Të mësojmë të shkruajmë pa gabime

[-BATO-]

1) Kur ç-ja përdoret si shkurtim i përemrit pyetës çfarë, për shembull: ç'dobi, ç'është, ç'ke etj.

2) Kur pjesëza s përdoret si mohim me kuptimin nuk: s'na, s'dua, s'do etj.

3) Te trajtat e shkurtra: m'i, t'i, t'u, t'ia, t'ua, t'ju, t'jua. Nuk përdoret për ta dhe ma.

Kaq më kujtohen tani, po duhet të ketë dhe të tjera.

[LJanina]

Jarigas ose Bato mund te beni nje liste me fjalet qe perdoren me apostrof ne shqipe????

Ja një listë me 100 fjalë me një apostrof:
1 t'i
2 t'u
3 s'ka
4 s'e
5 s'i
6 m'u
7 s'është
8 t'ia
9 s'më
10 s'ia
11 ç'është
12 s'të
13 ç'të
14 s'di
15 s'ke
16 s'bëhet
17 s'mund
18 s'kam
19 ç'e
20 s'kishte
21 s'u
22 ç'i
23 t'iu
24 s'bën
25 ç'ka
26 s'lë
27 s'merr
28 s'la
29 s'na
30 ç'më
31 ç'u
32 ç'na
33 s'do
34 s'ma
35 ç'bën
36 t'ua
37 m'i
38 ç'bëhet
39 s'del
40 s'kemi
41 s'mban
42 s'ta
43 s'duhet
44 s'dua
45 s'iu
46 ç'do
47 ç'duhet
48 ç'kam
49 s'ha
50 s'kanë
51 s'rri
52 s'ëmës
53 ç'ke
54 s'dihet
55 s'dinte
56 ç'po
57 s'jam
58 s'janë
59 s'po
60 s'qullët
61 t'et
62 s'jemi
63 ç'kishte
64 ç'pati
65 ç't
66 ç'thotë
67 s'duron
68 s'mbahet
69 s'vlen
70 ç'janë
71 s'bie
72 s'bëri
73 s'pyet
74 ç'qe
75 s'ngopet
76 s'pushon
77 ç'ishte
78 s'lëviz
79 s'mbeti
80 t'ju
81 ç'thua
82 s'dëgjon
83 s'ecën
84 s'erdhi
85 s'hahet
86 s'kishin
87 s'qëndron
88 s'vjen
89 ç'pret
90 ç'paska
91 s'duket
92 s'foli
93 s'gjen
94 s'hyn
95 s'ngjitet
96 s'pa
97 s'tundet
98 ç'gjendje
99 ç'ndodh
100 s'bëhen

[LJanina]

1. ç't'i
2. ç'm'u
3. s'm'u

[-BATO-]

LJanina, je i sigurt që përdoren dy apostrofa? A mund të na sjellësh ndonjë rregull të shkruar për këtë?

[LJanina]

LJanina, je i sigurt që përdoren dy apostrofa? A mund të na sjellësh ndonjë rregull të shkruar për këtë?

Ç'm'u bë lapsi?
Ç'm'u desh që dola (që vajta, që shkova, që erdha!)
S'm'u dha t'i përgjigjesha (t'i flisja, ta lajmëroja).
Flet ç't'i vijë në mendje.
S'ka ç't'i bëjë.
S'kishte ç't'i hante miu pas darke.
Ia dëshironte (ç't'i dëshirojë) zemra.

[-BATO-]

Nuk e pata fjalën për shembuj, se me shembuj e se si mund të përdoret. E pata fjalën për ndonjë rregull gramatikore të shkruar.

Te libri "Drejtshkrimi i gjuhës shqipe, 1973" nuk e kam ndeshur një rregull të tillë aty ku flitet për apostrofin.

.

[LJanina]

Nuk e pata fjalën për shembuj, se me shembuj e se si mund të përdoret. E pata fjalën për ndonjë rregull gramatikore të shkruar.

Te libri "Drejtshkrimi i gjuhës shqipe, 1973" nuk e kam ndeshur një rregull të tillë aty ku flitet për apostrofin.

.

Vërtet në në librin "Drejtshkrimi i gjuhës shqipe", por edhe në ndonjë Gramatikë të gjuhës së sotme shqipe , për çudi, nuk përmenden rastet e përdorimit të fjalëve a fjalëzave me dy apostrofa. Por, në anën tjetër, në këto vepra normative asnjëherë nuk thuhet se nuk duhen përdorur rastet me dy apostrofa. Pra, nuk u vihet pikë këtyre rasteve në gjuhën tonë. Sepse vetë shembujt e lartshënuar, të nxjerrë nga Fjalori i gjuhës së sotme shqipe, Tiranë 1980, dhe kudo në literaturën tonë, janë dëshmia më e mirë se në gjuhën tonë të folur e të shkruar përdoren dy apostrofa.. Kjo thjesht, bëhet për arsye të ekonomisë gjuhësore. Sepse, sikundër dihet, çdo elizion ose rënie e tingullit, duhet të plotësohet me një apostrof.

[LJanina]

Ja edhe një shembull:

Nëntë djepe ç’m’i përmbyse
nëntë pajë ç’m’i zhurite
nëntë dyfekë ç’m’i shite!
Kostandin, të ardhtë gjëma,
martove Dhoqinën larg-
larg e larg mërguar
tre male kaptuar! ...(KËNGA E DHOQINËS)