Korrupsioni ne Europe

[DYDRINAS]

Korrupsioni në Gjermani - Rasti Siemens

Sipas të ashtuquajturit indeks i perceptimit të korrupsionit të Transparency International (TI), Gjermania në vitin 2009 është renditur në vendin e 14-të. Kështu Gjermania po lëviz si mesfushor, thuhet nga TI.



Megjithatë gjendja ka qenë edhe më e keqe. Në ditën ndërkombëtare kundër korrupsionit do të ishte mirë të kujtohej njëherë afera e korrupsionit tek Zimensi (Siemens). Kjo aferë pati tronditur para tre vitesh një prej koncerneve më të mëdha në Gjermani dhe përfundoi përkohësisht para një jave me një kompromis me kryetarin e dikurshëm të kryesisë Heinrich von Pierer.

Se sa të holla janë paguar në kuadër të kompromisit vazhdon të jetë ende e paqartë. Të paktën pesë milionë euro duhet t'i paguajë shefi i dikurshëm i kryesisë dhe këshillit mbikqyrës, Heinrich von Pierer Zimensit për t'i shpëtuar padisë së ish-punëdhënësit të tij. Heinrich von Pierer nuk e kishte llogaritur asnjëherë se puna do të vinte deri këtu. Para tri vitesh, në nëntor të vitit 2006 prokuroria e Mynihut pati urdhëruar bastisjen e zyrave dhe banesave të disa bashkëpuntorëve të Zimensit. Dyshimet e hetuesisë: Punonjësit e Zimensit kanë shpërdoruar paratë për të dhënë baksishe tenderuesve potencialë. Dy muaj pas bastisjeve, von Pierer u shpreh i penduar në mbledhjen e këshillit të përgjithshëm: "Ne ishim të sigurtë se nga rastet unike të zbuluara atëherë kishim patur pasojat dhe marrë masat e duhura efektive në mënyrë që gjëra të tilla të mos përsëriten më kurrë dhe mua më vjen shumë keq që këtë siç duket nuk e kemi arritur në shkallën e duhur".

Klaus Kleinfeld Bildunterschrift: Großansicht des Bildes mit der Bildunterschrift: Klaus Kleinfeld Heinrich von PiererBildunterschrift: Großansicht des Bildes mit der Bildunterschrift: Heinrich von Pierer

Në muajt pasardhës nuk ka kaluar pothuajse asnjë ditë ku nuk nanë dalë në dritë hollësi të reja për aferën e korrupsionit. Nëse në fillim flitej për një shumë dyshifrore milionëshe të paguar ryshfet nga Zimensi, kjo shumë është bërë më e madhe nga dita në ditë. Pavarësisht se ku, në Rusi, Nigeri apo Greqi: bashkëpuntorët e Zimensit kanë ndihmuar shumë që të bindin zyrtarët e korruptuar dhe përfaqësuesit e firmave të ndryshme për kualitetin e produkteve të Zimensit. Të gjitha këto veprime janë duruar dhe fshehur nga Zimensi. Posaçërisht në kohën kur kryetar i kryesisë ka qenë Heinrich von Pierer. Si pasojë von Pierer dha dorëheqjen në prill të vitit 2007. Në vend të tij u zgjodh shefi i dikurshëm i koncernit Thyssen-Krupp, Gerhard Cromme. Ai ashpërsoi mënyrën e sjelljes kundër kryesisë së dikurshme dhe kryesisë aktuale. Dhe kjo ishte logjike. Zimensi është regjistruar në bursën e Nju Jorkut. Këshilli Mbikqyrës i bursave amerikane dhe ministria amerikane e drejtësisë janë shumë rigoroze kur bëhet fjalë për korrupsion dhe kërcënojnë me gjoba miliardëshe. Kështu që nuk vonoi shumë dhe dorëheqjen e ofroi edhe shefi i Zimensit, Klaus Kleinfeld.

Këshilli Kontrollues dhe kryesia e Zimensit u lehtësuan shumë kur në dhjetor të 2008-s morrën vesh vendimin e drejtësisë amerikane dhe Prokurorisë së Mynihut. Rreth 600 milionë euro gjobë duhej t'i paguheshin autoriteteve amerikane të drejtësisë dhe Kontrollit të Bursës dhe 400 milionë euro Gjermanisë. Kjo shumë ishte shumë më e vogël nga sa pritej. Sepse në fillim flitej për rreth 10 miliardë euro.

Që atëherë Zimensi ka arritur kompromise me dhjetë anëtarët e dikurshëm të kryesisë. Ata paguajnë nga 500 mijë deri në katër milionë euro për Zimensin. Von Pierer, ish-shefi i dikurshëm duhet të paguajë më shumë se të tjerët. Në këtë mënyrë mund të mbyllet pjesa kryesore e skandalit. Megjithatë fjalën e fundit për këto kompromise duhet ta thonë aksionerët në mbledhjen e përgjithshme, në janar të vitit 2010.

Autor : Wolfram Schrag / Esat Ahmeti

Redaktoi : Aida Cama


DW

[DYDRINAS]

Kompania e prodhimeve farmaceutike Bayer, ne vitin 2007 ishte nen hetim per fiksim cmimesh ne mbi 11000 farmaci ne Gjermani.

http://www.dw-world.de/dw/article/0,,2821694,00.html


Gjate vitit 2007, BE gjobiti ne shuma te kosiderueshme firmat e njohura Otis, KONE, Schindler dhe ThyssenKrupp, qe prodhojne dhe montojne ashensore.
Kjo sepse ata kishin bere kompromise ne rregullimin e cmimeve neper tendera.

http://findarticles.com/p/articles/mi_kmafp/is_200702/ai_n18655070/?tag=content;col1

Corruption Perception Index ne bote:

http://upload.wikimedia.org/wikipedia/commons/8/88/World_Map_Index_of_perception_of_corruption_2009.s vg

[INFINITY©]

Edhe pse korrupsioni ne Gjermani mund te jete rritur, perseri sipas CPI qe ka, Gjermania eshte ne vend te 14-te dhe jo te 95-te si atdheu yne i dashur. Ndoshta Shqiperia duhet te mesoj dicka nga vendet si Danimarka, Suedia, Finlanda, etj.

http://www.transparency.org/policy_r...cpi_2009_table

[-BATO-]

Korrupsioni është duke u rritur në të gjitha shtetet,
Të gjitha shtetet po bëhen njësoj.

[Adaes]

Sduhet te harrojme qe edhe Gjermania, sado shtet i fuqishem ekonomik mund te kete qene dhe te jete, duke qene e ndare ne disa pjese per shume vjet, dhe duke pasur nje politike te tille qe nga 89 deri me sot, normale qe has probleme te tilla. Po kjo sme ben cudi, ska vend pa korrupsion... E rendesishmja eshte te zesh vendin e trete nga fundi ose nga fillimi , si ne