Faji e ka emrin Edvin Berisha

[ramaik]

Zoti Kryeministër. Ti je përgjegjësi numër një përse shqiptarët nuk lëvizin dot lirshëm, pa viza në Evropë, 20 vjet pasi është shembur muri i sistemeve politike. Ti je përgjegjës edhe për shifrën e frikshme të papunësisë në vend. Edhe për varfërinë në rritje jashtë bulevardeve të Tiranës. Edhe për katrahurën e pronave që po i shet e i blen një grusht njerëzish që ti i njeh mirë.Ti je përgjegjës për ngërçin politik që po rëndon mbi shqiptarët. Je përgjegjës edhe për mbylljen e rrugës së kombit, që si gropë thithëse zhduku miliarda euro që s’dimë kur dhe si do i paguajmë, apo kur do ecim në të 500 herë pasi e ke inauguruar. Ti je përgjegjës direkt për emërime në qeveri të njerëzve që duhet të ishin para drejtësisë. Dhe je përgjegjësi i vetëm që e pengon gjyqësorin të japë shembuj ndëshkimesh, sepse do ta fillonte pikërisht me të emëruarit e tu dhe me pronarët e rinj të Shqipërisë.

Zoti Kryeministër. Ti je përgjegjës për thyerjen e moralit dhe etikës më shumë sesa i akuzuari yt publik. Ti je palë me të, dhe për këtë, përgjegjësia është tashmë e turpshme, jo thjesht e madhe.

Ti je fajtor dhe aktor po aq sa Edi Rama.

Dhe ti, bojaxhiu piktor, je fajtor për të gjitha ato që të ka thënë Berisha, berishët e jo-berishët. Je i zhytur deri ku nuk shkon më me borxhe ndaj shqiptarëve. E me gjithë gjatësinë tënde, prapë të kanë ardhur deri në fyt rënkimet e tyre. Janë ngjitur deri aty duke shkelur mbi kurrizet e mbuluara me xhaketat e vjetra. Me ato që njohin vetëm trazirën, gjakun, hakmarrjen dhe dhunën, se përndryshe, nuk dinë të frymë-shkëmbejnë politikisht.

Ti je fajtor zoti Rama për kokë-shkëmbësinë me të cilën e mban peng këtë vend të copëtuar nga kapriçot e tua, të Ruçit, të Berishës apo të kujtdo tjetër. Ti je fajtor që s’duhet të kesh guximin as t’i gjunjëzohesh këtij populli varfanjak që e ke vënë spektator të një shfaqje të shëmtuar bërtitjesh e paradoksesh me kuti. Ti je fajtor që durimin e këtij populli të vënë nën thundër, e përdor si dordolec për të trembur ata që nuk të lanë të ngjitesh në pushtet.

Ti je fajtor që i mbledh me bori 64 njerëzit që ata që gjoja besojnë majtas, votuan për t’i pasur përfaqësues në parlament.

Ti je fajtor që nuk do të mundte të ndrinte dot as kokën nga pesha e fajit, ngaqë lejon mitizimin e një ish-sekretari partie. Po ti do ishe i dërrmuar nga faji po të vazhdoje teatrin e dështuar e të shëmtuar të kutive.

Ti je përgjegjës për zhdukjen e alternativës së majtë, që do të rrëzonte vërtet monopolizimin e Shqipërisë. Po ti je kahu tjetër i medaljes së oligarkisë. Prandaj kot e vazhdon komedinë e ulët me shumë akte mbi kurrizin e buzëplasurve shqiptarë.

Ju jeni të dy fajtorë dhe përtacë. Fajtorë dhe përgjegjës. Fajtorë dhe të padëshiruar në këtë katrahurë të shëmtuar politike që keni krijuar.

Ngaqë asnjëri prej jush nuk mundet të heqë dorë nga ëndrra e shfrytëzimit në maksimum të gjithçkaje që mund t’i zhvatet Shqipërisë, juve ju intereson zgjatja pa fund e pseudo-sherreve. Ose ndryshe, shashkave që e mbajnë opinionin publik larg krizave të vërteta.

Ju jeni kryeministri dhe krye-opozitari i një vendi që nuk prodhon asgjë; që ka një kaos arsimor, krizë punësimi, inflacion diplomash, tumor korrupsioni, gangrenë nepotizmi, dara monopoli, kontroll të rreptë klanesh, mbikëqyrje fataliste grupimesh ndikuese, përpëlitje mediatike, shtrëngim-dhëmbësh tek gjyqësori, supervizim të çdo qindarke që qarkullon në vend, duke u kujdesur të shkojë në xhepat tuaj. Ju jeni betejaxhinjtë falso të një lufte publike, që ballë për ballë nuk është as sa një flluskë sapuni. Nuk zgjidhni dot asgjë madhore, dhe merreni me personalizmat e njëri-tjetrit.

Ju jeni perandorët e tokave në kryeqytet apo bregdet. Jeni mbretërit e manipulimit publik. Jeni edhe personazhet që duhet ta lënë skenën menjëherë, nëse akoma nuk e keni ndarë tragjedinë nga komedia.

Kërcënimet dhe sharjet mund t’i kurseni për takimet tuaja të përzemërta larg kamerave. Kur të jeni përballë tyre, jepni pak llogari për koston sociale që kanë kapriçot tuaja të patolerueshme.

Pse s’dini një herë të vetme të luani rolin që iu është dhënë, po vetëm atë që keni mësuar nga njëri-tjetri? Ju jeni përgjegjës, zotërinj. Dhe e shpërfillni këtë me papërgjegjësinë më të madhe.

Dhe lexuesit e dinë këtë!

Edlira Gjoni (Tirana Observer)

[nestorp]

Ah me ja lumca Miss/Mrs Edlira Gjonit!I ka rene pikes per gjithcka.
(Vetem se po qe pinjolle e familjes se Xh Gjonit cdo gje e thote me hipokrizi).
Shpresoj te mos jete nga ata Gjoner!

[Edvin83]

Edvin Berisha duhet zhdukur, mjaft me me keta ndyresira!

[Apollyon]

Poshte ndyrsirat BERISHA-RAMA.

Ka ardh koha qe populli te mendoje per veten e tij, edhe jo per qelbsirat si kta te dy, mjaft o popull u zute me njeri tjetrin per kta vemje larva te ndyra, hapni syte se kemi ngel mes kater rrugeve, edhe "spektakli" qe po japin kta te dy ne TV eshte thjeshte sa per te na larguar vemendjen nga skamja qe na ka zene. Ne duhet ta harrojme qe do jemi ndonjeher shtetas te lire nese kta te dy do rrijn ne pushtet, ti harrojm vizat edhe futjen ne BE.

Te lumte dora per artikullin ty Edlira Gjoni. Ka ardh koha qe populli te hape syte!

[Apollyon]

Ti shoku qe ke hap temen, se lexon artikullin per ca behet fjale? Ca eshte ai sondazh qe ke vene? Hajde hajde..

[La_Lune]

Fajin e kemi ne qe ste fusim nje te shame qe tall menderen ketu ne forum ti

[Duaje Siveten]

sondazhurmues, a mos duhet vene edhe ni tjeter opcion - opcioni qe thojn njerzit - fajin e kane te dy ... si dikur berisha-nano ...

[Albela]

per mua faji esht i te dyve duhet te kishe ven dhe opsion te 3 aty

[tvsh]

ah kombi yne

[ardis]

cdo popull meriton ate udheheqje qe ka,fatekeqesisht populli i ndjek,pa ditur qellimin e tyre,te mbrapsht,