Demokratet e bashkise: "Rama, i çmendur, mbushi Tiranen me plehra"

[mia@]

O operacioni fshesa, boll i fshit postimet se po beheni qesharak. Keni filluar te fshini dhe postimet qe le dhe bosi juaj. Jeni per te qare hallin!

Ne fakt mire do ishte qe kjo teme te perfundonte atje ku e ka vendin, ne kosh.

[INFINITY©]

Ne fakt mire do ishte qe kjo teme te perfundonte atje ku e ka vendin, ne kosh.

Je ne vete ti, asaj i thone te dalesh kunder partise dhe propagandes se saj. Nuk e kuptojne qe po nxjerrin debilin e tyre me debil se c'eshte. lol

[mia@]

Je ne vete ti, asaj i thone te dalesh kunder partise dhe propagandes se saj. Nuk e kuptojne qe po nxjerrin debilin e tyre me debil se c'eshte. lol

Pikerisht. Duhet te ishin vet demokratet ata qe nuk duhet te lejonin hapjen e temave te tilla ku nxirret ne pah lajthitja e liderit te tyre. Ne vend t'ja fshehin difektet ja nxjerrin vet ne pah.

[VOLSIV]

Vetem shiko kete video te minuta 2:15 dhe ne fund te saj per te deshmuar qe ky njeri nuk eshte ne rregull. A mund ta beje nje kryeminister i ardhshem kete?
http://www.youtube.com/watch?v=YwgAI...layer_embedded

>>> Sikur nuk pashe ndonje gje te vecante tek ajo video, ndryshe nga c'kam pare deri tani.

[Eve]

jeni bere dhe ju me keq se politikanet me keto tema

[mia@]

>>> Sikur nuk pashe ndonje gje te vecante tek ajo video, ndryshe nga c'kam pare deri tani.

Ajo c'ka u duket anormale ketyre eshte pse u hodh nga gezimi Edi. Do me dukej anormale e kunderta.

[Der_Kaiser5]

>>> Sikur nuk pashe ndonje gje te vecante tek ajo video, ndryshe nga c'kam pare deri tani.

Po ky na prentendo te bohet kryeminister i Shqiperise. A nuk duhet te kete nje fare serioziteti Kryeministri, apo duhet te sillet si kalamo kopshti? A e pe videon ne ato segmente apo po flet si kodra mas bregut?

[Duaje Siveten]

Shekulli, 08/12/2009

Gënjeshtar me "patentë" evropiane

MERO BAZE

Komisioni Evropian ka provuar një ditë më parë se kryeministri i Shqipërisë, Sali Berisha, është zyrtarisht gënjeshtar. Në një deklaratë të shkruar e zeza mbi të bardhë, Komisioni Evropian ka sqaruar se deklaratat e kryeministrit, Sali Berisha, të bëra në emisionin "Opinion", lidhur me kërkesat e socialistëve për mosliberalizimin e vizave, janë gënjeshtra dhe për më tepër personi, të cilit i referohej Berisha, nuk kishte qenë fare në takim. Një ngjarje e tillë është një lajm i hidhur për një shoqëri të emancipuar. Një gënjeshtër e provuar qartazi nga një institucion serioz, siç është praktikisht Qeveria e Evropës, ku ne duam të shkojmë, na bën të turpërohemi të gjithë, përveç Sali Berishës.

Për të kuptuar diferencën mes një shoqërie me mentalitet demokratik dhe perëndimor dhe një shoqërie të pajtuar me gënjeshtrën si fatalitet, mjafton të kujtojmë ç'i ndodhi kryeministrit të Hungarisë dy vite më parë. Duke qenë një reformator real, ai ishte në makth që kishte dhënë premtime të pambajtshme në fushatë elektorale dhe u citua të kishte thënë në një mbledhje qeverie se "po gënjejmë qytetarët". Kaq mjaftoi që rrugët e Hungarisë të ktheheshin në arenë protestash që tronditën vendin, por i dhanë shoqërisë hungareze dinjitetin e një vendi të lirë, që nuk pranonte të gënjehej dhe fyhej nga askush. Kryeministri ynë u kap duke gënjyer nga Qeveria e Evropës, ku ne po trokasim, dhe ende nuk ka dalë të kërkojë ndjesë, së paku evropianëve.

Ky gjest i rëndë, i pakonceptueshëm për një zyrtar perëndimor, rëndon në axhendën tonë evropiane shumë herë më tepër sesa përqindja e pasaportave biometrike apo kartave të identitetit të lëshuara, dhjetëra herë më shumë se sigurimi i kufijve apo migracioni i brendshëm që duhet të plotësojmë për liberalizimin e vizave. Kryeministri ynë është kapur duke gënjyer në emër të Qeverisë Evropiane, dhe nuk po kërkon ende falje. Kaq mjafton që shoqëria jonë të ndëshkohet për shkak të njeriut që e përfaqëson. Ne kemi zyrtarisht një kryeministër me "patentë" evropiane si gënjeshtar, të noterizuar me deklaratë zyrtare nga Komisioni Evropian si mashtrues.

Po këmbëngul te "patenta" evropiane e Sali Berishës si gënjeshtar, pasi ai ka kohë që përpiqet të zhvlerësojë provat publike që ne i servirim si shqiptarë për gënjeshtrat e tij. Ne i kemi provuar publikisht çfarë ka thënë para 2005 dhe pas 2005 për korrupsionin dhe rivalin e tij Fatos Nano, por ai na i ka zhvlerësuar duke thënë se "ishte fushatë". Ne i kemi provuar se ç'ka thënë më 2005 dhe ç'ka thënë më 2009 për Rezart Taçin nga kontrabandist në biznesmen të ndershëm, por ai na thotë që e ka pasur fjalën për Cacin. Ne i kemi provuar ç'ka thënë për Fatos Nanon, që po i grabiste tokat fshatarëve të Kakomesë më 2005, dhe si hesht, kur ua grabit vajza dhe dhëndri i tij më 2009, por ai e ka injoruar duke arrestuar ata që ngrenë zërin. Ne e kemi provuar se ka mashtruar me shantazhin e bërë ndaj Top Channel-it më 2006, por ai na tregon "dosje" të reja të mafies, për të cilat nuk dimë kur do t'i harrojë që i ka treguar.

Në njëfarë mënyre beteja jonë për të provuar që ai është gënjeshtar, është konsumuar brenda Shqipërisë dhe njerëzit janë lodhur së dëgjuari që ai është një gënjeshtar dhe e kanë pranuar këtë gjë si fatalitet.

Problemi që kemi tani është i ri. Ky është zyrtarisht një gënjeshtar dhe mashtrues për Brukselin dhe ky ves i tij primitiv na ndëshkon të gjithëve si shoqëri. Evropa nuk na pranon me një kryeministër gënjeshtar në krye. Për shkak të tij ne nuk do jemi të lirë më 1 janar të lëvizim sikurse fqinjët tanë maqedonas dhe malazezë. Jo se ata i plotësojnë kushtet që ne s'i kemi plotësuar, por ata na e kalojnë në një kusht. Ata nuk kanë kryeministra mashtrues. Falë këtij njeriu ne po na shtyhet deri në korrik dhe, larg qoftë, dhe më vonë heqja e vizave. Falë këtij njeriu, ne mund të mos marrim as për dy vjet përgjigje për kërkesën tonë për statusin e vendit kandidat të BE. Falë këtij kryeministri, zyrtarisht gënjeshtar, ne do dërrmohemi duke pritur të lëvizë karroca jonë e shkatërruar drejt Perëndimit. Dhe arsyeja është e thjeshtë. Jemi të vetmit që kemi një kryeministër zyrtarisht gënjeshtar, të provuar nga Brukseli.

[Brari]

dujsiv..

shko ne doktor e tregoja semundjen qe ke,.

se ndoshta te gjejne ndonje derman..

pyet dhe mustafa nanon se mos dhe ai ka nevoje.. e bashke me edvinin kurohuni..

kur do na tregoc se cte ka bere berisha tyjan mor aman qe ta kuptojm hallin tend.. se per meron e dime.. donte i ngrati ca tendera me qe e ka lavderuar dikur berishen.. e nuk ja dhane ato gocat e zyres se tenderave e ai ktheu traken..

dhe andre stefanos ja ke kaluar ne terbim anti-berish..

te uronj sherim te ngadalshem..

lol

[Duaje Siveten]

nuk e mas me "kut" personal ate qe ka bere berisha, jo ... ai eshte standarti oportun i zgjebarakeve qe i mbajne iso atij, ose largonen prej tij per nje grusht para, evro, dallare ...

ajo se çfare i ka bere dhe i ben ende Shqiperise dhe Shqiptarise - ky eshte shqetesimi i perbashket, more harram ...

kthjellohu pak ... per dashurine pa kufi te salis per pushtet ... dhe zullumet qe e percjellin ate ...

Shekulli, 10/12/2009

Berisha dhe Demokracia Kineze

BLEDAR H. PRIFTI

Para disa ditësh, Ambasadori Amerikan në Tiranë, z. John L. Withers II, theksoi se raporti i ardhshëm i Departamentit të Shtetit në lidhje me të drejtat e njeriut ka për të qenë problematik për Shqipërinë.

Në vazhdim, ambasadori theksoi se administrata Obama ka kërkuar që në këtë raport të flitet për korrupsionin në një mënyrë që nuk është folur më parë. Përveç korrupsionit, raporti do të përmbledh edhe një vlerësim tejet negativ në lidhje me pavarësinë e institucioneve politike nga politika, lirinë e medias, dhe trafikimin i qenieve njerëzore.

Në lidhje me pavarësinë e institucioneve demokratike nga politika, Ambasadori Withers fokusohet te gjyqësori, duke marrë si shembull ndërhyrjen e drejtpërdrejtë të politikës në "çështjen Gërdeci", kurse në lidhje me lirinë e medias, ambasadori i referohet rrahjes së gazetarit Mero Baze për shkak të detyrës së tij.

Me pak fjalë, vitin që vjen, Shqipëria do të marri damkën e të qenit një "vend problematik", për sa i përket lirive dhe të drejtave të njeriut, apo e parimeve bazë të demokracisë.

E përkthyer ndryshe, në vitin që vjen, Shqipëria ka për t'u radhitur midis vendeve me demokraci problematike, ç'ka do të ketë impakt thelbësor në vlerësimin që do të bëhet për Shqipërinë nga organizmat ndërkombëtarë.

Por më shumë sesa problemet që ngrihen nga Ambasadori Withers, ne duhet të na shqetësojë gjuha diplomatike, me të cilën ai foli. Shumë mund ta kenë vënë re se ajo nuk ishte një gjuhë e zakonshme diplomatike.

Ajo ishte një "gjuhë diplomatike" që sinjalizon se problemet në sistemin politik Shqiptarë "kanë marrë dhenë" dhe se ka pak gjasa se ato do të zgjidhen nga pushteti aktual i Berishës.

Për më shumë, toni i deklaratës lë të kuptohet se marrëdhëniet Washington-Tiranë janë zbehur, dhe duket që "Shtëpia e Bardhë" i sheh me skepticizëm politikat e Tiranës zyrtare.

Por, këtu ka një koençidencë sa të çuditshme aq edhe shqetësuese nëse do të ktheheshim pas në vitin 1996. Në atë kohë, z. Berisha ishte president i Republikës, Partia Socialiste ishte në opozitë, dhe Shtetet e Bashkuara të Amerikës (SHBA) ishin në rolin e të akredituarit politik.

Situata ishte po e njëjtë: Berisha në pushtet, zgjedhje dhe lekë të vjedhura, opozitë dhe popull në protesta, opozitë të kërcënuar dhe të masakruar nga pushteti i Berishës, dhe SHBA që nuk aprovonin shumicën e politikave të Tiranës zyrtare. Dhe për çudi, këto ngjarje konfliktuale kanë vetëm një protagonist kryesor, dhe ky është kryeministri aktual, Sali Berisha.

Nëse do të pretendonim se fajin për ripërsëritjen e këtij skenari e ka natyra politike e opozitës Socialiste, atëherë fjala do të na ngecte në grykë, pasi jemi përballë faktit që duhet të shpjegojmë edhe rolin dhe vlerësimet negative të SHBA-së përkundrejt qeverisë Berisha-Meta.

Ka disa syresh, si ish-presidenti i atëhershëm, që do të krijonin një teori konspirative, si atëherë në 1997-ën, kur shkatërrimin e aparatit të shtetit u munduan, në mënyrë indirekte, t'ia faturonin shërbimeve sekrete të huaja, në veçanti shërbimit sekret Amerikan, CIA.

Por, historia e kombit Shqiptarë dhe pavarësia e Kosovës nuk jep as më të voglën mundësi për të ideuar kësi teorirash diabolike në ditët e sotme. Skenari i vitit 1996 dhe ai i vitit 2009 kanë të përbashkët të njëjtin regjisor dhe ideologji.

Dy skenarë politikë nuk do të ishin të ngjashme, nëse nuk do të kishin të njëjtin regjisor dhe të njëjtën ideologji që e udhëhiqte atë. Me fjalën regjisor nënkuptoj drejtuesin e aparatit të shtetit që është përgjegjës për mbarëvajtjen e aferave të shtetit, dhe me ideologji i referohem asaj tërësie idesh që kontribuojnë në mënyrën se si duhet të menaxhohen aferat e shtetit.

Dhe përsëri na shfaqet e njëjta simptomë që përjetuam edhe në 1996-ën, zullumi dhe dashuria pa kufij për pushtetin absolut nga ana e Berishës. Si një ish-komunist i vjetër, z. Berisha ka dëshmuar se kur ka qenë në pushtet, ai asnjëherë nuk ka kryer zgjedhje të lira dhe të ndershme. Në fjalët e Bernard Lewis, motoja dhe hipokrizia politike e Berishës mund të konsiderohej si "[një burrë], një votë, njëherë".

Për Berishën demokracia duhet të ekzistojë deri atëherë sa ajo të mundësojë ardhjen e tij në pushtet.

Pas kësaj, demokracia dhe parimet demokratike nuk mund të ekzistojnë për Berishën, përveç rasteve kur ato sigurojnë pushtetin e tij. Bile, çdo tentativë që do të kërcënonte pushtetin e Berishës do të konsiderohej jo-demokratike, kurse personat pjesëmarrës në to do të etiketoheshin si punista, mafiozë dhe armiq.

Etiketimi i kundërshtarëve me këto terma do të ishte thjesht fillimi i një reprezalje politike kundrejt kundërshtarëve të tij politik.

Këtë e përjetuam në periudhën 1992-1997 dhe, fatkeqësisht, mund ta përjetojmë edhe në ditët që do të vijnë, nëse populli Shqiptar lejon që të vazhdojë e njëjta mendësi politike.

Fatkeqësisht, ka një tendencë të pushtetit aktual dhe të mbështetësve të tij për të fshirë nga mendja e popullit, apo për të etiketuar si anarkist, këdo që analizon dhe paralajmëron ripërsëritjen e tragjedisë së vitit 1997-të. Të heqësh nga mendja tragjedinë e vitit 1997 do të thotë që të krijosh premisa dhe mundësi që ajo tragjedi të përsëritet.

Nuk mund të ndërtohet një e ardhme pa pasur parasysh dhe analizuar të shkuarën. E tashmja është nyja që lidh të shkuarën me të ardhmen. Një e tashme si e shkuara kurrë nuk mund të krijojë një të ardhme.

Ndaj çështja qëndron se si e ardhmja të bëhet e ndryshme dhe më e mirë se e shkuara, dhe jo kopje e saj. Sistemet politike evoluojnë, sepse ato mësojnë nga e shkuara e tyre dhe kanë tendencën të krijojnë modele më të mira se ato të shkuarat.

Krejt e kundërta ka ndodhur me politikën Shqiptare dhe sistemin e saj politik. Në vend që të krijonim një model më të mirë të sistemit politik në krahasim me modelet e mëparshëm, ne risollëm në jetë një model tejet të dështuar--modelin neokomunist Berisha. Ky është një model që ka një ndërthurje të elementëve demokratike me elementët diktatorialë të tipit komunist. E thënë më thjeshtë, ne kemi rikrijuar një sistem politik Kinez.

Demokracia jonë mund të konsiderohet "demokraci Kineze" për faktin se ne jemi përballë faktit kur kemi një miksim të vlerave demokratike me ato diktatoriale.
Jetojmë në një vend, ku demokracia dhe drejtësia janë privilegj vetëm i pushtetarëve, dhe jo i popullit mbarë. U vranë 26 persona në Gërdec dhe mijëra të tjerë po vuajnë pasojat. A ka parë njëri nga këta drejtësi deri më sot? JO!

Sa qindra e mijëra Shqiptarë të tjerë enden nëpër gjykata në kërkim të drejtësisë? Sa qindra e mijëra Shqiptarë kërcënohen më heqjen e bukës së gojës në rast se nuk mbështesin qeverinë e neokomunistit Berisha? Sa mijëra biznese janë të kërcënuar sot e kësaj dite nga aparati i shtetit dhe forcat e tij paramilitare?

Sa media dhe gazetarë ndjehen të kërcënuar nga represioni qeveritar? Sa institucione demokratike janë vënë "nën hyqmën" e neokomunistit Berisha? Janë përgjigjet për këto pyetje dhe shumë të tjera që na tregojnë neve se po jetojmë në një "demokraci Kineze"

Ndaj, reagimi i fuqishëm i ambasadorit Amerikan, dhe raporti i mëvonshëm i Departamentit të Shtetit, në lidhje me shkeljet e të drejtave të njeriut, korrupsionin galopant, dhe represionin qeveritar mbi institucionet demokratike duhet të konsiderohet si një kambanë alarmi për shoqërinë Shqiptare dhe rrezikun që i kanoset asaj nga vendosja e neokomunizmit Berishian.

Gjithashtu, historia makabre e urrejtjes së popullit për popullin po promovohet nga pushteti Berishian përmes një lufte klasash të tipit komunist. Është përzier krundja me miellin dhe nuk po marrim vesh kush është kush në këtë sistem politik.

Nëse deri dje për Shqiptarët çështja kryesore ishte rrëzimi i komunizmit, sot çështja kryesore për shoqërinë Shqiptare është të ndash demokratin nga komunisti dhe të mirin nga i ligu. Në këto kushte, demokracia e brishtë Shqiptare rrezikon të kthehet, në mos është kthyer, në një "demokraci Kineze".