Pensionet per emigrantet ne Zvicer

[angert]

Shqiptarve Kosovarë që kanë përfituar nga pensionet zvicerane si invalidë dhe kanë jetuar në Kosovë, do t’u bllokohen për një kohë pensionet. Ambasadori i Zvicrës në Kosovë, Lukas Beglinger, shpjegon se kjo masë e ndalesës është aplikuar për shkak të dyshimit të Qeverisë zvicerane se këto pensione po keqpërdoren.
Kosova bashkë me Tailandën ka qenë e zgjedhur si vend pilot për të verifikuar nëse ata që marrin pensione janë ende gjallë dhe jetojnë në Kosovë. Për këtë ka qenë e angazhuar një kompani që ka kryer hulumtimin dhe ka lajmëruar Departamentin për Sigurime Sociale në Zvicër se dyshohet se janë abuzuar paratë e pensioneve.
Për këtë arsye, ambasadori Beglinger thotë se është vendosur që për rastet e paidentifikuara të ndërpriten pensionet derisa të vërtetohet që përfituesit ende jetojnë në Kosovë.
"Vetëm rastet për të cilat nuk jemi të sigurt se personat që u takon pensioni invalidor janë gjallë ose për ato raste që dyshohet se pensionet janë keqpërdorur nuk do të marrin pension tani për tani”, thekson Beglinger.
Sipas tij, Zvicra ka votuar së fundi për të rritur preminë e pensioneve dhe në të njëjtën kohë qeveria ka premtuar se do të jetë më e angazhuar për luftimin e abuzimeve me këto para.
Kjo thotë se aplikohet për pensionistët brenda territorit të Zvicrës, gjithashtu dhe për ata që jetojnë jashtë Zvicrës.

Megjithatë, Beglinger pranon se në Kosovë, krahasuar me vendet e rajonit, është problem identifikimi i personave, sidomos për shkak të mungesës së regjistrimit të popullsisë dhe shumë njerëz njëkohësisht kanë pasaporta të ish Jugosllavisë. "Teknikisht është e vështirë të verifikohet një person nëse jeton në Kosovë ose jo”, Beglinger.

Deri më tani ai thotë se ka ekzistuar një marrëveshje për sigurime sociale, të cilën Qeveria zvicerane e ka arritur me Jugosllavinë në vitet e 60-ta. Që atëherë kjo marrëveshje nuk është rishikuar dhe nuk është arritur deri më tani asnjë marrëveshje me Kosovën.

"Ka qenë një diskutim në Parlament për këtë çështje, pasi që është thënë se po abuzohet me pensionet dhe parlamentarët e kanë përmendur Kosovën dhe është thënë të mos aplikohet më kjo marrëveshje që kemi pasur me Jugosllavinë edhe tani për Kosovën nga viti i ardhshëm”, thekson Abasadori Beglinger.

Por, derisa nuk zgjidhet problemi i identifikimit të pensionistëve invalidorë në Kosovë, nuk do të aplikohet edhe kjo marrëveshje.

"Qëndrimi i qeverisë sime është që të verifikojë pensionistët që janë në Kosovë dhe për këtë do të bashkëpunojmë me institucionet e Kosovës. Varësisht prej rezultateve të bashkëpunimit, mund të shohim nëse mund të negociojmë marrëveshje të re”, thekson ai.

Ndërkaq, numri një i Qeverisë zvicerane në Kosovë kërkon nga kosovarët të mos e kuptojnë ndalesën e përkohshme të pensioneve invalidore si bllokadë vetëm ndaj tyre. Kjo masë, sipas tij, do të aplikohet për të gjithë shtetasit tjetër të huaj, derisa të analizohet secili rast për të vlerësuar shkallën e invaliditetit.

Zvicra paguan rreth 59 mijë pensione për njerëz që jetojnë jashtë këtij shteti, ku 43 mijë prej tyre janë shtetas të Bashkimit Evropian, derisa pesë për qind e tyre janë nga Ballkani Perëndimor.

[angert]

HAJDE ZVICERR HAJDE
puno njeriu sakatosur dhe ne fund te ndalin edhe pensionin kahdo e gjith diten sorollaten me gjet makina te parkuara keq dhe menjiher vrapojne me denime -
mundohen te kursejne te grumbullojne para ku do por miliarderet keqperdoruesit nuk i prekun kapitalizem i eger do te thot mbrojtje ete pasurve dhe shkelje e te varferve
un jam kunder kapitalizmit te eger jam per kapitalizem human njerzore


me shum kundershtim kategorik jam kunder kapitalizmit idiotik e anakronik kriminal
plaqkits qe te pasurve nuk guzojne me ua prekur as nje kime floku
ndersa te varfriot i rjepn per se gjalli me me toda gjith far lloji e me ideje per ti shtypur te varfrit pamshirshem
prandaj e urrej qifligarizmin barbar kanibalist kerkoj nje sistem ma human
njerzore kapitalizem ku mbrpohen dhe ju jepet shans edhe te varfrit jo vetem te pasurit