Serbë të Kosovës për vizitë zyrtare në Tiranë

[Nice_Boy]

Një delegacion i lartë i komunitetit serb të Kosovës ka nisur të martën një vizitë zyrtarë dy ditorë në Tiranë më ftesë të qeverisë së Shqipërisë.

Zv.kryeministri shqiptar, Ilir Meta e quajti vizitën historikë, ndërsa Sllobodan Petroviq, anëtar i Kryesisë së Kuvendit të Kosovës deklaroi se delegacioni serb priste sukses nga vizita në Shqipëri.

Është hera e parë që 4 zyrtarë të lartë serbë të Kosovës vijnë për vizitë zyrtarë në Shqipëri.

Mes tyre anëtari i Kryesisë së Kuvendit Sllobodan Petroviq, 2 ministra si dhe kryetari i sapozgjedhur i komunës së Graçanicës.

Qeveria e Shqipërisë, siç deklaroi zv.kryeministri Meta, e konsideron komunitetin serb në Kosovë një vlerë të rëndësishme për paqen dhe stabilitetin në rajon.

Sipas Metës, marrëdhëniet e shkëlqyera Shqipëri-Kosovë duhet të ecin edhe në drejtim të mbështetjes për integrimin e serbëve në Kosovë.

Në emër të delegacionit, Petroviq deklaroi se nga vizita dy ditore në Tiranë, pret një sukses.

Arsyet e vizitës shihen në Tiranë më së shumti si politikë, ndonëse ministrat serbë do të bisedojnë me homologët e tyre edhe për çështje teknikë.

Politikanët serbë të Kosovës do të priten nga pesidenti, kyeministri dhe kryetarja e Parlamentit të Shqipërisë. /BBC/

[shkupjoni_24]

Qeveria Shiptare do të kontribuojë me një fond prej 400 mijë eurosh për Komunën e Graçanicës në Kosovë, e banuar kryesisht nga serbët. Këtë deklaratë Kryeministri Sali Berisha e bëri në një konferencë për shtyp së bashku me Kryetarin e Partisë Liberale Serbe në Kosove Sllobodan Petrovic. Sipas Kryeministrit kjo vizitë është historike pasi kjo forcë politike ka dhënë një kontribut të rëndësishëm për paqen dhe stabilitetin në Kosovë dhe rajon.
Berisha “Shpreha dëshirën e qeverisë shqiptare për të kontribuar me një fond modest prej 400 mijë euro për Komunën e GraçanicësNe ramë dakord që kryetari dhe këshilli i komunës, bashkërisht, të përzgjedhin projektet më me interes për komunitetin që ai drejton dhe qeveris dhe të dërgojë pas Vitit të Ri ekspertët e qeverisë që së bashku të përcaktojmë të gjithë praktikën e lëvrimit të këtij kontributi modest. Këta zotërinj janë burra të cilët me vendosmëri punojnë për një kapitull të ri në marrëdhëniet midis kombit shqiptar dhe kombit serb. Zhvillimi i zgjedhjeve të fundit lokale, të parat pas pavarësisë së Kosovës, pjesëmarrja e Partisë Liberale Serbe është dëshmi e një vullneti thellësisht pozitiv të kësaj partie dhe udhëheqjes së saj për një kontribut thelbësor në paqen, stabilitetin dhe perspektivën evropiane të Kosovës.”
Në fjalën e tij Pertrovic ka vlerësuar vizitën e Kryeministrit Sali Berisha dhe të Zv/Kryeministrit Ilir Meta në Kosovë për besimin që ato kanë përçuar tek serbët. Sipas Kryetarit të Partisë Liberale Serbe të Kosovës, Shqipëria është një shembull për tu ndjekur dhe nga vendet e tjera të rajonit.
Petrovic “Ne e vlerësojmë vizitën e fundit në Kosovë të Kryeministrit Berisha, si dhe vizitën e zv/kryeministrit dhe ministrit të Punëve të Jashtme z. Ilir Meta, të cilët në rastin e kësaj vizite kanë krijuar edhe një lloj besimi brenda komunitetit serb, posaçërisht edhe në atë kohë ka ardhur edhe ideja nga Kryeministri Berisha dhe zv/kryeministri Meta, që qeveria e Republikës së Shqipërisë të jetë një nga vendet që do të ndihmojë komunat e reja të krijuara në Kosovë. Unë jam i sigurt se në këtë drejtim ne dërgojmë një mesazh të qartë, i cili do të jetë në interes të qytetarëve të Kosovës, qytetarëve të Shqipërisë dhe në rajon. Dëshiroj të besoj se shtetet në rajon do të marrin shembullin e qeverisë së Shqipërisë dhe jam i sigurt se miqtë tanë nga Brukseli dhe nga Uashingtoni do ta vlerësojnë shumë pozitivisht këtë projekt të përbashkët tonin.”
Kreu i qeverisë ka theksuar se është duke punuar për të thelluar marrëdhëniet mes Shqipërisë dhe Serbisë si dhe për një vizitë të Presidentit të Serbisë Boris Tadic në Tiranë.
Berisha “Unë në çdo Samit takohem me Presidentin Boris Tadiç dhe ajo ç’ka vlerësohet shumë është vullneti i përbashkët për të zhvilluar marrëdhëniet mes dy vendeve tona për të hapur një kapitull të ri në këto marrëdhënie. Presidenti Tadiç është i mirëpritur në Shqipëri dhe dua t’ju them se ne po punojmë për vizitën e tij të ardhshme. Presidenti Tadiç e ka mirëpritur shumë ftesën për të vizituar Shqipërinë.”
Kjo është hera e parë që një përfaqësi e serbëve të Kosovës vizitojnë Tiranën, duke shënuar kështu një hap të ri në marrëdhëniet mes dy vendeve.


tv.klan

[shkupjoni_24]

kendej ka maqedonia a spo jepni ca lek....!

[Pogradecari]

Kryeministri i Shqipërisë, Sali Berisha, ka njoftuar se shteti shqiptar ka ndarë një ndihmë prej 400 mijë eurosh për të ndihmuar komunën e Graçanicës. Ai po ashtu njoftoi se së shpejti vendin e tij do ta vizitojë presidenti i Serbisë, Boris Tadiç.

Një delegacion i serbëve të Kosovës, i udhëhequr nga anëtari i kryesisë së Kuvendit të Kosovës, Sllobodan Petroviç, po qëndron për vizitë në Shqipëri.

Në ditën e dytë të vizitës, delegacioni serb është pritur nga kryeministri i vendit, Sali Berisha, i cili në një konferencë të përbashkët për media më Petroviçin, njoftoi se shteti shqiptar do të ndihmojë komunën e Graçanicës me 400 mijë euro, ndërsa shprehu dëshirën e binjakëzimit të komunave serbe me komunat apo bashkitë e Shqipërisë.

"Do të ishte e dobishme edhe binjakëzimi i komunave, me kryesisht me popullatë serbe, me komunat dhe bashkitë e vendit tonë", tha Berisha dhe shtoi se e ka mbështetur publikisht dhe privatisht krijimin e komunave të reja të Kosovës.

Ai pohoi e në çdo samit takohet me presidentin e Serbisë, Boris Tadiç, kurse njoftoi se i ka bërë ftesë Tadiçit ta vizitojë Tiranën dhe janë duke punuar për realizimin vizitës së tij.

Sllobodan Petroviç shprehu vlerësim për gjestin, siç tha ai simbolik të ndihmës që ka ofruar Shqipëria për Graçanicën dhe pohoi se kjo nuk është një ndihmë vetëm për komunitetin serb, por është një ndihmë edhe për institucionet e Kosovës.

Gjatë kësaj konference, Petroviç e ftoi kryeministrin Berisha që të realizojë një vizitë sa më parë në Kosovë.

Delegacioni serb, po qëndron në vizitë zyrtare në Shqipëri që nga e marta, ndërsa do të takohet me zyrtarët më të lartë të shtetit shqiptar.

[Nice_Boy]

Qeveria shqiptare, 400 mijë euro për komunën e Graçanicës

Tiranë, 23 dhjetor - Kryeministri shqiptar, Sali Berisha deklaroi të mërkurën, gjatë takimit me anëtarin e Kryesisë së Kuvendit të Kosovës Petroviq, se e ka ftuar presidentin e Serbisë, Boris Tadiqin në Shqipëri, pasi tani marrëdhëniet mes dy vendeve kanë hyrë në një kapitulll të ri. Gjatë konferencës së përbashkët për shtyp, Berisha tha se në çdo samit ka pasur takime me presidentin serb, i cili, sipas Berishës e ka mirëpritur ftesën për të vizituar Shqipërinë. “Në çdo samit takohem me presidentin Tadiq dhe ajo çka vlerësoj shumë është vullneti i përbashkët për të zhvilluar marrëdhëniet midis dy vendeve tona, për të hapur një kapitull të ri në këto marrëdhënie. Presidenti Tadiq është i mirëpritur në Shqipëri dhe unë dua tu them se po punojmë për vizitën e tij të ardhshme. Presidenti e ka mirëpritur ftesën për të ardhur në Shqipëri”, u shpreh kryeministri Berisha. Edhe vizitën e Petroviqit në Shqipëri Berisha e ka cilësuar historike, ndërkaq në konferencën për shtyp u bë e ditur se qeveria shqiptare ka akorduar një fond prej 400 mijë eurosh si ndihmë për komunën e Graçanicës. Petroviq e ka cilësuar këtë ndihmë mjaft të rëndësishme, ndërsa theksoi se ajo nuk shkon vetëm në ndihmë të komunitetit serb. “Ne e vlerësojmë shumë të rëndësishme idenë e qeverisë së Berishës për të qenë një nga vendet që do të ndihmojë komunat e reja të formuara në Kosovë. Ky është një gjest më shumë se simbolik, duke ditur se në vendin tuaj situata ekonomike nuk është më e mira. Edhe në një situatë të tillë, ju jeni të gatshëm t’u vini në ndihmë atyre që kanë nevojë. Jam i sigurt se në këtë mënyrë ne çojmë një mesazh të qartë që do të jetë në interes të qytetarëve të Kosovës, Shqipërisë dhe rajonit. Miqtë tanë në Bruksel dhe Washington do ta vlerësojnë shumë këtë projekt. Dëshiroj të besoj se dhe vende të tjera në rajon do ta marrin shembullin e Shqipërisë. Kjo ndihmë nuk shkon vetëm për komunitetin serb, por dhe për atë kosovar dhe për institucionet e Kosovës”, theksoi Petroviq, i cili zhvilloi sot një takim edhe me kryeparlamentaren shqiptare Jozefina Topalli, informoi News24.

[goldian]

i nerum je sal berisha
ne momente te keqija duken njerezit e mire dhe ti po e tregon veten
hallall ju qofshin 400 mije eurot gracanikasve

[drifilon]

Qeveria shqiptare, 400 mijë euro për komunën e Graçanicës

Tiranë, 23 dhjetor - Kryeministri shqiptar, Sali Berisha deklaroi të mërkurën, gjatë takimit me anëtarin e Kryesisë së Kuvendit të Kosovës Petroviq, se e ka ftuar presidentin e Serbisë, Boris Tadiqin në Shqipëri, pasi tani marrëdhëniet mes dy vendeve kanë hyrë në një kapitulll të ri. Gjatë konferencës së përbashkët për shtyp, Berisha tha se në çdo samit ka pasur takime me presidentin serb, i cili, sipas Berishës e ka mirëpritur ftesën për të vizituar Shqipërinë. “Në çdo samit takohem me presidentin Tadiq dhe ajo çka vlerësoj shumë është vullneti i përbashkët për të zhvilluar marrëdhëniet midis dy vendeve tona, për të hapur një kapitull të ri në këto marrëdhënie. Presidenti Tadiq është i mirëpritur në Shqipëri dhe unë dua tu them se po punojmë për vizitën e tij të ardhshme. Presidenti e ka mirëpritur ftesën për të ardhur në Shqipëri”, u shpreh kryeministri Berisha. Edhe vizitën e Petroviqit në Shqipëri Berisha e ka cilësuar historike, ndërkaq në konferencën për shtyp u bë e ditur se qeveria shqiptare ka akorduar një fond prej 400 mijë eurosh si ndihmë për komunën e Graçanicës. Petroviq e ka cilësuar këtë ndihmë mjaft të rëndësishme, ndërsa theksoi se ajo nuk shkon vetëm në ndihmë të komunitetit serb. “Ne e vlerësojmë shumë të rëndësishme idenë e qeverisë së Berishës për të qenë një nga vendet që do të ndihmojë komunat e reja të formuara në Kosovë. Ky është një gjest më shumë se simbolik, duke ditur se në vendin tuaj situata ekonomike nuk është më e mira. Edhe në një situatë të tillë, ju jeni të gatshëm t’u vini në ndihmë atyre që kanë nevojë. Jam i sigurt se në këtë mënyrë ne çojmë një mesazh të qartë që do të jetë në interes të qytetarëve të Kosovës, Shqipërisë dhe rajonit. Miqtë tanë në Bruksel dhe Washington do ta vlerësojnë shumë këtë projekt. Dëshiroj të besoj se dhe vende të tjera në rajon do ta marrin shembullin e Shqipërisë. Kjo ndihmë nuk shkon vetëm për komunitetin serb, por dhe për atë kosovar dhe për institucionet e Kosovës”, theksoi Petroviq, i cili zhvilloi sot një takim edhe me kryeparlamentaren shqiptare Jozefina Topalli, informoi News24.

O ku je SALI begu bre se pake kane shkijet e graqanices veq edhe ti mbushju kuletat ..

Po pse o SALO nuk te shkoij mendja me ju dhane nanave te krushes dhe femijve qe i lane jetime keta shkijet e graqanices ..

Apo te hapesh ndonje shkolle atje ku po i hape greqija per ti asimiluar femijet shqiptaret po kukesi e tropoja po jetoijn ne mejrime o SALI BEGI

Po kure i bonem senet na shqiptaret ti ndihmoijm edhe shkijet seee

[Rugova]

Jam i mendi it se gjesti i Qeverisë shqiptare që serbëve të Graçanicisë t'iu jap 400.000 euro si ndihmë "simbolike", ka qenë i ngutshëm dhe i panevojshëm. Kjo ndihmë ka karakter politik e jo human dhe e cila vije në momentin e ndjeshëm politik nëpër të cilin po kalojnë marrëdhëniet serbo-shqiptare për shkak të qëndrimit refuzues të Beogradit zyrtar që ta njohë pavarësinë e Kosovës. Pra, kjo shumë e të hollave që do t'iu jipet serbëve të Graçanicës nga qeveria shqiptare, lokalitet serb i cili për shqiptarët njihet si "koka dhe zëmra" e nacional-shovinizmit serb në Kosovë, do të shkojnë krejtësisht huq dhe pa kurrfarë falenderimi.
Në anën tjetër, vizita e delegacinit të serbëve të Kosovës në Shqipëri, dhe mikpritja aq miqësore që iu është bërë këtij delegacioni në nivelet më të larta shtetërore, askush nuk duhet të harroj se nuk ka ardhur dhe nuk është realizuar pa lejen e Beogradit zyrtar. Këtë duhet ta kenë parasysh të gjithë ata të cilët nuk e njohin strategjinë e diplomacisë serbe në Ballkan dhe Evropë. Andaj, këtë vizitë e shoh si hyrje të marrdhënieve shqiptaro-serbe në një periudhë të re të zhvillimit të tyre. Madje në këtë nismë ndikim kryesor duhet të ketë vetë faktori ndërkombëtarë, i cili me çdo kusht deshi dhe donë që Serbisë t'ia hap dyert për t'iu bashkangjitur procesit të Asocimi-stabilizimit dhe anëtarësimit në BE, gjë e cila edhe ndodhi ditët e kaluara, siç ishte edhe liberalizimi i vizave për Serbinë, Malin e Zi dhe Maqedoninë. Pra, afrimin dhe përmirësimin e marrëdhënieve Shqipëri-Serbi duhet shikuar në aspektin e rikonsolidimit të raporteve midis shteteve ballkanike, sidomos atyre shqiptaro-serbe, si kusht për rrumbullakësimin e procesit të zgjerimit të BE deri në kufijtë me Rusinë edhe nga ana e juglindjes dhe e jugperëndimit të saj.
Duke pasur parasysh këto rrjedha si dhe politikën e jashtme të BE-së kundrejtë përfshirjes së Serbisë në këto procese, pa e ndëshkuar fare për krimet e luftës që ka bërë ajo në Slloveni, Kroaci, Bosnje dhe Kosovë, por edhe pa e dorëzuar kriminelin kryesor të këtyre krimeve Ratko Mlladiçin, më del sikur "dhurata" e Sali Berishës serbëve të Graçanicës ishte krejtësisht e pa vend, dhe nuk e kuptoj arsyen pse u dashka të ndihmohet minoriteti serb në Kosovë, i cili që dhjetë vite nuk e njohu qeverinë e shtetit të Kosovës. Përkundrazi, e mohoi dhe nënçmoi atë në mënyrën me anticivilizuese, duke vazhduar ta luaj lojën e Millosheviçit në Kosovë.
Mos harroni, se serbët në politikën e tyre të brendshme dhe të jashtme gjithmonë iu kanë përmbajtur sintagmës së tyre politike:"Atë që e kemi humbur me luftë, e kemi (ri)fituar me diplomaci"....!?
Po ashtu, mos e harroni kurrë faktin, se serbet nuk do prajnë kurrë nga përpjekjet politike dhe diplomatike që Kosovën ta rikthejnë nën sundimin e tyre....

[davidd]

Ketu keni nje pjese se konferencen per shtyp te Salibei

http://www.shekulli.com.al/2009/12/2...ne-tirane.html

[Nice_Boy]

Berisha: Tadiq është i mirëpritur në Shqipëri

Kryeministri i Shqipërisë, Sali Berisha, priti sot në një takim të veçantë përfaqësues politikë të komunitetit serb në Kosovë, të kryesuar nga anëtari i Kryesisë së Kuvendit të Kosovës, njëherësh, kryetar i Partisë Liberale Serbë në Kosovë, Sllobodan Petroviq.

Duke e cilësuar historike vizitën në Shqipëri të përfaqësuesve politikë të komunitetit serb në Kosovë, Kryeministri Berisha shprehu vendosmërinë e tij për të dhënë të gjithë kontributin e mundshëm në interesin më të mirë të bashkëjetesës së qytetarëve të Kosovës, pa dallim nga origjina e tyre etnike. Gjithashtu, Berisha bëri të ditur se qeveria shqiptare do të kontribuojë me një fond modest prej 400.000 euro për Komunën e Graçanicës.

I pyetur për perspektivën e marrëdhënieve ndërmjet Shqipërisë dhe Serbisë, Berisha u shpreh se takimet e tij me presidentin e Serbisë, Boris Tadiç, janë shumë të shpeshta gjatë aktiviteteve ndërkombëtare dhe ajo ç’ka vlerësohet shumë është vullneti i përbashkët për të zhvilluar marrëdhëniet mes dy vendeve, për të hapur një kapitull të ri në këto marrëdhënie.

“Presidenti Tadiq është i mirëpritur në Shqipëri dhe dua t’ju them se ne po punojmë për vizitën e tij të ardhshme. Presidenti Tadiq e ka mirëpritur shumë ftesën për të vizituar Shqipërinë”, ka thënë Berisha.

Nga ana e tij, Petroviq vlerësoi këtë ndihmë simbolike të Shqipërisë dhe njëherit vlerësoi vizitën e fundit të kryeministrit Berisha, si dhe vizitën e zv/kryeministrit dhe ministrit të Punëve të Jashtme, Ilir Meta, në Kosovë, të cilët në këto vizita kanë krijuar edhe një lloj besimi brenda komunitetit serb.

“Dëshiroj të besoj se shtetet në rajon do të marrin shembullin e qeverisë së Shqipërisë dhe jam i sigurt se edhe miqtë tanë nga Brukseli dhe nga Uashingtoni do ta vlerësojnë shumë pozitivisht këtë projekt të përbashkët tonin”, tha. Petroviq. /Telegrafi/