Aksion policor në Haraçinë

[Faik]

a ka dikush nga shkupi me ma shume informata per kete..?
---------------------------------------------------------

Aksion policor në Haraçinë

14/12/2009 14:04:00


Një aksion policor është në rrjedhë në fshatin Haraçin të Shkupit. Jozyrtarisht, burime të MBP-së thanë për Makfaks-in, se një banor i fshatit i cili kërkohej me fletarrest për vuajtje të dënimit me burg filloi të shtiej me armë në drejtim të policisë. Policia e kërkon personin në fjalë, i cili ende është në arrati. /makfax/

[Faik]

Policia Hyri Ne Haracine,dy Helikoptere Shetisin Mbi Ajre.
Dy Hyrjet Jan Te Bllokuar,dalje Dhe Hyrje Eshte Ngadalsuar,grupet Policore Alfa Afrohen Drejtim Te Haracines.
Gjoja Kekohet Nje I Dyshuar Qe Kishte Gjyajt Mbi Policine,

Ish Ushatre I Uck.

[Faik]

Policia ende në kërkim të haraçinasit

15:23 | 14 dhjetor 2009



Shkup


Policia ende është në kërkim të haraçinasit, i cili gjatë tentimit për t`u arrestuar i ka ikur policisë. Jozyrtarisht bëhet fjalë për të dyshuar për vrasje të cilën e ka kryer para tre vitesh.

Sipas raportuesit tonë nga terreni, incidenti ka ndodhur në Straçincë. Të arratisurit ndihmë i është dhënë nga fshati Mojancë. Banorët lokalë nuk zbulojnë detaje, por vetëm thonë se kanë dëgjuar të shtëna të fuqishme.

Në këtë moment në fshatin Bërnjarcë ka sigurim të fuqishëm policor. Mbi fshat fluturojnë dy helikopterë policorë.

Siç u lajmërua më parë, në momentin kur policia po e arrestonte, haraçinasi ka hapur zjarr në drejtim të policisë. /Makfaks/

[Stentori]

Deri kur me nderhyrje te policis , sllavo bullgare o vellezer?

E shihni se si lideret tan , na i kan humb dinjtetin si popull , jan bere si ato burrecat qe u hyn grave nder fustan .

Te mjeret ne per fatin ton te hidhur

[beni33]

jo jo politikanet skan faj as pak ata e kan kuptuar se kan nje popull te but shum te but ovllezer ju duhet ta zgjoni politiken shqiptare en maqedoni siq e zgjuam ne ne kosove ne vitet 97 98 edhe nemek i pas politikan idiota qe mu ndoheshin te na humbenin indetitetin kombetar me slloganin e tyre durim durim pra ju duhet te bashkoheni kunder qeveris dhe policis sllave ne qaemdoni

[Faik]

Policia terrorizoi popullatën në Haraçinë

15/12/2009 11:42:08


Ish-komandanti i UÇK-së, Xhezair Shaqiri-Hoxha i cili zhvilloi luftimet e vitit 2001 në Haraçinë ka dënuar ashpër operacionin policor në këtë fshat, duke e quajtur terrorizim të popullatës shqiptare.


“Ky operacion i njësiteve speciale gjoja në kërkim të një vrasësi, ka për motiv terrorizimin e popullatës shqiptare, fshatra të tëra.

Andaj ne kështu që do të hakmerremi.

Është turp i madh për Ali Ahmetin dhe BDI të cilat janë në pushtet dhe ndodhin aksione të tilla”, ka theksuar ish-deputeti i Partisë Demokratike Kombëtare (PDK), Xhezair Shaqiri, i cili gjendet i arratisur në Karadakun e Shkupit, ndaj të cilit policia ka ngritur një fletëarrest, për gjoja organizimin e rrëmbimi, për të cilin Shaqiri ka theksuar se bëhet fjalë për proces të montuar.

Ish-komandanti i UÇK-së ka theksuar për agjencinë e lajmeve INA se në këtë mënyrë që veprohet është i detyruar që të mobilizojë ish-ushtarët e UÇK-së për të mbrojtur popullatën civile.

Forca policore edhe sot kanë qenë të pranishme në fshatin Haraçinë në kërkim të një personi të akuzuar për vrasje, i cili dje nuk i`u dorëzuar policisë.(INA)

[Stentori]

Dua ta dij se ku eshte tani U.K.SH. ???a nuk ehste koha tani per veprim ?!,

[Nice_Boy]

Ata kan hy me e kap një qytetar të Macedonis si i rrezikshem? Pse ca menduat ju nqs është shqiptar duhet ta len të boj ca doje ai?

Ligji është për të gjith nqs e ka meritu ai dhe ka qen i rrezikshem për të gjith pa dallim rrace/feje/shtetsie duhet të burgoset.

[Nice_Boy]

Haraçina: 300 mijë euro për aksion të dështuar

Aksioni i policisë së Maqedonisë i zhvilluar të hënën në fshatin Haraçinë, 10 kilometra në veri-lindje të Shkupit, ka krijuar shumë pluhur dhe frikë ndër qytetarët. Përveç dhimbjeve shpirtërore që u ka shkaktuar grave dhe fëmijëve, policia në harxhuar qindra mijëra euro për ta kapur 21 vjeçarin Murat Ajvazi.

Në aksionin e së hënës sipas burimeve të larta policore, janë harxhuar rreth 300 mijë euro, të cilat kanë sjellë një operacion të pasuksesshëm.

Shpenzimet për përgatitjen e helikopterit për një orë fluturim kushtojnë 4 mijë euro, ndërkohë që në këtë aksion kanë qenë të angazhuar 3 helikopterë. Aksioni i policisë ka zgjatur nga ora 13:00 deri në orën 21:30 minuta, duke vazhduar pjesërisht edhe gjatë ditës së martë. Për tetë orë e gjysmë vetëm helikopterët kanë djegur 100 mijë euro, ndërsa 200 mijë euro të tjera janë harxhuar për veprimet tjera të aksionit.

Njoftohet se kanë qenë të angazhuar 85 automjete të policisë, ndërsa mëditje të majme për këtë aksion kanë marrë komplet njësia speciale e cila ka qenë e angazhuar, njësiti për intervenime të shpejta “Alfa”, policia lokale dhe inspektorë të lartë të policisë nga sektori për tregti të palejuar dhe kontrabandë. Në aksion gjithashtu janë përfshirë qindra policë të cilët përveç Haraçinës kishin rrethuar edhe Mojancën dhe Bërnjacën.

Gjithashtu burime të larta për “Lajm” pohojnë se i riu 21 vjeçar, Murat Ajvazi për të cilin policia kishte ndërmarrë këtë aksion ka qenë i paarmatosur dhe nuk ka shtirë ndaj policisë në momentin kur ata kanë dashur ta arrestojnë atë.

Një ditë pas aksionit të policisë maqedonase në fshatin Haracinë të Shkupit, banorët kanë rrëfyer tmerrin e përjetuar. Ekipi i gazetës “LAJM’ ka qëndruar të martën në shtëpinë e Murat Ajvazit, personit të kërkuar nga policia, i akuzuar për vrasje.

Familjarët e Muratit mohojnë që ky i fundit të ketë lidhje me ndonjë vrasje, thonë se Murati akuzohet pa fakte. Xhaxhai i Muratit, është i bindur se qëllimi i policisë ka qenë frikësimin i banorëve dhe hakmarrja për luftën e vitit 2001.

“Jeni dëshmitarë edhe ju se çfar terrori është ushtruar. Për një person të dyshuar të mobilizohen të gjitha forcat policore nuk është e arsyeshme. Shteti ka metoda tjera për të kapur një të dyshuar dhe jo të bastisen të gjitha shtëpitë dhe të maltretohen njerëzit. Kjo nuk është e arsyeshme. Me sa duket i ngjanë një hakmarrje, pasi mënyra dhe sjellja e tyre ka qenë asisoj për të shtyrë panik te kjo familje, te kjo popullatë, e cila më shumë vuajte kaloi shumë sakrifica. Policia si duke Haraçinën e ka bërë poligon dhe eksperiment për aksione spektakolare”, tha Brahim Ajvazi, xhaxhai i Muratit.

Ai sqaron se në Haracinë është krijuar një gjendje e padurueshme. “Policia nuk ka dëshmi për këtë rast. Ende pa u identifikuar rasti të merren këso aksione nuk e arsyetoj assesi. Kjo që po ndodh në Haraçinë është një hakmarrje për banorët”, tha Ajvazi.

Basri Bajrami, kryetar i komunës së Haraçinës nuk ka qenë i njoftuar nga policia për aksionin e së hënës. “Mua personalisht nuk më kanë pyetur as nuk më kanë informuar policia që do të merr aksion. Kurrsesi nuk arsyetohet hyrja e policisë në komunë pas asnjë njoftim. Banorët janë të shqetësuar. Rasti i së hënës ma përkujtoi vitin 2001”, tha Basri Bajrami, kryetar i Haraçinës.

Përveç banorëve vendas, lidhur me rastin e Haraçinës nuk ka reaguar asnjëra nga partitë shqiptare në Shkup.

Arrestohet Vëllai i Muratit, Skënder Ajvazi

Policia ka arrestuar vëllain e Murat Ajvazit, Skënderin ka njoftuar MPB. Sipas policisë, supozohet se Skënder Ajvazi i ka ndihmuar gjatë arratisjes vëllait të tij dhe ka shtënë ndaj policisë nga vetura “golf” të cilin të hënën e gjeti policia.

“Nëse vërtetohet personi i njëjtë ka qenë i involvuar në incident dhe se ka shtënë ndaj policisë, kundër tij do të ngitet padi penale”, tha Ivo Kotevski, zëdhënës i MPB-së.

Sipas policisë, në veturën BMW të Murat Ajvazit ka qenë edhe një vajzë 15 vjeçare. Murati duke tentuar të ikë, përpara ia ka prerë rrugën një traktor, ndërsa ai kishte goditur pjesën e djathtë të rrugës.

Policia gjurmon pas të arratisurit

Kërkimi pas Murat Ajvazit nga Haraçina vazhdon edhe të martën. Ajvazi kërkohet me fletarrest për vrasjen e 47 vjeçarit Goce Zaevski, që ndodhi më 4 janar të vitit 2007 në fshatin Bërnjarci.

Ajvazi u arratis në Zvicër për çka u dërgua telegram deri te organet e atjeshme të policisë. I dyshuari është vëllai i Naser Ajvazit, i cili u vra gjatë përleshjes me armë zjarri me policinë në Haraçinë gjatë zgjedhjeve parlamentare në vitin 2008.

Jankullovska: Nuk ka destabilizim të Maqedonisë

“Sipas informative me të cilat disponojmë deri në këtë moment, nuk ekziston kërcënim për këto marrëdhënie harmonike ndëretnike. Maqedonia nuk ka alternativë tjetër përveç perspektivës evropiane. Nuk ka tendencë për destabilizim ose ndryshim të mundshëm të gjendjes së sigurisë në Maqedoni në pranverë”, tha Gordana Jankullovska.

Komandant Hoxha: Policia frikëson Haraçinën

“Njësitë speciale në Haraçinë kanë dashur ta frikësojnë popullatën shqiptare në këtë fshat dhe në fshatra të tjerë. Është turp i madh për partinë shqiptare në pushtet të ndodh një aksion i tillë”, tha Xhezair Shaqiri, ish komandant Hoxha. Ai urdhëroi që të ndërpriten aksionet e tilla, në të kundërtën mund të ndodhin pasoja të paparashikuara. /Lajmpress/

[boll mo]

Ata kan hy me e kap një qytetar të Macedonis si i rrezikshem? Pse ca menduat ju nqs është shqiptar duhet ta len të boj ca doje ai?

Ligji është për të gjith nqs e ka meritu ai dhe ka qen i rrezikshem për të gjith pa dallim rrace/feje/shtetsie duhet të burgoset.

O i nderuar ne e dime shume mire se kush e shkel ligjin denohet POR ne si qytetare te Maqedonise kemi verejtje ne ate se si policia intervenon.
Personi i akuzuar per veper kriminale (eshte vetem nje) sipas burimeve shume te sakta ka shetitur lirshem neper Shkup si me pare shetiste Agim Krasniqi. Damagogjia e Gruevskit qendron mu ketu, nese nje banor i Haracines eshte kriminel cfaj kam une qe si kam borxh aspak shtetit, valle e paguaj une policine qe te mi frikesoj femite?
Prap po e theksoj nuk ehste fjala se ka hy ne Haracine te arestoj "kriminelin" por preteksti ka qene demostrimi i muskujve te Grujevskit ndaj shqiptareve.
Ne nuk jetojme sot ne kete shtet edhe nuk jemi aq naiv qe mos ti dime qellimet e aksioneve policore, nese do te donte shteti ta arestonte zoterine ne fjale do e bente ne menyre shume me te lehte.
Respekte i nderuar ska asgje kunder teje por e demantoj flaine tende me nje qellim, mos te mendojne zyrtaret "tane" (shqiptare) se na e luejne koken me akull.