Zgjedhjet ne Gjermani

[Eni]

po afrojne dhe te djelen do te vendoset mbi kancelarin e ri te ketij shteti dhe partite fituese ne to.

Perpara fatkeqesive natyrore te shkaktuara nga permbytjet e kesaj vere dhe perpara deklarates kundershtuese te kancelarit te tanishem Schröder, se nuk perkrah luften ndaj Irakut, sondazhet nxirrnin ne kuota me te mira per fitore kandidatin Stoiber.

Kurse tani pas ngjarjeve te siperpermendura duket se ne sondazhe ai qe ka perqindje me te medha per fitoren ne zgjedhjet e se djeles eshte Schröder.
Ndihma qe Schröder u caktoi zonave te permbytjeve nga lumi Elbe, duket se i ndihmoi vete kancelarit, popullariteti i te cilit po rritet ne vend.

Pika me delikate ku Schröder sulmohet nga kundershtari bavarez i tij, duket se eshte, ekonomia e vendit dhe premtimi per uljen e papunesise ne vend, ku kjo e fundit duket se gjate qeverisjes se SPD e te te GJelberve, nuk eshte realizuar,pra papunesia ne Gjermani qendron gati ne kuotat qe ishte dhe gjate qeverisjes se Helmut Kohlit.

Stoiberi ne kete pike eshte me favorit,pasi ne vete landin e tij te Bavarise, papunesi eshte ne kuotat me te ulta, ne rang vendi dhe kjo duket dhe si nje nga kartat fituese te ketij kandidati e te kualicionit qe ai perfaqeson (CDU / CSU)

POr e djela do jete dhe dita, ne te cilen do te mund te shikojme rezultatet perfundimtare te ketij raundi zgjedhjesh dhe emrin ekancelarit te ardhshem te Gjemanise Federale.

[Eni]

Rezultatet e zgjedhjeve te Gjermanise , treguan se kualicioni kuq-jeshil do te vazhdoje te qeverise ne Gjermani dhe per 4 vjecarin e ardhshem.
Rezultatet e zgjedhjeve :

- SPD 38,5

- CDU/CSU 38,5

- Grüne 8,6

- FDP 7,4

- PDS nuk arrin dot te kape kuaoten e 5 % per te hyre ne parlamentin federal (Bundestag).

Me 306 deputete kualicioni i majte arrin mazhorancen absolute te parlamentit (603 deputete) e mund te qeverise rehat per 4 vjetet e tjere.

[Albo]

Si mund te qeverisesh rehat per 4 vjet kur rezultati eshte kaq i ngushte? Kur Bushi erdhi ne Shtepine e Bardhe, senati mbahej nga republikanet me 1 senator me shume se demokratet. Shume shpejt pushteti ndroi duar.

Mos harro, se qeveria dhe kabineti i ardhshem i Shroder do te perballet me nje klime te ftohte nga Washingtoni pas qendrimit kunder per Irakun dhe komenteve te ministres gjermane per Bushin. Megjithate koha do ta tregoje se kush do te vuaje izolimin, US apo Gjermania ne arenen nderkombetare.

Shroder do ta kete shume te veshtire qeverisjen si brenda edhe jashte Gjermanise.

[Eni]

Albo,
lart kam thene e mund te qeverise rehat, cka nuk absolutizon nje qeverisje te rehatshme per 4 vjet.

Vete Stoiber, ne nje deklarate post-zgjedhore u shpreh se, ishte i bindur se kjo qeveri nuk do e kete jeten e gjate dhe pas nje viti ai mund te behet kancelar i vendit.

Deklaratat e ministres gjermane se BUsh po tenton te beje te njejten gje si Hitleri ne Gjermani, pra, heqjen e vemendjes nga problemet e brendshme te vendit e perqendrimin tek ato te jashtme, mendoj se ka qene nje deklarate-gafe nga ana e kesaj ministrie, dhe perpos, ashpersoi me keq ftohjen ne marredheniet SHBA e Gjermani.
Stoiber e denoi nje deklarate te tille, dhe u shpreh se me SHBA nuk duhet te kete ftohje marredheniesh, por bashkepunim, megjithese dhe vete ky nuk e perkrahte nje dergim te trupave gjermane ne Irak.

Midis Schröderit e Bushit nuk ka me komunikim, dhe kjo eshte normale, pasi Bush s'ka se si te kaperdije nje kafshate te atille fyerjeje, por dhe mosangazhimin e Gjemanise ne luften ndaj Irakut.
Aq me teper qe kancelarit i ka mbetur tashme te zbatoje deklaratat e tij parazgjedhore, ne lidhje me Irakun.

Te dy keta persona pra kane prere komunikimin dhe cdo gje ka mbetur pezull ne ajer mes tyre.
Nje takim i mundshem mes tyre mund te ndodhe ne Nentor, me rastin e mbledhjes se shteteve anetare te NATO-s.

[Albo]

Sekretari Amerikan i Mbrojtjes deklaroi se do ta mënjanonte një takim me kancelarin gjerman

Rumsfeld: Shrëder "helmoi" marrëdhëniet me SHBA-të

Sekretari i Departamentit amerikan të Mbrojtjes, Donald Rumsfeld deklaroi se do ta mënjanonte një takim të mundshëm me homologun e tij gjerman në takimin e nesërm të NATO-s.

Ramsfeld ka deklaruar se Kancelari i Gjermanise, Gerhard Shrëder, qe e ka rimbajtur kete post pas zgjedhjeve te se dieles, i ka "helmuar" marredheniet me SHBA-te.

Dhomat gjermane të tregtisë dhe industrisë (DIHK) deklaruan se Berlini duhej të riparonte marrëdhëniet diplomatike me Uashingtonin, përndryshe do të dëmtonte interesat e tij ekonomike.

Megjithatë, shpëtimi i kancelarit gjerman mund të jetë Ministri i Jashtëm Joschka Fischer, për të cilin besohet se ka një reputacion të qëndrueshëm në Uashington. Fischer, përfaqësues i Të Gjelbërve, deklaroi se Gjermania nuk do të harrojë kurrë se janë pikërisht amerikanët ata që duhej të falenderoheshin për çlirimin e tyre nga nazizmi dhe për ndihmën e dhënë për ribashkimin e vendit, pas vitesh mbështetjeje gjatë Luftës së Ftohtë.

[Albo]

Kancelari gjerman përsëri në pushtet. Largohet ministrja e Drejtësisë

Të gjelbërit "shpëtojnë" Shrëderin

Pas një nate të tensionuar kur u duk se fitorja kaloi disa herë nga njëra palë në tjetrën, rezultatet përfundimtare tregojnë se qeveria e koalicionit kuq - e gjelbërt e kancelarit Gerhard Shrëder do të qëndrojë në pushtet me një njumër fare të vogël vendesh më shumë në Bundestag.

Partia Socialdemokrate (SDP) e kancelari Shrëder është fituesi i zgjedhjeve në Gjermani megjithëse ekujlibri brenda qeverisë së tij ka lëvizur drejt Partisë së Gjelbërt, partnere në koalicion. Në fillim sfiduesi konservator Edmund Shtoiber u ndje më i sigurt në fitore, por me numërimin e mëtejshëm të votave socialdemokratët e Shrëderit kanë mundur të dalin si partia më e madhe në parlament, të ndihmuar edhe nga paraqitja shumë e mirë e të gjelbërtve, dhe rezultatet e dobta të liberalëve, partnerë të mundshëm të konservatorëve:

Dita e zgjedhjeve ishte traumatike për udhëheqësin gjerman Shrëder, i cili në një pikë ishte i detyruar të shihte kundërshtatin e tij të pretendonte fitoren gjatë një nate me batica e zbatica. Sfiduesi kristiandemokrat (CDU) Edmund Shtoiber shpalli se partia e tij kishte dalë fituese: "Një gjë është e qartë, ne i kemi fituar zgjedhjet - partia e vjetër e qendrës është kthyer," tha zoti Shtoiber.

Por më pas u doli se ai ishte një agim i rremë për qendrën e djathtë. Partnerët e tyre liberalë i kishin lënë në baltë duke marrë një rezultat më të keq seç pritej, pas një publiciteti negativ lidhur me pretendimet për anti-semitizëm prej njërit nga udhëheqësit e lartë të partisë.

Kur kancelari Shrëder doli më pas në telvizion ai ishte më i kujdesshëm në deklaratat e tij. E ardhmja e tij varej ende në fije të perit.

Ai tha se po priste me ankth: "Është një natë eksituese, një natë shumë eksituese, ne kemi një mundësi të mirë të vazhdojmë politikat tona," tha zoti Shrëder. "Shumica është shumicë," tha ai, por nuk u duk plotësisht i bindur.

Por u desh të kalonin disa orë para se zoti Shrëder të dilte i gëzuar duke përqafuar bashkëpunëtorët e tij pasi u duk se ai ishte fituesi i zgjedhjeve, i shpëtuar nga të Gjelbërit, partia që e kishte vënë atë më parë në vështirësi gjatë qeverisjes së tij.



Të gjelbërtit shpëtues

Synimi ynë zgjedhor ishte të bëheshim partia e tretë në vend, mendoj se këtë e kemi arritur."

Ministri i jashtëm Joshka Fisher, udhëheqësi i Partisë së Gjelbërt, ishte shumë i kënaqur me rezultatin e partisë së tij.

Ai tha se të gjelbërit kishin arritur objektivat në zgjedhje dhe shpresonin të vazhdonin koalicionin me kancelarin Shrëder të socialdemokratëve.

"Synimi ynë zgjedhor ishte të bëheshim partia e tretë në vend, mendoj se këtë e kemi arritur," tha ai.

"Synimi ynë ishte të merrnim më shumë se tetë përqind të votave - disa menduan se ishte utopi, por mund të them se tani edhe këtë synim e kemi arritur," tha zoti Fisher. Ai vuri në dukje se partia e tij kishte treguar se ishte e aftë të ushtronte përgjegjësi pa bërë kompromis me parimet.


Shtypi gjerman kapet në befasi

Shtypi gjerman u kap në befasi pas zgjedhjeve legjislative me rezultatin më të ngushtë që pas luftës në Gjermani, të cilat u karakterizuan nga një ecje krah për krah e Socialdemokrat/Të Gjelbërve me Konservatorë/ Liberalët, që përfundoi natën e sotme me një fitore të ngushtë të të parëve.

"Vetëm para disa javësh, pothuaj askush në Gjermani nuk besonte se koalicioni i Të Kuq-Të Gjelbërve mund të dilte fitues pas 22 Shtatorit", shkruante e përditshmja konservatore "Frankfurter Allgemeine Zeitung".

Kjo hipotezë dukej e përjashtuar për të përditshmen "Berliner Zeitung" (qendra e majtë), editorialisti i të cilës shkruante në një moment se koalicioni SPD/Të Gjelbër dhe CDU/CSU dhe Liberalët e FDP-së ishin pothuaj në pozicione të barabarta të Dielën në mbrëmje. "Koalicion i madh SPD/konservatorë, Stoiber kancelar?", shtronte pyetjen gazeta.

Këto dy mundësi u fshinë nga rezultatet e para zyrtare të botuara në mëngjes herët, duke dhënë një avantazh prej 11 deputetësh për koalicionin Socialdemokrat-Të Gjelbër. Për të përditshmen ekonomike "Handelsbaltt", zgjedhës të shumtë shtruan pyetjen gjatë gjithë mbrëmjes elektorale: "A do ta shpëtojë ekologjisti Joshka Fisher Gerhard Shrëderin në minutën e fundit dhe, në të kundërt, a e sabotoi fitoren e Edmund Stoiber liberali Guido Westerwelle? Ishin pikërisht këto hipoteza, të bëra realitet, që priteshin më pak përpara zgjedhjeve".

FAZ e vinte theksin mbi administrimin nga kancelari të krizës së përmbytjeve që shkatërruan lindjen e vendit vetëm disa javë përpara zgjedhjeve. "Në momentet më urgjente, sytë ishin kthyer nga kancelari që jo vetëm gjeti fjalët e duhura duke folur për një ‘krizë kombëtare’, por që e administroi gjithashtu krizën me kurajo", shkruante e përditshmja që dyshohet se anon nga socialdemokratët.

"Dy të fituar, dy të humbur, dhe një kancelar I neutralizuar", vlerësonte nga ana e saj "Die Welt". Fituesi I parë quhet Edmund Stoiber, shkruante e përditshmja konservatore, duke iu referuar progresionit të CDU/CSU-së, që fitoi vetëm katër pikë krahasuar me zgjedhjet e vitit 1998. "Fituesi i dytë i madh quhet Joshka Fisher. Ai përfitoi nga temat emocionuese që shënuan mbylljen e fushatës elektorale: Përmbytjet dhe lufta në Irak", vlerësonte "Die welt".

E përditshmja ekonomike "Financial Times Deutschland", e vetmja që bëri thirrje hapur të votohej për kandidatin konservator Edmund Stoiber, vlerësonte se "vetëm rezultati I mjerë i liberalëve e pengoi shumicën e të djathtës CDU/CSU/FDP të fitonte".

atsh

[Albo]

Pas daljes së rezultateve jozyrtare, deklarohet kandidati i konservatorëve, Edmund Stoiber

"Qeveria e Shrëderit, jo më shumë se një vit"

"Brenda një viti unë do të formoj një qeveri të re"

MYNIH, 23 Shtator /ATSH-Reuters/ - Rivali konservator për gjerman, Edmund Shtoiber parashikoi dje se qeveria socialdemokrate e kancelarit gjerman Gerhard Schroeder nuk mund të zgjasë më shumë se një vit, duke pranuar indirekt humbjen në zgjedhjet e djeshme. "Nëse ne nuk mund të formojmë këtë qeveri, qeveria e Shrëderit do të jetë në gjendje të qeverisë vetëm për shumë pak kohë", tha Shtoiber. "Brenda një viti unë do të formojë një qeveri të re". Pas rezultateve fillestare të pjesshme që treguan se konservatoret e Stoiberit morën më shumë se socialdemokratet, por që nuk arritëm të fitojnë shumicën në parlament për një koalicion me demokratët e lirë, Shtoiber e shpalli veten fitues moral te zgjedhjeve. Ndersa koalicionin e majte te Shrederit duket se e ka ndihmuar shume partia e te gjelberve, te cilet kane marre me teper pike se sa demokratet e lire, ne koalicion me konservatoret e Shrederit".


Duke rilidhur "fijet" me Amerikën Emma Thomasson


Kancelari gjerman, Gerhard Schroeder, kundërshtimi i të cilit në lidhje me një sulm amerikan kundër Irakut e ndihmoi për të rifituar zgjedhjet e përgjithshme parlamentare, filloi pikërisht sot riparimin e demit të shkaktuar nga Ministrja e tij e Drejtësisë, duke njoftuar largimin e saj nga posti.

Sidoqoftë, ai nuk dha asnjë shenjë se gjithçka do të rregullohej me aleaten e NATO-s. Lëvizja e parë e Schroeder është njoftimi se Ministrja e Drejtësisë Herta Daeubler-Gmelin, e cila javën e kaluar deklaroi se metodat e Presidentit Bush, për të hequr vëmendjen e opinionit publik amerikan ndaj problemeve të brendshme duke filluar një luftë kundër Irakut, ngjanin me ato të diktatorit nazist, Adolf Hitler, nuk do të përfshihej më në kabinetin e ri qeveritar gjerman.

Edhe pse Gmelin refuzoi të kishte bërë një krahasim të tillë, Schroeder deklaroi në një konferencë shtypi se ajo kishte kërkuar që emri i saj të mos merrej parasysh në formimin e qeverisë së re.

Por, Schroeder shtoi gjithashtu se nuk e kishte ndryshuar qëndrimin e tij ndaj Irakut, që vazhdon të shqetësojë Uashingtonin, dhe refuzoi sugjerimet sipas të cilave qëndrimi I tij kishte dëmtuar marrëdhëniet me aleatin përtej Atlantikut.

"Bazat e marrëdhënieve mes Gjermanisë dhe Shteteve të Bashkuara të Amerikës janë kaq të sigurta, sa frika se ato u vunë në dyshim gjatë fushatës elektorale është plotësisht e pabazë", deklaroi kancelari gjerman.

"Mes miqsh, mund të ekzistojnë diferenca faktike, por ato nuk duhet të personalizohen, veçanërisht kur bëhet fjalë për aleatë të ngushtë", shtoi ai. Werner Weidenfeld, shef i Qendrës për Kërkimet e Politikës së Aplikuar (CAPR), në Mynih, deklaroi se Schroeder nuk mund të ndryshojë plotësisht qëndrimin ndaj Irakut, pa përpunuar më pare për këtë numrin e madh të votuesve, me të cilët fitoi zgjedhjet. "Nuk do të jetë e lehtë për të riparuar marrëdhëniet e dëmtuar keqazi me qeverinë amerikane", deklaroi Weidenfeld.


A do të zbutet qëndrimi i Kancelarit?

Diplomatët gjermanë kanë sugjeruar se kundërshtimi i kancelarit për një luftë kundër Irakut mund të zbutet nëse Sadam Husein do të dështonte në bashkëpunimin e plotë me inspektorët e Kombeve të Bashkuara për armët ose nëse provohet se Iraku zotëron armë të shkatërrimit në masë, që është edhe akuza kryesore e Uashingtonit.

"Tashmë që zgjedhjet mbaruan, ekspertët e politikës së jashtme do të marrin përsëri rolin drejtues", deklaroi Bernhard May i Këshillit Gjerman për Marrëdhëniet me Jashtë (GCFR). May i ka kërkuar kancelarit që t’i shkruajë Presidentit Bush një letër, ku t’i sqarojë qëndrimin e tij, duke shpresuar se Schroeder do të ketë të njëjtin qëndrim kundër Irakut, nëse Këshilli i Sigurimit i Kombeve të Bashkuara bie dakort për një rezolutë të re të ashpër mbi Irakun.

Voigt deklaroi se trupat gjermane do të mundësonin lënien të lirë të trupave amerikane dhe britanike për në Irak, duke marrë më shumë përgjegjësi në Ballkan dhe Afganistan.

Ministri gjerman i Mbrojtjes, Peter Struck ka këshilluar krijimin e një komande gjermano-holandeze, që mund të marrë përsipër lidershipin e forcës paqeruajtëse në Afganistan, pas mbarimit të mandatit të Turqisë, në fund të vitit, duke rritur madje edhe numrin e trupave.

Pritet që ai të diskutojë mbi këtë plan edhe me homologun e tij holandez në takimin e nesërm të NATO-s në Varshavë.

Struck shtoi se do të bisedonte edhe me homologun amerikan, Rumsfeld, edhe pse ky i fundit ka deklaruar se nuk do ta bëjë një veprim të tillë. "Aktualisht, marrëdhëniet tona janë politikisht të vështira, por ato do të përmirësohen", deklaroi dje Ministri gjerman i Mbrojtjes, Peter Struck.

ATSH / REUTERS

[Shën Albani]

Gjermania me Schröder ka tenisonuar mardheniet me SHBA, kjo u be per fushate zgjedhore. Tani kjo qeveri mundohet ta kufizoje demin. Gjermania pa SHBA-n nuk mundet se proamerikanizmi eshte akoma me i madh se e kunderta.
Une jam dhe kam qene i bindur se Schröder do te marre pjese ne luften kunder Irakut, ne pyetje eshte vetem se si do t´ia shese kete kombit. Eshte e mundur te pohoje keshtu: " Sipas informatave qe kemi Iraku do te beje se shpejti bomben atomike e cila mund te godase edhe Evropen"! Kjo do t´i mjaftonte per ta lare fytyren dhe per tu arsyetuar para popullit. Ndoshta per te shpetuar fytyren, nuk marrin pjese aktive ne lufte, por do te bartin barren kryesore materiale, sic ben edhe ne kohen babait Bush.

[Eni]

Tipike per te majtet ky arsyetim; te kthejne mbrapsht ato qe kane pohuar me pare.
Schröder gjate fushates elektorale kundra Helmut Kohlit, deklaroi se do te frenonte e madje ulte numrin e te papuneve ne Gjermani, dhe nqs nuk ia arrinte dot brenda 4 vjecarit te qeverisjes se tij, nuk do te rikandidohej.
Por papunesia jo qe nuk u ul, por as nuk u frenua dhe Schröder rikandidoi perseri me parullen "te vazhdojme punen e nisur"...

Te njejten gje do beje e me SHBA, do te ktheje mbrapsht deklaratat e tia se nuk do te dergoje asnje ushtar gjerman ne nje lufte te mundshme me Irakun.
Nqs Evropa do t'i bashkangjitet SHBA ne kete lufte, dhe Schröder te njejten gje do beje.

Opinioni publik gjerman pas ftohjes se marredhenieve me Ameriken, e sheh kete fakt si dicka negative. Nisur kjo nga fakti se SHBA kane qene shteti kryesor ne rimekembjen e Gjermanise pas L.II.Bot.. Kane qene amerikaet, te cilet ndihmuan gjermanet me ndihma te gjitheaneshme. Plani Marshall ka qene nder katalizatoret kryesor ne rimekembjen e vendit. Gjermania ka qene aleati kryesor (perpos Britanise) i amerikaneve ne kontinentin plak dhe shtylla kryesore e bazave amerikane dhe atyre te NATO-s.

Pra pozicionimi i kancelarit Schröder kundra Amerikes, mendoj se do i kushtonte shume atij.
Deri tani i ka kushtuar renien e reputacionit nder politkanet e presidentin amerikan. Ku i dihet me tej ndoshta do te mund t'i kushtoj karrigen e kancelarit, gjithnje nqs vazhdon t'i qendroje premtimeve te tija elektorale.

[Shën Albani]

Pervec asaj qe permende, amerikanet kane ndihmuar ribashkimin.
Schröder nuk eshte treguar parimor per ato qe permende ti dhe nuk mendoj se keta do ta zvoglojne numrin e te papuneve, perkundrazi do te rritet akoma. Meqenese per kater vite nuk ka bere gje per kete, as per keto kater nuk mund te beje. Ky pati guxim tu hjek tatimet koncerneve qe do t´ishte tipike per nje parti te djatht, por jo nje e majte t`i nenshtrohet koncerneve dhe te punoje ne dobi te tyre. As CDU nuk e ka bere kete, por e majta, po!
Se si do te ruhet dinjitetit i Schröder nuk e di, me siguri punojne ekspert ne kete drejtim, por se do te veproje sipas deshires amerikane nuk kam dyshim, ne pyetje eshte vetem se si do ta formulojne arsyetimin.
Tani deshirojne t´i hipin tatimet, ndoshta cigaret do te kushtojne kater €, keshtu kane propozuar te gjelbertit, ndoshta i kthehen perseri benzines...sidoqofte keta nuk kane kompetence ekonomike, me teper jane demagog. Dhe kjo fitore e tij nuk ishte fitore, por Grünet e rivendosen Schröder ne karrigen qe nuk e fitoi denjesisht por me tema nderkombetare duke i marre shume votues PDS. Askush nuk i pat krkuar Gjermanise ushtare...ketij i sherbeu kjo teme per populizem dhe do ta paguaje kete ekonomia gjermane, ushtarakisht ose materialisht.....