Po Drue, S'po Due

[BROZALINI]

PO DRUE, NUK PO DUE

Kohët e fundit po vihet re se në politikën e majtë janë afruar pinjollë të kollarisur e me xhepat plotë të ish diktatorëve të regjimit të Enver Hoxhes dhe kanë nxjerrë kokën pak si shumë, ndoshta për të shpëlarë trutë e veta, ndoshta për të kërkuar falje për baballarët e tyre kriminelë, por këtë të fundit s’po e dëgjojmë e shohim askund: as në medja ku shpërthiqën tash e parë, as në Parlament, sepse kanë frikë të futën, mëqë e dinë fort mirë çka i pret në ballafaqim me krahun e djathtë që i fitoi zgjedhjet me 28 qershor 2009. Të birtë e “ Shekullit të Ri”, mendojnë se me të vërtetë ne kemi ngrënë bar kur na thonin baballarët e tyre, por ta harrojnë. Ky popull nuk ia dha votat Sali Berishës për të kaluar në diktaturë të re, por për të normalizuar gjendjen e futur në Evropë. Kurrësesi për t’u hakmarrë.
Kur Sali Berisha e të tjerë bashkoheshin me demonstruesit kundër regjimit, baballarët e tyre çirreshin në tribuna duke i quajtur fashistë, huliganë, jashtëqitje e kombit ata që u futën në ambasada . Të bijtë e baballarëve trashëgojnë cilësitë e atyre gjakpirësve të këtij populli.
“ Ne na drejtojnë të vdekurit”,- shkruan një psikolog”. Prandaj të kemi kujdes, se gjaku i atyre rrjedh tek të bijtë:
” MOS THUAJ SE VDES NJERIU,/ SE ËSHTË FJALË ÇILIMIU/ TEK I BIRI JETËGJATI,/ ËSHTË FSHEHUR I ATI”,- shkruante apostulli i shqiptarizmës, N. Frashëri. Dhe vazhdon: “Lindja vjen nga Perendimi”, ndërsa baballarët e Edvinit, të dy ilirëve (Gjoni e Beqja), Dritanit të Sulës së Bushatlinjve e vëllezërit e tyre siamezë, e kërkonin lindjen atje ku të lindurin e vdisnin pa lindur.
Tani ata duan pushtet, se bisnesin e kanë krijuar me paratë që ua lanë baballarët që na i vodhën ne. Ata janë kapitalistët e sotëm, pavarësisht se mbajnë slloganin, “socialistë”, alias “specialistë” si i pati etiketuar i ndieri Pjetër Arbnori.