Sot, teksa u pergjuma ne lajmet aspak origjinale te blogosferes rreth prejardhjes apo numrit te drereve te babagjyshit, mu gjend krahe ( si shpeshhere ) nje artikull mjaft interesant ne NYT. Me pak fjale, artikulli trajton gjithe ndryshimet pozitive qe mund ti vijne rezultateve mjekesore, thjesht prej publikimit te disa rregullave teper te rendomta ne nje "promemorie", te tipit : te lash duart para operacionit, pastrimi i lekures se pacientit me klorhekzidin antiseptik, veshja e maskes dhe dorashkave e keshtu me rradhe.
Pa dyshim, aspekti mjekesor ketu eshte i rendesishem ne vetvete, por sikurse eshte shtjelluar edhe ne nje pjese te artikullit, akoma edhe me i rendesishem eshte aplikimi i kesaj metodologjie ne nje game me te gjere, si nje anti-filozofi e gjithe kompleksitetit teknologjik te kohes.
Jetojme ne kohe te trazuara padyshim, megjithese koha ne vetvete gjithmone ka ofruar nje turli me ere te rende problematikash, shume prej te cilave te mbartura edhe sot. Flitet per ngrohje globale me te drejte ( Hashorva kishte nje artikull interesant sot rreth kesaj ne Shqip ku parashtronte si kunderpergjigje nje rryme Gandi-ste ), sikurse flitet per hapesirat hamiltoniane apo tranzistoret me lazer mbi materiale te polimerizueshme. Ceshtje te kesaj natyre, koha ka sjelle ne menyre te vazhdueshme dhe padyshim qe do te sjelle edhe me tutje, vecse mendoj une, zgjidhjet, diskutimet dhe teorite aplikative, gjithmone do ti takojne grushtit te teknicieneve perkates. Pra ne thelb, behet fjale per ceshtje gjithendikuese por jo gjithperfshirese, te pakten sa i takon zgjidhjeve. Nen kete kontekst, ajo cka i mbetet gjithkujt sipas meje, eshte performanca ne fushen ku levron, pa u tejmbushur tekno-shkencerisht me gjithfare ngarkesash, per te nenvleresuar si rezultat ate qe eshte vertet alfa e produktivitetit dhe zhvillimit, qe une do ta quaja thjeshtesine. Me teper sesa samite dhe kongrese, drafte dhe statistika, robotik dhe LHC, njeriut te sotem i duhet nje obelisk me ligjet e Hamurabit ; me teper sesa Kodi i Da Vincit apo librat e Sparks, Si te behesh milioner apo Si te mesosh javascript ne 24 ore, njeriut te sotem i duhet nje Seneka apo Platon, qe ti mesoje alfen e rregullave ; dhe se fundmi, per tu rifutur ne kontekstin prej te cilit e nisa, me teper sesa nje COCIR apo banke gjaku, centrifuge laboratori apo monitor Holter, njeriut te sotem i duhen mjek qe se pari ndjekin rregullat e thjeshta por percaktuese te manualit "higjiena mjekesore".
Dhjetor 2009
Ps : Shkrimi eshte njekohesisht edhe ne blogun tim personal, bashke me shkrime te tjere. Mund ta gjeni ketu
Krijoni Kontakt