Berisha: Jemi te vendosur te shkaterrojme mafien ne vend

[Duaje Siveten]

SOT ONLINE

A mund të ketë shqiptar të vërtetë, që të besojë më tek Berisha
Nga Ramazan SHERJA

Në kuadër të fushatës për zgjedhjet e 8 majit, Berisha bredh cep më cep të Shqipërisë, bën deklarata e premtime të bujshme, se ai do ta bëjë Shqipërinë parajsë. Ai flet e premton sikur të ketë zbritur këto ditë në këtë tokë nga ndonjë planet tjetër, e sikur nuk e njohin shqiptarët e ti kenë harruar gënjeshtrat e tij. Ai në çdo miting e takim çirret e gërthet sikur në Shqipëri ekziston vetëm ai, se është i gjithëpushtetshëm, absolut, se për këtë popull ai është dielli e ajri, e do të ishte fatkeqësi për këtë vend mungesa e tij.

Por në fakt ekzistenca e tij ende në politikë është fatkeqësia e shqiptarëve. Një demokrat i orëve të para, ish ithtar i Berishës, na thoshte ditën kur kryeministri ynë gërthiste në mitingun e Vlorës: “Ja do ta marrim edhe Vlorën - dëgjoni përrallat e Berishës Si nuk foli një herë si politikan e burrë shteti. Unë kam besuar shumë tek ai burrë. Edhe vjedhjen e votave nga kjo mazhorancë, në zgjedhjet e 29 qershorit, nuk e besoja, por e quaja një alibi të liderit të opozitës Rama për të justifikuar humbjen dhe një formë të luftës së tij për të konsoliduar pozitat drejtuese në PS. Por kur dogji fletët e votimit, u binda plotësisht, se Berisha i ka vjedhur votat e kërkon të humbi gjurmët e kusarisë, duke bërë deklarata ndershmërie.

Pse duheshin djegur fletët e votimit, e pse të mos bëhej transparenca, kur Berisha nuk kishte hile? Dhe çdo fjalë e premtim të tij dhe të Bashës, jo vetëm që nuk e besoj më, por edhe më irriton. Neve, ata vazhdojnë të na quajnë si turmë pa tru, por këtë herë do të kuptojnë ç’do të thotë vullnet i një populli të zhgënjyer”. Berisha sikur e harroi shpejt 21 janarin dhe 4 viktimat që shkaktoi, por nuk harrojmë ne. E si mund t’i besojë më një njeri që ka dy mend në kokë, këtij pseudoburri që deklaroi ethshëm e patologjikisht në mbrëmje, se “demonstruesit i vrau opozita”, “e armatosur” me çadra pistoletë e stilolapsa me helm”, dhe në mëngjes, kur del e vërteta në shesh, pranon vrasjen e demonstruesve nga Garda, por mundohet të justifikohet me “rregullore” për mbrojtjen e institucioneve, që i ka shpikur mendja e tij e sëmurë.

E si mund t’i besosh më këtij kryemashtruesi kryeministër, që në mbrëmje çirret për zbatimin e shtetit ligjor dhe në mëngjes, kur sheh se i preken interesat e oborrit mbretëror, urdhëron policinë të mos zbatojë urdhër arrestin e lëshuar nga prokuroria, për oficerët gardistë, që vranë demonstruesit paqësorë? A mund të besohet ky bajraktar kryeministër, monopolizues i të gjitha pushteteve, që i bën shantazh deri edhe Presidentit të Republikës e Prokurores së Përgjithshme, duke i etiketuar ata deri me epitete nga më banalet si horra e lavire bulevardi? E kush mund t’i besojë më këtij kryeministri tekanjoz, që edhe pasi kaluan muaj nga 21 janari vazhdon ta quajë atë “grusht shteti” e “puç” , kur të gjithë tashmë brenda e jashtë vendit, kanë argumentuar e deklaruar se nuk ishte grusht shteti?

A nuk qe ky kryeministër që i mashtroi shqiptarët se ishte për “zero tolerancë” ndaj korrupsionit, e krimit të organizuar, madje la edhe numrin e telefonit për denoncuesit e korrupsionit, dhe kur u argumentua korrupsioni i zëvendësit të tij me bllok në dorë, ashtu si shumë veprime korruptive të kabinetit të tij, jo vetëm nuk denjoi ta dënojë këtë skandal që i kapërceu kufijtë e vendit, por e mori në mbrojtje korrupsionin e zv/kryeministrit të tij, duke deklaruar se “video ishte një montazh i përgatitur nga lideri i opozitës”? Ky popull që u njeh mirë pyet: “Përse kryeministri nuk del në fushatë bashkë me partnerin e tij të koalicionit dhe të shtrëngojnë duart hareshëm siç bënë atëhere kur bënë koalicionin e qeverisë së integrimit “për të mirën e Shqipërisë”?!

A nuk është ky kryeministër sharlatan që na ka premtuar për të disatën herë 24 orë ujë dhe drita, kompensimin e ish-pronarëve e legalizimin e banesave në zonat informale (madje në mënyrë pompoze shpërndau dhe nja tre-katër copë tapi në Kashar), hapjen 200 mijë vende pune, pajisjen e studenteve me karta studenti, Shqipërinë në moshën e internetit e të tjera e të tjera si këto, që tashmë shqiptarët i tregojnë si barsoleta?

A nuk ishte ky kryeministër që sa ishte në opozitë, nuk linte sharje e akuza pa hedhur kundra Nanos dhe Metës dhe sapo erdhi në pushtet i bëri miq e bashkëpunëtorë në qeverisje për të vjedhur e shkatërruar bashkë me ta Shqipërinë?

A nuk ishte ky kryemafioz, që kur ishte në opozitë, i quante skandale importimin e plehrave, privatizimet e bëra nga mazhoranca, përmbytjen e Shkodrës, dhe tani, kapardisur në kolltukun me vota të vjedhura, i quan veprime ligjore ose fatkeqësi të natyrës.

A nuk qe ky kryeministër tregtar matrapaz që shiti sipërfaqe ujore të territorit të vendit tonë, ashtu siç ka shitur pjesë të tokave miqve të tij fazlliçë, dhe nga ana tjetër mundohej të shitej si patriot i madh?

A nuk qe ky president i atëhershëm, që natën nxiste kontrabandën e naftës e të armëve, duke thyer embargon e vendosur ndaj Serbisë dhe ditën u shiste kosovarëve deklarata patriotizmi? Ishte ky president që dogji Shqipërinë e mori jetën e mijëra viktimave të pafajshme në 1997, ishte Saliu kryetar i PD, që bëri grushtin e shtetit në vitin 1998, ishte Saliu kryeministër, që vrau 26 njerëz të pafajshëm në Gërdec e përmbyti dy herë Shkodrën brenda një viti. Ashtu siç inkurajoi firmat piramidale e fukaradisi shqiptarët dje, ushqen korrupsionin qeveritar e po na varfëron e poshtëron çdo ditë sot, ashtu siç veproi me Prokurorin e Përgjithshëm, Kryetarin e Gjykatës së Kasacionit dje, vepron në mënyrë mafioze me kolegët e tyre sot.

Po përse iu dashka besuar më këtij mashtruesi vrasës, e kandidatëve që kanë bekimin e tij nëpër bashki e komuna se do ta mirëqeveriskan këtë popull? Berisha prapë po u vardiset shqiptarëve duke u lypur votat, e duke premtuar se do ta bëjë këtë vend Eldorado. Por ky popull i drobitur nga varfëria, nga mungesa e kujdesit shëndetësor e social, që provon çdo ditë në kurriz mungesën totale të shtetit, që lan çdo ditë rrugët me gjak në aksidente e vritet në hakmarrje kanunore, i ruan të gjitha në kujtesë prapësitë e Saliut dhe saliistëve të vegjël, për t’i ndëshkuar ata sa më ashpër me votën e tij më 8 maj.

[Albo]

Konfiskohen pronat e 2 bandave

Gjykata për Krimet e Rënda ka shpallur dje dy vendime konfiskimi, duke kaluar në llogari të shtetit dy llogari bankare dhe një sipërfaqe trualli në pronësi të dy personave të akuzuar për krime të rënda.Pronat e koksifikuara janë pasuri të sekuestruara më parë në zbatim të ligjit “Antimafia”, pasi dyshohej se sigurimi i tyre është bërë në rrugë kriminale. Dy nga pasuritë e konfiskuara i përkisnin Afrim Hoxhës, një prej të akuzuarve dhe të dënuarit me 18 vjet burg nga Shkalla e Parë e Krimeve të Rënda, si “anëtar” i “Bandës së Lushnjës”. Ndërsa tjetra i përkiste Oltjon Sadikajt. Ai dyshohet të jetë përfshirë në pengmarrjen e një 74-vjeçareje në qershor të vitit 2009 në Selanik, Greqi. Ndërkohë, gjykata liroi nga sekuestroja shtatë pasuri të Afrim Hoxhës, pasi nuk u provua prejardhja e tyre nga “paratë e krimit”. Vendimet e konfiskimit u shpallën dy ditët e kaluara tek Krimet e Rënda. Kështu, sipas vendimit të shpallur nga gjyqtari Klodian Kurushi, ndaj Afrim Hoxhës, gjykata vendosi konfiskimin e një sipërfaqeje pre 110 metër katror truall me vendndodhje në lagjen “Skënder Libohova” në Lushnjë. Gjithashtu, gjykata konfiskoi një llogari bankare të Afrim Hoxhës në shumën 1 148, 81 euro. Në të njëjtin vendim, gjykata liroi shtatë pasuri të sekuestruara të Hoxhës. Sipas vendimit, togat e zeza rrëzuan kërkesën për konfiskimin e pasurive: truall + ndërtesë, me sipërfaqe totale 200 m2 në Lushnjë; apartament banimi me sipërfaqe 132. 95 m2, në Tiranë; një garazh në Tiranë; motoçikletë “YAMAHA”; automjetit tip “Mitsubishi – Pajero”; mjetit kamion “Saurer” dhe një mjet “Benz”. Bëhet e ditur se këto pasuri janë lëshuar nga sekuestroja, pasi, gjatë shqyrtimit gjyqësor, janë paraqitur prova që faktonin sigurimin e tyre, para se ndaj Hoxhës të niste procedimi penal i Prokurorisë. Ndërkohë, vendimi i shpallur nga gjyqtarja Liljana Baku, ndaj të pandehurit Oltion Sadikaj, i konfiskoi atij një llogari prej 30 mijë euro. “Konfiskimin e llogarisë bankare me nr. 40529**** e çelur në datën 23.07.2009 në shumën 30000 euro, në emër të shtetasit Oltjon Bashkim Sadikaj”, thuhej në vendimin e gjykatës. ar.ba

Pronat e konfiskuara

Sipërfaqe truall 110 metër katror, Lushnjë
Llogari bankare 1 148, 81 euro
Llogari bankare 30 mije euro

Të liruara

Truall + ndërtesë, me sipërfaqe totale 200 m2, në Lushnjë Apartament banimi me sipërfaqe 132. 95 m2, në Tiranë
Një garazh në Tiranë; motoçikletë “YAMAHA”
Automjetit tip “Mitsubishi – Pajero”
Mjetit kamion “Saurer” dhe një mjet “Benz”

Panorama

[BlueBaron]

Po gjykatesja qe ka pranuar dekonfiskimin e pronave, sa prona mori ??? Po ku i gjeti paret banditi nga Lushnja per te blere shpia e truall. I fitoi ne casino apo kapte baste ?!? Ligji Antimafia, barcaleta rradhes ...