 Prandaj ''dilni nga mesi i tyre dhe ndahuni prej tyre, thotë Zoti, dhe mos prekni asgjë të ndyrë, dhe unë do t'ju pranoj,

18 dhe do të jem si një Atë për ju, dhe ju do të jeni për mua si bijtë e bijat, thotë Zoti i Plotfuqishëm''.

E di se çdo të thotë të jesh Tempulli i Perëndisë?

Me pak fjalë desha të të them që Biblën e lexoj nën dritën e Perëndisë dhe me Frymën e Shenjtë. Nëse kam paqartësi i drejtohem Frymës dhe jo interpretimeve njerëzore apo të shenjtorëve të ndryshëm.

Ku shkon e meson ti me shume informacion per historine e personazheve biblike per te cilat Dhiata e Re nuk jep shume informacion, sic esht rasti i Nenes se Zotit, Virgjereshes Mari?

Lavdi Zotit shkrimtarët historikë nuk mungojnë. Nuk kam ndonjë kureshtje të madhe në lidhje me personazhet biblikë por nëse më bie në dorë ndonjë informacion e lexoj pa problem. Synimi i të krishterit nuk janë shenjtorët por Krishti.

Beja keto pyetje vetes dhe jepu pergjigje, qe te fillosh te kuptosh qe krishterimi qe ti njeh eshte nje krishterim sektarian i ngritur mbi interpretimin personal tendin apo te nje grupi te vogel njerezish, nuk eshte Krishterimi i Vertete qe deshmon Shpirti i Shenjte i Perendise i cili eshte deshmuar, mesuar e trasheguar njesoj nga te gjitha brezat e te krishtereve ne keto 2000 vjet.

Ke informacion të gabuar sepse njeh shumë pak. Krishterimi që njoh unë është i ngritur me bazë Biblën dhe i udhëhequr nga Fryma dhe i ndërtuar në Krishtin i cili është edhe guri i qoshes dhe jo në ato që thua ti. Roli i Frymës është shumë i gjerë në Kishën e Krishtit, por kjo është tjetër temë.


Nën Hirin e Tij,

ns