PS dhe politika e "re" e Rames!

[DYDRINAS]

Ardhja e Rames ne krye te PS, u shoqerua me bombardimin e opinionit publik, se nga sot do te filloje ne PS nje politike e re!

Qe nga viti 2005 e deri sot, ende nuk eshte kuptuar kjo politike, por sic duket Rama ende nuk e ka gjetur librin e duhur, qe te zbatoje teorine e tij te te marrurit me politike, duke qene "qytetar"!

E nisi si nje politikan, duke kerkuar ndjese per humbjen e vitit 2005 dhe duke u lutur tek anetaresia e PS se ai do te jete lideri qe do ta sjelle ate ne pushtet, qe ne zgjedhjet e para parlamentare, permes nje politike te re, qe synon te jene pjese e vendimmarrjes qe nga anetari thjeshte i partise, deri ne strukturat qendrore, bile tha se do ti vendosim kutite ne qender te fshatrave kur te behen zgjedhjet e strukturave te partise etj etj.

Cfare rruge po ndjek politika e "re " e Rames?

[DYDRINAS]

Rexhep Mejdani per Ramen:


Meidani: Edi Rama, ky humbës i madh!

Ish-presidenti flet në "Top Show"



Asnjë ndryshim nuk i bën të gjithë të kënaqur. Një ndër ish-eksponentët kryesorë të së majtës, z.Rexhep Meidani, shprehet kundër ndryshimeve të fundit në Kushtetutë. I ftuar të mërkurën në "Top Show", në cilësinë e ish-presidentit të Republikës, ai kishte përballë, për të zhvilluar debatin nën drejtimin e Alban Dudushit, analistët Andrea Stefani, Henri Çili, Mustafa Nano dhe Adri Nurellari.

Sipas Meidanit, duhet bërë një dallim i parë i këtyre ndryshimeve kushtetuese; pra ato që lidhen me reformën zgjedhore, me sistemin zgjedhor dhe ndryshimet kushtetuese që kanë të bëjnë me institucionet kryesore të shtetit. Ish-presidenti tha se ishte një diskutim i gjatë në komisione parlamentare, i pasuksesshëm, i shtyrë dhe së fundmi u arrit një farë mirëkuptimi midis palëve. "Por ky reformim i sistemit politik nuk kishte miratimin e të gjitha partive politike -vë në dukje Meidani- dhe këtu shikoj një ngërç në jetën politike të vendit". Ai shpjegon se nuk mund të thuhet që sistemi proporcional nuk është demokratik dhe në gjykimin e tij sistemi që i afrohet më shumë këtij zhvillimi demokratik në kushtet e sotme shqiptare është ose sistemi i pastër proporcional, ose sistemi real kushtetues.

Lidhur me sistemin real kushtetues, Meidani i mëshoi faktit se ai provën nuk e ka pasur të plotë, as në vitin 2001 për shkak të gabimeve të KQZ-së dhe Gjykatës Kushtetuese, as më 2005, aty ku u prodhua një nga ngërçet më të mëdha, duke mos iu përgjigjur votës së dhënë popullore. Meidani u shpreh se ngërçi apo prirja e dy partive të mëdha ishte për të ngushtuar ose reduktuar hapësirat e partive të vogla dhe për t‘i eliminuar ato. Ai shtron pyetjen nëse ishin pjekur kushtet për të tilla ndërhyrje. "Në gjykimin tim -vijon Meidani- ky ishte një veprim i nxituar, i ngutur. Pra, ngërçi është që në këtë reformë nuk morën pjesë edhe partitë e tjera dhe normalisht në reforma zgjedhore duhet dëgjuar zëri i të gjitha forcave politike". Ish-kreu i shtetit vazhdon të shpresojë se edhe me këtë sistem të miratuar mund të arrihet një farë konsensusi përmes një korrigjimi në rang kombëtar të proporcionalit rajonal. Pra, për një numër të caktuar deputetësh apo vendesh në Parlament të bëhet korrigjimi në rang kombëtar dhe kjo mund të ketë edhe miratimin e partive të vogla.

Për të vijuar me ndryshimet e tjera kushtetuese, Meidani i quan fare hapur se ishin tejet të ngutura, prekën shtyllat kryesore të Kushtetutës së miratuar me referendum popullor. Sipas tij, e pakta është që ato parti që bënë këtë ndryshim të shpejtë ta hedhin me dëshirën e tyre në referendum këtë paketë ndryshimesh, për të marrë miratimin popullor, pasi nuk janë ndërhyrje si ato të para disa muajve për ta kaluar KQZ-në nga 7 në 9 anëtarë. Në gjykimin e Meidanit janë ndryshime që prekin gjithë frymën, fizionominë e Kushtetutës së miratuar me referendum popullor. "Ky është një veprim që dobëson institucionin e kryetarit të shtetit dhe, nëpërmjet tij, edhe ndikimin në institucionet e tjera të pavarura", tha ai. Madje, Meidani nuk nguron të shtojë se këto ndryshime të thella në Kushtetutën e vendit i japin më shumë se sa duhet kontroll Kryeministrit, mbi një mazhorancë parlamentare. Nga ana tjetër, ajo që duket se i ka bërë më shumë përshtypje njeriut që aktualisht gjendet pranë PS-së, është pyetja se pse u bënë këto ndryshime. Meidani ende nuk e ka kuptuar në ishin pikërisht këto nene që kishin penguar ecjen përpara dhe, nëse ndryshimi i tyre do të sjellë zhbllokim të situatës.

Pyetjes nëse e gjitha kjo i duket apo jo si një pazar i thjeshtë i dyshes Rama-Berisha, Meidani iu përgjigj: "Jam munduar të gjej të gjitha variantet dhe shpjegimet, por nuk e kam gjetur dot një të tillë. Sepse, nëse PS dëshironte një frymë popullore ndryshimesh, mund ta gjente veten shumë mirë në një sistem proporcional të pastër. Ndoshta mund të ketë edhe pazar, që do miratohej sistemi rajonal si fillim dhe pastaj të bëheshin lëshime në pjesën e ndryshimeve kushtetuese, vijon arsyetimin Meidani, por nuk e kuptoj leverdinë e PS-së, ose duke e shtrirë më gjerë për të majtën shqiptare". Dhe sipas tij, arsyeja është e thjeshtë, sepse rajonali, pavarësisht se bën eliminimin apo ngjeshjen e partive të vogla, afron rezultatin midis dy grupimeve të mëdha. Meidani vë në dukje disa llogari, duke theksuar se nuk duhet të mendohet që mund të arrihen diferenca me 10 vende në parlament. "Ndryshimet mund të jenë 72 me 98, 69 me 71, maksimalisht mund të shkojë 65 me 75. Me shumë probabilitet, nëse votat do të anojnë majtas, çelësi për bërjen e qeverisë mund të jetë LSI-ja, kalkulon profesori i shkencave ekzakte. Atëherë, duke iu referuar Meidanit, krijohet një përplasje me LSI-në dhe ndërkohë vota për krijimin e qeverisë do të komandohet nga LSI-ja. Së fundmi, Meidani konkludon se duke bërë një analizë, e ka të pamundur të gjejë arsyetimin optimal për një zgjedhje të tillë të PS-së.

Më tej, ish-presidentit iu kërkua mendimi edhe lidhur me faktin nëse Rama po imiton modelin ‘Veltroni‘, i cili nxori jashtë të gjitha partitë politike të tjera të spektrit të majtë, por në fund humbi i vetëm përballë Berluskonit. Për të, natyrisht që Rama i referohet aty-këtu modelit ‘Veltroni‘, në ndonjë intervistë, apo në terminologjinë e përdorur gjatë takimeve me elektoratin në zona të ndryshme të Shqipërisë. Sipas Meidanit, kuptohet që nëse Veltroni do të kishte fituar, do të kishte më shumë garanci edhe z.Rama, por nga ana tjetër, shton ai, "do thosha që nuk janë pjekur kushtet për këtë lloj teknologjie, dhe ashtu siç dështoi Veltroni, mund të dështojë edhe ndonjë forcë tjetër që përpiqet ta imitojë atë.

Shtrirjen e efekteve të këtyre ndryshimeve Meidani e sheh shumë të mundshme të pasqyrohet normalisht në dëmtimin e formacionit tjetër të majtë. Por nëpërmjet kësaj humbjeje vote, në gjykimin e profesorit do të dëmtohet e gjithë e majta shqiptare në përfaqësimin e saj parlamentar. Në vazhdim, Meidani theksoi se kur dëmtohet një përfaqësim parlamentar, qoftë forca në pushtet, qoftë ajo në opozitë, humbasin balancat demokratike brenda Parlamentit, fillon përdoret shumë më shumë kartoni jeshil i asaj shumice parlamentare, pra dëmtohen zhvillimet demokratike, si edhe ato social-ekonomike.

Gazeta-Shqip

02/05/2008

[drenicaku]

Edi rama ky shizofren i madh do thosha une

[Brari]

Kryetari i Bashkisë së Tiranës i dhuron automatikisht tre firmave të Dash Pezës tenderët e plehrave


Zbardhet skema e korrupsionit, ja se si Rama bën dy herë tenderët e pastrimit


Zbulohet skema e ribërjes së tenderave të pastrimit, nga Edvin Rama për t'i dhënë pjesën e "luanit" Dash Pezës. Me pretendimin se tre firma pastrimi nuk mjaftojnë për pastrimin e kryeqytetit, kreu i Bashkisë së Tiranës ka vendosur të ndryshojë skemën e pastrimit, duke shtuar numrin e firmave të pastrimit, nga tre në gjashtë të tilla (ku tre prej tyre ishin në mënyrë direkte ose të tërthortë me Dash Pezën). Me anë të kësaj lëvizjeje, Rama rriti buxhetin për pastrimin e Tiranës dhe një pjesë të fondeve për këtë shërbim e la me një destinacon të paqartë. Me anë të këtij vendimi, Rama arriti të shuajë zërat për korrupsionin e dukshëm gjatë përzgjedhjes së kompanive të pastrimit, të cilat nuk plotësonin asnjë kriter dhe nuk kishin asnjë pajisje për t'u kualifikuar si fituese. I vetmi kriter që i renditi ato të parat në listë ishte lidhja e tyre e drejtpërdrejtë apo e tërthortë me Dashin, i cili është administratori i bizneseve të Ramës. Në kontratat e lidhura me firmat përkatëse përcaktohet jo vetën pastrimi e grumbullimi, por edhe largimi i mbetjeve urbane nga metropoli i vendit, gjë që me tre firmat, ku ka lidhje Dash Peza, miku më i afërt i Ramës, nuk e bën dot. Mungesa e pajisjeve për pastrimin e plehrave nga firmat e lidhura ngushtësisht me Pezën e shtyu Ramën të ndërmarrë në mënyrë të pamotivuar shtimin e numrit të kompanive të pastrimit. Kontratat që u lidhën me tre firmat e reja kanë një afat 5-vjeçar. Ndërkohë që firmat akuzojnë qytetarët se shpeshherë mbetjet hidhen jashtë kazanëve të plehrave, mbeturinave u vihet flaka e bashkë me to dëmtohen kontenierët. Kjo alibi ra poshtë nga njerëzit që kanë qenë punonjës të Bashkisë së Tiranës dhe që janë larguar për shkak se nuk donin të përfshiheshin në korrupsion. Sipas tyre, djegia bëhet nga vetë firmat për të marrë më shumë para nga Bashkia kur të fitojnë tenderat. Kjo tingëllon e çuditshme, pasi asnjë qytetar i Tiranës nuk e harxhon kohën duke djegur plehrat nëpër kazane. Firmat aktuale që janë kontraktuar nga Bashkia e Tiranës nuk kontrollohen për punën e tyre nga kjo e fundit për shkak të lidhjeve të tyre tashmë të njohura me Ramën.

Abuzimi

Bashkia e Tiranës, nw fillim tw vitit tw kaluar zhvilloi tenderin me prokurim të drejtpërdrejtë për pastrimin e zonës perëndimore të kryeqytetit. Në këtë tender u kualifikuan paraprakisht katër firma për pastrimin e plehrave, nga pesë firma gjithsej pjesëmarrëse në tender, në një kohë kur ligji përcaktonte pjesëmarrjen e të paktën dyfishit të firmave. Ky tender u anullua në nëntor nga Agjencia e Prokurimit Publik dhe u zvarrit deri në janar qëllimisht nga Rama, deri sa të krijoheshin kushtet që fitues të shpalleshin kompanitë e lidhura me Ramën. Këtë e pohojnë përfaqësues të disa firmave që bënë atëherë ankimimin në APP për tenderin e parë. Ata thonë se qëllimi i këtij vendimi që zgjat procedurat normale, është dhe futja e firmave të pakualifikuara, por që kanë lidhje me kryetarin e Bashkisë, Edi Rama. Duke shkelur me të dyja këmbët Ligjin "Për prokurimet publike", kryetari i Bashkisë së kryeqytetit dhe stafi i tij nuk e kanë zbatuar ligjin për prokurimet. Kjo përzgjedhje, ashtu si në tenderat e fundvjeshtës së vitit 2007, nuk ka lidhje me punën për pastrimin e kryeqytetit, por me përfitimet e "kupolës" së Bashkisë. Në tenderin e zhvilluar një vit më parë nga Bashkia Tiranë për firmat që do pastronin Tiranën, u konstatuan mbi 30 shkelje për secilën firmë që kryetari dhe "bashkëkryetarët" e Bashkisë kualifikuan ose nxorën fituese. Rama instistoi që t'i jepte kontrata të majme me prokurim të drejtpërdrejtë për gjashtë muaj që të krijojë një tymnajë informative dhe të fitojë kohën e përshtatshme që i duhet për të arritur qëllimin, duke shpallur fitues kompanitë e lidhura me të.


Ja 30 shkeljet e konstatuara nga APP për tenderët e plehrave

Gazeta "RD" po paraqet 30 shkeljet e Ramës në tenderët e fundit për pastrimin e plehrave të kryeqytetit. Këto shkelje i ka konstatuar Agjencia e Prokurimeve Publike në tenderin e 30 gushtit të një viti më parë. Sipas Agjencisë së Prokurimeve Publike, nga një dokument i publikuar dhe i dorëzuar të gjitha firmave që morën pjesë në tender, firmat që kanë fituar tenderin janë 84 shkelje në total, ku 31 janë më të rëndat, nga ana ligjore.

Procedurat e ndjekura për tenderin e organizuar në mënyrë emergjente, bien ndesh me ligjin.

1. Për pastrimin "emergjent" të pjesës Jug-Perëndimore (1), të qytetit të Tiranës, për një periudhë 6-mujore, fondi limit është 42.020.365 lekë.

2. Për pastrimin emergjent të Zonës Veri-Perëndimore (1), të qytetit të Tiranës, për një periudhë 6-mujore, fondi limit kap shifrën prej 34.163.629 lekë.

3. Objekt prokurimi paraprak dhe "emergjent" është pastrimi i Zonës Jug-Perëndimore (2), të qytetit të Tiranës. Fondi limit për pastrimin e kësaj zone është 37.277.761 lekë.

4. Objekt prokurimi është pjesa Veri-Perëndimore (2), e qytetit të Tiranës. Fondi limit për pastrimin e kësaj zone është 37.179.311 lekë.

Ligji shqiptar për prokurimet e drejtpërdrejta shprehet qartë se rastet e prokurimeve janë të sanksionuara. Gjithashtu, juristët që pyetëm për këtë çështje janë të mendimit që, Bashkia ka gabuar në prokurimin e drejtpërdrejtë që zhvilloi për pastrimin e Tiranës. Ligji e ndalon kategorikisht këtë akt abuzimi, mbasi ai është shpallur, është organizuar dhe është zhvilluar me "procedurë të përshpejtuar", që në gjuhën e prokurimeve publike, cilësohet "prokurim, pra, tender emergjent". Por nuk mund të bëhet një tender emergjent, në kushtet siç e ka bërë Rama dhe "çeta" e tij e zyrës së Prokurimeve në Bashki. Kjo sepse, procedura e prokurimit me negocim të drejtpërdrejtë nuk përdoret dhe aq shpesh, pasi ajo ka një rregullore që përcakton rastet, madje me udhëzim të Këshillit të Ministrave, siç është rasti i KESH, që blen energji me negocim, për të shkurtuar afatet e veprimeve procedurale. Kjo nuk është e pranueshme në rastin dhe kushtet e tenderit që ka bërë Rama, duke abuzuar e mashtruar, me justifikimin se, "nuk ka kohë të disponueshme për ta bërë prokurimin të hapur, ashtu si e kërkon ligji në fuqi, mbasi flitet për emergjencë". Mirëpo emergjenca, sipas ligjit të prokurimit mund të realizohet, nëse shkaktarja e kësaj situate emergjence, siç është zhytja e Tiranës në plehra, të mos ishte shkaktuar nga vetë Bashkia e Tiranës, që në rastin konkret është autoriteti kontraktor i prokurimit, por nga shkaqe jashtë saj. Duke kërkuar detaje më shumë rreth prokurimeve në Bashki, e cila është një nga institucionet që nuk i japin shumë informacion publikut dhe aq më tepër gazetarëve, konstatuam se drejtori aktual i Prokurimeve Publike në Bashki është çuar për ndjekje penale nga Kontrolli i Lartë i Shtetit. Gjithashtu, ky person është proçeduar për ndjekje penale nga Drejtoria e Krimit Ekonomik, për shkelje të barazisë në tendera. Drejtori i Prokurimeve në Bashki është një pikë e fortë e Ramës, megjithëse e ka hequr një herë, e ka rikthyer prapë. Çuditërisht, ai vazhdon të jetë në detyrë edhe pse ndaj tij ka dhe masa të tjera administrative. Juli Zaka, drejtor i Prokurimeve Publike pranë Bashkisë së Tiranës, është akuzuar direkt nga firmat pjesëmarrëse në tender për shkelje të barazisë në tenderat që organizoi Bashkia e Tiranës për pastrimin e kryeqytetit. Paprekshmëria e drejtorit të Ramës përforcon dyshimet, se midis tyre ka një interes të madh për përfitime në tenderët e pastrimit. Pse Bashkia vendosi që afati kohor të jetë 6 muaj dhe pastaj të bëhet tenderi i ri? Është e pashpjegueshme që firmat që lidhen ngushtë me miqtë e Ramës janë pjesë e pastrimit të qytetit, pavarësisht se ato nuk plotësojnë asnjë nga kriteret e përcaktuara. Tashmë është e qartë se, firma TT Alba-Lan që ka lidhje me Dash Pezën, një nga miqtë më të shtrenjtë të Ramës, megjithëse, nuk i ka plotësuar kriteret është pjesë e pastrimit dhe pritet të fitojë pjesën e "luanit" në tenderin që do të zhvillojë Bashkia pas gjashtë muajsh. Po kjo firmë pastrimi e drejtuar nga njerëz të Ramës, ka fituar tenderin për rikonstruksionin e një shkolle në periferi të Tiranës.

Elis Kuçi





Ligjvënësit socialistë do të bëjnë roje me turne pranë simbolit të megakorrupsionit të Bashkisë së Tiranës


Rama detyron deputetët socialistë të bëjnë roje në pallatin e Dash Pezës


Kryetari i PS vendosi dje që përveç policisë bashkiake në pallatin e Dash Pezës të bëjnë roje edhe deputetët. I pari ndër deputetët që është caktuar nga Rama për të bërë roje tek pallati i Dash Pezës ka qenë Blendi Klosi. Megjithëse është fotografuar nga mediat, Klosi nuk ka pranuar të japë asnjë prononcim në lidhje me detyrën e re që kishte marrë përsipër gjatë ditës së djeshme. Sot pritet që një tjetër deputet i PS të bëjë roje sërish tek pallati i ndërtuar mbi rrugë. Grafiku i hartuar nga Rama parashikon që të gjithë deputetët socialistë do të kalojnë nga një ditë duke bërë roje tek ky pallat i paligjshëm, madje duke mos i kurseyr ata edhe për ditët e festave.

Deputetët socialistë po e kompensojnë mungesën e tyre në Parlament me angazhime të tjera në shërbim të kauzës personale të Edvin Ramës për mbrojtjen e pasurive të mafies së ndërtimit dhe klaneve kriminale. Ndonëse janë përfaqësuesit e qytetarëve në institucionin më të lartë të vendit, ligjvënësit socialistë po përdoren nga kryetari i Partisë Socialiste, Edvin Rama, për shërbime të rëndomta deri edhe si roje me turne tek pallati i Dash Pezës. Burime nga Partia Socialiste bënë të ditur se deputetët e kësaj partie janë caktuar të bëjnë roje pranë pallatit të paligjshëm të Dash Pezës, si shenjë e mbështetjes politike që ata i japin mafies së ndërtimit të drejtuar nga Rama. Mësohet se gjatë ditës së djeshme turni i rojes i ka rënë Sekretarit Organizativ të kësaj partie, Blendi Klosi, i cili është parë ta kryejë më së miri këtë detyrë poshtë rrënojave të tre kateve të shembura të pallatit, që sinjifikon praktikën më unike të korrupsionit në botë: dhënien e rrugës me qira për ndërtimin e një pallati 12 katësh. Katandisja e një ish-ministri në pozitën e rëndomtë të një roje pallati dëshmon për krizën e rëndë të identitetit në të cilën ndodhet Partia Socialiste nën drejtimin e Ramës. Besnikëria ndaj kryetarit të partisë është shndërruar në një kriter thelbësor për karrierën politike në Partinë Socialiste, ndonëse kjo ka një kosto shumë të madhe: humbjen e dinjitetit. Rasti i Klosit dhe i deputetëve të tjerë që pritet të marrin turnin e rojes së pallatit të Dashit pas tij, është dëshmia më e qartë për këtë. Por, kjo përforcon edhe më tej faktin se Partia Socialiste është ngërthyer tashmë rëndë nën kthetrat e mafies së ndërtimit dhe klaneve kriminale, e cila nuk nguron të përdorë si kamikazë deputetët e zgjedhur nga qytetarët për të mbrojtur pasuritë e kryetarit dhe kupolës. Kjo metodë po aplikohet sipas parimit të prerë që të gjithë ata që refuzojnë "detyra" të tilla që u ngarkon "udhëheqja e Partisë", rrezikojnë të përjashtohen nga strukturat. E parë në këtë kontekst, partia kryesore e opozitës nga ana funksionale ka filluar t'i ngjasojë më tepër një organizate mafioze, se sa një partie politike. Kjo jo vetëm për faktin e thjeshtë se PS nuk ka një program të qartë politik, por sepse mbrojtja e interesave mafioze të kryetarit të saj dhe bashkëpunëtorëve të tij që kanë zaptuar qindra mijëra metër katrorë sipërfaqe ndërtimi në Tiranë, është shndërruar në kauzën dhe qëllimin kryesor të saj.


Shalësi: Prishja e pallatit të paligjshëm, rrezik për demokracinë

Angazhimi i menjëhershëm i deputetëve socialistë në mbështetje të pallatit të Dash Pezës të ndërtuar mbi një rrugë publike në Tiranë, jo vetëm që dëshmon korrupsionin monstruoz në bashkinë më të madhe të vendit, por nxjerr në pah strategjinë e dështuar të Ramës për të shpëtuar nga dara e ligjit pasuritë e fituara në mënyrë të paligjshme. Deputetët e PS-së po përdoren si "mish për top" për kauzën personale të Edvin Ramës, duke u shndërruar në një grup të gatshëm që bën avokatinë politike të çdo pasurie të botës së krimit që goditet nga shteti ligjor. Mbrojtja politike që deputetët e PS-së i bënë pallatit të Dash Pezës, për prishjen e të cilit tashmë ka një vendim nga shkalla më e lartë e gjyqësorit, e ka bërë edhe më të qartë se ku e kanë zanafillën kërkesat absurde të Ramës për rrëzimin e vendimeve të gjykatave. Ndonëse pallati i Dash Pezës, njeriut me të cilin Rama bashkëjeton në Pezë, është rasti më flagrant i abuzimit me pushtetin, korrupsionit, pushtimit të tokave publike e private me dhunë, i shkeljes së procedurave dhe rregullave teknike për lejet e ndërtimit, kjo nuk i ka penguar deputetët socialistë të mbërrijnë urgjentisht në vendngjarje për të ofruar avokatinë politike ndaj interesave mafioze të Ramës dhe klanit mafioz, që tashmë duket se ka marrë në dorë frenat e Partisë Socialiste. Ata nuk kanë nguruar të dëshmojnë shkallën më të lartë të devotshmërisë ndaj mafies së ndërtimit, por edhe mediokritetin politik që i karakterizon, duke lëshuar deklarata qesharake të tipit që "prishja e këtij pallati të paligjshëm është një rrezik për demokracinë". Zyra Qendrore e Regjistrimit të Pasurive të Paluajtshme ka hedhur poshtë si të pavërteta dhe abuzive deklaratat e kryeavokatit politik të interesave të errëta të Ramës dhe mafies së tij të ndërtimit, Eduard Shalësi, i cili deklaroi se pallati në fjalë ishte regjistruar në Hipotekë. Pallati në rrugën "Urani Pano" nuk është regjistruar në ZRPP, pasi dosja e këtij ndërtimi të paligjshëm është ende në Prokurorinë e Tiranës. ZQRPP sqaron, se në vitin 2005, ky pallat është regjistruar provizorisht, si karabina në këtë zyrë, nga ish-Regjistruesi i Tiranës, Gazmend Zeneli. Në vitin 2007, është konstatuar paligjshmëria e këtij regjistrimi, sepse ky objekt ishte ndërtuar mbi një truall e pronë publike. Pas këtij konstatimi, u verifikua se regjistrimi i saj ishte kryer në mënyrë të jashtëligjshme dhe dosja e abuzimit iu dërgua Prokurorisë së Rrethit të Tiranës, për hetime të mëtejshme. Po kështu, u fshi regjistrimi i këtij objekti nga regjistrat e Zyrës së Regjistrimit të Pasurive të Paluajtshme të Tiranës.


Ruajtja e objektit me Polici Bashkiake, shkelje ligjore

Goditja e bizneseve dhe ndërtimeve të mafies së ndërtimit e ka vënë në pozitë të vështirë kryetarin e Partisë Socialiste, i cili nuk ka kursyer as rezistencën fizike përkrah avokatisë politike. Në mbrojtje të pallatit të paligjshëm, Rama ka angazhuar në mënyrë abuzive Policinë Bashkiake të Tiranës, efektivat e së cilës kanë qëndruar të instaluara përpara pallatit gjatë gjithë kohës. Burime nga Policia Bashkiake bëjnë të ditur se për të mbrojtur këtë ndërtim nuk kanë kontribuuar vetëm efektivët që ka në repart kjo njësi, por edhe punonjës të tjerë të Bashkisë. Gjatë dy ditëve të fundit patrullimi në hyrje të pallatit të Dash Pezës është bërë me tre turne, duke caktuar nga 10 policë për çdo turn. Efektiva të Policisë Bashkiake thonë se kanë një urdhër nga eprori i tyre për të ruajtur 24 orë pallatin e paligjshëm, i cili tashmë është shndërruar në një godinë të rëndësisë së veçantë për Bashkinë e Tiranës. Ruajtja e një objekti privat me punonjës të Bashkisë është një provë që vërteton bashkëpronësinë e Edi Ramës në këtë pallat të paligjshëm. Ligji për Policinë Bashkiake nuk parashikon një rast të tillë dhe angazhimi i Policisë Bashkiake në këtë akt është paligjshmëria e radhës që vërtitet rreth pallatit të Dash Pezës. Inspektorati i Lartë i Ndërtimit ka pohuar se nuk do të ketë asnjë veprim të befasishëm për prishjen e pallatit të Dash Pezës. "Çdo ndërhyrje do të bëhet gjatë ditës", kanë pohuar burimet panë Inspektoratit të Lartë të Ndërtimit. Ndërkohë, Policia e Shtetit ka pohuar se efektivat e saj do të jenë në ndihmë të Inspektoratit të Ndërtimit dhe do të shkojnë aty sa herë të jetë e nevojshme.


Gjykata e Lartë vendosi për prishjen e pallatit


Gjykata e Lartë më datë 07.01.2004 pas një ankese të qytetarëve vendosi pezullimin e punimeve të pallatit të Dash Pezës që po ndërtohej mbi rrugën "Urani Pano", duke kërkuar kthimin e truallit në gjendjen e mëparshme. Kolegji Civil i Gjykatës së Lartë, i cili kryesohej nga Thimio Kondi dhe përbëhej nga anëtarët Agron Lamaj, Nikoleta Kita, Evgjeni Sinoimeri dhe Vladimir Metani, pasi u njohën me relacionet përkatëse dhe analizuan çështjen në tërësi, vëren se kërkesa e paraqitur nga qytetarët për pezullimin e ekzekutimit të vendimit është brenda kërkesave të ligjit. Gjykata e Lartë vendosi pezullimin e vendimit të Gjykatës së Apelit, e cila i kishte dhënë të drejtën Dash Pezës dhe Ilir Matës të vazhdonin ndërtimin e pallatit mbi rrugë. Edhe Gjykata e Rrethit Gjyqësor Tiranë kishte pranuar kërkesën e qytetarëve dhe kishte vendosur pezullimin e ndërtimeve. Në vendimin e shpallur nga Gjykata e Lartë theksohet se në këtë çështje padia ka si objekt Pezullimin e ekzekutimit të vendimit të Gjykatës së Apelit Tiranë nr. 175 datë 16.12.2003, e bazuar në Nenin 479 i Kodit të Procedurës Civile. Në këtë vendim thuhet se, "Gjykata e Rrethit Gjyqësor Tiranë me vendim civil nr. 289 Akti, datë 14.10.2003, ka vendosur: Pranimin e kërkesës së kërkuesve duke urdhëruar pezullimin e menjëhershëm të punimeve të shoqërisë "T.T. Alb Lam" Sh.p.k në rrugën "Urani Pano". Gjykata e Apelit Tiranë me vendim nr 175 datë 16.12.2003 ka vendosur: Ndryshimin e vendimit nr.289, Akti, datë14.10.2003 të Gjykatës së Rrethit Gjyqësor Tiranë dhe rrëzimin e kërkesës së qytetarëve për pezullimin e punimeve të shoqërisë "T.T. Alb Lam" Sh.p.k në rrugën "Urani Pano". Por pavarësisht këtij vendimi të shkallës më të lartë të gjyqësorit, kompania e mikut të Edvin Ramës ka vijuar e pashqetësuar ndërtimin e pallatit. Qytetarët që iu bllokuan daljet nga shtëpitë e tyre, e kanë ndjekur çështjen në të gjitha shkallët e gjyqësorit. Fillimisht, qytetarët kanë bërë një padi civile në Gjykatën e Tiranës. Pasi kjo gjykatë ka shqyrtuar dokumentet e paraqitura nga qytetarët dhe nga ndërtuesit ka dhënë një vendim për pezullimin e punimeve. Por ky vendim është rrëzuar nga Gjykata e Apelit të Tiranës dhe pas këtij vendimi kanë rifilluar pa humbur kohë punimet që ishin pezulluar nga vendimi i mëparshëm. Qytetarët me bindje të plotë se po u mohohej një e drejtë legjitime kanë ankimuar këtë vendim në Gjykatën e Lartë, e cila ka vendosur pezullimin e punimeve dhe prishjen e ndërtimit. Dash Peza dhe kunati i tij të mbështetur nga Edvin Rama kanë sfiduar për disa vite vendimin e shkallës më të lartë të gjyqësorit në vend, duke arritur të përfundojnë pallatin 12 katësh.


Rruga cilësohet pronë private

Në zbatim të skemës korruptive të përvetësimit të trojeve publike në Tiranë, Edvin Rama nuk ka nguruar të falsifikojë një sërë dokumentesh për ta paraqitur rrugën publike që do t'ia dhuronte mikut të tij të ngushtë si pronë private. Harta pranë Zyrës së Hipotekës për rrugën "Urani Pano", dëshmon se Rama e ka përfshirë qëllimisht rrugën "Urani Pano" në zonë ndërtimi për njeriun e tij Dash Peza. Falsifikimi duket qartë në lejen e ndërtimit të lëshuar nga Edi Rama, i cili ka futur në sipërfaqen e sheshit të ndërtimit edhe rrugën. Nga ballafaqimi i dokumenteve rezulton se sheshi i ndërtimit të miratuar nga Edi Rama është 191.5 m2 me një sipërfaqe ndërtimi prej 148.4 m2. Ndërkaq, nga dokumentet e lëshuara nga Zyra e Regjistrimit të Pasurive të Paluajtshme, rezulton se prona e Ilir Matës që është shfrytëzuar nga Dash Peza për ndërtim është 140.5 m2, afro 8 metër katrorë nga sipërfaqja e ndërtimit. Abuzimi i kreut të Bashkisë me rrugën "Urani Pano", duket qartazi në të gjitha dokumentet e që ekzistojnë si për vendndodhjen e pronës ashtu edhe për lejen e ndërtimit. Në të gjitha dokumentet vihet re se në lejen e ndërtimit është përfshirë edhe rruga, duke bllokuar kalimin e qytetarëve.



rd

[Begby]

U be ca kohe qe nuk e degjoj te artikulohet ky term "politike e re", se te them te drejten na i pat pru zorret te fyti, kaq shume e shpesh u pat degjuar keto dy vitet e fundit.

[bindi]

Ce politik te re ore!...Ketu s,ka kurgje te re!...Te gjithe ato qe sot jane rrethe Edit nga kryesia
e ngusht e PS kane qene s,paku nje here ministra,drejtora neper ministri dhe poste te larta zyrtare!...E paten shansin per tete vite te benin diçka per Shqipri ,por nuk treguan ndonje sukses!...Kurse kjo e ashtuquajtura poitike e re, s,eshte asgje tjeter veçse nje tentative e socjalistave qe nepermjet te nje liderit te ri ne kete raste Edi Rames te i nxjere nga lloçi qe eshte futur kjo parti...Kure ke parasysh faktin ,se te gjithe keto zotri, jane te lidhur me interesa te ngushta ,ne mes veti dhe bisnese e lidhje te dyshimta!...

[DYDRINAS]

Cilat jane "efektet" e "politikes se re" te Rames?

[Brari]

edvini.. eshte erresira..
eshte djallezia..
per kto kulme te tij.. ai eshte kryetar i mbeturinave te ppsh-se..me nick ps.

ja kam friken shum ketij banditi dhe bandes se tij ps.. e njesiteve bandite te tij me milo tako ndoka preco m.uta.. se do te shkaterrojne dhe lirin e levizjes..

njerzit duhet te sensibiliozohen.. se mbetjet e felliqura te ppsh-se smund ta pertypin kte situate..kur shqiptari i mire.. hyn e del lirisht jashte shtetit pa bredhur me vite dyerve te ppsh-se..

ata do ta godasin kte enderr qe u be realitet..

kini kujdes milet..

djallezia ed ruciste.. ps-iste.. milo veli iste preco fukso-iste tako bith kim-iste.. gjinusho 97 toiste e nardo veglo operativo iste.. e fidelo mafie staliniste.. e fatmir tocko kadare mutaviste.. nuk ka bese..


.