Shërbimet Sekrete Serbe në Kosovë

[Kosovelli]

Detyra konkrete ndaj “Kobrës” dhe nënshkrimi i pseudonimit

Vërejtjet e punëtorit operativ:
Bashkëbiseduesi më parë ka qenë në kontakt me bashkëpunëtorin tonë
“Hilton”, të cilit i ka treguar sipërfaqësisht mbi disa kontakte dhe tubime
mbajtur në tetor 1983, meqë N.N. është penduar thellë për këtë
pjesëmarrje, ndaj bashkëpunëtori “Hilton” ka shprehur gatishmëri që
nëse shërbimi nuk ndërmerr masa ndaj tij, ai do të vijë në atdhe dhe në
bisedë me ne do t’i paraqesë të gjitha gjërat që i din mbi veprimtarinë
armiqësore të tij dhe të të tjerëve si dhe do të na ndihmojë në të
ardhmen. Pas një konsultimi, bashkëpunëtorit “Hilton” i është thënë që
N.N të vijë në vend me kusht që të jetë i sinqertë në bisedë me ne.
Mendoj se N.N deri diku ka qenë i sinqertë, mirëpo mund të dijë edhe
gjëra të tjera dhe persona të cilët merren me veprimtari armiqësore. Pasi
që njihet mirë me Avdi Lekun dhe Rrustem Mahmutin, para se të shkojë
në Zvicër do të jepen detyrë konkrete. Në të ardhmen, N.N. do të
shfrytëzohet si bashkëpunëtor me pseudonim “Kobra” e angazhimi i tij
bëhet përmes materialit komprometues. Për bashkëpunim edhe ky ka
shprehur gatishmëri, por me kusht që bashkëpunimi të jetë tepër
konspirativ pasi për këto punë, sipas fjalëve të tij, të shkon koka. Në
bisedat që do të pasojnë, do të mundohemi që përmes fotografive të
demonstratave antijugosllave të organizuara në Zvicër të bëjë
mundësisht identifikimin e pjesëmarrësve. Me fragmente të posaçme nga
ky raport do të njoftohen DSHSSH Pejë dhe Gjilan.
V
Vërejtjet, çmimet dhe vendimet e eprorit:
Dërgohet: Punëtori operativ:
8
2xSKPB SHSSH Sejfullah Sahatçiu
2xKëtij drejtorati
Vendimi për pseudonim
Sekretariati krahinor për punë të brendshme
Shërbimi i sigurimit shtetëror
Drejtorati-Gjakovë
Punt. op. Sejfullah Sahatçiu Sektori II
Më 07.02.1984.
Propozim
Për angazhimin e bashkëpunëtorit në bazë të nenit 46 të Rregullores mbi
punën e SHSSH.
N.N. nga fsh. Novosellë e Ultë, KK Gjakovë, nga baba N. dhe nëna N.,
shtetas i RSFJ, shqiptar, tani përkohësisht i punësuar në Zvicër - Bern,
me vendbanim në fsh. Novosellë e Ultë KK Gjakovë. (Redaksia nuk e
prezanton emrin e mbiemrin as të Kobrës e as të prindërve të tij,
meqenëse personi është gjallë, dhe synimi ynë nuk është t’i tregojmë
emrat e njerëzve që kanë bashkëpunuar me UDB-në, por të tregojmë
punën dhe metodologjinë e veprimit të UDB-së - vër. e red.)
Arsyet
Pasi që ekziston interesi operativ i Shërbimit rreth mbrojtjes
kontrainformative të punëtorëve tanë të punësuar jashtë vendit tonë, si
dhe përcjelljen e veprimtarisë armiqësore të grupeve dhe personave, e
me që edhe vetë N. ka qenë pjesëmarrës i demonstratave antijugosllave
të organizuara në Bern - Zvicër, në vitin 1981, përmes bashkëpunëtorit
“Hilton” (shkëputje e red.). Gjatë bisedës N. ka dhënë disa gjëra
interesante e njëherësh ka shprehur gatishmëri për bashkëpunim.
Angazhimi është bërë në bazë të materialit komprometues. N. gjendet në
punë në qytetin Bern dhe si i tillë ka mundësi objektive që të na
ndihmojë. Andaj kërkoj nga ju të lejohet angazhimi i tij si bashkëpunëtor.
Në të ardhmen N. do ta ketë pseudonimin “Kobra”.
Gjakovë Punëtori operativ
7.02.1984 Sejfullah Sahatçiu
Leje
Në bazë të nenit 48 të Rregullores mbi punën e SHSSH, jam i pëlqimit
dhe lejoj propozimin e dhënë për këtë bashkëpunëtor.
9
Gjakovë: Kryeshefi
7.02.1984 Fehmi Macula

[Kosovelli]

Kobra ofron të dhëna shumë kualitative për UDB-në

Sekretariati krahinor i punëve të brendshme
Shërbimi i sigurimit shtetëror
Gjakovë
Përshkrim i të dhënave të marra nga bashkëpunëtori “Kobra”
Bashkëpunëtori “Kobra” është tërhequr për bashkëpunim në fillim të vitit
1984 në bazë të materialit komprometues / pjesëmarrës i demonstratave
antijugosllave në vitin 1984 në Bern-Zvicër e organizuar nga “LPRSHJ”/.
Pasi që gjendet me punë të përkohshme në Zvicër i njëjti është
angazhuar në përcjelljen e veprimtarisë armiqësore nga pozita e
nacionalizmit dhe irredentizmit të emigracionit ekstrem shqiptar,
organizimet e tyre, individëve të rrallë të punëtorëve tanë si dhe
aktivitetit të SHIK-ut dhe pikave të tyre.
Nga dita e angazhimit bashkëpunëtori “Kobra” ka ofruar të dhëna
kualitative të cilat kanë sjellë thellim të njohurive për aktivitetin dhe
veprimtarinë e emigracionit armiqësor shqiptar, organizimeve të tyre
kundër RSFJ-së.
Raport i datës 03.02.1984
“...Pas ngjarjeve kundërrevolucionare në Kosovë edhe në Zvicër në mesin
e shqiptarëve është biseduar për gjetjen e mënyrave për të ndihmuar
marrjen e statusit Kosova Republikë. Në këtë kohë ka pasur edhe shumë
dezinformime në rrugë përmes mjeteve të informimit me një ndikim ka
dhënë RPSSH duke shpërndarë në mesin e shqiptarëve materiale të
ndryshme propagandistike si: libra, broshura, gazeta etj., me çmime të
volitshme. Kështu shqiptarët lexojnë këtë literaturë sepse kjo ishte e
vetmja që e kishin. Gjatë leximit të kësaj literature ata u indoktrinuan në
veprimtari armiqësore kundër RSFJ-së ... në mars dhe prill të 1981 u
organizuan demonstrata kundër armatimit bërthamor, por po atë ditë një
grup i vogël shqiptarësh e shfrytëzoi këtë duke i dhënë karakter
antijugosllav. Në këto demonstrata demonstruesit shqiptarë bartnin
parulla dhe fotografi të Enver Hoxhës dhe në këto demonstrata kam
marrë edhe unë pjesë nga kureshtja ... më 27 ose 28 shkurt 1982 u
organizuan prapë demonstrata antijugosllave në Bern. Për organizimin e
tyre kam dëgjuar në kafeterinë “Kristofe” në të cilën u shpërndanë edhe
thirrjet ku në këtë kafeteri kryesisht rrinë shqiptarët. Në këto
demonstrata ka udhëhequr Rrustem Mahmuti nga fshati Lubeniq i Pejës
10
dhe Zijah Shemsiu i rrethit të Gjilanit ... gjatë 1982 kam qenë në kafe
restorantin Sterna në Zolikofen është vendbanim 5 km nga Berni ku Zijah
Shemsiu nga Berni organizonte shikimin e filmave me përmbajtje
armiqësore nga Shqipëria. Pas shikimit të filmave Zijahu iu ka drejtuar të
pranishmëve duke iu thënë se do të ishte mirë që të organizohemi për të
dhënë kontribut për bashkimin e trojeve shqiptare, sepse kështu do t’i
mbrojmë tokat e të parëve tanë. Në fund Zijahu të pranishmëve u
shpërndante gazeta të ardhura nga Shqipëria... Avdi Leku të shumica e
shqiptarëve e ka humbur besimin kështu që tash shumë dyshojnë se ai
bashkëpunon me shërbimin. Posedon në një sasi të materialeve
propagandistike armiqësore me origjinë nga Shqipëria... edhe pse më
herët ai ka qenë i indoktrinuar në të kanë pasur dhe kanë ndikim
përfaqësuesit e ambasadës shqiptare në Vjenë. Ai është me ata në
kontakt të vazhdueshëm dhe e vizitojnë edhe këtu në Zvicër me siguri ai
nga ata është i instruktuar dhe pajisur me material propagandistik. Avdiu
është pjesëmarrës i demonstratave antijugosllave të mbajtura më 1982
në Shtutgart, në përvjetorin e vrasjes së Kadri Zekës dhe vëllezërve
Bardhosh dhe Jusuf Gërvalla me të cilët, siç po thonë, ka qenë në kontakt
të përhershëm. Avdiu është në kontakt të përhershëm me Rrustem
Mahmutajn dhe kushëririn e vet Ahmet Lekaj ... në nëntor të 1983 në
sallën e restorantit “Kazino” në Lucern u mbajt tubimi për nder të 75-
vjetorit të lindjes se Enver Hoxhës. Në këtë tubim kryesorët ishin
vëllezërit Adem dhe Hajdar Sadria nga fshati Bonoshec - KK Gjakovë, të
cilët kanë qenë edhe organizatorë të këtij tubimi. Kanë marrë pjesë rreth
800 njerëz. Ka pasur program me këngë me përmbajtje armiqësore e në
fund Hajdar Sadriu ka lexuar telegramin drejtuar Enver Hoxhës të cilën e
kanë firmosur LPRSHJ. Pjesëmarrës në këtë tubim kanë qenë edhe
Rrustem Mahmutaj ... në Bern jetojnë emigrantët shqiptarë Agustin dhe
Tomë Timi të cilët merren me tregtinë e armëve. Toma është përkthyes
pranë organeve zvicerane dhe që të dy kanë nënshtetësi zvicerane ...
rreth muajit tetor 1981 gjatë mbajtjes së koncertit “Kosovarja Këndon”
nga Kosova në Cyrih ka ardhur deri te prishja e rendit ku më aktivi ka
qenë Rrustem Mahmutaj...”

[Kosovelli]

Hajdar dhe Adem Sadria si dhe Zijah Shemsiu qenë në Shqipëri

Raport i datës 07.02.1984
“...Kam mësuar se Hajdar dhe Adem Sadria nga Ponosheci si dhe Zijah
Shemsiu nga rrethi i Gjilanit, kanë qenë në vizitë në Shqipëri, deri sa jam
i sigurt se Avdi Leku nuk ka qenë, sepse ai kur ka ardhur këtu e ka
dorëzuar pasaportën në policinë zvicerane për ta fituar azilin politik dhe
tash nuk ka asnjë lloj pasaporte.
11
Raport i datës 24.02.1984
“...Sipas marrëveshjes me ju, më datë 23.02.1984 e kam vizituar Isa
Lekun në shtëpinë e tij. Atë ditë Isa më ka thënë se e ka ndërmend që
bashkë me gruan e Avdiut të udhëtojë për në Zvicër. Mua më ka thënë që
ta porosis Avdiun që të bartë revole me vete përherë sepse në çdo hap i
kanoset rreziku. Në fund Isa ka thënë “... në Zvicër do të kërkoj ndihmë
nga punëtorët tanë me qëllim që me ato para ta angazhoj një avokat për
t’ia rregulluar Avdiut azilin politik ...”
Kathrin Asal, grua 40 vjeçe, e ndihmon “LPRSHJ”
Raport i datës 19.04.1984
“...jam i informuar se Kathrin Asal, grua 40 vjeçe, e cila e ndihmon
“LPRSHJ”, dhe se e njëjta së bashku me Kadri Istogun disa herë ka qenë
në Kosovë...”
Raport i datës 30.04.1984
“...më 01. 05. 1984 janë thirrur njerëzit për pjesëmarrje në demonstratat
antijugosllave në Bern e si vendtakim është caktuar stacioni i trenit. Pritet
pjesëmarrje masive në këtë demonstratë...”
Raport i datës 10.05.1984
“... në demonstratat antijugosllave në Bern në të cilat kam marrë pjesë
edhe unë, ka pasur pak pjesëmarrës shqiptarë të cilët kanë bartur
flamurin nacional shqiptar dhe dy parulla. Me këtë rast janë shpërndarë
trakte në gjuhën shqipe dhe gjermane...”
Hasan Mala është shumë aktiv...
Raport i datës 06.06.1984
“...Hasan Mala, i cili tash është në burg, është pjesëmarrës i të gjitha
demonstratave antijugosllave që mbahen në vendet e Evropës
perëndimore.. Është aktiv në veprimtarinë armiqësore, ka qenë shok i
pandarë i Zijah Shemsiut dhe merret me shpërndarjen e pamfleteve me
përmbajtje armiqësore” ... për Taip Zekën, vëllain e Kadri Zekës, po flitet
se është pjesëmarrës i të gjitha demonstratave ... më herët kam
informuar gabim për Kathrin Asal ... e cila edhe sot në librarinë e saj në
Biel shet libra ... dihet se organizatorët e formimit të klubit “Tefik Çanga”
në Bern kanë qenë Zijah Shemsiu dhe shokët e tij, ndër të cilët Hysen
Fetahu nga fshati Gajre KK Tetovë. Zijahu ka qenë shok i mirë edhe me
vëllezërit Adem dhe Hajdar Sadriu ... pas burgosjes së Zija Shemsiut
aktiviteti i këtij klubi ka rënë dhe ai tash nuk funksionon ... para dy
muajve Rrustem Mahmutaj nga fshati Lubeniq KK Pejë, ka kontaktuar me
12
shefin e restorantit “Zokli Kofen”, i cili ia ka lëshuar sallën. Më
14.04.1984 në këtë sallë është takuar grupi i punëtorëve tanë të cilin
Rrustemi që më parë e ka informuar se do të vijnë edhe disa shokë nga
“Lëvizja” për ta themeluar klubin në Bern. Në këtë takim kanë qenë
vëllezërit Adem dhe Hajdar Sadria, Sali Basha dhe dy studentë nga Berni.
Fjalën e kanë mbajtur Sali Basha dhe një student nga Prishtina, të cilët e
kanë theksuar nevojën e organizimit më të mirë, thellimin e aktivitetit të
klubit përmes emetimit të filmave, shpërndarjes së gazetës “Zëri i
Kosovës” etj... është marrë vendimi që salla të parapaguhet për dy muaj,
që të shiten 200 numra të “Zërit të Kosovës” ndërsa në emër të ‘Lëvizjes”
është premtuar furnizimi me filma. Në fund Rrustemi i shpërndau thirrjet
për 22.04.1984 dhe 29.04 1984 për takimet e radhës në këtë sallë. Në
këto data kanë marrë pjesë rreth 30 veta dhe janë emetuar filma të
ndryshëm nga RPSSH, janë recituar vjersha, janë shpërndarë pamflete
për organizimin e demonstratave për festat e majit...
Sali Basha ka qenë shok i pandarë i Zijah Shemsiut, dhe është njëri nga
aktivistët më të shquar në Bazel...

[Kosovelli]

“Dasma do të jetë e madhe”

Raport i datës 13.07.1984
...më 14.07.1984 në orën 9:00 do të fillojë dasma në Banhof e vazhdon
deri tek ambasada në Bern ... dasma do të jetë e madhe...” (mendohet
në demonstratat antijugosllave).
Raport i datës 07.08.1984
“...më 14.07.1984 nga ana e “LPRSHJ” u organizuan demonstrata të
mëdha antijugosllave në Bern, në të cilat kam marrë pjesë edhe unë...
përveç punëtorëve nga Zvicra, morën pjesë edhe punëtorët tanë nga RF e
Gjermanisë dhe Belgjika gjithsej 1 500-2 000 veta. Në këto demonstrata
janë bartur fotografitë e Kadri Zekës, Bardhodh dhe Jusuf Gërvallës,
Adem Demaçit e të tjerëve si dhe janë bartur parulla me përmbajtje
armiqësore. Demonstruesit iu shpërndanin qytetarëve zviceranë pamflete
me përmbajtje antijugosllave...demonstratat i drejtonin Xhafer Shatri dhe
vëllai i Rexhep Malës i ashtuquajturi “Mixha”, ndërsa me ta shkonin
Rrustem Mahmutaj, Sali Basha, vëllezërit Adem dhe Hajdar Sadria, disa
studentë nga Kosova, vëllai i Ibrahim Kelmendit, gra, fëmijë si dhe një
student nga Nikaragua-Karlos Magorga... Masa e demonstruesve është
ndalur afër ambasadës sonë dhe aty ka folur Xhafer Shatri i cili duke folur
për ngjarjet në Kosovë e ka sulmuar sistemin tonë politik...

[Kosovelli]

Ndjekja e veprimtarëve të LRSHJ-së

...në mbarim të demonstratave, demonstruesit rreth orës 13:30 kanë
shkuar në hotelin “Daren Zughnugase - 9” dhe këtu janë bashkuar në një
restorant në katin e dytë. Më vonë kam mësuar se në këtë restorant janë
shpërndarë rreth 200 copë të “Zërit të Kosovës”.
Raport i datës 09.08.1984:
“...Para disa muajsh në Zvicër ka ardhur Isa Leku me gruan e Avdiut dhe
vajzën e saj të vogël. Në këtë rast Isai i ka thënë djalit të vet Avdiut që t’i
thotë Rrustem Mahmutajt nga fshati Lubeniq KK Pejë, e i cili është anëtar
aktiv i ‘LPRSHJ’, se në takimin e parë do ta vrasë sepse i ka hapë fjalët se
Isa dhe Avdiu e kanë tradhtuar Tahir Gecin ... Avdiu këtë porosi ia ka
dërguar Rrustem Mahmutajt, me ç’rast ai duke e treguar revolen ka thënë
se është i gatshëm përherë që të ballafaqohet me te ... Bindja ime është
se Isa është më i zjarrtë se Avdiu, dhe jam i bindur se Avdiu punon me
instruksionet e Isës ... Për Avdiun dhe Rrustemin nuk kanë bindje të mirë
as ata të ‘Lëvizjes’... Hajdar Sadria për ata ka thënë se ‘njerëzit si Avdiu
dhe Rrustemi nuk na duhen sepse e humbin autoritetin e ‘Lëvizjes’, ata
nuk zgjedhin metoda as mjete kundër Jugosllavisë ... e nesër kur Kosova
ta fitojë statusin e republikës unë do të mund të kthehem atje, sepse për
këtë po punoj. Ata nuk do të mund të kthehen sepse do t’i përzënë për
veprimet e këqija...”
Raport i datës 13.08.1984:
“...pas sulmit fizik të Rrustem Mahmutajt kundër Haxhi Berishës nga
Deçani të cilin e kanë akuzuar si spiun të ambasadës së RSFJ, dukshëm
ka rënë aktiviteti i klubit ‘Tefik Çanga’ në Bern...
...Haxhiu ka qenë shumë aktiv në ‘Lëvizje’ dhe në punën e klubit ku janë
të shquar Rrustem Mahmutaj, Sali Basha, Adem dhe Hajdar Sadria si dhe
dy studentë nga Kosova. Në këtë klub, i cili ka qenë në kuadër të
‘Lëvizjes’, Rrustem Mahmutaj ka organizuar shfaqjen e filmave nga
Shqipëria, dhe janë organizuar takime ku është folur për Kosovën dhe ku
është shpërndarë ‘Zëri i Kosovës’ ...”
Raport i datës 17.08.1984:
“... në banesën e Augustin Tinajt, emigrant nga Shqipëria, i cili merret me
kontrabandë armësh, i kam parë disa numra të gazetës ‘Zëri i Kosovës’.
Augustini është shpesh në shoqëri me anëtarët e ‘Lëvizjes’...”

[Kosovelli]

“Rrustem Mahmutaj është njeri i aksionit”

Raport i datës 20.08.1984:
“...Rrustem Mahmutaj është njeri i aksionit, dhe si i tillë shfrytëzohet nga
‘Lëvizja’. Është shumë i vrazhdë me njerëzit që kanë qëndrim lojal ndaj
Jugosllavisë ... Në banesën e tij në të gjitha muret i ka vendosur
14
fotografitë e Bardhosh e Jusuf Gërvallës dhe të vrarëve dhe të gjykuarve
të tjerë para dhe pas demonstratave në Kosovë...”
Raport i datës 22.08.1984:
“...nga LPRSHJ kam marrë thirrje dhe janë shpërndarë shumë të tjera, në
të cilat informohet se më 25. 08.1984 në Sangall, duke filluar nga ora
18:00, do të mbahet takimi komemorativ me rastin e vdekjes së Rexhep
Malës e Nuhi Berishës. Ky takim do të mbahet në ndonjë hotel ku do të
marrin pjesë shumë punëtorë tanë...”

[Kosovelli]

Konfliktet mes Xhafer Shatrit, Sabri Novosellës e Xhafer Durmishit

Raport i datës 05.09.1984:
“...në kontaktin që e kam pasur me Idriz Halilin, të cilin e quajnë Idriz
Seferi, në mes të tjerash më ka thënë: ‘si organizator i demonstratave të
organizuara në vendet e perëndimit, kam kërkuar azil politik ... vëllai im
është i burgosur politik dhe ndodhet në burg ... për të njëjtat arsye është
gjykuar edhe nëna ime për të cilën ka shkruar edhe ‘Zëri i Kosovës’ ...
Unë kam qenë anëtar i grupit të Uruç Bresalcit nga Gjilani i cili do të
gjykohet, Zija Shemsiut i cili është dënuar me 13 vjet burg, Hysen Jashar
Fetahut nga fsh. Gajre KK Tetovë, si dhe i disa shokëve të tjerë të cilët ti
nuk i njeh ...Vëllai im i cili është në vuajtje të dënimit si dhe një shok i
imi i afërt, anëtar i grupit, më kanë njoftuar se Xhafer Shatri ka ardhur
me detyra të UDB-së, dhe atij nuk duhet t’i besohet. Ai po përpiqet që t’i
bëjë fajtorë Sabri Novosellën dhe Xhafer Durmishin dhe disa shokë të
tyre se ata po mbajnë lidhje me UDB-në jugosllave ... Për Hysen Fetahun
flitet se është spiun i UDB-së sepse edhe pse ka qenë anëtar i grupit
armiqësor ilegal ka shkuar në Jugosllavi dhe nuk është dënuar ...
ansambli i këngëve dhe valleve ‘Migjeni’ nga Shqipëria do të qëndrojë në
ST. Galen më 21.09.1984, më 22.09.1984 në Bern, pastaj në Cyrih,
Sangall, Gjenevë, Lozanë e vende tjera...”
Raport i datës 20.09.1984:
“...afër kantonit Bern, në vendin Egivil, punojnë vëllezërit Ramadan dhe
Zeqë Ramadani nga fsh. Firaj KK Ferizaj ... Ramadani e quan veten
enverist të madh, shpërndan fotografi të E. Hoxhës, dhe është në kontakt
të vazhdueshëm me Rrustem Mahmutajn nga fsh. Lubeniq, KK Pejë, i cili
është i njohur për veprimtari armiqësore kundër Jugosllavisë...”

[Kosovelli]

Raportim për pjesëmarrësit në koncert

Raport i datës 03.10.1984:
“...më 22.09.1984 në Beren në koncertin e ansamblit të këngëve dhe
valleve nga Shqipëria, të organizuar në sallën “Theater in nacional”, kanë
15
qenë rreth 900-1 000 njerëz. Gjatë koncertit janë hedhur parulla
antijugosllave dhe ka pasur fotografi të E. Hoxhës. Në koncert ka marrë
pjesë edhe Idriz Bardhi, ambasador i Shqipërisë në Vjenë, me disa të
tjerë ... Ansamblin e ka drejtuar Ymer Gjoci, i cili ka patur kontakt me
‘LPRSHJ’ dhe degët e saj, si me Hasan Malën – ‘Mixha’, Rrustem
Mahmutajn, Adem dhe Hajdar Sadrin, Idriz Halilaj i quajtur ‘Idriz Seferi’
etj., ... në këtë koncert ka qenë edhe Pashk Ndrec Uka nga fsh. Bec, KK
Gjakovë, i cili është pjesëmarrës i demonstratave antijugosllave në Zvicër
dhe jashtë saj ... Po ashtu ka qenë edhe Riza Halilaj (Shabani) nga
Gjakova, për të cilin kam dëgjuar se është pjesëmarrës i shumë
demonstratave antijugosllave si atyre në Bern, pastaj tubimeve në Lucern
me rastin e 70-vjetorit të lindjes së E. Hoxhës, e po ashtu ka qenë edhe
në Cyrih ku është çjerrë flamuri jugosllav dhe është prishur rendi...”
Raport i datës 11.10.1984:
“...Të dielën, më 30.09.1984, Ansambli i këngëve dhe valleve nga
Shqipëria ka mbajtur koncert në Vintentur ku kanë marrë pjesë rreth 600
njerëz të nacionalitetit shqiptar. Gjatë koncertit janë hedhur parulla e
pastaj nga njerëz për mua të panjohur janë shpërndarë libra dhe
materiale tjera si libri i Adem Demaçit, Jusuf Gërvallës ... Në mesin e
atyre që shisnin e kam njohur Sali Bashën derisa të gjithë koncertin e ka
xhiruar një njeri i ‘Lëvizjes’...
bashkorganizator të këtyre koncerteve janë vëllezërit Adem dhe Hajdar
Sadria dhe e kanë shoqëruar këtë Ansambël nëpër të gjithë Zvicrën...
Rrustem Mahmutaj nuk ka marrë pjesë në këto koncerte sepse ka qenë i
ngarkuar në shpërndarjen e një numri të madh të gazetës ‘Zëri i
Kosovës’...
në këtë koncert ka qenë edhe Beati - anëtar i ‘Partisë marksiste –leniniste
të Zvicrës’ e cila në Biel e ka bibliotekën në të cilën shitet ‘Zëri i
Kosovës’...”
Raport i datës 13.11.1984:
“...në demonstratat antijugosllave të vitit 1983 në Zvicër ka marrë pjesë
edhe Rrustem Mahmutaj nga fsh. Lubeniq, KK Pejë, si dhe Brahim Elezi
nga Jabllanica e Vogël, KK Pejë ... Kam arritur që t’i marr tri fotografi nga
Rrustem Mahmutaj ku duket pjesëmarrja aktive e tij në ato demonstrata i
veshur me veshjen popullore shqiptare dhe me flamurin shqiptar, e po
ashtu duket edhe Brahim Elezi me duar të ngritura...”

[Kosovelli]

Gruaja e Kadri Zekës mban fjalim

Raport i datës 21.11.1984:
“... më 24.11.1984 viti, me fillim në orën 18:00, në Cyrih do të
organizohet demonstratë antijugosllave (organizator është LPRSHJ).
16
Raport i datës 07.12.1984:
“... më 17.12.1984 viti, Beat Schafer (e njohur si pronare e librarisë në
Biel) e ka hapur librarinë tjetër në rrugën ‘Neuengasse 43’ Vo Verdtt-
Passage në Bern së bashku me një student nga Prishtina i cili është
pjesëmarrës i demonstratave në Prishtinë dhe Bern. Në këtë librari ka
libra të ndryshëm me përmbajtje antijugosllave të ardhura në
Shqipëria...”
Raport i datës 20 12.1984:
“... më 24.10.1984 në një sallë të madhe (nuk dihet se ku) është mbajtur
një tubim me rastin e Festës së Flamurit. Kjo sallë ka qenë e mbushur me
fotografi të Enver Hoxhës, Kadri Zekës, Bardh e Jusuf Gërvallës, Rexhep
Malës, Nuhi Berishës e të tjerë. Kanë marrë pjesë rreth 1 000 njerëz nga
Zvicra, Gjermania, Franca dhe vendet e tjera. Tubimin e ka hapur gruaja
e Kadri Zekës, ndërsa të pranishmit i ka përshëndetur Hajdar Sadria nga
Ponosheci, KK Gjakovë ...
Rrustem Mahmutaj nga Lubeniqi, KK Pejë, ka recituar vjersha kushtuar
Bardhosh dhe Jusuf Gërvallës, Kadri Zekës, Rexhep Malës, Nuhi Berishës
e të tjerëve. Djali i Dervish Shaqës, Shpendi, ka kënduar këngë të
përmbledhjes “Këngët e Lirisë”... Në këtë tubim kanë marrë pjesë Hasan
Mala - Mixha, Hysen Tërpeza, Sadri Mulaj nga Kaliqani, KK Pejë, Kadri
Abdullahu, Sali Basha, Rizah Ali Shabani nga Dobra, KK Gjakovë e të
tjerë...
... Në dalje disa njerëz kanë shitur materiale propagandistike
antijugosllave me prejardhje nga Shqipëria, të cilat i ka sjellë Hajdar
Sadria ...”
Raport i datës 05.01.1985:
“ ... Kam kontaktuar me Idriz Halitin, i cili në bisedë në lidhje me
veprimtarinë e ‘LPRSHJ’ në Zvicër në mes të tjerash më ka thënë ‘Kam
qenë simpatizant dhe shumë kam punuar për LPRSHJ, por tash po e shoh
se me disa gjëra po udhëheq dikush tjetër e jo ‘Lëvizja’. Unë dhe anëtarë
të tjerë të familjes sime kemi qenë për atë që Kosova ta fitojë statusin e
Republikës, por tashti po i shoh gabimet e mia dhe të tyre. Sa i përket
udhëheqësit të LPRSHJ, e posaçërisht Xhafer Shatrit, duket qartë se në
çfarë gjendje është LPRSHJ, kur dihet se Xhafer Shatri ka ardhur me
detyra të UDB-së. Nuk pajtohem as me atë që shkruan ‘Zëri i Kosovës’,
sepse ato janë shkrime të Xhafer Shatrit dhe spiunëve të tjerë të UDB-së
të cilët po i devalvojnë demonstratat në Kosovë. Artikujt e tyre thjesht
janë produkt i Enver Hoxhës dhe Shqipërisë ... Demonstratat në Kosovë
në fillim nuk kanë pasur për qëllim bashkimin e disa pjesëve të
Jugosllavisë, Shqipërisë, por këtë më vonë e kanë bërë njerëzit si Xhafer
Shatri, Rrustem Mahmutaj dhe bashkëmendimtarëve të tjerë për t’i
17
prezantuar si kundërrevolucionare, sepse për këtë ata janë të paguar nga
regjimi jugosllav. Ata po përpiqen ta rrisin Enver Hoxhën dhe
Shqipërinë... Pajtohem vetëm me qëndrimet e Sabri Novosellës dhe
Xhafer Durmishit, të cilët e kanë demaskuar hapur Xhafer Shatrin dhe
ikjen e tij të improvizuar nga ana e UDB-së...

[Kosovelli]

Augustin Tinaj interesohet për Mahmut Bakallin

... Augustin Tinaj, emigrant nga Shqipëria, i cili jeton në Bern, nuk merret
më me kontrabandë armësh. Në bazë të një bisede që kam pasur me të,
kam fituar përshtypjen se ai është bashkëpunëtor i Shërbimit Sekret
Shqiptar, për shkak të interesimit të tij për njerëzit që kanë qëndrim lojal
ndaj Jugosllavisë, si dhe për njerëzit të cilët në një farë mënyre
bashkëpunojnë me ambasadën tonë në Zvicër dhe UDB. Augustini disa
herë ka qenë në Francë, Itali, Belgjikë dhe vende tjera. Është interesuar
për Mahmut Bakallin se ku është dhe me çfarë merret. Me rastin e vizitës
së ansamblit të këngëve dhe valleve nga Shqipëria, Augustini i ka
siguruar biletat për familjen e vet, ndërsa në fund ai nuk ka shkuar, me
gjasë në bazë të marrëveshjes që ka pasur me dikënd...”