A.S.Pushkin

[MI CORAZON]

DADOS

Mikesha ime e vetmisë,
moj pëllumbeshë e drobitur!
Tej n'ato pyjet plot me pishë,
më pret , më pret pa u mërzitur.
Ti në dritare përgjërohesh,
si një rojtar'e përkushtuar
dhe shtizat shpesh të ngatërrohen,
në ato duart tërë rrudha.
Shikon ti derën që nuk hapet
dhe shtegun që humbet në pyll.
Dhe parandjenja dhe meraket,
shpesh ta shtrëngojnë gjoksin ty.
Të duket ja...

.................

Të gjitha dadot janë të dashura, përfshirë këtu edhe Nanny FINE !

[Diabolis]

Përkthyer nga Aleko Ballauri

Plaku

Nuk jam më dashnor i marrë,
Që bota kishte parë tek unë
Pranvera ime zjarr i parë,
Prej kohe ikën pa një gjurmë.

Amur! O zot i dashurisë së zjarrtë
Unë kam qënë shërbyesi jot
Po ta filloja jetën prapë
Ti prapë do ishe i imi zot.

[Diabolis]

përkthyer nga Aleko Ballauri

Mu shuan ëndrrat dhe çdo gjë,
Që desha fort në këtë jetë,
Vuajtjet e mia një nga një,
E mbushën plot zemrën e shkretë.

Nga shqot' e fatiti tim të zi,
U vyshkën lulet në kurorë
Jetoj i zhytur në vetmi
Dhe rpes të vijë e fundit orë.

Ashtu si gjethja që s'ka fat,
E mbetur vetëm në degë - hije
Ashtu dhe zemra ime e ngartë,
Jeton me drithëma ftohtësie.

[Diabolis]

përkthyer nga A. Ballauri

J.N.Tolstoit

Digju prapë o llamp' e zjarrtë,
O mike e ditëve plot gëzim
Vezullo o gotë e artë,
O këngë e shenjtë e shpirtit tim
Ku jeni ju o miq të shtrenjtë,
O shokë të dashur të Kup(r)idit
Na thërret prapë or' e shenjtë,
Sërish po shkrin dëbor' e dimrit
Në ditët e zymta të syrgjynit
Shpirti plot plagë veç ndjen gaz,
Në orët e shtrenjta të kujtimit
Që ju o miq më latë pas
Përpapa meje ke qëndruar...
Ja ti o streh' e bujarisë,
Ti muz' e shpirtit të shqetësuar
Ku prehet zjarri i dashurisë
Atje ku kënga na bashkonte,
Ku të gjithë ishim betuar
Se shpirti ynë do jetonte,
Plot afsh e zjarr i dashuruar,
Se zemr' e lodhur s'do pushonte,
S'do prehej kurrë në kraharuar,
Atje ku ishim krejt të lirë
Dhe ngrinim gotat një nga një
Këndonim këngë që pa pirë,
Bërtisnim s'pyesnim për asgjë
Atje dëgjoj sërish një këngë,
Këngë poeti të pagjumë
Prandaj të lutem që pa brengë,
Mbushma gotën që dhe unë
Me ju prapë të qesh i lirë,
Të pi, të dehem kam dëshirë.

[MI CORAZON]

KENGETARI

A e dëgjuat, vallë, nëpër pyll
Djaloshin këngëtar të dashuruar?
Dhe fushës së braktisur , të shkretuar,
Kur dritën shojti dhe i fundit yll,
Ju fyellin e dëgjuat?

A e takuat, vallë, nëpër terr
Djaloshin këngëtar të dashuruar?
Me lot' e buzëqeshje të trazuar,
Vështrimn' e tij të mbushur helm e vrer,
Ju, vallë, e kuptuat?

A psherëtitët , vallë, për atë,
Djaloshin këngëtar të dashuruar?
Kur patë syt' e tij të shuar
Dhe kur dëgjuat pyllit atë zë,
Ju, vall' u ngashëruat?

[Diabolis]

Pranim

Të dashuroj ty, paçka se turfulloj
Paçka se këtë punë dhe turp padobi
Në më të pakuptimtën pafatsi
Ndër këmbët e tua e pranoj!
Mua as në fytyrë e as ndër vite...
Erdhi koha, koha të jem i mënçur!
Të shquaj prej gjithë shënjave
Sëmundjen e dashurisë në shpirt:
Pa ty është mërzi, - unë gogësij;
Para teje pikëllim, - unë vuaj;
Dhe, nuk pushoj, ta them dëshiroj,
Ëngjëlli im, si unë ty të dashuroj!
Kur dëgjoj të vijë nga salloni
Hapi yt i lehtë, a fustani që fërgëllon
A zëri i virgjër, plot pafajsi,
Papritur krejt mendja më shkallon.
Buzëqeshja jote – gëzimi im;
Largimi yt – trishtimi im;
Për ditën e torturave – çmim
Për mua është dora jote e zbehur.
Kur për (пяльцамп ???) me zell
Ulesh ti, anohesh shkujdesur
Sytë dhe krelat tutje i heq
Unë dhëmbshuruar, qetë, heshtur,
Dashuruar me ty, si mituri!
Ti them ty pafatsinë time,
Mjerimin tim në xhelozi
Kur ec, me orë, në kohë të keqe,
Ta kesh kuptuar këtë tani?
Dhe lotët e tua në vetësirë,
Dhe fjalët së toku në qoshe
Dhe udhëtimi në Opoçkë
Dhe pianofortja në mbrëmje?...
Alina! Mëshiromë shpresa ime
Nuk guxoj të kërkoj dashuri
Se ndoshta, prej mëkateve të mia
Ëngjëlli im, dashurisë dot nuk i rri!
Por shtiru! Ky vështrim
Gjithçka mund të shprehë për çudi!
Ah, të më mashtrosh mua s’ka vështirësi,
Unë kur mashtrohem ndjej gëzim!

[Diabolis]

Ti dhe Ju

E shkreta ju zemërza ti
Ajo, si të thuash, ka ndryshuar
Dhe me gjitha ëndrrat e gëzuara
Në shpirt e dashuruar është zgjuar.
Para saj ja vlen të qëndroj,
Ti mbyll sytë para saj s’kam fuqi;
I them asaj: sa e dashur jeni!
Dhe mendoj: sa të dashuroj!

[Cupke_pe_Korce]

Pranim

Alina! Mëshiromë shpresa ime
Nuk guxoj të kërkoj dashuri
Se ndoshta, prej mëkateve të mia
Ëngjëlli im, dashurisë dot nuk i rri!
Por shtiru! Ky vështrim
Gjithçka mund të shprehë për çudi!
Ah, të më mashtrosh mua s’ka vështirësi,
Unë kur mashtrohem ndjej gëzim!

ose

Rrëfim
.....

Alina! S'dua gjë veç--mëshirë!
Të kërkoj dashuri nuk guxoj,
Me gjithë mëkatet që kam bërë,
Ndoshta dashurinë nuk e meritoj!...
Por nëse shtiresh,--me nje tëndin vështrim,
Ti lehtë do më gënjeje--më beso!
I lumtur do të jem, ndaj më mashtro!
Se fort e dëshiroj këtë mashtrim!

ps. ja bera corbe rrimën

[Diabolis]

Një lidhje ku mund të gjesh të gjitha poezitë e Pushkinit në rusisht e ndonjë shpjegim në fund. Pasi të hapet faqja diku poshtë është TRANS me ngjyrë blu. Kjo duhet shtypur së pari që gjithçka të kthehet në rusisht. Pastaj të shtypet rreshti që thotë ... poezitë....

www.friends-partners.org/friends/literature/19century/pushkin.html(opt,mozilla,unix,english,,new)

ps. je e saktë

[Lule Portokalli]

Ti dhe Ju

E shkreta ju zemërza ti
Ajo, si të thuash, ka ndryshuar
Dhe me gjitha ëndrrat e gëzuara
Në shpirt e dashuruar është zgjuar.
Para saj ja vlen të qëndroj,
Ti mbyll sytë para saj s’kam fuqi;
I them asaj: sa e dashur jeni!
Dhe mendoj: sa të dashuroj!

Ja dhe nje version tjeter i "TI" dhe "JU", perkthim i Jorgo Bllacit

Të zbrazten "ju" ajo me "ti",
Ne kuvendim e ngaterroi,
Dhe enderra plot lumturi,
Ne shpirt te ndezur sec me zgjoi.
I heshtur para saj qendroj,
Veshtrimn' e dhembshur pa ja ndare;
E shtrenjte jeni,- i shqiptoj,-
Te dua! - shpirti flet me zjarr.