Kadaja dhe Kaderi ( Percaktimi i Zotit)

[fisniku-student]

<<
b) Nuk mund të bëhet fjalë për një kader të njëanshëm ku s'llogaritet vullneti.

Pika më e ndjeshme, "jetike", e çështjes së kaderit është kjo: ndërsa Allahu e shkruante Librin e Kaderit duke e ditur çdo gjë që më parë në sajë të dijes së tij të pafundme, akti i njeriut ose vullneti i tij që e krijon aktin e tij, nuk është lënë jashtë këtij shkrimi ose nuk është përjashtuar. Pjesa që i takon njeriut është "ta shtypë butonin" (të dëshirojë dhe të iniciojë), kurse pjesa që i takon Allahut, ta krijojë aktin që dëshiron dhe inicion njeriu, të krijojë rezultatin e dëshiruar. Ja, pra, kësaj i themi "kader": përcaktimit dhe shënimit të njëkohshëm të këtyre dy faktorëve.

Mendoni një orë në dhomën pranë, që s'e shihni dot, por që ia dëgjoni tiktakun. Po ju pyetën nëse punon apo jo, ju përgjigjeni pa ngurrim "punon", sepse ia dëgjoni tiktakun. Në këtë mes, ju s'keni aspak dyshim që të gjitha detajet e orës, ingranazhet me dhëmbëza, akrepët, lavjerësi, nëse ka, funksionojnë dhe lëvizin. Pra, vetëm dëgjimi i tiktakut ju mjafton për të arritur në përfundimin se ora punon. Edhe e kundërta, po qe se keni para një orë që s'i dëgjohet ose s'ia dëgjoni dot tiktakun, por vetëm ia shihni akrepin e sekondave tek lëviz, vetëm lëvizja e tij ju bind se ora punon. Po si kjo, po pati kader, ka edhe vullnet ose, nëse duam ta trajtojmë vullnetin, mund ta trajtojmë vetëm bashkë me kaderin.

Në këto kushte, njeriu nuk është para kaderit një robot me duar e këmbë të lidhura. E shprehur ndryshe, njeriu nuk është një merimangë e mbështjellë në pezhishkën e kaderit të vet, nuk është një i dënuar me vdekje me vendimin të varur në qafë, me duart dhe këmbët të lidhura me pranga, ose një i dënuar i mjerë, i hedhur në det për t'u mbytur, me të cilin, për më tepër, ekzekutorët e tij tallen duke i thënë të ketë kujdes se mos laget! Sigurisht, jo vetëm kaderi s'është ky, por edhe njeriu s'është një gjethe e thatë që e vërvit era nga të dojë. Në çdo çështje të Islamit ka masë (oportunitet) dhe orientim. Për shembull, nëse zemërimi në çdo vend dhe për çdo gjë është një te*prim në të djathtë, pra, një sjellje dhe qëndrim intolerant, edhe heshtja dhe urtësia para çdo sjelljeje dhe veprimi janë një teprim në të majtë, pra, një sjellje indiferente, një tolerancë e panevojshme dhe e gabuar. Siç është qëndrim i skajshëm mohimi i femrës dhe ndenjja pa u martuar fare, është qëndrim i skajshëm edhe mendimi për të përfituar prej çdo femre që të del para! Nëse totemizimi i kapitalit është një qëndrim ekstrem, edhe mohimi i kapitalit është një qëndrim ekstrem në anën tjetër. Edhe në çështjen e kaderit, t'ia atribuosh gjithçka njeriut dhe të thuash se "njeriu e krijon vetë aktin e tij" (racionalizmi i mutezilitëve, fraksionistëve racionalistë), është qëndrim i skajshëm; gjithashtu, ta bësh njeriun të paralizuar para kaderit duke thënë se "njeriu nuk ka pjesë fare, nuk ka asnjë funksion në aktin e tij" (determinizmi i xhebritëve, deterministëve) është qëndrim i skajshëm në anë të kundërt. Kurse sunnitët, për pikëpamjet e të cilëve u përpoqëm të bëhemi interpretë gjatë gjithë trajtimit të çështjes, duke mbajtur, edhe në këtë çështje, rrugën e mesme të së vërtetës, thonë: "Vullneti dhe iniciativa janë të njeriut, kurse krijimi i aktit të dëshiruar dhe iniciuar prej njeriut, është i Allahut".

Eshtë Allahu që i krijon edhe orientimin (rrugën e drejtë), edhe çorientimin (rrugën e shtrembër), edhe të mirën, edhe mëkatin. Nëse njeriu dëshiron të shkojë në xhami ose të bëjë një punë të mirë dhe inicion, domethënë priret dhe vë në veprim vullnetin e vet në këtë drejtim, Allahu e çon atje ku dëshiron, priret dhe përpiqet. Po kështu, nëse njeriu dëshiron të shkojë në pijetore ose të bëjë një punë të keqe dhe inicion, pra, priret dhe vë në veprim vullnetin e vet në këtë drejtim, në këtë rast, Allahu, ose e çon në pijetore, në punë të keqe duke i dhënë mundësi të humbë, të pësojë disfatë, etj., ose nuk e çon, e pengon nga rruga e keqe dhe e mbron. Një fjalë e shëmtuar e thënë për Allahun dhe të Dërguarin e Tij mund ta vërë në lëvizje atributin Mudil (çorientues) të Allahut për t'i dhënë përgjigjen e merituar thënësit sipas qëllimit të tij të keq, pra, dhe duke mos i bërë padrejtësi. Shkurt, njeriu që zgjedh rrugën e drejtë ose të shtrembër, çohet në atë rrugë dhe bëhet të arrijë në rezultatin që ka dëshiruar. Prirja, dëshira dhe inicimi janë të njeriut, kurse realizuesi i tyre është Allahu. Prandaj dhe njeriu, në botën tjetër, do të shpërblehet ose ndëshkohet sipas llojit të aktit të dëshiruar dhe inicuar prej tij.

>>> c)

[fisniku-student]

c) Kaderi përfaqëson tërësinë unike të shkaqeve dhe shkaktarëve; edhe mjetet në dorë të vullnetit janë të shënuara në Librin e Kaderit.

Pas një aksidenti, pas një vdekjeje, shkurt, pas një ngjarjeje të hidhur, themi, "sikur të mos kish shkuar atje", "sikur të mos e kishte marrë armën në dorë", "sikur të mos kishte ecur me aq shpejtësi", etj., kurse në kader janë shënuar, së bashku me ngjarjen, edhe të gjithë faktorët dhe shkaqet përbërëse duke filluar me vullnetin e njeriut (viktimës apo fajtorit), edhe të gjithë faktorët dhe shkaqet anësore, pra, ngjarja është shënuar me të gjitha hollësitë e jetës në të gjitha çastet dhe aspektet e saj.

Bie fjala, po qe se një njeri ka vrarë një njeri tjetër me armë zjarri duke vepruar me vullnet, kjo gjë është ditur nga dija e pafundme e Allahut qysh në pafillimshmëri dhe është shënuar: "Iks person, duke e përdorur me vullnetin e vet armën e zjarrit, do t'ia tërheqë këmbëzën me gishtin e vet dhe, si përfundim, ipsilon person do të vdesë!" Po të mos ishte shkaku, arma e zjarrit nga u hodh plumbi dhe gishti që tërhoqi këmbëzën, si do të realizohej vdekja e personit në fjalë? Ta zëmë se do të vdiste në një aksident automobilistik. Atëherë themi se për të paska qenë e shkruar se do të vdiste në një aksident automobilistik. Ose, nëse shkaku i vdekjes do të ishte një sëmundje, do të thoshim se për të paska qenë e shkruar se do të vdiste nga një sëmundje, etj.

[fisniku-student]

ç) Si përfundim, kaderi e mbështet vullnetin dhe që të dy shkojnë paralelisht. As kaderi s'e mohon vullnetin, as vullneti s'e mohon kaderin.

Çështjen mund ta shprehim me fjali konkluduese të formuluara qartë e prerë.

1. Në gjithësi sundon një kader dhe program hyjnor, kurse te njeriu ka prirje dhe vullnet.

2. Meqë Allahu zotëron dijen e pafundme, të shkuarën, të tashmen dhe të ardhmen i sheh dhe i di si një moment të vetëm.

3. Allahu i shënon dhe shkruan si libër të gjitha ngjarjet që do të ndodhin në të ardhmen.

4. Ne bëjmë diçka jo pse ashtu e ka shkruar Allahu (sepse s'e dimë se si ka shkruar për ne), kurse Allahu shkruan ashtu sepse e di qysh më parë se si dhe për çfarë do ta përdorim ne vullnetin tonë.

5. Duke e shkruar kaderin tonë, Allahu nuk e përjashton vullnetin tonë, por shkruan duke e futur në llogari se si do ta për*dorim vullnetin tonë.

6. Përveç atyre që na favorizon, Allahu na premton xhennetin, parajsën, si shpërblim të përdorimit të vullnetit tonë në rrugën e Tij!

[ILMGAP]

finsniku-student..........

une po kembengul (ne vend textremes) .......! Pyetja: "E di Zoti se ku do shkoj une ? (ne xhenet apo xhenem) ............. "E di Zoti ne do e postoj une kete pergjigje apo jo?"

mundesishte te me pergjigjesh me "PO" ose "JO" po kembengul dhe une ......... apo mund dhe te pergjigjesh me fjale tuaja ............ sepse copy/pastet nga dijetaret arab i kam inat.



mbetsh i pershendetur.

[injejti]

Ka dijetar qe ka qen me i madhi ne kohen e vet, SHQIPTAR, po qe te intereson mund nga librat e tij te lexosh ka shum nga aj, SHEIH ALBANI,

[EuroStar1]

7:178. Atë që All-llahu e udhëzon, ai është në rrugë të drejtë, e atë që e humbë, e ata janë të dëshpëruarit.

Perse dikend e udhezon Allahu dhe dikend e humb ? A nuk duhen udhezuar te gjith njerzit ? Une ketu verej qe Allahu disa i don dhe disa nuk i don.

Atehere lind pyetja : Allahu i paska krijuar njerzit me fate te paracaktuara, disa per ferr dhe disa per parajs.

Kur e pyeten muhametin se perse duhet te lodhemi kot perderisa Allahu i ka caktuar njerzit se ku do shkojn , Ai u pergjigj: Punoni se gjithsecilit i vjen me lehte per cfar eshte krijuar (Pra gjerat jan ndare) Njerzit lodhen kot duke u munduar per ti fituar kenaqesin Allahut , sepse sic thote dhe ne kuran :

16:37. Nëse ti (Muhammed) përpiqesh për t'i vënë në rrugë të drejtë ata, (dije se) All-llahu nuk e udhëzon atë që e ka humbur, dhe për ata nuk ka ndihmëtar.

28:56. Është e vërtetë se ti nuk mund ta udhëzosh atë që do ti, por All-llahu udhëzon kë të dojë dhe Ai është që di më së miri për të udhëzuarit

Tani a mund ti shpjegoje dikush keto udhezimet dhe mosudhezimet e Allahut ?

Nese nuk mundeni nuk ka problem se nuk eshte se keni mundur te shpjegoni gje ndonjehere

[Sirius]

Perse dikend e udhezon Allahu dhe dikend e humb ? A nuk duhen udhezuar te gjith njerzit ? Une ketu verej qe Allahu disa i don dhe disa nuk i don.

Atehere lind pyetja : Allahu i paska krijuar njerzit me fate te paracaktuara, disa per ferr dhe disa per parajs.

Kur e pyeten muhametin se perse duhet te lodhemi kot perderisa Allahu i ka caktuar njerzit se ku do shkojn , Ai u pergjigj: Punoni se gjithsecilit i vjen me lehte per cfar eshte krijuar (Pra gjerat jan ndare) Njerzit lodhen kot duke u munduar per ti fituar kenaqesin Allahut , sepse sic thote dhe ne kuran :



Tani a mund ti shpjegoje dikush keto udhezimet dhe mosudhezimet e Allahut ?

Nese nuk mundeni nuk ka problem se nuk eshte se keni mundur te shpjegoni gje ndonjehere

Ti mendon se je duke jetuar por nuk e di se je ne nje jet replay (per zotin) dhe kete video DivX ai mund ta shofi sa her te do dhe te vendos a meriton te udhezohesh apo jo.

Jam pergjigj nje here ne nje shkrim te vetem te gjitha hamendjeve qe beni lidhje me zotin shkrim i cili ju ka thy turit te gjith kaurrave (te pakten atyre qe e kan kuptu) por qe u fshi pasi u konsiderua si replik nga ana e moderatorit sepse cenonte edhe besimin e tij kjo nuk eshte faji im.

p.s. te kisha qen prej besimtareve musliman keshtu isha pergjigj por qe perceptimet e mija jan krejt ndryshe nga ato qe shkruhen ku do (Kuran, Bibel etj...) mos me citoni se nuk kam ndermend te debatoj me me askend.


Kisha lutur dikend te hapi nje tem perse frekuentoet kaq shum ky nenforum toleranca fetare sepse nuk du te me figuroj nicki tek ky forum si hapes i temes.

[EuroStar1]

qdo njeri eshte i lir sepse kete njeriu vet e ka kerku dhe qdo njeri vendos per fatin e vet kuptoje njeher e pergjithmon se zoti njeriun e ka len te lir sepse vet njeriu e ka kerku nje gje te till mirpo zoti ska qen i pa meshirshum ndaj njeriut edhe pse njeriu ka tregu kryelartsi kur e ka marr mbi vete fatin e tij por zoti u tregu shum i meshirshum duke dergu me mijra shpalljeve permes mijra pejgamberve me argumente te qarta qe njerzit ti udhezoj ne rrugen e drejt

Ximi a mundesh ti citosh ato 3 ajete qe kam sjelle duke i shpjeguar konkretisht ?

41:25. Ne u patëm mundësuar atyre të kenë asi shokësh që ua hijeshojnë atë që e bënin në atë kohë (në Dunja) dhe atë që do t'u vijë më vonë dhe ashtu dënimi ndaj tyre u bë me vend, si ndaj popujve që ishin para tyre nga xhinët dhe njerëzit, se vërtet ata ishin të humbur.
Pse ja kan mundesuar njeriut dhe tani e ven para pergjesise ?

32:13. Sikur të kishim dëshiruar Ne, secilit do t'i jepnim udhëzimin, por fjala (vendimi) Ime ka marrë fund (definitiv) se do ta mbushë xhehennemin së bashku me exhinë e njerëz.
Pse nuk deshironte Allahu qe secilit ti jepte udhezim ?

Citim:

16:37. Nëse ti (Muhammed) përpiqesh për t'i vënë në rrugë të drejtë ata, (dije se) All-llahu nuk e udhëzon atë që e ka humbur, dhe për ata nuk ka ndihmëtar.

[ramazan_it]

Ku ishte pergjigja qe se kam lexuar ? A mund te ma perserisesh ? Deri tani vetem ximi qe u mundua te me sqaroje dhe po pres replike per citimin qe i bera, te tjeret as nuk i jan afruar temes fare se per cfar ben fjale, kjo ngaqe nuk keni njohuri te mjaftueshme dhe i merni gjerat tabu pa medituar mbi to

Lexoj me vëmendje EuroStar fjalët e Krijuesit se kë e udhëzon dhe kë e devijon:

"...udhëzona (përforcona) në rrugën e drejtë!"

"Ky është libri që nuk ka dyshim në te (sepse është prej All-llahut) është udhëzues për ata që janë të devotshëm."

"All-llahu nuk ngurron që të marrë çfarëdo shembulli, qoftë mushkojë a diçka edhe më e imët se ajo. Për sa u përket atyre që besuan, ata e dinë se ai (shembull) është i vërtetë nga Zoti i tyre, ndërsa ata të cilët mohuan do të thonë: "Ç'deshi All-llahu me këtë si shembull?" Ai me te humb shumë, e po me te udhëzon në rrugën e drejtë shumë, po me përjashtim të atyre që janë jashtë rrugës, Ai me te nuk humb tjetër."

"Ne u thamë: "Dilni prej atyhit që të gjithë, e juve gjithqysh do t'u arrijë udhëzim prej Meje, e kush e pranon udhëzimin Tim, për ata nuk ka as frikë as që do të brengosen"."

"Ata janë që në vend të udhëzimit e morën humbjen dhe dënimin në vend të shpëtimit. Sa të durueshëm qenkan ata ndaj zjarrit?"

[init-6]

I paske ven te gjitha simbolet, paske ndryshuar edhe avatarin, te shkojn, komplimente

16.35.
Ata që i bënin shok Zotit (idhujtarët) thanë: “Sikur të kishte dashur All-llahu, as ne, e as prindërit tanë nuk do të adhuronim asnjë send pos Tij, dhe nuk do të ndalonim (nuk do ta konsideronim të ndaluar) asnjë send pos (ndalesave të) Tij. Kështu (këso gënjeshtrash) bënin edhe ata që ishin para tyre. Po a mos kanë të dërguarit obligim tjetër, përveç që t’i njoftojnë qartazi?
16.36. Ne dërguam në çdo popull të dërguar që t’u thonë: “Adhuroni vetëm
All-llahun, e largojuni djajve (adhurimit të tyre)!” Por, pati nga ata që All-llahu e udhëzoi dhe pati nga ata që ishte i gjykuar me humbje, pra udhëtoni nëpër botë dhe shihni se si ishte fundi i gënjeshtarëve?
16.37. Nëse ti (Muhammed) përpiqesh për t’i vënë në rrugë të drejtë ata, (dije se) All-llahu nuk e udhëzon atë që e ka humbur, dhe për ata nuk ka ndihmëtar.
16.38. Ata u betuan në All-llahun, me betimin e tyre të fortë se “All-llahu nuk e ringjall atë që vdes!” Po, (i ringjall) ai është premtim i Tij i prerë, por shumica e njerëzve nuk dinë.
16.39. I ringjall për t’ua sqaruar atyre atë për çka përçaheshin dhe, për t’ua bërë me dije atyre që nuk besuan se me të vërtetë ishin gënjeshtarë.




Kështu (këso gënjeshtrash) bënin edhe ata që ishin para tyre. Po a mos kanë të dërguarit obligim tjetër, përveç që t’i njoftojnë qartazi?
16.36. Ne dërguam në çdo popull të dërguar që t’u thonë: “Adhuroni vetëm
All-llahun, e largojuni djajve (adhurimit të tyre)!” Por, pati nga ata që All-llahu e udhëzoi dhe pati nga ata që ishte i gjykuar me humbje, pra udhëtoni nëpër botë dhe shihni se si ishte fundi i gënjeshtarëve?


Pra ALL-LLAHU nuk udhezon popullin qe REFUZON, kur dikush pershembull refuzon qe ka ardhur nga majmuni a do e detyrosh ti me zor qe te te besoj?
keshtu edhe All-llahu, nuk i Udhezon njerezit kur ata nuk e duan udhezimin


Ej po le nam e kam sinqerish, ç'do njeri qe lexon temen e kupton se ti thjesht po shpreson qe duke postuar shume plehra/genjeshtra te mundesh te verteten, pergjigja te eshte dhene dhe do te jepet vazhdimisht, dhe ti prap shpreson se do arrish te mbulosh te verteten duke postuar shpesh, me shume e duke i shtuar faqet me postime boshe duke i len te mendoj atij qe po lexon temen te shkeputur qe pretendimet e tua nuk jane hedhur poshte, por kete nuk mund ta besh, as ti e as shoket e tu

https://encrypted.google.com/search?...ed=0CEoQqwQwCA