Lufta e minareve, Berlini në referendum

[Lulzim7]

Europa rikthen debatet për simbolet myslimane në qytete, menjëherë pas refuzimit të qartë me referendum në Zvicër të ndërtimit të minareve të reja. Në Gjermani kanë nisur tashmë diskutimet lidhur me ndërtimin ose jo të xhamive të reja, ndërsa analistët e çështjet sociale e fetare pohojnë se distanca mes Lindjes dhe Perëndimit po bëhet gjithnjë e më e madhe që prej atentateve të 11 shtatorit 2001 dhe luftës kundër terrorizmit, me gjasë të motivuar nga feja. Dialogu mes kulturave dhe feve bëhet edhe më i vështirë, sa më e fortë është bërë këmbëngulja e populistëve në të dy kampet për t'i bërë njerëzit të pasigurt. Në një shtet modern demokratik si Gjermania, ligji themelor është mbrojtja më e mirë ndaj demagogjisë dhe ekstremizmit. Referendumet mbi tema politike janë të rrezikshme për paqen e brendshme dhe parimin e ndarjes së qartë të pushteteve. Pas Luftës së Dytë Botërore, popujt e Evropës Perëndimore, nën përshtypjen e mizorive të përjetuara kanë bërë të vetën demokracinë. Edhe vendet evropianolindore, që prej dy dhjetëvjeçarësh kërkojnë shpëtimin e ofruar nga demokracia, pasi populli përmes zgjedhjeve mund të delegojë për një kohë të caktuar pushtetin tek partitë dhe politikanët, parlamentet dhe qeveritë. Kush kërkon të dobësojë parlamentin dhe partitë me mjetin "referendum popullor", guxon të nisë një lojë të rrezikshme. Pas krimeve brutale për shembull, një referendum popullor i mbajtur menjëherë më pas, me shumë gjasa do të kishte si rezultat kërkesën për rivendosjen e dënimit me vdekje, nëse pyetja do të ishte: a duhet të qëndrojë vrasësi në burg me shpenzimet e shtetit apo duhet dënuar me vdekje. Ligji themelor dhe ligjet e hartuara nga politikanët dhe qeveritë e zgjedhura rregullojnë dënimet më të rënda të përgjegjshme në aspektin njerëzor - dhe është mirë kështu. Rreth 30 për qind e popullsisë në Gjermani nuk janë të krishterë dhe vetëm 5 për qind e njerëzve në këtë vend janë myslimanë. Xhamitë dhe kishat janë qendra të dialogut dhe duhet të ishin pjesë e normalitetit në një vend emigrimi. Fakti që njerëzit me besim të ndryshëm nga ai islam kanë një status shumë më të vështirë në vendet islamike në krahasim me myslimanët në Gjermani, është një argument i dobët pasi shembujt negativë nuk duhen imituar.

[Lulzim7]

"Shtetet myslimane të tërheqin paratë nga Zvicra"


Ministri i Shtetit turk, Egemen Bagësh, pas rezultateve të referendumit në Zvicër që ndalon ndërtimin e minareve, i bëri thirrje vendeve myslimane të tërheqin paratë nga Zvicra dhe t'i depozitojnë në bankat turke.
"Jam i bindur se ky vendim do të ndikojë te vendet myslimane që të rishikojnë edhe njëherë vendimin për të depozituar paratë në bankat zvicerane. Kur në 2008 bankat po falimentonin në mbarë botën, sektori bankar turk nuk u ndikua aspak duke i hapur dyert", tha ministri turk.

Bagësh thekson se shkuarja në referendum për një çështje të tillë ishte e gabuar, ndërkohë që kujton se dy shtete anëtare të BE-së si Franca dhe Suedia kanë kritikuar këtë vendim ekstrem të Zvicrës. "Me këtë vendim Zvicra nuk mund të shpëtojë nga të qenit një `muze ajror intolerance' ", ndërkohë që sipas ministrit turk, Turqia megjithëse me një popullsi 99% myslimane, xhamitë gjithmonë kanë qenë pranë kishave dhe sinagogave, duke përbërë një shembull të mirë të harmonisë fetare.

Për këtë temë ka folur edhe presidenti turk Abdullah Gyl i cili theksoi se ky vendim binte në kundërshtim me parimet dhe të drejtat themelore. "Kjo është një tregues i rritjes së armiqësisë ndaj Islamit në Perëndim. Është vërtet e turpshme", tha ai.

[drague]

ne turqi i kane te sigurta parate.se po irruhet zvicres.