Shërbimet Sekrete Serbe në Kosovë

[Kosovelli]

Të gjitha këto që po i sjell ti Kosovelli , shumicen i kam lexuar , jan të dobishme të dihen.

Problemi qendron te titulli i temes.

Këta njerëz ishin në shërbim të jugosllavis dhe komunizmit e jo sherbim sekret i shkijeve.
Natyrisht ishin shkijet që dominonin në sherbimet shtetrore të jugosllavis.
Këta njerëz që përmend ti nuk ishin shërbim sekret , po legal .

Ne duhet ti njohim këta njerëz dhe veprimet etyre dhe natyrish k¨ta njer¨z kursesi nuk duhet lejuar të veprojn më në Kosovë si persona zyrtar në asnjë nivel a karakter sidomos jo në shërbime të policis e të shërbimeve sekrete.

Këtyre ua kisha vendos nga në qip , dhe do të udhëzoja policin që ti vëzhgoi 24 orë !

Kili
SHQIPËRIA ETNIKE ËSHTË GJAKU IM QË NUK FALET!
BAC, U KRYMB , E HASA PO E NDIHMON KRYMBJEN E MËTEJME TË KOSOVES!

per ty kili....

Më duhet me ta tregue një mesele të Dervish Goxhulit dhe nashta e merr vesh....

Një kohë e kish pas qit Magari lëkurën e Luanit në shpin dhe shetitej si Luan.

filluan ta nderojn, si luanin më .

Shkoj një kohë dh Magari bënte jetë si prej Luani, duke qenë i nderuar dhe respektuar !!

Në nderkoh Magari si Magari më, nuk i durohet pa Pallë ...

Pall Magari dhe e ndëgjojn dyjeja dhe kuptoj se nuk është fjala për Luan po për Magar !! dhe filluan të ja kthejn shpinën, Magari vazhdoj të bëj jetën e Magarit ...

Nuk ka komunist ma te flliqet se komunisti ati komunist

[Kosovelli]

Bashkëpunëtori duhet të veprojë në klub ose ndaj dy-tre njerëzve

Drejtorati i SHSSH-së, Gjakovë
Lidhur me raportin e bashkëpunëtorit “Kobra” nr. 187/85 të datës 29. 03.
1985. po theksojmë se është mirë që bashkëpunëtori të orientohet në
klub ose ndaj dy-tre njerëzve, kuptohet, me instruktazhë dhe qëllim të
caktuar e jo ende të veprojë në këtë mënyrë pasi që është
bashkëpunëtor.
Duhet t'i sugjerohet që të bëjë identifikimin e sa më shumë
pjesëmarrësve të tubimeve, të cilat janë duke u organizuar si ky i 24. 11.
1984. Në mënyrë që të ndërmerren masat konkrete kundër çdo
pjesëmarrësi. Është shumë interesant se nëpërmjet këtyre tubimeve
shihet karakteri i tyre thjeshtë irredentistik.
SM
Kryeshefi i sektorit të II, Enver Prekadinaj
Drejtorati i SHSSH-së, Gjakovë
Bashkëpunëtori aktit përcjellës ju dërgojmë plikon me materiale, të cilat
në emër të Sejfullah Sahatçiut kanë mbërritur nga Zvicra.
Shtojcë: plikoja me materiale

[Kosovelli]

Djali i Dervish Shaqës këndon këngë për dëshmorët në Zvicër

Sekretariati Krahinor për Punë të Brendshme
Shërbimi i Sigurimit Shtetëror
Drejtori-Gjakovë,
Punt. op. Sejfullah Sahatçiu
I
Raport i bashkëpunëtorit
Burimi: Bashkëpunëtori “Kobra”.
Shënimet kanë të bëjnë me veprimtarinë armiqësore të LRSSHJ-së në
Zvicër.
Materialet kanë arritur më 25. 04. 1985, në DSHSSH Gjakovë nëpërmjet
SHSSH SKPB
Me iniciativën e bashkëpunëtorit
Shpenzime nuk ka pasur
Raporti paraqitet më 26. 04. 1985.
II
Bashkëpunëtori përcjell veprimtarinë armiqësore të disa pjesëtarëe të
LRSSHJ-së në Zvicër.
III
112
Bashkëpunëtori “Kobra” ka dërguar 9 copë gazeta “Zëri i Popullit” organ i
Komitetit Qendror të PPSH të datave 31 mars 5, 6, 7, 9, 10, 11 dhe 12
prill 1985, si dhe disa titull të disa tituj të gazetave zvicerane të cilat
shkruajnë për vdekjen e Enver Hoxhës. Në gazetën zvicerane “Blick”
është titulli “Vdiq diktatori Hoxha” ndërsa në gazetën “Der Bund” është
titulli “Vdiq Stalinisti i fundit” etj.
Përveç materialeve tjera “Kobra” ka dërguar edhe një shirit kasetofoni për
të cilin shkruan: “Si këngëtar me çifteli i cili ka kënduar sa e sa herë
nëpër klubet e ndryshme, edhe më 24 nëntor 1984 është paraqitur djali i
Dervish Shaqës, në qytetin Albisguetl, afër Cyrihut, ku ishin takuar për të
festuar ditën e flamurit kombëtar, dhe me këtë rast ai këndoi këngë për
flamurin, për demonstratat e Kosovës, këngë për Rexhep Malën e Nuhi
Berishën për Fazli Grajçevcin dhe këngë tjera. Gjithashtu djali i Dervish
Shaqës ka qenë edhe në Xhenevë më 30 mars 1985, ku ishin takuar për
të shënuar katër-vjetorin e demonstratave dhe me këtë rast ai këndoi për
Bajram Currin, pastaj për Hydajet Hysenin, për Adem Demaçin për
qëndrimin e “heronjve” Rexhepit e Nuhiut. Ky këndoi së bashku me disa
shokë tjerë e në prezencën e afër 250 vetave në sallën e Universitetit të
Gjenevës”.
N. Shaqa, punëtor në Zvicër, djali i Dervish Shaqës, nga fshati Llukë, KK
Deçan, emigrant në RPSSH, i njohur si rapsod popullor i këngëve kundër
sistemit tonë.
IV
Vërejtjet e punëtorit operativ:
Bashkëpunëtori edhe më parë ka dhënë shënime për djalin e Dërvish
Shaqës i cili është paraqitur me këngë me përmbajtje armiqësore.
Materialet e dërguara do të jenë pjesë përbërëse e këtij raporti, ndërsa
DSHSSH Pejë, i dërgohet shiriti i kasetofonit dhe fragment nga ky raport.
V
Vërejtjet, çmimet dhe vendimet e eprorit:
Dërgohet:
2 x SHSSH SKPB
1 x fragment DSHSSH-Pejë
1 x në lëndë të bashk. “Kobra”
1 x Evidencës
Punëtori operativ, Sejfullah Sahatçiu
Drejtorati i SHSSH-së, Gjakovë
Bashkangjitur aktit përcjellës ju dërgojmë plikon me materiale, të cilat në
emër të Sejfullah Sahatçiut kanë mbërri nga Zvicra.
Shtojcë: Plikoja me materiale
113
SM
Kryeshefi i sektorit të II, Enver Prekadinaj
Sqarim: “Kobra” ka pasur shoqëri me “Hiltonin” e jo lidhje familjare siç
është përkthyer gabimisht.
Identifikimi i Shaqë N. dhe Sheremet N.
Sekretariati Krahinor për Punë të Brendshme.
Shërbimi i Sigurimit Shtetëror.
Drejtorati-Gjakovë.
Punt. op. Sejfullah Sahatçiu.
Më 6. 5. 1985.
Raport i bashkëpunëtorit
I
Burimi: Bashkëpunëtori “Kobra”
Shënimet kanë të bëjnë me tubimin e anëtarëve të LRSSHJ në Zvicër, në
mbledhjen komemorative kushtuar vdekjes së Enver Hoxhës.
Biseda është zhvilluar më 29. 04. 1985 nëpërmjet telefonit.
Me iniciativën e bashkëpunëtorit.
Shpenzime nuk ka pasur.
Raporti paraqitet më 6. 5. 1985.
II
Bashkëpunëtori përcjell veprimtarinë armiqësore të disa anëtarëve të
LRSSHJ, në Zvicër.
MST: Raportim për mbledhjen komemorative kushtuar Enver Hoxhës
III
Bashkëpunëtori në bisedë telefonike përveç tjerash lajmëron:
“Më dt. 27. 04. 1985, është mbajtur tubimi i disa anëtarëve të LRSSHJ,
në Bernë kushtuar vdekjes së Enver Hoxhës. Mbledhja kryekëput ka qenë
komemorative. Kjo mbledhje komemorative ka qenë dashur të mbahet në
një restorant në Bernë në rr. Nonjenbruk Strasse 43 (shiko depeshen
tonë nr. 155 të dt. 25. 04. 1985, nr. e punëtorit operativ), mirëpo më dt.
25. 04. 1985, pronari i këtij lokali ka marrë një letër anonime e
kërcënuese në të cilën thuhej që të mos i lëshohet lokali këtij grupi
njerëzish të kombësisë shqiptare pasi të njëjtit janë banditë dhe
terroristë, dhe poqë se iu lejon një tubim të tillë, në lokalin-restorantin
tuaj do të hedhim bombë e cila do të shkaktonte dëme materiale dhe së
bashku me dëmet materiale do t’i asgjësojmë edhe personat që do të
114
tubohen në lokal. Pas marrjes së kësaj letre, pronari i këtij restoranti ka
kontaktuar me mua dhe më ka njoftuar me përmbajtjen e letrës, në çka
ka kërkuar edhe mendimin tim pasi me të jam në marrëdhënie tepër të
mira. Pas një bisede të shkurtër me të, kam dhënë mendimin tim duke i
thënë atij se ka mundësi lehtë që dikush të hedhë ndonjë bombë, prandaj
është mirë që të mos lejohet tubimi këtë lokal pasi të rrezikohet jeta dhe
pasuria jote. Në këtë sugjerim timin, pronari i lokalit ka refuzuar dhënien
e lokalit. Në momentin e fundit, Zahir Zahiri dhe Hasan Malaj duke
vërejtur se do të dështojë ky takim, kanë arritur që të sigurojnë sallën
‘Kursall’ dhe për këtë të japin vlerën prej 700 frangash zvicerane.
Tubimi është mbajtur më 27. 04. 1985 duke filluar nga ora 14:00 dhe ka
zgjatur përafërsisht deri në orën 17:00. Prezentë ishin afër 180 persona.
Në këtë sallë ishin të vëna vetëm dy fotografi të Enver Hoxhës pasi që
edhe tubimi ishte caktuar për vdekjen e tij.
Mbledhjen komemorative e hapi bashkëshortja e Kadri Zekës, e cila foli
për jetën dhe veprat e Enver Hoxhës. Pas kësaj, në gjuhën gjermane ka
shprehur ngushëllime edhe Beat Chefer, i cili në fjalimin e vet e ngriste
lart personalitetin e Enver Hoxhës. Përveç Beatit, ngushëllime ka
shprehur edhe një shtetas turk, i cili përfaqësonte ‘Partinë Marksiste-
Leniniste’ të Turqisë. Fjalimin e tij nga turqishtja e përkthente Kadri
Avdullahu. Në disa raste është brohoritur ‘Parti Enver, jemi gati
kurdoherë’. Kam vërejtur edhe Adem dhe Hajdar Sadrijen nga Ponosheci,
KK Gjakovë, të cilët ishin përgjegjës për zhvillimin normal të tubimit. Para
dhe pas këtij tubimi është shpërndarë “Zëri i Kosovës”, botim i posaçëm
kushtuar punës, jetës dhe veprave të Enver Hoxhës. Kam vërejtur dhe
regjistruar këto automjete të personave të cilët kanë marrë pjesë në këtë
tubim: GE 3101; LU99572; VL-165585; BE 420772; GE 6990; BE
405404; LU 99935 dhe GE 3727”.
Zahir Zahiri, nga fsh. Prelepnicë KK Gjilan;
Hasan Mala, nga Gjilani;
N. Zeka, bashkëshortja e Kadriut;
Beat Chefer, librashitës Bielle;
N. Avdullahu, bashkëshortja e Kadriut;
Hajdar Sadrija, nga fsh. Ponoshec, KK Gjakovë;
Adem Sadrija nga fsh. Ponoshec, KK Gjakovë.
IV
Vërejtjet e punëtorit operativ:
Bashkëpunëtori i sigurt, shënimet ende të pavërtetuara. “Kobrës” i është
dhënë për detyrë që në raportin e vet të cilin do ta dërgojë me shkrim, të
identifikojë sa më tepër pjesëmarrës të këtij tubimi.
V
115
Vërejtjet, çmimet dhe vendimet e eprorit:
Dërgohet:
2 X SHSSH SKPB Punëtori operativ.
1 X Në lëndë të bash. “Kobra” Sejfullah Sahatçiu.
1 X Në evidencë.
1 X Në lëndë të Hajdar dhe Adem Sadrijajt.

[Kosovelli]

Klubi i punëtorëve shqiptarë i RSFJ “Igballe Prishtina”, në
Gjenevë

Sekretariati Krahinor për Punë të Brendshme.
Shërbimi i Sigurimit Shtetëror.
Drejtorati-Gjakovë.
Punt. op. Sejfullah Sahatçiu.
Raport i bashkëpunëtorit
I
Burimi: Bashkëpunëtori “Kobra”.
Shënimet kanë të bëjnë me veprimtarinë e LRSSHJ.
Raporti ka arritur më 17. 04. 1985.
Me iniciativën e bashkëpunëtorit.
Shpenzime nuk ka pasur.
Raporti paraqitet më 22. 04. 1985.
II
Bashkëpunëtori përcjell veprimtarinë armiqësore të disa anëtarëve të
LRSSHJ në Zvicër.
III
Bashkëpunëtori “Kobra” në raportin e vet të dërguar me shkrim, përveç
tjerash shkruan: “Klubi i punëtorëve shqiptarë i RSFJ ‘Igballe Prishtina’,
në Gjenevë, me rastin e katërvjetorit të shpërthimit të demonstratave në
Kosovë, organizoi një mbrëmje përkujtimore në një sallë të madhe të
Universitetit të Gjenevës më datë 30. 03. 1985. Në këtë tubim ishim afër
250 veta e më së tepërmi kishte anëtarë të klubit të Lozanës. Para se të
fillojë kjo ceremoni, para hyrjes, disa punëtorë tanët shitnin gazeta të
ndryshme si ‘Zëri i Popullit’, ‘Bashkimin’, ‘Shqipëria e Re’ dhe disa libra
‘Titistët’ të formatit të vogël. Me këtë rast është shitur ‘Zëri i Kosovës’ në
dy fletë vetëm me fotografi të ‘heronjve’ dhe të të burgosurve politikë
shqiptarë. Në mbrëmjen përkujtimore fjalën e mbajti djali i Hasan Malës,
në moshë afër 25 vjeçar. Ky në emër të ‘lëvizjes’ lexoi gjatë një artikull
116
rreth ngjarjeve në Kosovë dhe rreth politikës antishqiptare të disa
udhëheqësve të Kosovës dhe të Jugosllavisë. Në vazhdim ky tha:
‘Jugosllavia ia ka arritur disa qëllimeve të veta kundër nesh, kundër
punëtorëve në migrim. Jugosllavia dhe UDB-a kanë intervenuar tek
policia zvicerane që neve të mos na jepet kurrfarë e drejtë e as azili
politik, se gjoja ne jemi irredentistë dhe se merremi me terrorizëm. Disa
antishqiptarë e shpërndajnë ‘Zërin e Kosovës’ të falsifikuar e që këto
shërbime po ua mundëson UDB-a’. Djali i Hasan Malës me këtë rast lexoi
edhe një peticion të cilën në emër të ‘lëvizjes’ do t’ia dërgojë Parlamentit
Evropian në Strasburg-Francë, dhe një peticion tjetër për t’ia dërguar
shefit të policisë zvicerane. Në këtë peticion ishin nënshkrimet e afër 450
vetave.

[Kosovelli]

Peticioni për policinë zvicerane

Edhe më 23. 03. 1985, është mbajtur një mbrëmje përkujtimore e klubit
të Lozanës, e në të cilën ishin afër 500 veta. Edhe në këtë tubim djali i
Hasan Malës kishte folur në emër të ‘lëvizjes’ dhe kishte vazhduar me
nënshkrime në peticion. Përmbajtja e peticionit të dërguar në emër të
shefit të policisë zvicerane kishte përafërsisht këtë përmbajtje: ‘I nderuari
kont. Ju na keni quajtur dhe mendoni se ne dhe LRSSHJ-ja jemi
terroristë. Jo shoku kont, ne as që marrim erë në terrorizëm e as që jemi
terroristë. Terroristë janë UDB-a jugosllave të cilët po i vrasin djemtë më
të shtrenjtë të Kosovës si ata në Shtutgart, (Jusufin, Kadriun dhe
Bardhoshin), burgosën me mijëra shqiptarë nëpër burgje pas ngjarjeve të
pranverës 1981. Sigurisht, zoti kont, keni lexuar shkrimet nga gazetat e
ndryshme të botës, me siguri ju kujtohet mirë kur UDB-a jugosllave
kurdisi bombën në Buchhandlulug Bathaustrasse 35 në Biel tek Beat
Schafer. LRSSHJ nuk është një organizatë terroriste por është organizatë
demokratike e cila nuk ka lidhje me politikën zvicerane. Kjo pari kërkon
statusin e republikës së Kosovës në kuadër të Federatës Jugosllave.
Rrofshin vëllezërit tanë zviceranë’”.

[Kosovelli]

Përmbajtja e programit kulturor…

“Në këtë tubim u kënduan këngë, u lexuan dhe u dëgjuan recitime
kushtuar shumë personaliteteve si dhe Bajram Currit. Në mesin e të
tjerëve recitoi një poezi edhe Rrustem Mahmutaj nga fshati Lubeniç, KK
Pejë. Ja poezia të cilën e shkroi dhe recitoi Rrustemi: ‘Ti shkëmb i
patundur ndër beteja, ti tokë e skuqur me gjak, ti emër i qëndresave, ty
të këndoj unë biri yt mërgimtar, ty Kosovë oj nëna ime, të këndoj nga
perëndia, për qëndresën tënde, për heroizmin tënd, ballë armikut
serbomadh, përpara Kosovë në marshim, përpara drejt lirisë, si një
grusht i fortë, ja vdesim ja fitojmë përpara Kosovë, ndije kushtrimin tim,
117
dhe grushtin tim kam ngritur për liri, në tjetrën dorë flamurin kuq e zi që
valon, dhe them nga zemra Kosova Republikë, ç’ka Kosova që lëshon zë,
në Kosovë shkau vend nuk ka, se Kosova vetë po flet, kemi qenë të
shtypur krejt, ky armik kishte kujtuar, se shqiptarët kanë harru, por
shqiptarët i kanë tregu se vendin tonë s’mundem me e lëshu, toka e
Kosovës me gjak është gatuar, se gjyshët amanet na kanë lënë, të
qëndrojmë për Kosovën nënë, këmbë armikut të mos i lëmë, dhe botës i
kemi tregu, se Kosovën nuk mundesh me e sundue, jemi shqiptarë nuk
dimë ç’është frika, po marshojmë nga republika, se një herë kemi thënë,
republikë kushtetutë, ja me hatër ja me luftë…’. Në këtë tubim,
gjegjësisht në sallë ishte parulla “Kosova Republikë”, pastaj fotografitë e
Jusufit, Kadriut, Bardhoshit, Nuhiut dhe Rexhë Malës. Ndër më aktivistët
e LRSSHJ ishin djali i Hasan Malës, Shaqa N. nga Kaçaniku, Hasan Malaj
nga fshati Kaliqan, KK Pejë, bashkëshortja e Zahir N. nga fshati
Perlepnicë KK Gjilan dhe Sheremet N. për të cilin nuk di se nga është, me
moshë afër 43-45 vjeçar, pjesëmarrës aktiv në demonstratat e Bernit”.
- N. Malaj, djali i Hasan Malës, në moshë afër 25 vjeçar;
- Rrustem Mahmutaj, nga fshati Lubeniç, KK Pejë, i njohur i shërbimit;
- Hasan Malaj - “Mixha” - i njohur shërbimit;
- Shaqa N. nga Kaçaniku;
- Kadri Avdullahu i njohur i shërbimit;
- Sadri Malaj, nga fshati Kaliqan, KK Pejë;
- Sheremet N. në moshë afër 43-45 vjeçar.

[Kosovelli]

Detyrë e Kobrës

IV
Vërejtjet e punëtorit operativ:
Bashkëpunëtori i sigurt, shënimet pjesërisht të vërtetuara edhe nga
burimet tjera. Bashkëpunëtorit do t’i jepet për detyrë që të identifikojë
Shaqë N. dhe Sheremet N. se prej nga janë si dhe për mbiemrat e tyre.
V
Vërejtjet, çmimet dhe vendimet e eprorit:
Dërgohet:
2 x ShSSh SKPB.
1 x Evidencës.
1 x në lëndë të bashk. “Kobra”.
1 x DSHSSH- Pejë.
1 x DSHSSH-Gjilan.
1 x DSHSSH-Ferizaj.
118
Punëtori operativ
Sekretariati Krahinor për Punë të Brendshme.
Shërbimi i Sigurimit Shtetëror.
Drejtorati-Gjakovë.
Punt. op. Sejfullah Sahatçiu.
Më 23. 04. 1985.
Raport i bashkëpunëtorit
I
Burimi: Bashkëpunëtori “Kobra”.
Shënimet kanë të bëjnë me organizimin e tubimit të anëtarëve të LRSSHJ
në Zvicër.
Biseda është zhvilluar nëpërmjet telefonit më dt. 18. 04. 1985, në orën
16:00.
Me iniciativën e bashkëpunëtorit.
Shpenzime nuk ka pasur.
Raporti paraqitet më 23. 04. 1985.
II
Bashkëpunëtori përcjell veprimtarinë armiqësore të disa pjesëtarëve të
LRSSHJ në Zvicër.
III
Nëpërmjet telefonit është thirrur “Kobra” më datën 18. 04. 1985, i cili
përveç tjerash, lajmëron: “Më dt. 27. 04. 1985, të shtunën, është
siguruar salla e restorantit në rrugën ‘Noujenbruk Strasse 43’ në Bernë,
nga ana e LRSSHJ. Ky restorant është rezervuar me këtë dt. prej orës 12-
18:00, dhe sipas planifikimit të tyre në të marrin pjesë afër 400 veta.
Sipas një burimi, në këtë tubim do të flitet për organizimin e serishëm të
demonstratave të Kosovës. Para restorantit do të vihet në gjysmështizë
flamuri kombëtar shqiptar. Për rezervimin e restorantit janë angazhuar
Zahir Zahiri nga fshati Prelepnicë KK Gjilan dhe Rrustem Mahmutaj…
(mungon pjesa vijuese e raportit, red.)
Mbt; Superekskluzive: Dosja “KOBRA” – “Infopress” vazhdon të sjellë për
herë të parë materiale për veprimtarinë agjenturore serbe (21)

[Kosovelli]

Pjesëmarrje e madhe e shqiptarëve në manifestimet
antijugosllave

Sekretariati Krahinor për Punë të Brendshme
119
Shërbimi i Sigurimit Shtetëror
Drejtori-Gjakovë
punt. op. Sejfullah Sahatçiu
Më 23. 04. 1985
Raport i bashkëpunëtorit
I
Burimi: Bashkëpunëtori “Kobra”.
Shënimet kanë të bëjnë me Rrustem Mahmutajn nga fshati Lybeniq, KK
Pejë, aktivist i LRSHSJ-së në Zvicër. Raporti është dërguar më 12. 04.
1985, ndërsa në adresë të punëtorit operativ ka arritur më 22. 04. 1985.
Në iniciativën e punëtorit operativ. Shpenzime nuk ka pasur. Raporti
paraqitet më 22. 04. 1985.
II
Bashkëpunëtori përcjell veprimtarinë armiqësore të disa anëtarëve të
LRSSHJ në Zvicër.

[Kosovelli]

Raport mbi deklarimet e Rrustem Mahmutajt

III
Bashkëpunëtori “Kobra” në raportin e vet të dërguar nëpërmjet tjerash
shkruan: “Më dt. 07. 04. 1985 jam takuar me Rrustem Mahmutajn i cili
në bisedë lidhur me Ibrahim Kelmendin më tha: Ibrahim Kelmendi ishte
shok i ngushtë i dajëve të mi Isuf dhe Bardhosh Gërvallës, dhe së fundit
Ibrahimi tradhtoi dhe me dorë të vet ata i vrau. Ne kemi mjaft fakte dhe
argumente që flasin për këtë tradhti. Ibrahimi pasi vrau këta, deshi që ta
marrë edhe gruan e Kadriut për bashkëshorte, mirëpo e njëjta nuk pranoi
që të martohet me një tradhtar. Për këtë gjë më ka treguar Hasan Malaj,
që i njëjti Kadriu e ka pasur nipash. Pasi që i dështoi martesa Ibrahimit
me bashkëshorten e Kadriut, ai vendosi që në vitin 1984 të vijë në
Kosovë dhe të martohet duke mos u frikësuar aspak nga UDB-ja. Kështu i
shoqëruar nga UDB-ja e Beogradit pasi që më parë i kishte kryer punët e
tyre, së bashku me bashkëshorten e vet u kthye prapë në perëndim pa
një therë në këmbë. Ibrahimi, në fillim kishte mësuar nga UDB-ja, kishte
sjellje të mirë se gjoja kishte ideologji marksiste-leniniste dhe si i tillë i
fut në LRSSHJ, i cili punoi gjerë në mbledhjen e cila u mbajt në fund të
dhjetorit 1984 kur edhe u përjashtua. Për Ibrahimin gjetëm edhe fakte të
reja mbi tradhtinë e tij. Së bashku me Ibrahimin u përjashtua edhe
Xhafer Shatri, pasi që Xhaferi nuk ka ikur nga burgu por është lëshuar
dhe përcjellë që t’iu kryejë punët e UDB-ës Jugosllave. Për vrasjet e
Jusufit dhe të tjerëve ende do të mbetet arsyetimi i tillë në mesin e
punëtorëve tanë se ata i kanë vrarë serbët e Beogradit pasi që edhe
120
qëllimi ynë është që të fajësohen ata, mirëpo e vërteta është se Ibrahimi
ata i ka vrarë. Për këtë Ibrahimi do të japë përgjegjësi para popullit
atëherë kur të bëhet “Kosova Republikë”. Për kohën se Ibrahimi ishte në
Kosovë, në e kemi përcjellë atë titist i cili është vërejtur nëpër kafene të
ndryshme në shoqëri me UDB-ashët. Në kohën e fundit në LRSSHJ janë
aktivizuar edhe dy vëllezërit e Jusuf Gërvallës, Hyseni dhe tjetri të cilit
mjaft u mundua nga UDB-ja që t'i shtijë në dorë por nuk arriti. Në
vazhdim Rrustemi shpeshherë përdor fjalët “Durmishat”. që do të thotë
tradhtar i LRSSHJ-së.
IBRAHIM KELMENDI; i njohur nga Shërbimi.
RRUSTEM MAHMUTAJ, nga fsh. Lybeniq, KK Pejë, i njohur nga Shërbimi.
XHAFER SHATRI, i njohur nga Shërbimi.
HASAN MALA, vëllai i Rexhep Malës që të dytë të njohur nga Shërbimi.
IV
Vërejtjet e punëtorit operativ;
Bashkëpunëtori i sigurt, shënimet e pavërtetuara. “Kobra” është në
marrëdhënie të mira me Rrustemin, për ç'gjë ka mundësi që të dijë më
për së afërmi mbi veprimtarinë armiqësore.
Bashkëpunëtorit iu është dhënë detyrë që prapë të kontaktojë me
Rrustemin. Me një kopje të këtij raporti është njoftuar DSHSSH në Pejë.
V
Vërejtjet, çmimet dhe vendimet e eprorit:
Dërgohet:
2 x SHSSH SKPB
1 x DSHSSH Pejë
1 x Evidencës
1 x në lëndë të bashk. “Kobra”
Punëtori operativ, Sejfullah Sahatçiu

[Kosovelli]

Thirrje për demonstrata në Bon

Sekretariati Krahinor për Punë të Brendshme
Shërbimi i Sigurimit Shtetëror
Drejtori-Gjakovë
punt. op. Sejfullah Sahatçiu
Më 21. 06. 1985
Sektori II, LRSSHJ
Raport i bashkëpunëtorit
I
Burimi: Bashkëpunëtori “Kobra”
121
Shënimet kanë të bëjnë me organizimin e demonstratave në Bon të
RFGJ-së nga ana e LRSSHJ-së.
Biseda është zhvilluar më dt. 21. 06. 1985, nëpërmjet telefonit, në orën
08. 00.
Me iniciativën e bashkëpunëtorit
Shpenzime nuk ka pasur
Raporti paraqitet më 21. 06. 1985
II
Bashkëpunëtori përcjell veprimtarinë armiqësore të disa pjesëtarëve të
LRSSHJ-së në Zvicër.
III
Bashkëpunëtori “Kobra” nëpërmjet telefonit, më dt. 21. 06. 1985, në orën
8. 00 përveç tjerash lajmëron: “Kanë filluar të shpërndahen thirrjet për
pjesëmarrje në demonstrata të cilat do t’i organizojë LRSSHJ.
Demonstratat do të organizohen në qytetin Bon të RFGJ-së më dt. 29. 06.
1985, duke filluar në ora 10. 00. vendtubimi për fillimin e demonstratave
do të jetë në Mynsterplac. Unë personalisht nuk kam mundësi që të marr
pjesë në këtë demonstratë, pasi që atë ditë jam duke punuar.
IV
Vërejtje e punëtorit operativ:
Bashkëpunëtori i sigurt, shënimet ende të pavërtetuara. Meqë
bashkëpunëtori nuk ka mundësi që të marrë pjesë në këto demonstrata, i
është dhënë për detyrë që nëpërmjet lidhjeve të veta të interesohet mbi
pjesëmarrësit dhe rrjedhat në këto demonstrata. Lidhur me këtë jeni
njoftuar edhe me depeshen tonë nr. 237 të dt. 21. 06. 1985
V
Vërejtjet, çmimet dhe vendimet e eprorit:
Dërgohet:
2 x SHSSH SKPB
1 x në lëndë të bashk. “Kobra”
1 x Evidencës
1 x Camoviqit
Punëtori operativ, Sejfullah Sahatçiu