Berisha: Jemi te vendosur te shkaterrojme mafien ne vend

[Albo]

Kryeministri Berisha njofton ngritjen pranë kryeministrit dhe ekzekutivit të një Këshilli Ligjor për luftën kundër mafias në vend

Beteja me zero tolerancë ndaj mafias është çështja më kryesore dhe më e mirëpritur nga shqiptarët.

Në këtë luftë dhe në këtë përpjekje, në mënyrë kategorike nuk do të ketë ngjyra, se ngjyra e krimit ekonomik është ngjyra më e shëmtuar, do ketë qëndrim rigoroz ligjor.

Koha është e ligjit, ligjit dhe vetëm ligjit. Ashtu si bëmë ligjin për bandat, që, në shumë raste, ata, absolutisht, ishin vetëm ushtarë të tyre.

Kryeministri Berisha njoftoi sot ngritjen pranë Kryeministrit dhe qeverisë të një Këshilli Ligjor për luftën kundër mafias në vend. Duke njoftuar këtë vendim në mbledhjen e Këshillit të Ministrave, Kryeministri tha se lufta kundër mafias është emergjente dhe qeveria do të përdorë të gjithë forcën e ekzekutivit në këtë luftë. Kryeministri Berisha bëri të ditur se ky Këshill do të ketë ekspertët më të mirë ligjorë të vendit dhe si qëllim do të ketë sugjerimin e hapave ligjorë në luftën kundër mafias.

Duke paraqitur këtë nismë, Kryeministri Berisha tha:

“Gjatë këtyre ditëve e kam theksuar se, në rast në mandatin e parë ne çmontuam një nga një bandat që bënin ligjin në qytete, rrethet dhe portet e këtij vendit, Nehat Kullat, Aldo Baret, Lul Berishat etj., tani kanë ngelur nehatët e kollarisur, kanë ngelur bosët e mafias. Në këtë luftë dhe në këtë përpjekje, në mënyrë kategorike nuk do të ketë ngjyra, se ngjyra e krimit ekonomik është ngjyra më e shëmtuar, do ketë qëndrim rigoroz ligjor. Në mënyrë absolute nuk do të ketë forcë që të pengojë këtë ekzekutiv pa ushtruar vullnetin e popullit shqiptar në luftën kundër mafias. Ajo që unë deklarova mbrëmë ju garantoj se është një dhe vetëm një pjesë, sepse tentakulat e saj të tmerrshme shtrihen në mbarë vendin. E dini këngën që këndohet në Himarë: Himarës ç”i zunë sytë... rreshtin tjetër nuk po e them se e bën mbledhjen më politike se ç’duhet. Por Himarës ia zunë sytë. Mjafton të shkoni në Himarë. Bukuritë natyrore të Himarës mafia i vuri perde dhe aq sa e sheh detin nga Tropoja, aq mund ta shohësh mbrapa perdes së Himarës. Ky është një aspekt.

Ndaj zotërinj ministra, agjencitë tuaja kanë detyrimin e parë madhor betejën me zero tolerancë me mafian. Kjo betejë ka nisur dhe do të vazhdojë me metodat më rigoroze dhe më serioze. Secila agjenci të shqyrtojë bazën ligjore që ka në luftën kundër mafias dhe në rast se ka nevojë, të ndërmarrë hapat për përmirësimin e saj. Departamenti i Luftën kundër Korrupsionit do të jetë Departamenti kundër Mafias. Sikundër një Këshill Ligjor për të ndihmuar kryeministrin dhe ekzekutivin në këtë luftë, me ekspertët më të mirë ligjorë të vendit, është i domosdoshëm të funksionojë. Koha është e ligjit, ligjit dhe vetëm ligjit. Ashtu si bëmë ligjin për bandat, që, në shumë raste, ata, absolutisht, ishin vetëm ushtarë të tyre. Kjo do t’i japë një zhvillim të fuqishëm këtij vendi.

Zoti ministër i Punëve Publike dhe zotërinj ministra, si ka mundësi që në Shqipëri bëhen të gjitha llojet e investimeve, por asnjë i huaj nuk mund kurrën e kurrës, të ndërtojë një pallat në Tiranë. Brenda bashkisë së Tiranës nuk ka ndonjë investim të huaj. Ndërkohë që kemi zona të tëra në Farkë, në Kashar, në Dajt, për të huajt kjo është e ndaluar në Tiranë dhe kjo sepse të huajt nuk do të pranojnë të krijojnë kartelin e çmimeve të ndërtimit. Nuk i lënë, pasi vetë marrin nga 150 mijë metra katror sipërfaqe ndërtimi. Situata është emergjente. E theksoj, më gjeni një investitor të huaj që të ketë guxuar të ndërtojë në Tiranë dhe kjo, jo se investimet në Tiranë nuk janë të leverdishme, pasi, absolutisht, çmimet në periferi të Tiranës janë të barabarta me çmimet në periferi të Berlinit, por nuk të lë mafia që të afrohen. Kjo situatë është e patolerueshme dhe duhet të marrë përgjigjen më të fuqishme. Qeveria do të përdorë të gjithë forcën e ekzekutivit. Ajo nuk do të ngurojë të përdorë dekretin. Lufta kundër mafias është emergjente. Ndaj Këshilli Ligjor që do të ngrihet, një nga detyrat do të ketë sugjerimin e dekreteve të Këshillit të Ministrave për të shpartalluar mafian me forcën e ligjit. E ritheksoj, a ka ndonjë investitor të huaj në kryeqytet? Kjo është e ndaluar. Shkolla nuk mund të ndërtohen dhe investitorë të huaj nuk mund të ketë në Tiranë. Këto dy kategori janë të përjashtuara.”

Kryeministria

[Erlebnisse]

Shyqyr! Duhen, ndonjehere, momente kaq te zjarrta per te bere ndryshime...

[INFINITY©]

Shpejt qenka kujtuar!

[Duaje Siveten]

ky krijimi i Këshilli Ligjor për luftën kundër mafias te kujton ngritjen e komiteteve te shpetimit per Shqiperine Veriore, qe desh ti ngrinte salia si kunderpeshe ndaj komiteteve jugore, duke e thelluar perçarjen ne vend, prag i luftes civile ...

por salis nuk i ka ato kryqe nashi ... hiqet si trim, por frika po e bren sistematikisht ...

po qe se eshte keshill anti-mafi, te hapi kutite dhe te ndjeke hajdutat e votave, hajdutat e vullnetit te popullit, mafien e zeze athino-beogradase qe nuk po e le Shqiperine te behet zonje ...

[Kaoni]

Eljona Ballhysa

Kryeministri Berisha u shpreh dje në fjalën e mbajtur në mbledhjen e qeverisë se do të shfrytëzojë të drejtën e dekretit për të luftuar mafien, duke nënkuptuar opozitën dhe drejtuesit e saj. Por, në asnjë rresht të Kushtetutës nuk parashikohet e drejta e Këshillit të Ministrave për të nxjerrë dekrete. E drejta e dekretit në Ligjin Themeltar të vendit i njihet vetëm Presidentit të Republikës. Kryeministrit të vendit, në kompetencat që i njeh Kushtetuta, nuk i parashikohet e drejta e dekretit, ashtu sikurse dhe qeverisë. Qeveria mund të nxjerrë projektligje, akte dhe urdhra, ndërkohë që Presidenti, në ushtrim të detyrave të tij, dekreton ligje, nxjerr dekrete dhe dekreton emërimin dhe shkarkimin e kryeministrit të vendit dhe të ministrave të kabinetit qeveritar. Deklarata e djeshme e kreut të qeverisë duket si një përpjekje e tij për të vënë në presion edhe kreun e shtetit në kulmin e debatit politik mes pozitës dhe opozitës. Berisha njoftoi, ndër të tjera, se nëpërmjet dekreteve do të krijojë një Këshill Ligjor ekspertësh që do të ndihmojnë kryeministrin të luftojë mafien që lidh biznesin me politikën në vend. Kjo deklaratë e Berishës duket si një tentativë e tij për të marrë kompetencat e Presidentit të Republikës, duke nxitur një tjetër front debati midis tij dhe Presidentit.
Deklarata
“Qeveria do të përdorë të gjithë forcën e Ekzekutivit. Ajo nuk do të ngurrojë të përdorë dekretin. Lufta kundër mafies është emergjente. Ndaj, Këshilli Ligjor që do të ngrihet, një nga detyrat do të ketë sugjerimin e dekreteve të Këshillit të Ministrave për të shpartalluar mafien me forcën e ligjit”, - është shprehur Berisha, ndërsa ka vazhduar me akuzat kundrejt opozitës dhe kreut të saj. “Gjatë këtyre ditëve e kam theksuar se, në rast se në mandatin e parë ne çmontuam një nga një bandat që bënin ligjin në qytetet, rrethet dhe portet e këtij vendi, Nehat Kullat, Aldo Baret, Lul Berishat etj., tani kanë ngelur Nehatët e kollarisur, kanë ngelur bosët e mafies. Në këtë luftë dhe në këtë përpjekje, në mënyrë kategorike, nuk do të ketë ngjyra, se ngjyra e krimit ekonomik është ngjyra më e shëmtuar; do të ketë qëndrim rigoroz ligjor. Në mënyrë absolute nuk do të ketë forcë që ta pengojë këtë ekzekutiv pa ushtruar vullnetin e popullit shqiptar në luftën kundër mafies. Ajo që unë deklarova mbrëmë, ju garantoj se është një dhe vetëm një pjesë, sepse tentakulat e saj të tmerrshme shtrihen në mbarë vendin. Ndaj zotërinj ministra, agjencitë tuaja kanë detyrimin e parë madhor betejën me zero tolerancë me mafien. Kjo betejë ka nisur dhe do të vazhdojë me metodat më rigoroze dhe më serioze. Secila agjenci të shqyrtojë bazën ligjore që ka në luftën kundër mafies dhe në rast se ka nevojë, të ndërmarrë hapat për përmirësimin e saj”, - u shpreh kreu i qeverisë, ndërsa njoftoi ngritjen e një Këshilli Ligjor për të ndihmuar kryeministrin dhe Ekzekutivin në këtë luftë, me ekspertët më të mirë ligjorë të vendit.
Kushtetuta
Kushtetuta e Republikës së Shqipërisë, në kapitullin që parashikon kompetencat e kryeministrit, nuk parashikon asnjë rresht për të drejtën e tij për të nxjerrë dekret. Një prej detyrave personale që parashikohen për kryeministrin është që, në zbatim të kompetencave të tij, të nxjerrë urdhra. Ndërsa në kapitullin për kompetencat e Këshillit të Ministrave parashikohet e drejta për të marrë vendime me propozim të kryeministrit ose të ministrit përkatës; e drejta për të nxjerrë akte, të cilat janë të vlefshme kur nënshkruhen nga kryeministri dhe ministri propozues, si dhe e drejta për të nxjerrë udhëzime. Në kapitullin e kompetencave të Presidentit të Republikës, pikërisht në Nenin 93 të Kushtetutës, shkruhet: “Presidenti i Republikës, në zbatim të kompetencave të tij, nxjerr dekrete. Pra Presidenti i Republikës është i vetmi institucion që ka të drejtën e nxjerrjes së dekreteve”.

Kushtetuta
Kompetencat e Kryeministrit
a) përfaqëson Këshillin e Ministrave dhe kryeson mbledhjet e tij;
b) koncepton dhe paraqet drejtimet kryesore të politikës së përgjithshme shtetërore dhe përgjigjet për to;
c) siguron zbatimin e legjislacionit dhe të politikave të miratuara nga Këshilli i Ministrave;
ç) bashkërendon dhe kontrollon punën e anëtarëve të Këshillit të Ministrave dhe të institucioneve të tjera të
administratës qendrore të shtetit;
d) kryen detyra të tjera të parashikuara në Kushtetutë e në ligje.
2. Kryeministri zgjidh mosmarrëveshjet ndërmjet ministrave.
3. Kryeministri, në zbatim të kompetencave të tij, nxjerr urdhra.
4. Ministri, brenda drejtimeve kryesore të politikës së përgjithshme shtetërore, drejton nën përgjegjësinë e tij veprimtarinë që ka në kompetencë. Ministri, në zbatim të kompetencave të tij, nxjerr urdhra dhe udhëzime.


Kompetencat e Presidentit
Presidenti i Republikës, në zbatim të kompetencave të tij, nxjerr dekrete.
2. Dekreti shqyrtohet brenda 10 ditëve nga Kuvendi.
3. Presidenti i Republikës dekreton shkarkimin e Kryeministrit në detyrë dhe emërimin e Kryeministrit të zgjedhur jo më vonë se 10 ditë nga votimi i mocionit në Kuvend.
1. Në rastin e Nenit 171 paragrafi 1, Presidenti i Republikës i paraqet Kuvendit dekretin për vendosjen e gjendjes së luftës brenda 48 orëve nga nënshkrimi i tij, duke specifikuar të drejtat që kufizohen.
2. Kuvendi merr në shqyrtim menjëherë dhe vendos me shumicën e të gjithë anëtarëve për dekretin e Presidentit.


Kompetencat e Këshillit të Ministrave
1. Këshilli i Ministrave përcakton drejtimet kryesore të politikës së përgjithshme shtetërore.
2. Këshilli i Ministrave merr vendime me propozim të Kryeministrit ose të ministrit përkatës.
3. Mbledhjet e Këshillit të Ministrave bëhen të mbyllura.
4. Aktet e Këshillit të Ministrave janë të vlefshme, kur nënshkruhen nga Kryeministri dhe ministri propozues.
5. Këshilli i Ministrave nxjerr vendime dhe udhëzime.


Deputetët demokratë, lumë akuzash ndaj kreut të PS-së

Gjatë ditës së djeshme kanë vazhduar sulmin në bllok deputetët demokratë ndaj kryetarit të Partisë Socialiste, Edi Rama. Deputetja e PD-së, Albana Vokshi, në një deklaratë për mediat i bëri thirrje Forumit të Gruas së Partisë Socialiste dhe deputeteve të opozitës, të firmosin një peticion ndërkombëtar e të distancohen nga fenomenet e shëmtuara të keqtrajtimit dhe ushtrimit të dhunës nga lideri i opozitës. “I ftoj t’i thonë stop dhunës së liderit të tyre e të vazhdojmë luftën tonë së bashku për të krijuar një botë në të cilën çdo grua trajtohet më respekt dhe dinjitet”, - është shprehur Vokshi. Ndërsa deputeti Aldo Bumçi reagoi pas deklaratës së Ramës, i cili i cilësoi shpifje akuzat e Berishës. Bumçi gjatë fjalës së tij përsëriti edhe njëherë akuzat për abuzim me tokat në Tiranë nga kreu i Bashkisë së kryeqytetit. Po gjatë ditës së djeshme, në një deklaratë për shtyp kundër Ramës ka dalë edhe një ish-eksponent i PS-së, tani deputet i PD-së, Lefter Maliqi.





4 Dhjetor 2009

[Albo]

Kuvendi kalon ligjin "Antimafia"

E Premte, 04 Dhjetor 2009

Rozeta Rapushi

Kuvendi miratoi dje me 74 vota, projektligjin per "Parandalimin dhe goditjen e krimit te organizuar", i quajtur se fundmi si ligji "Antimafia" dhe akuzoi ashper Edi Ramen, se i del ne krah kupoles mafioze ne vend. "Reagimet kunder ketij ligji, inspirohen dhe paguhen nga mafia. Por ne jemi me te bindur se kurre per zero tolerance ndaj krimit te organizuar dhe korrupsionit",-tha nga foltorja e Kuvendit, kryeministri Sali Berisha. Sipas tij, nga ky ligj do te tronditet vetem mafia, nderkohe qe biznesi do te shpetoje nga kthetrat e saj. "Zero tolerance per mafien. Jo me sic ndodh ne Tirane, ku 70% e lejeve te ndertimit, i marrin vetem dy seksere, eftimet dhe shkrelet apo ku 82% e siperfaqeve te ndertimit, i jepet vetem kupoles mafioze, qe drejton nje force kryesore politike te vendit", akuzoi Berisha, duke theksuar se qeveria e tij nuk e cmontoi mafien ne mandatin e kaluar, pasi kishte probleme te tjera me madhore. "Rama me qendrimin kunder ligjit, i shprehu solidaritetin kupoles se mafies, me te cilin ndau 750 milione euro", vijoi akuzat kryeministri. Ne kete kuader, ai theksoi faktin se nuk do te ekzistoje asnje imunitet, per akuzat korrupsion dhe krim te organizuar, per asnje anetar te mazhorances. Ne te njejten linje edhe kreu i grupit parlamentar, Astrit Patozi tha se ligji ka per synim te dekurajoje zhvillimin e cdo aktiviteti mafioz ne Shqiperi, sepse vetedija se nje dite pasurite e paligjshme do te sekuestrohen, e demotivon krimin, dhe nga ana tjeter, te caktivizoje burimet e medha financiare, qe mbajne ne kembe organizatat kriminale. Para miratimit te ligjit, kreu i grupit parlamentar demokrat, Patozi, kerkoi pergjigje nga kreu socialist Rama, se pasurite e kujt mendon Edi Rama dhe lirite e kujt ka parasysh ai se preken, kur e kundershton ligjin antimafia dhe e konsideron ate antikushtetues? "Le te shpresojme se nuk e ka fjalen per Aldo Baren dhe boset e tjere te krimit te organizuar, qe jane goditur pa meshire nga forca e ligjit prej vullnetit te kesaj qeverie ne 4 vitet e fundit. Por kjo eshte e veshtire per t'u besuar, po te kemi parasysh mijera faqe me transkriptime pergjimesh te krimineleve me te rrezikshem ne Shqiperi, ku del fare qarte emri i Edi Rames", akuzoi Patozi. Sipas tij, per vite me radhe, Rama ka ushqyer pa u lodhur me para dhe me pasuri publike disa tipa, te cilet sigurisht qe do te vihen ne veshtiresi pas aplikimit te ketij ligji. Po keshtu, edhe Ministri i Brendshem, Lulezim Basha, sulmoi ashper nga foltorja e Kuvendit, kreun socialist per mafien e ndertimit. Nga ana tjeter, ministri i Drejtesise, Bujar Nishani, institucioni qe u more me perpilimin e neneve te ketij ligji, tha se me kete ligj ashpersohen masat kunder grupeve te krimit te organizuar dhe sekuestrimit te pasurive te tyre.

KJ

[Albo]

Ligji parashikon sekuestrimin e pasurive te krimit ne vend

E Premte, 04 Dhjetor 2009

Ligji per "Parandalimin dhe goditjen e krimit te organizuar", ka per objekt sekuestrimin dhe konfiskimin e aseteve te paligjshme, te krijuara nga krimi i organizuar. Ne kete ligj, parashikohen hapat konkrete per parandalimin dhe goditjen e krimit te organizuar nepermjet, zbulimit, identifikimit, sekuestrimit dhe konfiskimin e pasurive te paligjshme, te personave te dyshuar si pjesemarres ne krimin e organizuar. "Miratimi i ketij projektligji, perben jo vetem nje materializim te perpjekjeve dhe angazhimeve te qeverise ne luften kunder krimit te organizuar, por perben edhe nje permbushje te detyrimeve te Shqiperise, ne proceset integruese", thuhet ne projektligj. Me kete ligj, lejohet konfiskimin ne rastet e dyshimta te te provuarit te faktit penal, sepse konfiskimi i pasurive nuk vendoset nese gjykata/prokuroria vendosin perfundimin e procedimit penal nen hipotezen se provohet qe i dyshuari te mos e kete kryer vepren penale. Gjithashtu ligji ka reformuar edhe konstituimin dhe perberjen e Komitetit Keshillues per masat parandaluese, i cili tashme propozohet te jete ne nivel ekspertesh, me perberje nga te gjitha agjencise qe marrin pjese ne procesin e zbatimit te ligjit. Me kete nisme, permiresohen edhe destinacioni i te ardhurave te fituara nga zbatimi i ligjit, me te cilit krijohet nje fond i posacem.

KJ

[Duaje Siveten]

ky palo-ligj, per vete kohen kur u miratua nga kuvendi mono-krom nuk do te beje gje tjeter veçse

1- parandalon qe te hyjne asete financiare ne Shqiperi, dhe

2- ato asete qe jane te mundshme per tu transferuar, do te dalin nga Shqiperia ...

keshtu zbatohet ne menire krijuese porosia e shokit enver "edhe bar do te hame qe opoziten te shkatrrojme, eleminojme" ...

apo nuk tha vet salis, nuk ka nevoje per opozite ...

sa i zoti eshte salis kur nuk ka opozite, qerratai ... pse te mos beje edhe ai si shoki enver ... e shtyu ai per 40 vjet ...

[goldian]

pse dhe tani me saliun ka mafie ne shqiperi
apo eshte thjesht vend i ri pune per ndonje kushuri

[Albo]

Antimafia, ligji shkon në Kushtetuese

Ligji Antimafia, i miratuar dy ditë më parë do të ankimohet në Gjykatën Kushtetuese. Komiteti Shqiptar i Helsinkit do të ndërmarrë nismën për të ankimuar në gjykatën supreme, ligjin për sekuestrimin e pasurive të personave të dyshuar, të cilët nuk e justifikojnë mënyrën se si e kanë krijuar. Drejtuesja ekzekutive e Komitetit të Helsinkit, Vjollca Meçaj, tha dje për median se “nuk u ftuan nga Ministria e Drejtësisë të ishin pjesë e diskutimeve të ligjit disa orë më parë më 74 votat e maxhorancës, por ai do të ankimohet në Gjykatën Kushtetuese”. “Ne nuk na është marrë mendimi dhe nga sa jemi informuar as organizatave simotra që merren me të drejtat e njeriut. Në fakt, kemi tentuar ta gjejmë projektligjit, por nuk kemi mundur ta sigurojmë atë. Efektivisht jemi shumë të interesuar. Kemi ndjekur me shumë interes të gjitha denoncimet ose pretendimet që kanë parashtruar juristë të ndryshëm në cilësinë e tyre si profesionistë. Sigurisht edhe ne jemi të interesuar tani që ligji është bërë, ka kaluar në parlament. Shpresoj që të kemi mundësinë që për ta shtënë atë në dorë”, u shpreh Meçaj. Kundër këtij ligji janë shprehur dhe juristë dhe avokatë, të cilët kanë theksuar se ai bie ndesh me të drejtat e liritë e njeriut.

Panorama