Ambasadori: Opozita e ka vendin ne parlament, qeveria te luftoje korrupsionin

[davidd]

Ambasadori i Holandës, Henk van den Dool, flet në emisionin “Studio e Hapur” në ALSAT në lidhje me krizën politike në vend. Ai bën thirrje për zgjidhje sa më të shpejtë të situatës, pasi rrezikohet integrimi i vendit. Ambasadori paralajmëron se Komisioni mund të japë dhe përgjigje negative në opinionin e tij, në rast se kriza vijon. Duke folur në lidhje me korrupsionin, ai thotë se kompanitë holandeze i janë ankuar atij për korrupsionin në vendin tonë. Po ashtu, kjo ka ndodhur dhe me ambasada të tjera, kur kompanitë e huaja ankohen për korrupsionin. Van den Dool thotë se korrupsioni është i vështirë për t’u provuar dhe deri më tani janë gjykuar vetëm peshq të vegjël. Sipas tij, perceptimi tregon se situata e korrupsionit në vend nuk ka ndryshuar

per me shume:
http://www.gazetatema.net/index.php?...771798ff579fb3

[juanito02]

Jo me rren ai ambasadori Holandes.
Shqiperia po ndryshon, po i kput qimet mafies e po zhduk cdo lloj korrupsioni.
Shtyu ligjin e skafeve (me demtu turizmin) boni ligjin antimafie ( me rrujt leke ke biznesi se o arka shtetit bosh)
Shqipnija e Sales eshte ne vend te pare per rritje ekonomike.
Do ket qen nai socialist ke ai ai veni ku ka pa korrupsinonin se ska mundesi.

Kshu pra thojn qe majmuni sa ma nalt hypen ne peme aq ma shume i duket suma

[Brari]

ambasada holandeze ushqen nje nga mafiozet me te felliqur ne tirane..e pikerisht doren e djathte te kryemafiozit edvin.. erion hajdut milionashin.. veli..
prandaj llafet e tij skan asnje vlere..

[DYDRINAS]

Ja se c'thote nder te tjera ambasadori i nderuar hollandez:

"Një arsye tjetër është se unë kam vënë re se mediet në Shqipëri kohët e fundit janë duke pyetur komunitetin ndërkombëtar se si e shikojnë situatën aktuale dhe pse nuk ndërhyjnë, të bëjnë diçka. Unë mendoj se kjo është disi e padrejtë."


"Më 28 qershor shqiptarët kanë pasur zgjedhjet, unë kam qenë monitorues në veri të Shqipërisë, në Shkodër, kam qenë shumë i impresionuar për mënyrën se si u zhvillua dita e zgjedhjeve, se si njerëzit reaguan dhe për shpirtin e tyre demokratik. Unë ndjej se populli shqiptar e ka luajtur rolin e tij në këtë proces demokratik dhe e ka luajtur atë në një mënyrë shumë, shumë të mirë. Kjo ishte 6 muaj më përpara, tani, 6 muaj pas zgjedhjeve, në mendimin tim nuk ka një parlament që funksionon ashtu si duhet të funksionojë. Nuk besoj se kjo ishte ajo për të cilën votuan shqiptarët. Parlamenti është shprehja më e mrekullueshme e demokracisë, sepse demokracia bëhet në parlament."


"Parlamenti nuk është atje vetëm për të miratuar ligjet që miraton qeveria, por duhet edhe të ngrejë pyetje për qeverinë, ta monitorojë atë dhe të dialogojë me të. Dhe duke pasur një parlament të fortë, që funksionon mirë, çdo qeveri do të ishte një qeveri më e mirë, sepse është një dialog, nga i cili merr formë demokracia."


"Të gjitha këto mund të bëhen, kur ka një parlament që funksionon mirë dhe ku qytetarët ndjejnë që janë të përfaqësuar. Ky është një nga shqetësimet e mia. Shqetësimi tjetër është se kjo situatë, nëse vazhdon akoma, e rrezikon progresin që po bën Shqipëria drejt rrugës se integrimit evropian."


"Por unë dua t’i referohem asaj që tha ambasadori amerikan në një intervistë të fundit. Ka pasur zgjedhje, procesi është kryer, ka pasur një raport nga ndërkombëtarët, i cili doli me konkluzione se këto zgjedhje kanë qenë më të mirat, ndoshta nga më të mirat që janë kryer ndonjëherë në Shqipëri, gjë që është e admirueshme. Raporti gjithashtu konkludoi se Shqipëria nuk e arriti maksimumin e vet dhe ka rekomandime, të cilat duhen ndjekur, sfida që duhen zgjidhur. Komuniteti ndërkombëtar, duke përfshirë edhe vendin tim, ishte prezent gjatë zgjedhjeve dhe mandatet u shpërndanë, koalicioni i krijua dhe kështu u krijua edhe një qeveri legjitime, dhe për këtë gjë nuk mund të flasim më tepër."



"Si ambasador unë flas me shumë njerëz, qoftë nga opozita, nga qeveria, me njerëz jashtë sferës politike për mënyrat që ka zgjedhur opozita dhe kërkesat që ata kanë. Për mua është e qartë se për ta shqetësimet e tyre janë të drejta, por unë nuk mund të vendos as mund të gjykoj nëse ata kanë shqetësime të drejta apo të gabuara. Ata mendojnë që këto janë shqetësime të vërteta, dhe kjo po na çon në një situatë, kur opozita mendon se është e nevojshme të bojkotohet parlamenti. Unë nuk mund të komentoj kush ka të drejtë dhe kush e ka gabim, por kjo po çon në një situatë, e cila është problematike dhe jo vetëm për opozitën dhe për mazhorancën, por edhe për Shqipërinë."



"Unë mendoj që ky vend ka nevojë për demokraci funksionale dhe kjo ndodh në parlament, kjo ka të bëjë me faktin që të kesh mjaftueshëm vota, por edhe që të kesh një dialog politik që e bën çdo shqiptar të ndjehet i përfaqësuar."



"Sigurisht që duhen shumë gjëra dhe më shumë mbi të gjitha duhet që mazhoranca, opozita, qeveria shoqëria civile, të gjithë të jenë të bashkuar dhe të jenë njëzëri në lidhje me këtë axhendë, sepse ajo shikon drejt së ardhmes pozitive. Kjo axhendë mund të jetë e suksesshme, në qoftë se Shqipëria i merr vetë përgjegjësitë për ta bërë atë të suksesshme, pa pyetur dhe pa i kërkuar ndihmë ndërkombëtarëve çfarë duhet të bëjë dhe çfarë nuk duhet të bëjë. Kjo i takon së kaluarës."



"Përshtypja në këtë moment është që qeveria shqiptare po bën hapa para, në mënyrë që të përmbushë detyrimet, dhe mendoj që ka një progres të dukshëm dhe unë vetëm shpresoj që ky progres të jetë i qëndrueshëm që t’i bashkohet sa më parë regjimit pa viza."



"Ne gjithmonë e kemi bërë të qartë se liberalizimi i vizave është një proces teknik, dhe nuk është një dhuratë, por një njohje e aftësisë ose e përgatitjes për të qenë i gatshëm nga ana teknike. Unë mendoj se Shqipëria ka bërë hapa para dhe ishte gati që në prill të dorëzonte aplikimin e vet, sepse ka një Marrëveshje të Stabilizim-Asociimit që po funksionon dhe kjo është një arritje shumë e madhe."



"Shqipëria është në rrugën e duhur, kurse tjetra është që mund të thuhet që ne pamë dhe vlerësuam çdo gjë, por ne nuk mendojmë që Shqipëria në këtë moment është gati për të marrë statusin e vendit kandidat. Kjo është e vërteta, kjo nuk ka të bëjë me raportin e progresit, këto janë dy alternativat."



"Kriteri politik përfshin edhe konceptin e demokracisë, ku një parlament funksionon në një mënyrë të tillë që të jetë përfaqësues i votuesve, dhe ku ka një dialog të hapur politik midis palëve."



"Ritmi, me të cilin Shqipëria është duke iu afruar Bashkimit Evropian, është shumë premtues. MSA hyri në fuqi vjet, tashmë ju keni një aplikim dhe një pyetësor në duar, dhe kjo është gjë shumë pozitive, sepse kjo mban ritmin për integrimin evropian. Mua nuk do të më pëlqente që Shqipëria të hynte në një situatë të tillë, kur merr vendin e statusit kandidat dhe pastaj nuk ndodh asgjë. Pra, është shumë e rëndësishme të mbash ritmin."



"Unë kam vënë re se në disa vende të tjera, si në Kroaci apo në Malin e Zi, përgjigjet e pyetësorit u bënë një proces gjithëpërfshirës, nuk ishte vetëm qeveria, por edhe opozita, shoqëria civile, universitetet. Ata e panë këtë pyetësor si një ushtrim kombëtar. Unë shpresoj që kjo do të jetë e mundur në Shqipëri, sepse e lehtëson cilësinë e përgjigjeve që do t’i jepen pyetësorit. Diku duhet të fillojë."



"Fatkeqësisht, këto vitet e fundit korrupsioni është një nga shqetësimet që nënvizon raporti i progresit, sepse Komisioni Evropian është i shqetësuar për korrupsionin në Shqipëri. Nuk është parë që në ndonjë nga progres-raportet të thuhet se, “po, Shqipëria po bën hapat e duhur edhe e ka nën kontroll luftën kundër korrupsionit”. Nëse unë do t’iu referohesha gjërave që janë përmendur edhe në gazeta, në listën e raportit të Transparency International për gjithë botën, Shqipëria ka rënë të paktën 10 vende më poshtë dhe kjo nuk është një shenjë pozitive. Në qoftë se Shqipëria do të marrë një vlerësim pozitiv në Komision, atëherë duhet që patjetër të merren disa masa konkrete që lufta kundër korrupsionit të dalë më në pah, të jetë më në qendër të vëmendjes."



"Njëri nga problemet që ka korrupsioni është se është shumë-shumë i vështirë për t’u provuar. Korrupsioni ndodh kudo. Sigurisht që ajo që i ka ndodhur kompanive që vijnë tek unë apo te çdo ambasador, u ka ndodhur edhe kompanive të tjera që nuk raportojnë. Ky është tamam problemi dhe fakti pse Bashkimi Evropian e mendon këtë çështje shumë të rëndësishme. Në mënyrë që të kesh një zhvillim ekonomik sa më të mirë, duhet që të kesh një klimë ku ka shanse të barabarta për të gjithë, duhet të ketë transparencë për mënyrën se si bëhen prokurimet, se si bëhen marrëveshjet e biznesit, në mënyrën se si merren subvencionet, si përfitohet nga fondet publike. Unë mendoj që gjërat po ndryshojnë dhe gjërat janë duke ndodhur. Më surprizon mënyra se si qeveria e fundit e vendit tuaj u kujdes për mënyrën se si u shkurtuan procedurat për mënyrën e dhënies së licencave për organizimin one stop shop, të prokurimit online, e kjo është vërtet për t’u përgëzuar, pasi i heq mundësinë shumë njerëzve për të bërë korrupsion."



"Në këtë situatë aktuale partitë janë duke akuzuar njëra-tjetrën që janë të përfshira në afera korruptive dhe këto gjëra duhet të çohen në prokurori. Në qoftë se ka diçka që po ndodh, atëherë duhet të shkosh te prokuroria dhe ajo ka detyrën që të fillojë një investigim dhe nëse ka vërtet prova, atëherë mund të shkoj deri në gjykatë. Ajo që ne nuk kemi parë të ndodhë në nivelin e duhur, është një profil shumë i lartë i rasteve të korrupsionit, të cilat çohen në gjykatë."

[Edvin83]

'Shumë sinqerisht: ju po dëmtoni veten tuaj'
INTERVISTË me Ambasadorin e Danimarkës | 23/12/2009


SHENIM I REDAKSISE SE SHEKULLIT: Me poshte eshte nje interviste e Ambasadorit te Danimarkes ne Tirane, Karsten Ankjaer Jensen.
Ky version i intervistes eshte versioni i saj i plote. Diten e hene, intervista e z.Jensen u botua ne gazeten Panorama, por disa pjese te saj ishin censuruar.


Z.Ambasador, sa e rëndë ju duket situata politike aktuale?
Rregullat e funksionimit të BE-së përfshijnë shtetin e së drejtës, dialogun e qytetëruar, dhe jo më pak se ato, kompromisin. Pa to, bashkimi i 27 vendeve me pikëpamje gjerësisht të ndryshme, thjesht nuk do të mundej të funksiononte.


Shqipëria dëshiron të anëtarësohet. Dhe çdokush dëshiron që Shqipëria të anëtarësohet. Por,vitet e fundit në këto tre fusha, Shqipëria ka bërë hapa të konsiderueshëm prapa. Dhe në javët e fundit, padyshim.

Shumë sinqerisht, zhvillimet nuk janë në përputhje me vlerat, që qëndrojnë në thelb të Bashkimit, dhe po ashtu të anëtarësimit në BE. Sikurse tha përpara disa ditësh, Ministri i Jashtëm i Presidencës së BE-së, Bildt, partitë duhet të ulen, të flasin me njëra-tjetrën dhe të gjejnë një zgjidhje.


Sigurisht që është e vështirë. Tensionet janë në rritje. Por mendoni për një moment: nëse klasa politike shqiptare nuk është në gjendje t'i gjejë zgjidhje një krize politike të krijuar nga vetë ajo, si mundet të japë një kontribut pozitiv në Europë? Me rastin e fundit, si mundet Shqipëria të shpresojë të bëhet anëtar?

Kur juve ju shkon në mend të drejtoni pyetje të tilla, gjendja duket se është serioze.

Po përsa i përket bojkotit?

Parlamenti është një institucion themelor në një demokraci moderne. Bojkotimi i parlamentit nuk është mënyra e reagimit në një demokraci, në kuptimin e saj të vërtetë. ne kuptimin


Megjithatë, bojkotin e shoh më shumë si një simptomë se sa si sëmundjen vetë.


Dhe sëmundja është shtimi i mungesës së besimit tek institucionet e qeverisë dhe të shoqërisë. Jo, pa arsye, më vjen keq ta them.


Institucionet publike janë shtyllat e demokracisë. Nëse ato nuk lejohen të ushtrojnë forcën dhe paanshmërinë e nevojshme, për të siguruar rregulla të njëjta për të gjithë, atëherë demokracia vuan. Kjo duhet të preokupojë të gjithë shqiptarët, edhe nëse ata nuk janë të interesuar në politikë. Pse? Sepse kjo ndikon në mënyrë të drejtpërdrejtë në shumën e lekëve që ata do të kenë në xhepat e tyre.


Investitorët, ndërkombëtarë apo vendas, pa dyshim mendohen mirë për investimin e pasurive të tyre në një vend ku nuk mund të jenë të bindur se trajtohen me drejtësi dhe sipas ligjit: në një vend ku paratë dhe jetesa juaj nuk është e sigurtë. E njëjta gjë vlen dhe për BE-në dhe për anëtarësimin në të.


Kështu keqpërdorimi I politikës dhe korrupsioni janë jo vetëm moralisht të gabuara. Sepse, ka një çmim të madh me të cilin duhet paguar, kur bëhet fjalë për begatinë e kombit, mirëqenien e shqiptarëve të thjeshtë dhe të ardhmen e brezave.

Mungesa e institucioneve mirëfunksionuese dhe e shtetit të së drejtës, për këdo, pavarësisht partisë politike që i përkisni, çfarë pozicioni keni, me kë jeni të lidhur, çfarë makine ngisni apo sa para fitoni- është për mendimin tim pengesa më e madhe për një të ardhme të begatë të Shqipërisë dhe shqiptarëve.


Përse nuk ndërhyjnë ndërkombëtarët?


Nuk mund ta bëjmë këtë. Shqipëria i ka të gjitha institucionet e një demokracie. Është në dorë të popullit shqiptar për t'i bërë ato funksionuese. Ne nuk mund t'i detyrojmë shqiptarët apo klasën tuaj politike të bëjnë zgjedhjet e duhura. Sikurse vepron ndonjë prej nesh, herë pas here, ajo ç'ka ne mund të bëjmë, është t'ju informojmë rreth pasojave të veprimeve tuaja. Megjithatë, zgjedhjet janë në dorë të shqiptarëve.

Po ku, në cilat fusha, është injoruar këshilla e komunitetit ndërkombëtar?

Më lejoni të jap disa shembuj:

Shembulli i parë: Unë dhe shumë kolegë, shumë herë, kemi paralajmëruar për pasojat e korrupsionit në aftësinë e Shqipërisë për t'u zhvilluar dhe hyrë në BE. Megjithatë, raporti i fundit nga "Transperancy International, i cili është edhe pikë e njohur referimi në nivel ndërkombëtar, tregoi një rënie të madhe në renditjen ndërkombëtare të Shqipërisë. Ky është lajm i keq për Shqipërinë, jo vetëm në lidhje me anëtarësimin e saj në BE. Është një frenim i madh i përpjekjeve për ta paraqitur Shqipërinë si një mundësi tërheqëse investimi për kompanitë ndërkombëtare. Pra edhe për shpresën e shqiptarëve për begati.


Pra, nuk është bërë shumë për ta ulur në mënyrë efektive korrupsionin. Disa individë në nivele të ulta janë goditur. Gjithsesi, për segmente të caktuara të shoqërisë, korrupsioni duket të jetë pa rreziqe reale.


Shembulli i dytë: Ndërkombëtarët, shumë herë, janë lutur që Shqipëria të heqë dorë nga zakoni i pushimit të njerëzve nga puna në sektorin publik, sa herë që ka ndonjë ndryshim në udhëheqje. Përse?


Së pari, sepse ne nuk na pëlqen të shikojmë paratë, që taksapaguesit tanë kanë investuar tek shumë nga ata njerëz, të shkojnë kot.Pasoja nuk duhet të na habisë. Më e vështirë do bëhet, marrja e financimeve ndërkombëtare, për të ndihmuar Shqipërinë dhe shqiptarët. Megjithatë, zakoni vazhdon dhe për më tepër duket se është shtuar.

Së dyti, për shkak se kjo tregon një mungesë themelore të të kuptuarit të demokracisë, dhe rolit dhe përkatësisë së institucioneve publike. Këto institucione nuk janë çmimi i madh i llotarisë për këdo që fiton zgjedhjet apo një pozitë pushteti. Institucionet financohen nga të gjithë shqiptarët. Ato duhet të jenë njëlloj për të gjithë.

Së treti, dhe unë nuk di se si ta theksoj sa duhet këtë: për të arritur një liberalizim të vizave dhe për të hyrë në BE, Shqipëria ka nevojë për të gjithë. Praktika e heqjes nga puna e personave të kualifikuar, cilado qoftë arsyeja, padyshim, siguron se anëtarësimi në BE dhe liberalizimi i vizave do të shtyhen edhe më tej në të ardhmen. Shumë sinqerisht: ju po dëmtoni veten tuaj.


Është e rëndësishme që shqiptarët ta kuptojnë se nuk ka hyrje të lehtë e të shpejtë. Duhet të bëni detyrat tuaja. As anëtarësimi në BE, as liberalizimi i vizave nuk do të vijnë si dhurata në pako. Është një shpërblim për një punë të kryer më së miri. Dhe ju keni nevojë për çdo njeri të aftë për të arritur këtë.


Kështu që koha dhe vendi është me të vërtetë në dorë të Shqipërisë dhe shqiptarëve. BE-ja dhe shtetet anëtare të saj po presin vetëm që Shqipëria të jetë gati. Fati i të ardhmes tuaj është me të vërtetë në duart tuaja.


Shembulli i tretë: Dy herë në vit, Komisioni i BE-së kryen një vlerësim për përparimin e Shqipërisë në të gjitha fushat që kanë lidhje me anëtarësimin në BE.


Raportet, gjithashtu, përmbajnë rekomandime rreth detyrave që Shqipëria duhet të kryejë për të arritur këtë synim.
Megjithatë, nëse i lexoni raportet, nuk gjeni asnjë rast ku vlerësimi i përparimit është "i shkëlqyer","shumë i mirë" etj. Shprehja më e përdorur në raportin e fundit të BE-së ishte "pak progres", nëse e kujtoj mirë.


Duke qenë i jashtëm, kjo është më shumë se vetëm e çuditshme: Shqipëria ka një potencial të jashtëzakonshëm dhe anëtarësimi në BE do të ndryshonte në mënyrë dramatike kushtet e jetesës të të gjithë shqiptarëve, dhe jo më pak të atyre që ende jetojnë në kushte ekstremisht të ashpra.


Dikush mund të mendojë se Shqipëria si komb, shqiptarët si popull, dhe klasa juaj politike, jo më pak, mund të përqëndrohen dhe të vendosin të gjithë kapacitetet për bërë që anëtarësimi në BE dhe liberalizimi i vizave të ndodhin sa më shpejt që të jetë e mundur.

Në politikën shqiptare, duket të jetë një përshtypje e zakonshme, se nëse keni disa miq të mirë brenda BE-së, atëherë jeni të sigurtë se do të bëheni anëtar. Miqtë tuaj do të kujdesen për ju.
Fatkeqësisht, nuk është kjo mënyra e funksionimit të BE-së.


Anëtarësimi kërkon që të gjithë vendet anëtare të bien dakort. Pa përmbushur kërkesat, Shqipëria do ta ketë të vështirë arritjen e një konsensusi të të 27 vendeve.


Po e them këtë në mënyrë shumë të drejtpërdrejtë, sepse dëshiroj që të gjithë shqiptarët ta kuptojnë funksionimin e BE-së.


Në fund të fundit, votuesit dhe taksapaguesit europianë janë ata që do të vendosin. Kështu, ju nuk duhet të prisni marrjen e mbështetjes së tyre përpara se Shqipëria të ketë vullnetin dhe aftësinë e përmbushjes së kërkesave dhe t'u përmbahet rregullave të BE-së.


Ju, me të vërtetë, duhet të tregoni, se jeni gati të kontribuoni pozitivisht në Bashkim, çdo vend dhe çdo parlament i Bashkimit duhet të bindet që Shqipëria do të jetë një shtesë pozitive dhe jo një barrë, në familjen europiane. Ky është thelbi.

Europa dhe shtetet anëtare të saj, i kanë dhënë Shqipërisë dhe shqiptarëve një perspektivë për anëtarësim në një nga familjet më të begata në botë. Duke vepruar në këtë mënyrë, të gjithë Europianët, pa mëdyshje, kanë treguar besimin te Shqipëria dhe shqiptarët. E kemi treguar atë besim me veprat tona, si kombe të veçanta dhe si BE. Kemi bërë ç'është e mundur dhe kemi bërë patur shpenzime të mëdha për t'ju ndihmuar në arritjen e synimit tuaj. Dhe vendet apo organizatat e tjera ndërkombëtare kanë vepruar kështu.


Megjithatë, fati dhe e ardhmja e Shqipërisë dhe shqiptarëve me të vërtetë është në duart tuaja. Veprat tuaja, vetëm veprat tuaja, janë ato që i realizojnë apo i thyejnë shpresat për të ardhmen.


Po tregoheni, jo si zakonisht, i drejtpërdrejt, si ambasador.

Zakonisht diplomatët flasin në ato mënyra, ku edhe kritika më e ashpër paraqitet si një përgëzim. Kjo i shërben një qëllimi të mirë, sepse ul tensionet. Megjithatë nëse dëgjuesi nuk e kupton mesazhin, apo e dëgjon atë në mënyrë të gabuar, atëherë duhet ndryshuar mënyra e të komunikuarit. Ne nuk mund ta ndihmojmë Shqipërinë të ndihmojë veten, nëse nuk e themi të vërtetën në atë mënyrë që njerëzit ta kuptojnë. Ndryshe, ju nuk do të mund të merrni vendimet e duhura.
Po flas hapur, sepse me të vërtetë besoj se Shqipëria, që nga zgjedhjet, dhe veçanërisht gjatë dy javëve të fundit, e ka shtyrë në drejtimin e gabuar, datën në të cilën ne do të mund t'i uronim Shqipërisë dhe shqiptarëve mirëseardhjen në familjen europiane.


Dhe kjo duhet parë në kontekstin e asaj që thashë më lart, pikërisht që Shqipëria nuk ka lëvizur drejt Europës aq shpejt sa ajo është në gjendje.


Nuk është kjo, ajo ç'ka BE dëshiron, dhe sigurisht nuk është kjo, ç'ka vendi im Danimarka po shpreson. Unë e ndjej, që kjo nuk është ajo ç'ka shqiptarët e thjesht duan apo dëshirojnë.


Duke jetuar këtu për një vit e gjysëm, kam besim të madh tek shqiptarët dhe tek potenciali i tyre për të kontribuar pozitivisht në të ardhmen e BE-së. Shumica e shqiptarëve janë miqësorë, të zellshëm dhe punëtorë të palodhur. Niveli i shkollimit është i lartë. Mentaliteti është pozitiv dhe largpamës. Politika e jashtme dhe toleranca fetare e Shqipërisë janë të pashoqe, dhe shumë nga ne brenda BE-së mund të mësojnë nga kjo. Në fakt, për mendimin tim, jeni të nivelit botëror në ato fusha. Unë i përjetova zgjedhjet personalisht dhe mënyra se si u sollën shqiptarët e thjeshtë ishte një shenjë mbresëlënëse për të ardhmen. Dhe kujtoni që edhe ODIHR-i dhe BE-ja e dhanë vlerësimin përkatës. Raporti i ODIHR-it dhe deklarata e BE-së pas zgjedhjeve ishin deklarime realiste të besimit ndaj shqiptarëve të thjeshtë. (ku thuhet, çfarë ndodhi përpara dhe çfarë erdhi më pas, sinqerisht, nuk është për t'u mburrur.)

Shqipëria dhe shqiptarët, që ne ftuam të bashkohen në NATO dhe që synojnë anëtarësimin në BE, ishin ata individë që përfaqësojnë anët më të mira të vendit dhe kombit tuaj, dhe një të ardhme të ndritur e të begatë. Ne nuk ftuam anën e errët: Ne nuk ftuam Shqipërinë e gjymtuar nga korrupsioni, institucionet e shtrembërruara dhe të bllokuara politikisht.


Por edhe njëherë: nuk është Danimarka apo BE-ja që kontrollon të ardhmen e Shqipërisë. Ajo është në dorë të shqiptarëve dhe të klasës tuaj politike. Ajo çfarë ka bërë pjesa tjetër e Europës, është drejtimi i një ftese për një të ardhme më të mirë për Shqipërinë dhe shqiptarët. Dhe ne sigurisht që do të bëjmë ç'është e mundur për të ndihmuar, por vetëm nëse ndihma do të vlerësohet dhe nëse ajo ka kuptim për taksapaguesit tanë.


Kështu, shqiptarët duhet me të vërtetë ta kuptojnë, se në fund, ata vendosin për fatin e tyre. Është zgjedhja juaj, nëse do ta pranoni ftesën tonë duke bërë atë çka duhet. Për disa ky mund të duket një mesazh i zymtë, por mendoni pak: Sa herë në histori, shqiptarët kanë qenë në gjendje të vendosin për veten e tyre se ku duhet të shkojnë? Tani e keni një zgjedhje.


Tradicionalisht, pushimet e fundvitit janë për t'u gëzuar, për të mbyllur konfliktin dhe për të ulur armët. Gjithashtu është një kohë ku shumica prej nesh reflektojnë rreth të kaluarës dhe të ardhmes. E gjithë kjo duket se është urgjentisht e nevojshme.

[davidd]

Se marr vesh per c'arsye perkrahet Salibei komunisti. Ky njeri e ka cuar shqiperine 200 vjete mbase, e ka varferuar, kur te gjitha shtetet e tjera te evropes lindore jane futur ne evrope, vetem ne kemi ngelur jashte nga blloku. E gjithe evropa eshte kunder komunizmit dhe komunistave, ne kemi ne krye nje komunist. Ne shqiperi vidhen votat e sovranit, ne Rumanin demokratike rinumerohen votat me kerkese te opozites.
Komunisti ne krye se leshon karrigen. Ne kemi nevoj per demokraci e jo komunizem. E kemi pasur per 50 vjete dhe na la mbas, komunisti Berisha nuk heq dore.
Ambasadoret evropjane qe flasin, shprehin mendimin e evropes se bashkuar dhe jo te nje shteti.
Ky njeri i ka lene shqiptaret jashte evropes, pa viza kur fqinjet tane levizin pa viza ne evrope. Populli nuk ka uje per te pire, komunisti thote, shqiperia po ndryshon. Populli nuk ka uje per te lare, komunisti thote eshte rritur ekonomija. Qeveria e ka arken bosh, komunisti thote ska karrupsion. etj etj. 20 vjet dhe prape ne vend numero ne. E ke pare ti se si e marrin ujin per te pire e per te lare shqiptaret? a e di ti se si e nxjerrin buken e gojes popullsia? a e di ti komunist, se si po zvarritet populli shqiptar? dhe sa kohe? dhe sa vite?

[mia@]

Realitetin ka thene, pavarsisht se nuk na vjen mire. Ju qe e mohoni jeni ne vetmohim, si dikur komunistet lol. Le t'ua shante njeri Enverin se te vrisnin.

[goldian]

ambasada holandeze ushqen nje nga mafiozet me te felliqur ne tirane..e pikerisht doren e djathte te kryemafiozit edvin.. erion hajdut milionashin.. veli..
prandaj llafet e tij skan asnje vlere..

edhe une ashtu mendoj zoti brari
biles dhe ky ambasadori hollandez eshte komunist muti prandaj sna do te miren ne
klyshi i enverit te hoxhajve e te ramajve

[Duaje Siveten]

ky ambasadori i nederlandes do te jete ndonje i lidhur me pratine ma-le, qe ne kohen e enverit mund te kete marre paret prej komitetit central, me ane te korrierit - mjekut presonal te hisnis; mund te jen prish per pun pazaresh, dhe tani ia kthen kusurin ...

çudi, nederlanda e ka ligjeruar me kohe martesat brenda te njejtit seks ...

nuk iu hyn nre pun salija ...