FC Juventus

**{A_N_G_E_L_69}** · 19-10-2010, 12:24

http://www.sportishqiptar.com.al/wp-...3/juventus.jpg Juventusi, lëvizja fituese e Del Nerit

Juventusi i ri ka gjetur modulin e duhur. Puna e Xhixhi Del Nerit, pas tre muajsh stërvitje, fillon të duket dhe jo rastësisht, kanë nisur të vijnë loja dhe rezultatet. Ajo që ka rënë në sy, është se përveç rritjes së personalitetit dhe sigurisë së lojtarëve bardhezinj, sekreti i vërtetë i Juves erdhi kur trajneri ka braktisur modulin e tij historik, 4-4-2, për të kaluar te një jo shumë i maskuar 4-3-3.
Kundër Interit erdhi e reja e vërtetë: mbrojtja e zakonshme me katër, mesfusha me tre, me Melon, Akuilanin e Markizion, edhe pse lehtësisht i drejtuar nga e majta, Kualjarela e Krasiç, që nisen nga krahët, por të lirë për të dalë në qendër dhe një sulmues fiks (Amauri ose Iakuinta). Një 4-3-3 modern.
Për Del Nerin nuk duhet të ketë qenë e lehtë braktisja e modulit të tij klasik, por me siguri e ka kuptuar që për të shfrytëzuar cilësinë e dy lojtarëve juventinë në gjendje për të bërë ndryshimin, Krasiç e Akuilani, kishte nevojë të rregullonte diçka. Sakrifica më e madhe iu kërkua Markizios, i aftë të shfaqë instiktin sulmues dhe të ndihmojë Krasiçin ose Akuilanin, kur të dy dalin përpara.
Mbulimi i Melos së rilindur dhe Markizios, e lejon Akuilanin të mos kujdeset për organizimin e lojës dhe të ketë më shumë liri në detajimin e kohës së lojës. Dhe në të njëjtën kohë i jep Krasiçit, mundësinë të zhvendoset në rol sulmues. Një tjetër lojtar i vlefshëm, që e ka lejuar Del Nerin të bëjë këtë variacion strategjik, është Kualjarela. Ish-sulmuesi i Napolit di të niset nga larg, di të mbulojë kur duhet dhe është sulmuesi klasik i lëvizshëm, që nuk u jep pika referimi mbrojtjeve kundërshtare.
Duhet specifikuar që Juventusi në organikë nuk ka lojtarë të ngjashëm me Akuilanin (mungesa e tij mund të jetë një problem), ndërsa Kualjarela mund të zëvendësohet si nga Martinez, ashtu edhe nga Iakuinta. Rrezikojnë të penalizohen Pepe, që po lodhet të gjejë hapësirë dhe Del Piero, i cili po tregon besueshmëri për aq minuta sa luan.
Pra, Del Neri, për të mirën e “Zonjës”, ka parapëlqyer të përshtasë modulin e tij të dashur 4-4-2 për lojtarët që kishte në dispozicion, duke pasur një inteligjencë të madhe taktike. Juventusi ka rilindur edhe për këtë: jo vetëm lojtarë të rinj, por edhe modul i ri.

**{A_N_G_E_L_69}** · 19-10-2010, 12:25

Amauri: E ardhmja ime te Juvja në dyshim
Amauri ndihet mirë. Braziliani është i ndërgjegjshëm që forma e tij po përmirësohet pas dëmtimit dhe uron të luajë me vazhdimësi te Juventusi për të rifituar një vend në Italinë e Prandelit. “S’kam luajtur prej një muaji, duhet të luaj për të rigjetur formën, - deklaroi sulmuesi. Vetëm ndeshjet dhe golat më ndihmojnë të rigjej “axurrët”.
Juventusi mes katër të parave? Duhet të arrijmë, është një nga objektivat tanë. Në Torino ndihem shumë mirë, por nuk e di akoma nëse e ardhmja ime do të jetë këtu. Del Piero? Është një lojtar i madh, ka bërë historinë e futbollit. Melo? Para 11-metërshit më tha se do të godiste parabël”.

**{A_N_G_E_L_69}** · 19-10-2010, 12:28

“Rekordi i Del Pieros? Më vjen pak keq”
Të dielën arriti Xhiampiero Bonipertin. Aleks Del Piero ka hyrë përfundimisht në historinë e Juventusit, me golin numër 178, atë të 4-0-it kundër Leçes në “Olimpiko”. Ish-sulmuesi bardhezi, tani shijon nga larg njeriun që pritet t’i marrë “fronin” dhe thyejë rekordin. “Ndjeva një kënaqësi të madhe, - tha Boniperti. - Pastaj pavarësisht nga numrat, jam shumë krenar për Aleksin.
Del Piero është një kampion i madh, jam i lumtur për të, ndonëse më vjen pak keq. Megjithatë, duke e njohur Del Pieron që të vogël dhe faktin që e solla unë te Juventusi, më jep kënaqësi. Duhet të vazhdojë kështu për t’u dhënë kurajo brezave të rinj”.

**RaPSouL** · 19-10-2010, 12:50

{A_N_G_E_L_69} kujdes me artikujt që i sjell, në forum egziston regulla mbi autorët e çdo teksti dhe çdo shkrimi që sjell duhet ti bashkangjesësh edhe burimin e vet, edhe diçka tjetër temat e skuadrave janë të hapura për të sjell më shum mendime të anëtarëve dhe postime për tu diskutuar e jo të mbushen me artikuj gazetash, mundohu të shprehesh mendimin tënd e jo atë të artikujve sepse mbushen temat me artikuj që nuk janë të anëtarëve të forumit, shpresoj të më kuptosh.

Përshëndetje.

**{A_N_G_E_L_69}** · 19-10-2010, 13:34

Postuar më parë nga RaPSouL

{A_N_G_E_L_69} kujdes me artikujt që i sjell, në forum egziston regulla mbi autorët e çdo teksti dhe çdo shkrimi që sjell duhet ti bashkangjesësh edhe burimin e , edhe diçka tjetër temat e skuadrave janë të hapura për të sjell më shum mendime të anëtarëve dhe postime për tu diskutuar e jo të mbushen me artikuj gazetash, mundohu të shprehesh mendimin tënd e jo atë të artikujve sepse mbushen temat me artikuj që nuk janë të anëtarëve të forumit, shpresoj të më kuptosh.

Përshëndetje.

Ok, do e mar parasysh kete.

**Bamba** · 19-10-2010, 16:22

Postuar më parë nga RaPSouL

Melo po i habit të gjithë vetëm ta karahasojmë me sezonin e kaluar ai mbajti premtimin se do të rikthehet në një lojtarë të jashtzakonshëm dhe në një të tillë po shëndrohet dita-ditës vetëm përmisime, sezonin e kaluar e gjithë publika e urrenin dhe fishkëllenin kur u largonte nga stadiumi ndërsa sot japin duartrokitje të gjithë të çuar në këmbë kur ai largohet, poashtu loja e tij përputhet shumë me atë të Aquilanit që po inkuadrohet në një kohë tepër të shpejt në skuadër dhe të dy krijojnë një mesfush kompakte dhe funksionale duke mos lënë pa përmendur Marchision dhe Krasic që janë fenomenal.

Melo nuk ishte keq as sezonin e kaluar, problemi qendroi se ishte i gjithe ekipi qe nuk funksionoi, sic nuk luajti mire as Diego, qe eshte lojtar klas. Melo eshte lojtar jo vetem i forte por dhe teknik...e boni bukur fare penalltine!

**RaPSouL** · 19-10-2010, 19:02

Postuar më parë nga Bamba

Melo nuk ishte keq as sezonin e kaluar, problemi qendroi se ishte i gjithe ekipi qe nuk funksionoi, sic nuk luajti mire as Diego, qe eshte lojtar klas. Melo eshte lojtar jo vetem i forte por dhe teknik...e boni bukur fare penalltine!

lol, ishte penallti mahnitëse ajo, habia filloi që kur e mori topin për ta goditur ishte e para penallti që godet për Juven dhe kisha dyshimet e mia në atë gjuajtje por e bëri aq mirë saqë sbëhet më mirë, forca Juve.

**Juventus** · 20-10-2010, 05:22

http://www.facebook.com/photo.php?fb...8.254142777338

ketu mund te shihni tabelen e Seria A momentalisht dhe si duhet te jete, nese referet nuk do kishin gabuar.