AC Milan - "Djajtë Kuq e Zi"

[King_Arthur]

ju ka mar malli per 4 petllat me duket?????

ti mos me kujto 4 petllat mua se ju keni ngrene dhe 6 .
po do shohim ndeshjen e dyte .

[King_Arthur]

Leonardo: Titulli? Gjithçka mund të ndodhë

Trajneri brazilian është shprehur optimist për të ardhmen dhe për një sukses të mundshëm në Serinë A

Më shumë se për Novarën, kundërshtari i sotshëm në Kupën e Italisë, Leonardo mendon për Interin, duke patur akoma në mendje triumfin e Torinos. “Ka një optimizëm të madh, por diferenca nuk është zvogëluar dhe Interi nuk gabon. Mungojnë akoma edhe shumë ndeshje, e rëndësishme është të ruajmë nivelin tonë të lojës”, ka thënë ai. Në lidhje me ndeshjen: “Pres konfirmime, sepse përgjigjet i kam marrë tashmë nga të gjithë. Motivimet janë edhe për ata lojtarë që luajnë më pak”. Dhe në vazhdim: “Mbetet një provë për të gjithë, sepse do të kenë fanellën e Milanit dhe do të luajnë në “San Siro”. Dua të shikoj një paraqitje të mirë”, ka thënë Leonardo. “Nuk duhet të harrojmë fitoren që kemi marrë, - ka vazhduar tekniku brazilian, duke folur për ndeshjen me Juventusin. - Ka qenë një fitore e merituar me një rezultat të pasttër edhe pse ndeshja ka qenë e vështirë. Kemi vetëdijen se kemi bërë diçka të rëndësishme. Të fitosh sfida të tilla në Itali të jep siguri dhe lë pasoja në të gjitha kuptimet”

. Përsa i përket formacionit, Inzagi dhe Huntelar do të jenë dyshja e sulmit, me rikthimin e Bonerës në mbrojtje. Në shtëpinë e Milanit, pas suksesit të çmuar të marrë në fushën e një Juventusi në krizë, kanë filluar të bëhen llogari. Fitorja e kampionatit nuk është më një gjë e paarritshme dhe tani mund të shikohen me optimizëm 20 ndeshjet e mbetura të kampionatit. Edhe vetë Leonardo, ndihet gjithnjë dhe më shumë mirë në drejtim të “Djallit” dhe pas një fillimi të vështirë tani mund të ëndërrojë për objektiva të mëdhenj: “Ky Milan është më i zgjuar, kundër Juves ka ditur të administrojë shumë mirë ndeshjen, - ka thënë Leo. - Janari është një muaj i rëndësishëm për ne, në këto javë luhet e ardhmja. Kampionati? Gjithçka është e mundur. Por ne duhet t’i marrim gjërat një e nga një”. Kalendari i Milanit parashikon për fundjavën e ardhshme ndeshjen në “San Siro” kundër Sienës, në letër tre pikë të lehta.

Shpresa e kuqezinjve është që Bari i Venturës të bllokojë kryesuesit e Interit me një barazim, me objektivin për t’u paraqitur me një diferencë virtuale (në pritje për të rekuperuar takimin me Fiorentinën më 27 janar) prej 3 pikësh në derbi. Një fitore kundër Interit do t’i lejonte Milanit të kapte kushërinjtë që në muajin janar, duke i dhënë kështu jetë një dueli të bukur në luftën për titull që në shkurt do të kushtëzohej edhe nga rifillimi i Champions Ligës. Këto janë llogaritë që bëhen në tavolinë, por futbolli, deri në provë të kundërt, luhet në fushën e blertë… Pas fitores kundër Juventusit, kuqezinjtë janë entuziazmuar shumë. Por kapiteni kuqezi Masimo Ambrozini ka frenuar entuziazmin. “Padyshim jemi shumë të kënaqur, - ka komentuar ai -, por nëse Interi vazhdon kështu nuk mund të bëjmë asgjë”. Ndërkohë, në prag të ndeshjes me Sienën, Leonardo shpreson të rekuperojë Aleksandre Paton, që vuan nga një problem muskular në kofshën e djathtë. “Ndihem mirë”, ka siguruar tifozët sulmuesi brazilian.

[Warning]

Urime Milanista Fitorija me juven ia kemi Gerdit futbollin Juves na kan pandeh pleq ne ata, pleq pleq po te kallim daten hahahahaha

E ju interista :@ ikni nga ketu se do ia bejme me keq se juves

Forzaa MIlan I LOVE YA ROSSONERI FOR LIFE

[oliinter]

shpresoj ne nje ndeshje te bukur ne perballjen me interin por mos harroni inter do tju marr shpirtin,,,,

[Vinjol]

une milanist jam por per mendimin tim
milaniut i duhet 1 sulmues Pyke qe mos te levize
Psh Si ishte shevcenko 1 here e ne 1 kohe

[Falco115]

Po pra, e pashe dhe une qe Pato nuk do te luante, te pakten sipas informacioneve paraprake nga kampi i Ac Milan. Me vjen keq, se eshte nje nga sulmuesit me te mire ne qarkullim.

A nuk do te jet Pato ne ndeshjen e radhes?

[King_Arthur]

Galiani: Merkato e Milanit është e mbyllur

Drejtuesi kuqezi kërkon largojë tensionin para takimit me Interin: Është thjesht një ndeshje

“Do të jetë thjesht Inter-Milan, një ndeshje që luhet tashmë prej 102 vitesh”. Adriano Galiani, me një batutë që nuk e përjashton supersticiozitetin, nuk ka dashur të fillojë të flasë për derbin dhe për titullin kampion. “Asnjë tension, - ka thënë drejtuesi kuqezi. - Besojmë tek titulli? Jo, Milani nuk beson më tek asgjë”. Por, ka ardhur një falenderim për “rivalin” Morati dhe komplimentet që ky i fundit i ka bërë Leonardos: “Ka qenë një deklaratë e bukur dhe Leonardo e meriton, sepse është një person i jashtëzakonshëm”.

Dhe pikërisht në lidhje me derbin, tek kuqezinjtë ka filluar të rritet shqetësimi për Paton, që gjatë stërvitjes së ditës së djeshme është ndalur sërish: “Nuk di asgjë, nuk jam mjek, - ka thënë Galiani. - Pato është një lojtar i madh, por të gjitha skudrat kanë probleme me dëmtimet dhe për rrjedhojë as rivalët tanë nuk po kalojnë një moment të mirë në këtë aspekt. Nëse shikoni Interin dhe Juventusin, edhe ata kanë lojtarë të dëmtuar si ne, madje më shumë se ne”. Ka qenë i pashmangshëm një koment për merkaton: “Merkato e Milanit është mbyllur tashmë, nuk egziston asnjë mundësi që Huntelar të ndryshojë skuadër. Dhënia borxh e Storarit tek Sampdoria është bërë dje në mëngjes, i vetmi problem ka qenë se Abiati këtë vit nuk ka luajtur asnjë minutë, por më kanë siguruar se gjendja e tij është e mirë”.

Ndërsa, ai që do të jetë gjithmonë një objektiv i merkatos, është Devid Bekham: “Për të dyert e Milanit do të jenë gjithmonë të hapura, edhe në korrikun e ardhshëm dhe më pas në janarin e ardhshëm. Eshtë një person dhe një futbollist fantastik, duhet ta shikoni se si stërvitet”, ka përfunduar Galiani. Ndërkohë, Pato ka zhvilluar vetëm një pjesë të ndeshjes stërvitore me shokët e skuadrës në prag të takimit të “San Siros” kundër Sienës: sulmuesi është larguar nga fusha, ndoshta për shkak të një përkeqësimi të problemit muskulor në kofshën e djathtë, që i është shfaqur lojtarit para ndeshjes me Xhenoan. Ndërsa, zhvilluan ushtrime të veçanta Sedorf, Pirlo dhe Zambrota.

[King_Arthur]

Pato: Tiago Silva, më i forti në botë

Ditën e djeshme humori i Patos nuk ka qenë nga më të mirët, pasi sulmuesi i Milanit ka qenë i detyruar të braktisë para kohe stërvitjen, për shkak të një shqetësimi në kofshën e djathtë, që e ka detyruar të mungojë kundër Xhenoas dhe Juventusit. Braziliani, sigurisht nuk do të luajë as në takimin e nesërm kundër Sienës, por në këtë pikë ka mundësi që të mungojë edhe në derbin kundër Interit. Dikush ka folur për një rekuperim paksa të nxituar, dhe fjalët e “Patokut” mund të interpretohen në këtë mpnyrë: “Dua të ndihmoj Milanin të marrë tri pikë në derbi, por dua të rekuperoj formën time në 100%”. Braziliani i ri ka folur edhe për bashkëkombasin e tij Tiago Silva, i cili po paraqitet shumë mirë në këtë sezon: “Tiago Silva do të bëhet mbrojtësi më i fortë në botë.

Pas stërvitjeve që ka zhvilluar në Milanelo me Maldinin dhe Nestën është përmirësuar shumë”. I pyetur se cila ka qenë ndeshja më e bukur që kur luan me Milanin, Pato ka thënë se: “Emocionet më të forta i kam provuar në “Bernabeu” kundër Realit. Kemi fituar 3-2 me një dygolësh timin, por vetëm kur kam shkuar në dhomat e zhveshjes, në fundin e takimit, kam kuptuar rëndësinë e rezultatit. Shokët e skuadrës më kanë thënë se Milani nuk kishte fituar asnjëherë në “Bernabeu” dhe kam kuptuar se kisha dhënë ndihmën time për të futur skuadrën time në histori…”.

[jack_sparow]

sot duhet te fitojme patjeter.borriello e mund te aktivizohet qe ne fillim

[AdmiraL]

Urime per Fitoren.

4-0 ahhaha Urime dhe Dinho-s per ate Hatrikun se i fort ka qen

Bravo..