Fillon Kreshma e Krishtlindjeve

[ilia spiro]

Të krishterët nisin Kreshmën e Krishtlindjes!

Për të gjithë besimtarët e krishterë orthodhoksë data 15 nëntor daton me fillimin e periudhës së përgatitjes për festën e madhe dhe shumë të rëndësishme të Krishtlindjes, pra me fillimin e Kreshmës. Kjo është një prej periudhave kreshmore që Kisha ka vendosur si kohë përgatitore për të pritur denjësisht festat e mëdha. Kreshma e Krishtlindjes është kreshmë e gëzueshme, sepse edhe vetë ngjarja, Lindja e Krishtit e cila kremtohet në 25 dhjetor, solli gëzim shumë të madh (Mattheu 2:10). Gjatë kësaj periudhe të përcaktuar nga Kisha, ne përgatitemi me kreshmë dhe paralelisht përjetojmë të gjithë himnologjinë e po kësaj periudhe, në mënyrë që të jetojmë ngjarjen e madhe të Ardhjes së Perëndisë në tokë.

Kreshma është bashkëpunim i pjesës materiale të trupit tonë në adhurimin e Perëndisë së gjallë. Duke kreshmuar me disa ushqime dhe nga ana tjetër duke kreshmuar nga mëkatet, ndihmojmë të gjithë njeriun trup e shpirt të afrohet e të adhurojë Perëndinë.
Çdo e kremte, çdo festë kishtare nuk është një paraqitje e thjeshtë, e jashtme e disa ngjarjeve të kaluara, por në çdo të tillë ne rijetojmë si person ato ngjarje sikur të ndodhin sot. Kështu, gjatë periudhës së Kreshmës, njeriu parapërgatitet për të pranuar Shpëtimtarin Krisht që do të lindë në grazhd.

Kreshma është Biblike. Kreshma na është dhënë nga vetë Krishti, i Cili para se të fillonte veprën shpëtimtare në tokë, pas pagëzimit të Tij, qëndroi në shkretëtirë 40 ditë, duke mbajtur kreshmë (Mattheu 4:1-11). Kreshma nuk është diçka që gjeti fantazia jonë, por është një mënyrë që njeriu pastrohet dhe përpiqet t’i dhurojë diçka Perëndisë dhe kjo kreshmë është përmendur që në Dhiatën e Vjetër. Këtë traditë e vazhdoi dhe e bëri me shembullin e tij edhe vetë Zoti, siç edhe është përmendur.

Në këtë mënyrë edhe ne parapërgatitemi për ardhjen e Perëndisë në tokë me kreshmë 40-ditore. Në këtë kreshmë ne privohemi nga prodhimet blegtorale (mish, vezë, qumësht, djathë, gjalpë etj) dhe paralelisht me këto ne përpiqemi të bëjmë edhe një reflektim mbi jetën dhe veten tonë, duke mos e shndërruar Kreshmën në një dietë dhe në “poza”, por në një shqyrtim të vërtetë e të thellë pendimi të vetës dhe të gjendjes sonë mëkatare.

Kreshma është mjet, jo qëllim! Kreshma na ndihmon dhe na krijon atmosferën për lartësimin shpirtëror. Besimtarët gjatë kësaj periudhe urojnë njëri - tjetrin: “Kreshmë të mbara dhe të gëzuara!”

Le të përpiqemi pra të gjithë, sa mundemi, të përgatisim grazhdin e zemrës tonë, që të lindet brenda saj Krishti foshnje, Shpëtimtari i botës!

Le ti lutemi Zotit me fjalët e një prej uratave të Shërbesës së Kungimit: “…dhe siç denjove të shtrihesh në shpellë dhe në grazhd të kafshëve, denjo të hysh edhe në grazhdin e shpirtit tim të paarsyeshëm dhe të trupit tim të njollosur.”

Krishtlindje të bekuara!

Sonila (Dedja) Rëmbeci

[Archon]

Diten e djeshme filloi Kreshma e Krishtlindes

Kreshmim te mbare per te gjithe ata qe e mbajne

Le të përpiqemi pra të gjithë, sa mundemi, të përgatisim grazhdin e zemrës tonë, që të lindet brenda saj Krishti foshnje, Shpëtimtari i botës!

[Albo]

Disa keqkuptime qe besimtaret orthodhokse kane mbi kreshmen:

1. Une duhet te kreshmoj per ti deshmuar Zotit qe jam i denje

Shume njerez, perfshi veten time, shpesh mendojme se kreshma eshte per hir te Zotit e jo per hirin tone si besimtare. E verteta eshte qe Zoti nuk ka nevoje per kreshmimin tone. Ne si besimtare kemi nevoje per kreshmim. Kreshma eshte forma me elementare e disiplinimit tone fizik e shpirteror. Disiplinimi fizik merr formen e heqjes dore nga nje seri ushqimesh qe nuk i hame gjate periudhes se kreshmes. Por kete e bejme jo per ti provuar Zotit apo vetes se ne jemi "te zote te kreshmojme" por e bejme ne menyre qe te veme nen kontroll pasionet e mishit e trupit tone. Duke ngrene me pak, duke i mohuar vetes ushqimet e shumellojshme, ne mundohemi te bejme realitet thenien Biblike te Krishtit "Njeriu nuk jeton vetem me buke por me fjalen qe del nga goja e Perendise" (Mateu 4:4).

2. Kreshma eshte vetem heqja dore nga ushqimi

Shpesh ne fokusohemi vetem tek aspekti fizik, mohomi i marrjes se ushqimeve si mishi e nenproduktet e qumeshtit, aqsa harrojme qe objektivi i vertete eshte rritja jone shpirterore. Kreshma pa lutje, pa lexime te Shkrimit te Shenjte e Jetet e Shenjtoreve, nuk ka per te sjelle asnje te mire shpirtit tuaj. Prandaj eshte shume e rendesishme qe kreshma te shoqerohet me nje regjiment lutjesh, leximesh, bamiresish. Me pak fjale, me anen e Kreshmes, ne jo vetem pastrojme tempullin e trupit tone nga pasionet e mishit qe ta kthejme ne nje ene te shenjte per Hirin e Shenjte qe Perendia derdh mbi ne, por kreshma na sjell edhe shpirterisht me afer me Zotin. Shpesh rutina e preokupimet e jetes na kthejne ne te krishteret ne neglizhente: nuk shkojme ne Kishe rregullisht, nuk marrim dhuratat e mistershme te Kishes rregullisht, nuk lutemi rregullisht, nuk i kushtojme Zotit asnje minute te dites sone. Kreshma eshte menyre se si ne rivitalizojme jeten tone shpirterore.

3. E kam te veshtire te mbaj kreshme strikte

Shume besimtare nuk kreshmojne pasi sipas tyre nuk jane ne gjendje qe te mbajne kreshmen sic duhet, ne menyre strikte, duke i mohuar trupit te tyre nje liste te gjate ushqimesh. Shume te tjere shfajesohen me fjalet: "nuk eshte e lehte te blej apo pergatis ushqime kreshmore, prandaj nuk kreshmoj dot edhe pse dua te kreshmoj". Te gjitha keto jane justifikime qe ne i japim vetes. Jo te gjithe besimtaret jane ne gjendje apo te afte te mbajne nje kreshme strikte. Por kreshmen secili prej nesh e ben sipas mundesive tona. Dikush do te heqi dore vetem nga mishi nga dieta e tij gjate kreshmes. Dikush do te heqi dore nga bylmetet. Dikush do te heqi dore nga te gjitha ushqimet e tij te preferuara, per te ngrene ushqime te thjeshta. Dikush do te mbaje nje kreshme strikte. E rendesishme ne syte e Perendise eshte qe ne te gjithe marrim me vetedije te plote keto vendime, duke ushtruar keshtu ushtrimet tona shpirterore.

Ka edhe nga ata qe thone "nuk e dija qe kreshma kish filluar e nuk do kreshmoj kesaj rradhe". Nuk ke as pse kreshmon gjithe periudhen e Kreshmes. Mund te zgjedhesh te kreshmosh vetem dite te caktuara te javes, apo javen e fundit te kreshmes. E rendesishme eshte qe te gjithe te bejme nje perpjekje te tille, secili sipas mundesive e aftesive tona.

4. Kreshma mbaroi. Tani mund ti rikthehem jetes se meparshme

Shume njerez e shohin kreshmen edhe si "zbor ushtarak". E bejme vetem ne dite te caktuara te vitit dhe pasi e mbarojme i kthehemi "jetes se meparshme". Ky nuk eshte qellimi i Kreshmes. Qellimi i Kreshmes sic e zura ne goje me siper eshte te rigjalleroje jeten tone fizike dhe shpirterore. Ne fund te Kreshmes, nese kemi patur nje sezon kreshmimi te suksesshem, sfida pas kreshmes eshte qe ta mbajme e ushqejme kete regjiment shpirteror gjate gjithe vitit. Nese biem prape ne rutinen e jetes se kesaj bote, nese biem ne neglizhence, nese e mbushim barkun me ushqime te shumellojshme é te tepruara, nese nuk i mohojme trupit asnje epsh pa kenaqur, nese nuk gjejme kohe te lutemi Zotit gjate dites e nates, atehere besimi une do te vdesi. Flaka e besimit ne zemrat tona do te shuhet.

Albo