Mero Baze: Berisha po me persekuton mua dhe partneret e mi ne biznes

[DYDRINAS]

Dëshmi për betejën e egër të pushtetit ndaj lirisë sime dhe kolegëve të mi

Nga Mero Baze

Ambasadorit të SHBA, John Withers

Ambasadorit të BE në Tiranë, Helmuth Lohan

Ambasadorit të OSBE, Robert Bosch



Të nderuar ambasadorë!

Shpresoj mos t’ju bezdis këto ditë para festave me lajme të tilla acaruese për një vend, i cili po bën përditë e më shumë hapa mbrapa në respektimin e lirive qytetare dhe barazisë para ligjit, por është pikërisht kjo koha që ka zgjedhur qeveria shqiptare për të ndërmarrë një fushatë të re diskriminuese me prapavijë tërësisht politike. Po ju shkruaj në cilësinë e botuesit të gazetës “TemA”, dhe pronar i kompanisë “Media Enter”, e cila ka qenë pronë e imja deri në fund të vitit financiar 2005, kohë kur unë kam shitur aksionet e mia në masën 100 për 100. Në korrik të vitit 2007, blerësi tjetër i kësaj kompanie vendosi ta pezullojë veprimtarinë e saj financiare, dhe unë së bashku me gazetarët e tjerë vazhduam aktivitetin tonë gazetaresk si pjesë e një kompanie tjetër.

Në prill të vitit 2008, kur gazeta “TemA” denoncoi e para lidhjet e djalit të Sali Berishës me biznesin vdekjeprurës në Gërdec, gjëja e parë që bëri Sali Berisha ishte dërgimi i një ekipi kontrolli në zyrat e gazetës. Kontrolli, i cili ndenji gati dy javë në zyrat e redaksisë, kontrolloi edhe kompaninë “Media Enter”, që kishte mbyllur aktivitetin që në korrik 2007, edhe kompaninë tjetër, e cila kishte shtuar si aktivitet të saj dhe botimin e gazetës “TemA”, titull i cili ka qenë dhe është pronësia ime intelektuale, i cili nuk është shitur kurrë. Ai gjendet i regjistruar si i tillë dhe te Zyra e Licencave dhe Patentave në Ministrinë e Ekonomisë. Kontrollet natyrisht nuk gjetën ndonjë shkelje dhe u larguan, duke shërbyer vetëm si mjet presioni.

Pas shfaqjes publike të kryeministrit dhe sulmeve verbale ndaj asaj që ai e quan “kupolë mafiozo-puniste”, dhe sulmeve ndaj meje personalisht prej tij dhe prej kryetares së parlamentit të Shqipërisë, zyrtarët e tatimeve kanë vërshuar sërish në dyert e kësaj kompanie, duke kërkuar tanimë kontroll prej vitit 2004. Kontrolli është i urdhëruar nga zyra e tatimeve në Tiranë, por, sipas ligjit, një kontroll i tillë, pra rikontroll, duhet të bëhet me urdhër të Drejtorit të Përgjithshëm, pasi kjo kompani është kontrolluar së fundi në vitin 2008, në muajin prill, dhe na kanë lënë dhe një procesverbal në përfundim të kontrollit. Nuk na shqetëson shumë egërsia dhe sytë e skuqur nga urrejtja, me të cilën mbërrijnë këto dërgata revanshi të kryeministrit, por ndjehem thellësisht i shqetësuar që ky kryeministër, duke personalizuar luftën me një gazetar kritik ndaj tij, po keqpërdor pushtetin në mënyrë selektive dhe bën ç’është e mundur për ta parë atë të gjunjëzuar, fat që s’do ta ketë.

Dua të kujtoj se një vit më parë, në këtë fundjavë, një ditë para Vitit të Ri, makina ime mori flakë para syve të fëmijëve të mi, në oborrin e pallatit, dhe shkakun, para se ta përcaktonte policia, e përcaktoi zëdhënësi i Partisë Demokratike, ndërkohë që shoferi i Shkëlzen Berishës kishte tri ditë rresht që shihej në oborrin e pallatit tim, dhe unë për këtë njoftova edhe zyrtarë të lartë të Prokurorisë, por dhe disa autoritete të policisë.

Dy javë pas djegies së makinës, Sali Berisha rrethoi me policë redaksinë e gazetës ku punoja dhe shtypshkronjën e saj duke na zbuar prej andej me forcë, dhe duke na mbajtur peng ende shtypshkronjën dhe mjete personale. Ai theu pa asnjë të drejtë një marrëveshje 20-vjeçare koncesioni, me një arsyetim, i cili nuk vlen një vit më pas.

Nëse do të shkoni në oborrin e ish-Tipografisë Ushtarake, do të shikoni se midis pasurisë sonë, për të cilën investuam mbi 450 mijë euro dhe repartit të pasaportave biometrike, punojnë ende dy kompani të tjera, të cilat nuk i prek njeri.

Gjatë vitit që po mbyllet, unë personalisht, por dhe familjarë të mi, jemi gjendur para presionesh të egra, deri me sulme mbi pasuritë e tyre të ligjshme, të cilat janë komanduar direkt nga zyra e kryeministrit Berisha. Ky kryeministër ka personalizuar luftën deri në atë shkallë, sa i verbuar nga një urrejtje primitive, ka shpallur armiq edhe biznesmenë që mendon se janë partnerë të mi. Rasti më tipik është ai i sulmeve me Artan Dulakun dhe Besnik Sulën. Në të njëjtën ditë që ka dërguar për rikontroll një dërgatë tatimorësh në ish-kompaninë time, për të hetuar në mënyrë ironike bilancet e viteve kur unë kam qenë mbështetës i zotit Berisha, atëherë në opozitë (2004-2005), po ashtu i ka dërguar blerësit të mëpasmë të kësaj kompanie, Besnik Sula, një gjobë që shkon në 2 miliardë e 400 milionë lekë, dhe ka nisur dërgata në gjithë kompanitë e vëllezërve Dulaku, duke nisur nga “Edil-Al”, “Tring” etj.

Ky sulm, dhe ndaj biznesmenëve që kanë qenë apo janë bashkëpunëtorë të mi në veprimtarinë mediatike, siç është aktualisht zoti Dulaku, më bën edhe më shumë përgjegjës në ndërgjegjen time, se po bëhem shkak, jo vetëm për probleme në biznesin tim apo të familjarëve të mi, por dhe të partnerëve dhe bashkëpunëtorëve të mi. Ky është një sulm racist, i mbështetur thellësisht në hakmarrjen ndaj një individi dhe që synon rrethimin dhe izolimin e tij financiar dhe politik. Nëse unë bëj bilancin e një viti në luftën e kryeministrit ndaj meje, do të gjej më shumë probleme se sa ka pasur një hebre në kohën e nazizmit apo një “kulak” në kohën e komunizmit. Përfytyroni në ç’pozitë diskriminuese jam unë dhe gazetarët e mi në prag të festave të Vitit të Ri, kur të gjithë duhet të gëzojnë dhe të festojnë, ne duhet të përkujtojmë problemet që ka shkaktuar gjatë një viti Sali Berisha. Përfytyroni një çast që redaksitë e gazetave të tjera apo televizioneve nuk kontrollohen, nuk gjobiten dhe nuk u bëhet shantazh, ndërsa mua më kontrollohet dhe veprimtaria financiare e vitit 2004, jashtë të gjitha rregullave që ekzistojnë për rikontrollet në këtë qeveri. Përfytyroni për një moment që redaksi konformiste dhe servile me kryeministrin marrin miliona pa konkurrencë nga reklama qeveritare, kurse biznesmenët që guxojnë të bashkëpunojnë me mua apo redaksinë time, sulmohen egërsisht me gjoba çnjerëzore dhe të papërballueshme. Po t’u shtosh këtyre dhe klimën përbaltëse të Sali Berishës ndaj tyre, e ndjen veten në një regjim tërësisht selektiv, tërësisht klasor dhe mbi të gjitha, tërësisht arbitrar.

Ju po ashtu jeni dëshmitarë se si jam bërë objekt i sulmeve fizike të frymëzuara nga qëndrimet e qeverisë shqiptare ndaj meje, nga biznesmenë që janë pjesë e lidhjeve familjare të kryeministrit. Pas sulmit, i vetmi që nuk guxoi të përmendë emrin e dhunuesit ishte kryeministri, dhe vetëm disa ditë më pas shpërtheu në një fushatë shpifjesh kundër meje, si për të frymëzuar drejtësinë të bënte të kundërtën. Tanimë gjithkush që ka bashkëpunuar me mua gjatë këtij viti, po mbyll një vit financiar me gjoba nga politika tatimore e Sali Berishës, gjithkush që punon me mua, po mbyll një vit të vështirë financiar, për shkak të problemeve ku na ka futur Sali Berisha dhe kushdo që guxon të jetë solidar me mua duhet të përgatitet për probleme të reja.

Po ju drejtohem ju, jo se mund të më shpëtoni nga ky fat që e kam zgjedhur vetë, por për të kuptuar dhe për të raportuar qartë në kancelaritë tuaja, se me çfarë problemesh foshnjore për një shoqëri parademokratike ndeshet media kritike dhe biznesi që guxon ta mbështesë atë në Shqipëri. Unë po ju shkruaj mbi të gjitha dhe për një arsye që më vjen turp që po e bëj publike. Në këtë vend nuk ke kujt i shkruan më për padrejtësitë që të bëhen. Në këtë vend Prokuroria është gjunjëzuar, kur flitet për Sali Berishën. Në këtë vend gjykatat janë gjunjëzuar, kur përmendet emri i tij. Në këtë vend Presidenti është bërë i parëndësishëm dhe i pafuqishëm për të mbrojtur qytetarin dhe biznesmenët shqiptarë. Në këtë vend drejtësia në tërësi është kthyer në një armë për gjueti shtrigash dhe jo në një shpresë për qytetarin. Ky pushtet i ka shpërdoruar gjithë arsyet, për të cilat duhet të qeverisë, dhe unë nuk gjej rrugë tjetër për të dërguar këtë letër veçse për ju, rojet e fundit të ëndrrës sonë perëndimore dhe shpresës se dikush do të dëshmojë të vërtetën mbi këtë regjim, i cili nuk ka asgjë të përbashkët me shtetin ligjor, demokracinë dhe ëndrrën tonë evropiane.

tema

[Brari]

do ishte lezet sikur keta ambasadoret ti shkonin vizite ne zyre mero bazes e te uleshin fshatce e ti thoshin..
pa na i sill o mero tere sulmet qe ti ka bere berisha.. apo pd-ja apo rd-ja apo berishianet..
e merua ti thosh sekretares.. silli te keqen xhaxhi te tera..
kur te vinte ajo.. do kish ne dore nje dosje me nja 10- 20 faqe.. me sulme..

kurse po ti thone ambasadoret.. pa na sill o mero dhe sulmet qe i ke bere ti berishes..
kur te vinte sekretaresha do thoshte.. xhaxhi mero.. duhet nje lefterak ose zetor ti mbaje tere kutijat me dosje me sulmet qe ti i ke bere berishes..
pra 100 kuintal leter gazete e mijra ore ne televizione qe merua ka bere kunder berishes.. e femijve te tije.. kurse berisha shum shum 2 here mund tja ket permendur emrin e kjo ka ndodhur kur merua kishte prodhuar propagand anti-berish prej me shum se 2-3 vjet rresht..

po a thua e kuptojne ambasadoret mjeshtrin mero.. kte gjobvenes te sofistikuar..

kurre..

prandaj merua do qendroj gjate ne treg.. si nje ekzemplar i rralle ne llojin e vet..

jam i bindur se dhe per kte artikull ai ja ka rruajtur dulakut nja 10 mije euro..
o dulak..po te permend ne kte artikull-leter per ambasadoret.. sa do me japc..

o po jepi mero jepi.. me te lumte sqepi..

do kendonte grupi i bences ne kte rast..

lol



..

[DYDRINAS]

Po ky Meroja eshte me ngjyre apo jo?

Nder te tjera e akuzon Berishen per racist!?

[DYDRINAS]

do kendonte grupi i bences ne kte rast..

E ka grupin e gatshem te policeve te Portokallise!

[Brari]

ne se ambasada amerikane do kishte nje atashe shtypi.. pra nje veshgues te mprehte te mediave ne tirane..patjeter do te kish kerkuar nje takim me meron e ti thoshte..
degjo mo mero trimi.. ne cdo numer te temes tende ne kto 4 vjet.. ti boton nga 4-5 artikuj te sajuar gjoja si fakte me berish me flamur me sander me argit me elvane me shkelzen e medi me bash e olldash.. ku nuk ke lene shpifje pa thene.. dhe berisha nuk te eshte pergjigjur fare.. dhe vetem tani para ca mujash filloj rd-ja te te pergjigjet nga pak shpifjeve te tua o zoti mero..
pra leri pallavrat se jemi ambasad amerikane e jo kore veriore-kamboxhiane..
pra ne i shikojme mire gjerat..
ke pasur e ke aq liri o mero baziku naziku.. do duhet ti thote atasheu.. sa as obama ne usa nuk e ka..se cdo po.rdhe ja masin mire..

mirpo vidhersi.. edhe se i di mire keto pune duket qe do te na e rrase edvin bazen si kryeminister.. sikurse milladini envernë.. e me radhe.. hrushovi etj..

kete e kupton merua prandaj po e luan kte teatrin..

ka mundesi qe vet widhersi ti ket thene.. o merush.. o qenush.. ma qaj nje leter-ankese qe ma drejton mua pastaj tjerat i kurdis une..

po megjithate saliu po paguan nje harac..
paguan per kohet kur sikurse thot merua.. ai e merrte meron prapa si ogic.. e merua ka hyre e dale ne zyrat e berishes me kollaj se ne wc te shpis vete.. e shum me kollaj se ne krevat te gruas vete..

nuku jam kondra ta marresh dike si ogic.. po ama studioja karakterin e sapo e sheh se eshte interesaxhi beji m.unë.. se nje dit ta dredh e ti nxjerr horrliqet.. ne se ke bere..
pra saliu nukku ka treguar aftesi ne afrimin e njerzve te duhur..
e pash me kte klitorisin kruja..
e moree nga klubi.. dhe e bere prefekt..mire.. thuaja ca fjale.. o doktorr.. degjo cun .. un jam 60 e ca vjec po shkoj 70 e punoj nat e dite.. bile ne zyre e kam krevatin e tasin e groshes ketu ma sjell gruaja.. se do b.ithe qeverria.. e ti o cun.. je i gatshem ti harroc diskobordellot..
pooo thot ai.. mir fillo punen.. jo sjam xhaxhi sali.. e po mir ik nga erdhe se me duhen kuaj te punes muan jo cuna mami..
vajten ja kapen prefektin e tiranes ne ora 4 te mengjezit.. neper disko bordello..

ska turp ai pis..
le po ma kishin zgedhur ne komitet qendror te pd-se kte klitosir krujen..

sa demokrat te shkelqyer ka qe duhet te jene ne ate qindshen..
plot ka..
mirpo ki doktorri yne.. me qiri gjen ata qe.. tak fak ja ze edvinua prej hallatesh pa lodhur fare..
sikurse ja zuri pango spango profesorin..

ne pd duhen djem si ty o dydrins.. me bazament atdhetar.. prej 7 brezaash.. jo si keta m.uterit .. qe thame..


..

[lum lumi]

Se ky Mero(muti) është një dallaverexhi dhe kameleon i paskrupullt e kam thënë që në 2002-ten në këtë forum. ¨

Atëherë Brar lezetllari, bile edhe e nderuara Dita nuk pajtoheshin me mua, bile vënin Mero(m.utin) në piedestal të gazetarisë dhe intelegjencës shqiptare.

Ndërsa, për mua ky Merua , m.ut ishte kur lavdëronte Berishen dhe m.ut prap mbetet kur shan Berishen.

qashtu...!

[Brari]

gazeta sot

--

Një pyetje ambasadorit amerikan për Mero Bazen dhe një aferë të këtij me Rezart Taçin,
Ardian Fullanin dhe Bahri Shaqirin


Written by Gazeta SOT
E Enjte, 07 Janar 2010 00:00
Nga Kastriot MYFTARAJ

Mero Baze, për një kohë të gjatë, deri tre muaj para se të kishte incidentin me Rezart Taçin, deri na bombardoi mediatikisht, me bujë të madhe në gazetën e vet dhe në emisionin “Faktori plus” atë që e quajti një aferë të madhe të pastrimit të parave në linjën Azerbajxhan, “Taçi Oil”, Banka “Kredins”, qeveria shqiptare, Banka e Shqipërisë (Guvernatori Fullani). Ja se si shkruante Mero Baze në gazetën “Tema” në 31 mars 2009:

“Dje qarkullonte në mediet elektronike një lajm se ‘drejtori i parandalimit të pastrimit të parave kishte evidentuar 26 raste të dyshimta, nga të cilat 21 prej tyre janë dërguar në prokurori, pasi është konstatuar se origjina e parave ka qenë e jashtëligjshme’. Ky njoftim në pamje të parë të bën optimist, pasi mendon se me pastrimin e parave si fenomen po bëhet një punë serioze. Në të vërtetë, pasi ngulmova të marr vesh se a ishte e përfshirë në këto raste pagesa prej 77 milionë eurosh prej Bankës Credins për llogari të privatizimit të ARMO-s, dola duarbosh. Atëherë iu drejtova Bankës së Shqipërisë, ku ky sekret ruhet më shumë se sa u ruajt Thesari i Shtetit në vitin 2000. Askush nuk të jep dokumentin e transfertës së 77 milionë eurove nga Banka Credins në llogarinë e privatizimit të ARMO-s. Sipas të gjitha llogarive, një pagesë prej 77 milionë eurosh është një shumë aq e madhe, sa Banka e Shtetit duhet të verifikojë, jo vetëm klientin që ka urdhëruar pagesën, por dhe origjinën e parave të tij. Tashmë dihet se konsorciumi që bleu ARMO-n, që është sajim i ortakëve të Rezart Taçit, nuk i kishte ato pará. Nëse Banka Credins këtë pagesë prej 77 milionë eurosh më 21 nëntor të 2008, e ka bërë si hua për llogari të këtij konsorciumi, asaj duhet t’i hiqet licenca, pasi është e sigurt se kjo shumë tejkalon të drejtat që ka kjo bankë për të bërë transferta të tilla të pambuluara. Nëse transferta është e mbuluar, d.m.th., nëse konsorciumi i kishte aq pará në llogari atë muaj, duhet të bëhet publike origjina e atyre parave. Pra, ekuacioni është shumë i thjeshtë, kemi të bëjmë, ose me pastrim parash, ose me transferta të paligjshme që u duhet licenca e bankës Credins. Për gati dhjetë ditë rresht përdorëm gjithë metodat e ligjshme dhe të paligjshme të siguronim dokumentin në Bankën Qendrore, por nuk e merrnim dot. Zyrtarët e saj ishin gati të ta tregonin, por jo të të jepnin kopje. Kjo do të thotë se dikush trembet realisht nga hetimi i kësaj transferte të paligjshme”.
Mero Baze këtu me të vërtetë që na ka dhënë një leksion të gazetarisë investigative dhe ai që i lexon këto rreshta mund të thotë, ashtu siç thuhet atje në fshatin e Meros, në Peshtan: Ka zot ahuri! Domethënë mund të bëjnë afera të pista Taçi, Berisha, Fullani etj., por njerëz si Mero Baze i dalin për zot pronës publike. Në 6 prill 2009, Mero Baze, shkruante në editorianin e gazetës “Tema” se paratë e Rezart Taçit vinin nga Azerbajxhani:
“Gjithashtu, lëvizje të dyshimta bankare me prejardhje nga Azerbajxhani në formën e pastrimit të parave apo të borxhit për Taçin flasin se ARMO-n e morën në dorë qarqe të dyshimta ruse dhe jo amerikanët, të cilët Taçi pati kurajën t’i përdorte”.
Po në shkrimin e datës 6 prill 2009, Mero Baze vazhdoi të shigjetonte Guvernatorin e Bankës së Shqipërisë, Ardian Fullani, duke thënë:
“Siç dihet, guvernatori Fullani mund të shpallet përgjegjës dhe fajtor, për shkak se nuk i ka hequr licencën Bankës Credins, e cila ka urdhëruar një pagesë prej 77 milionë eurosh të pambuluar, ndërkohë që me rregullore të Bankës Qendrore ajo s’mund të bëjë pagesa mbi 10 për qind të fondit të saj themelor”.
Kur pritej që Mero Baze të vazhdonte të hetonte më shumë për këtë gjithë këtë aferë, ai befas ndërpreu gjithçka. Pse ndodhi kjo. Lexuesit dhe shikuesit e Mero Bazes nuk e dinë se kjo gjë ndodhi pasi Mero Baze pati një bisedë me Guvernatorin e Bankës së Shqipërisë, Ardian Fullani. Fullani jo më kot ka në punë punë në Bankën e Shqipërisë gruan e Drejtorit të SHISH, Bahri Shaqiri. Për raste të tilla i duhet kjo lidhje. Kështu Fullani ishte në gjendje t’ i bënte presion Mero Bazes me tre dosjet që ka ai si spiun, atë të Sigurimit të Shtetit, atë të SHIK-ut të Gazidedes dhe atë të SHIK-ut të Fatos Klosit. Dhe Mero Baze e mbylli gojën. Tani, në këtë pikë mund të bëhet pyetja se a mori Mero Baze ndonjë dorë të mirë lekësh në atë kohë nga Rezart Taçi. Këtë gjë do ta sqaroj më tutje.
Por së pari do të them diçka për atë që Mero Baze e quajti aferë të madhe të pistë. Mero Baze, në ato që kam cituar më lart, spekulon trashë. Së pari, nëse paratë vijnë nga Azerbajxhani, këtu nuk ka pastrim parash, se ato janë para të fituara nga shitja e naftës dhe gazit dhe njo nga veprimtari ilegale. Fakti që këto para vijnë nga Azerbajxhani nuk do të thotë se pas tyre qëndron Rusia, siç pretendon Mero Baze dhe se këtu janë cënuar interesat amerikane, madje e kundërta. Interesi i deklaruar amerikan është që ish-republikat sovjetike të pasura me naftë e gaz dhe ndër to edhe Azerbajxhani, të anashkalojnë Rusinë sa i përket transportit të naftës dhe gazit të shitur prej tyre. Nëse Azerbajxhani ka interesa në industrinë e naftës në Shqipëri, kjo gjë është në linjë me strategjinë amerikane dhe jo atë ruse. Mero Baze kaq gjë duhet ta kuptojë derisa supozohet që të jetë autori i librit “Realitete shqiptaro-amerikane”. Kaq gjë duhet ta kuptojë dhe ambasadori amerikan.
Ashtu si ambasadori amerikan duhet ta kuptojë, se nëse Rezart Taçi duhej ta kishte rrahur Mero Bazen, duhej pritur që këtë gjë ta bënte në kohën që Mero Baze po hetonte për këtë “aferë” të pastrimit të parave në linjën Azerbajxhan-Shqipëri. Asgjë nga ato që ka thënë Mero Baze më vonë për Rezart Taçin, nuk ishte kaq e rëndë sa kjo gjë. Vetë incidenti i Rezart Taçit me Mero Bazen, në tetor, pra disa muaj pasi Mero Baze e kishte mbyllur gojën për këtë “aferë”, duket eksplicit dhe shumë kompromentues për Mero Bazen, se na zbulon se Mero Baze është paguar nga Taçi që ta mbyllë gojën për “aferën”. Rezart Taçi do të merrte mundimin ta rrihte Mero Bazen në tetor, vetëm se ai (Rezarti) mendonte se pasi e kishte paguar Mero Bazen, ky i fundit nuk duhet të shkruante më për të. Në të kundërt, Mero Baze mendonte se lekët që kishte marrë e obligonin vetëm që të heshtte për “aferën” në fjalë, ndërsa ai mund të shkruante gjëra të tjera për Taçin. Kjo shpjegon dhe ndodhjen e të dy palëve në në të njëjtën kafene në bllok ditën e incidentit. Mero Baze ka shkuar me shpresën se do të merrte dhe një dorë parash të tjera nga Taçi, ndërsa ky i fundit mendonte se kishte paguar mjaft. Këtë e kupton kushdo që ka njohuritë e nevojshme për rrjedhën e kësaj historie, përveç rastit kur bën sikur nuk kupton. Ambasadori amerikan i ka njohuritë e nevojshme për këtë histori, por ai bën sikur nuk kupton, duke u bërë mbrojtësi i madh i Mero Bazes.

kmyftaraj@yahoo.com

This e-mail address is being protected from spambots. You need JavaScript enabled to view it

[DYDRINAS]

Mero Baze, me ne fund dhe PD-ja e ka gjetur Xhoanen e vet

Nga Erion Veliaj - Koha Jone, 28 Tetor 2005

Po e filloj me nje falenderim per lexuesit kete shkrim. Me gjithe zemer, ju faleminderit, te gjithe 300 e kusur prej jush, kryesisht punonjes te medias, qe pardje me pershendetet per shkrimin e pare ne kete dialog me Ymer Bazen (a.k.a. Mero). Une e di qe s'ia thek shume per te shkruar, ama ndiej fort ate qe shkruaj e dje kuptova se kesaj here ate qe ndjeja une e paskan ndjere dhe shume prej jush. Ne fakt, jo se bie plotesisht dakord me sms-te pothuaj identike te gjithe komunitetit te medias "mire ja bere asaj plehre", pasi nuk mendoj se Mero ne vetvete eshte i tille. Ai mund te jete gjobaxhi, intrigant, e i paafte, packa se djallezisht manipulues, por jo plehre, kjo eshte e tepert dhe s'dua ta besoj. Ama, besoj fort, se fenomeni qe Mero perfaqeson eshte gangrene jo vetem e komunitetit te medias por e thelbit te vlerave tona si shqiptare te 2005-es. Mesazhet tuaja pardje me bene te kuptoj se "personi" Mero perfaqesoka nje makth mbytes ne rrethet tuaja, e si rrjedhoje "fenomeni" Mero po behet nje ves i prape i mbijeteses se pandershme ne Shqiperi.

* * *
Dje, ata qe u kuriozuan nga kjo replike lexuan kunderpergjigjen e Meros, qe sic e quajti nje kryeredaktor i njohur i lajmeve i ngjante nje letre te nje "ish-dashnoreje te inatosur" me mungese te theksuar argumentesh dhe faktesh. Po dje, Mero refuzoi te pronocohej bashke me mua ne TV KLAN, pasi ne dallim nga gazeta, ne ekran njerezit ta shohin fytyren, ate fytyre qe ndoshta ende skuqet e hunde qe ndoshta ende rritet nga cdo rrene. Mero nuk mundi, dhe s'kishte se si te ndodhte ndryshe, t'i pergjigjej argumenteve kryesore. Mero i Temes, i paafte per te replikuar me argumente, eshte mjeshter vetem i devijimit nga _tema'. Ja pse:

- Sepse Mero nuk ka c'te komentoje per kontratat e munguara te gazetareve te tij

- Sepse Mero nuk ka se si te mbroje ofertat 200,000 dollareshe qe na jane bere nga pronaret e sekseret e tij per te mbyllur gojen, duke qene se ai vete s'kupton c'do te thote integritet. Ne fakt, po m'i ofruan edhe njehere do t'i marr e do ia dhuroj Interpolit qe te hetoje offshore-t e tyre ne Qipro dhe Malte.

- Sepse Mero nuk mund te mohoje qe i quajti "grupe te dyshimta" pas Xhoit dhe Nanos pronaret dhe kumbaret e tij ne kete histori

- Sepse Mero nuk mund te justifikoje se si greket qe i akuzoi si aspiratore te parave te shqiptareve tanime qenkan nje kompani amerikane

- Sepse Mero nuk gjen dot fjale te shpjegoje se si shpifi tavolinave se ata, ata pra diplomatet amerikane, na paskeshin qene mbeshtetesit e ketij projekti

- Sepse Mero nuk mund te kundershtoje se MJAFT ka reaguar qe ne fillim te ketij procesi sic e kish botuar vete TEMA e shkurt-marsit 2005

- Sepse Mero nuk diti te shpjegoje pse nuk i kerkn qeverise aktuale te menaxhoje mini-kazinote duke perfshire ate prane Bar "Fiesta" ne bllok

- Dhe sepse Mero nuk ka c'te thote as ne rastet banale kur kapet duke vjedhur prone intelektuale nga fotogaleria "Corbis"

Si "padashur" keto ishin argumentet qe Mero as nuk i cek ne palo repliken e tij. Nje gazetar kaq te dobet nuk e gjen as ne Burundi, oh sa i dobet. Nderkohe, me zhdervjelltesine perverse qe e ka kthyer ne mjeshteri, Ymer Baze shmang pyetjet e jargavitet pafundesisht me aludime infantile. Nuk paska hetues per universitetet e mia ne SHBA e Angli? Shtyp ne internet dhe do e gjesh - internet quhet ajo gjeja Mero ku ti vjedh karikatura te te tjereve.

Kemi abuzuar me Gallupin? A kujton se te beson me njeri, o i mjere? A thua se Gallup International, qe ben dhe Eurobarometrin nder te tjera, do prishte imazhin per nje kontrate ne Shqiperi? A nuk e di se i kemi fituar te treja gjyqet me avokatet e tu per kete ceshtje? A mos na fajeson pse sondazhet nuk kishin mendjen tende perverse qe te parashikonin Xhuvelin dhe gjithe butaket e tjere te politikes shqiptare. A mos po thua se tre ambasadat kryesore ne Shqiperi qe moren njekohesisht rezultatin jane blere nga MJAFT-i? Te beson kush thua? Po ja, te pyesim lexuesit. Nese do ju duhej t'ia besonit portofolin dikujt, ke do zgjidhnit mes njerit prej ambasadoreve apo Mero Bazes?

Meron e akuzova si spiun te rendomte qe zhbiron ku i kane shpite te tjeret. E Mero per t'u mbrojtur thote "eshte paranoje e Erionit sikur te kem pyetur per vilat ne Selite". Po une s'thashe gje per pyetjet e Selites? Dhe te vetmen gje qe Gazidede u mundua t'ia mesoje Bazes, spiunllekun pra, edhe aty, ne zanatin me te ulet te botes, Ymer Baze eshte nje deshtak i papare.

Fondacioni MJAFT qenka si i Sudes? Nuk e dija qe Maarti Ahtisaari themeloka te tilla fondacione, po do sigurohem qe t'ia them tani qe e kemi me shpesh ne rajon. Jam qe jam, po i them dhe per ato piramidat qe shoket e tij administruan para se te beheshin milionere e keshtu kompletohet fotografia.

Po po, shqetesohu per sondazhet. Sepse ty Mero te behet shume vone per vullnetin e zgjedhesve. Si atehere, ne 2001-shin kur kandidoje per PD-ne ne Zonen nr. 26 ne Durres, e ndersa PS-ja kish fituar vetem 35.66% te votave si subjekt (Buletini i Zgjedhjeve Parlamentare, 24 Qershor 2001, faqe 253-257) e qytetaret e djathte te kishin votuar ty ne parlament, ti i zhgenjeve, ti pshurre besimin e tyre, more 30,000 Euro nga Gazmir Bizhga dhe nuk e ankimove vendimin. Oh sa turp, sa turp! Moooooos! Ndoshta nuk e di Doktori kete??? Se po ta dije ai qe ti je Judasi qe e shet sovranin (popullin) per 30 monedha floriri, e po te kete burrni, ai te sikteris atje ku ti nuk riciklohesh dot me ne jete publike.

* * *
Po tani ndoshta eshte shume vone, as Doktori nuk ka c'te te beje me. Sepse Mero, dhe fenomeni qe ai perfaqeson, eshte shume i fuqishem, ai cakton ministra, ambasadore, drejtore, ngre trare doganash, te pushon nga puna. Ai behet garanci per investitore, pretendon lart e poshte se eshte "qafa" qe rrotullon koken e Kryeministrit. C'deshtim i parathene ky per investitore qe kane Meron sekser, e c'turp per nje Kryeminister qe premtoi se do na clironte nga "malavita". E vetmja gje qe kemi mesuar nga historia eshte se nuk kemi mesuar asgje nga historia. Ja ku jemi, pas ndryshimit te madh, asgje s'ka ndryshuar, sepse tani dhe PD-ja e duarve te pastra e k tashme Xhoanen e vet, quhet Ymer Baze.

Se fundi, me duhet ta pranoj, i vetmi i marre ne kete histori jam une, qe harxhoj nje ore nga dita ime tashme e mbingarkuar dhe merrem me dike si Mero Baze. Ai duhet injoruar nje ore e me pare. E ndonese ai neser do prodhoje vrer prape, po keshtu pasneser, e prape cdo dite - ve bast po nuk qe keshtu - ai duhet injoruar. Dhe kur "invesitoret" e tij te merren pafundesisht me MJAFT-in, sic na cuan fjale (po cuna, na erdhi llafi, faleminderit per publicitetin) duhen injoruar. Duhet injoruar i gjithe mentaliteti se ne Shqiperi nuk jetohet po nuk e shite nderin e po nuk aplikove "gjoben".

Andaj, ndjese o miq per kete shkrim te fundit per Meron, eshte i fundit vertet.

P.S. Meros i ka mbetur aq pak dinjitet sa harron kur komunikova me te nga Anglia per ta ngushelluar ne diten e rrahjes se tij nga pronaret e tij te tanishem. E dje pretendon se s'u kujdesem per rastin e tij. Komunikova me te sepse m'u dhimbs vertet, ndonese i prape, ai mbetet nje njeri. Ndaj, jo vetem s'uroj qe te vdese, sic insinuon ai, perkundrazi, uroj te kete nje jete te gjate e te behet plak i mocem. Qe kur djali im te jete bere sa jam une sot, te kem mundesi ta shtrengoj prej krahu e t'i tregoj me gisht plakun Mero qe kerruset per intrigen e radhes, e t'i them "Biri im, shihe ate mjeran, e mos e dhente Zoti ta kalosh jeten si Ymer Baze".