Kosova dhe Serbia përballen për pavarësinë në Hagë

[Guri i Kuq]

Tadiqin e zemërojnë paraqitjet e përfaqësuesve kroatë para GJND

QIK,Prishtinë

Beograd, 10 dhjetor - President i Serbisë, Boris Tadiq ka deklaruar të enjten se paraqitjet e politikanëve dhe përfaqësuesve kroatë para Gjykatës Ndërkombëtare të Drejtësisë në Hagë i keqësojnë raportet ndërmjet Serbisë e Kroacisë. Sipas Tadiqit, kjo paraqet përzierje në punë të brendshme të Serbisë. "Pres nga zyrtarët kroatë të definojnë pozicionin e tyre dhe shpresoj se kjo që ka ndodhur nuk është qëllim për uljen e marrëdhënieve të ndërsjella në nivel më të ulët", ka thënë Tadiq, dhe ka kujtuar se "marrëdhëniet e mira ndërfqinjsore janë parakusht për integrimin evropian të gjitha vendeve të Ballkanit Perëndimor". Tadiqi është takuar me Presidentin e Hungarisë Laslo Sholja, takim ky pas të cilit Tadiq ka theksuar se dy vendet janë pajtuar për shumëçka, por për çështjen e Kosovës qëndrimet e dy palëve kanë qenë krejtësisht drastike.

[Llapi]

Mbyllet procesi në Hagë, vendimi në pranverë

Nga Express më 11.12.2009 në ora 11:26
Venezuela dhe Vietnami janë deklaruar në favor të qëndrimeve të Serbisë para Gjykatës Ndërkombëtare të Drejtësisë. Me deklaratat e këtyre dy vendeve përfunduan seancat dëgjimore në Hagë. GJND-ja pritet që mendimin këshilldhënës ta japë në pranverën e ardhshme.

Venezuala dhe Vietnami kanë dëshmuar sot në favor të Serbisë. Ato kanë përsëritur tezat se Kosova ka shkelur rezolutën 1244 të Këshillit të Sigurimit e rrjedhimisht edhe sovranitetin dhe integritetin territorial të Serbisë.

Venezuela dhe Vietnami kanë pohuar se e drejta për vetëvendosje mund të zbatohet vetëm në rastet e kolonive, ndërsa Kosova nuk e ka këtë të drejtë. Përfaqësuesi i Venezuelës ka theksuar se shqiptarët e Kosovës i kanë gëzuar të gjitha të drejtat në kuadër të Serbisë.

Pesëmbëdhjetë gjykatësit e GJND-së, prej të cilëve 8 janë nga vendet që kanë njohur pavarësinë e Kosovës dhe 7 nga ato që këtë nuk e kanë bërë, gjatë 9 ditëve të kaluara kanë dëgjuar argumentet e Kosovës, Serbisë dhe 25 vendeve tjera.

Legjitimitetin dhe ligjshmërinë e shpalljes së pavarësisë së Kosovës e kanë mbështetur Shqipëria, Shtetet e Bashkuara të Amerikës, Gjermania, Britania e Madhe, Franca, Arabia Saudite, Austria, Bullgaria, Kroacia, Danimarka, Holanda, Norvegjia, Finlanda dhe Jordania.

Në mbrojtje të qëndrimit të Serbisë kanë dalë Rusia, Kina, Spanja, Brazili, Argjentina, Azerbajxhani, Bjellorusia, Bolivia, Rumania dhe Qipro.

Burundi ka qenë i balancuar, ndonëse nuk ka kontestuar pavarësinë e Kosovës.

Pra, 14 vende kanë qenë në anën e Kosovës, ndërsa 10 në anën e Serbisë. Venezuela dhe Vietnami pritet të deklarohen në anën e Serbisë.

Gjykata Ndërkombëtare e Drejtësisë nuk e ka të përcaktuar asnjë afat deri kur duhet të deklarohet, por supozohet se do ta thotë fjalën e vet në pranverë të vitit të ardhshëm.

Një nga mundësitë është që GJND-ja fare të mos deklarohet rreth rastit të Kosovës. (REL)

[Llapi]

Hoti: Deklarimet në Hagë kanë krijuar imazh pozitiv për pavarësinë e Kosovës

profesori i të drejtës ndërkombëtare Afrim Hoti

Në Hagë janë dhënë të gjitha argumentet që forcojnë të drejtën e Kosovës për të qenë e pavarur. Kështu thotë profesori i të drejtës ndërkombëtare Afrim Hoti. Duke folur për emisionin LEX të Radio Kosovës (RTK), profesor Hoti shpjegon se në të gjitha argumentet është dëshmuar se pavarësia e Kosovës është legale. Ai thotë se pas Hagës mund të zhbllokohet procesi i njohjeve të reja për Kosovën, por jo në një numër të madh. ...
Postuar: 11:06:57 / 11.12.2009
Në intervistën që zhvilloi kolegia Hyrë Tejeci, profesor Hoti fillimisht thotë se deklarimet në Hagë kanë krijuar imazh pozitiv për pavarësinë e Kosovës.


Afrim Hoti: Kam përcjellë nga afër rrjedhën e procesit dhe ky proces nuk është përshkruar nga ndonjë ngjarje e pazakontë, përpos pasimit të argumenteve pro dhe kundër të shteteve të caktuara, të cilat mendoj se në instancë të fundit kanë arritur të krijojnë një imazh pozitiv për legalitetin e shpalljes së pavarësisë së Kosovës.

Radio Kosova: Z. Hoti është përmendur prej disa përfaqësuesve të shteteve në gjykatë, çështja e secesionit. A mund ta zbërtheni këtë çështje në rastin e Kosovës?

Afrim Hoti: Po. Praktikisht e drejta e secesionit është e drejtë e ndarjes që iu takon territoreve ose popujve të caktuar, kryesisht në procesin e dekolonizimit. Pas përfundimit të procesit të dekolonizimit ka qenë e ndaluar të përdoret nga rajone ose nga popuj tjerë, dhe, si e tillë është pretenduar që t’i ndalohet edhe Kosovës e drejta e shkëputjes nga ish federata jugosllave. Ndërkohë që në këtë proces në raport me Kosovën janë dhënë argumente tjera shumë të fuqishme, të cilat saktësojnë të drejtën për vetëvendosje dhe secesionin e Kosovës, si vazhdimësi e procesit të shpërbërjes së ish Jugosllavisë.

Radio Kosova: Çështja e secesionit nuk ishte e definuar në të drejtën ndërkombëtare ?

Afrim Hoti: Jo në mënyrë të qartë. Secesioni më shumë lidhet me shtetet e pavarura dhe sovrane të cilat vazhdojnë ekzistencën e tyre. Për shembull nëse flasim për Spanjën ose Francën, apo territore të caktuara, por jo për territore të cilat janë në proces të dezintegrimit ose të shpërbërjes. Në këtë drejtim mendoj se Bullgaria ka bërë një prezantim jashtëzakonisht të mirë dhe përmbajtjesor, sidomos në interpretim të integritetit dhe sovranitetit territorial. Me vetë faktin që në deklaratën e bullgarëve, ku u tha që parimi i integritetit dhe sovranitetit vlen vetëm në raportet ndërshtetërore, kur flitet për dy subjekte krejtësisht të pavarura. Kurse, kur flasim për procesin e shpërbërjes së një shteti, atëherë normalisht se nuk mund të aplikohet parimi i integritetit dhe sovranitetit.

Radio Kosova: Sa ka qenë bazë për Serbinë rezoluta 1244 të cilës iu kanë referuar shumë mbështetësit e saj ?

Afrim Hoti: Është pak spekulative të jepet një mendim i qartë tash për tash, sepse unë nuk kam pasur asnjë dyshim që sidomos delegacioni serb dhe të gjitha delegacionet tjera, të cilat kanë qenë në anën e Serbisë, si argument të tyre kryesor kanë pasur rezolutën 1244, respektivisht dispozitën që garanton sovranitetin dhe integritetin e ish Jugosllavisë mbi Kosovën, sepse fundja të gjitha argumentet, të cilat janë dhënë pro Serbisë në këtë gjykatë, kanë qenë të mbështetura në parimin e sovranitetit dhe integritetit territorial të shteteve. Sidoqoftë, rezoluta 1244 ka qenë dhe mbetet ende një dokument juridik ndërkombëtar me karakter të përkohshëm, që ka vendosur Kosovën nën administrimin e KB deri në momentin që do të përgatiteshin rrethanat për të filluar negociatat që përcaktojnë statusin final të Kosovës.

Radio Kosova: Që tashmë nuk është më e fuqishme...

Afrim Hoti. Po pra. Dhe u argumentua që kompromisi nuk mundi të arrihej përmes negociatave të të dy delegacioneve dhe rezoluta në fund të fundit len një shteg në mënyrë të heshtur, len një hapësirë, me faktin që nuk e kufizon, apo nuk e ndalon të drejtën e vetëvendosjes së popullit. Ne kaluam nëpër të gjitha proceset, nëpër të gjitha stadet që i përcaktoi rezoluta dhe meqë nuk u arrit ujdia nga pala tjetër, atëherë u deklarua pavarësia e Kosovës.

Radio Kosova: Z. Hoti, si vlerësoi, a janë dhënë argumente të bollshme që do të mund t’i shërbenin GJND të japë një mendim më të saktë?

Afrim Hoti: Unë besoj se janë shoshitur, janë ekzaminuar ide dhe argumente të mjaftueshme nga të dyja palët dhe sidomos nga shtetet, të cilat kanë qenë në mbështetje të pavarësisë së Kosovës. Nuk besoj të ketë mbetur gjë pa u thënë para gjykatës. Janë dhënë të gjitha argumentet të cilat forcojnë imazhin dhe bindjen që Kosova e pavarur është çështje legale. Unë besoj që edhe gjykata do t’i ketë të gjitha këto argumente parasysh. Por, ajo nuk do të ndalet vetëm te aspekti pozitiv. Do të kemi edhe një shkoqitje të argumenteve të dhëna kundër pavarësisë së Kosovës.

Radio Kosova: Është thënë disa herë që procesi i Hagës ka penguar njohjet për Kosovën. A priten njohje të reja pas këtyre deklarimeve që janë bërë në gjykatë?

Afrim Hoti: Pajtohem plotësisht me pjesën e parë të pyetjes, sepse kemi zhvillimin real në Kosovë të atillë që nuk patëm njohje. Shumica e shteteve u rezervuan të marrin vendimin për njohjen, për aq kohë sa zgjati procesi para gjykatës dhe përfundimi i këtij procesi, normalisht që do të zhbllokojë çështjen e njohjeve, por jo në masën që ne presim. Kosova do të gëzojë njohje të reja nga subjekte tjera të së drejtës ndërkombëtare, por jo në kuptimin e ndonjë vërshimi të njohjeve nga shtete të caktuar, sepse çështja e njohjeve është individuale, e qeverive dhe shteteve dhe ato mund të marrin këso vendime vetëm atëherë kur konsiderojnë se kjo do të ishte në interesin e tyre. Në të kundërtën nuk do të mund të shtyheshin nga faktorë tjerë ose nga përfundimi i procesit në GJND të njohin Republikën e Kosovës. Kjo nuk besoj që do të ndodhë.

Radio Kosova: Aq më tepër që gjykata nuk do të japë një mendim deri në pranverë të vitit të ardhshëm?

Afrim Hoti. Po. Gjykata do të japë vetëm një opinion, të përfshirë në një dokument voluminoz që do të japë një vlerësim për argumentet e paraqitura pro dhe kundër.

Radio Kosova: A mund ta kthejë gjykata procesin në OKB dhe në KS ?

Afrim Hoti: Jo. Gjykata vetëm do t’ ia bartë opinionin e saj Asamblesë së Përgjithshme të OKB-së, respektivisht organit, i cili ka kërkuar opinionin juridik.

Intervistoi Hyrë TEJECI

[King_Arthur]

Për Kosovën kanë dëshmuar 14 vende, ndërsa për Serbinë 12. Vendimi pritet të bëhet i ditur në pranverë.

Venezuela dhe Vietnami janë deklaruar në favor të qëndrimeve të Serbisë para Gjykatës Ndërkombëtare të Drejtësisë dhe me deklarimin e tyre përfunduan seancat dëgjimore në Hagë. Venezuela dhe Vietnami kanë përsëritur tezat se Kosova ka shkelur Rezolutën 1244 të Këshillit të Sigurimit dhe, rrjedhimisht, edhe sovranitetin dhe integritetin territorial të Serbisë.
Keto dy vende kanë pohuar se e drejta për vetëvendosje mund të zbatohet vetëm në rastet e kolonive, ndërsa Kosova nuk e ka këtë të drejtë.
Përfaqësuesi i Venezuelës ka theksuar se shqiptarët e Kosovës i kanë gëzuar të gjitha të drejtat në kuadër të Serbisë.
Në mbyllje, tre gjykatës kanë ftuar pjesëmarrësit që në formë të shkruar dhe deri më 22 dhjetor të shpjegojnë disa aspekte që janë dëgjuar gjatë 10 ditëve të kaluara. Kryetari Gjykatës mbylli sot punimet e nisura me 1 Dhjetor me pohimin se GJND-ja më vonë do të japë mendimin këshillëdhënës për rastin e Kosovës.
Duke rrumbullakosur debatin 10-ditor, ministri i Jashtëm i Kosovës ka deklaruar për Radion Evropa e Lirë, se dëshmitë në Hagë kanë konfirmuar argumentet e Kosovës, pra legjitimitetin e vendimit për shpalljen e pavarësisë si artikulim i vullnetit të popullit për vetëvendosje.
“Çdo vëzhgues mund ta hetojë se argumentet flasin në favor të pavarësisë së Kosovës”, ka thënë ministri i Jashtëm i Kosovës, Skënder Hyseni.
Zëvendësshefi i delegacionit të Serbisë, Sasha Obradovic, ka deklaruar se është i kënaqur me debatin dhe ka shtuar se kurrë në historinë e GJND-së mendimet nuk kanë qenë kaq të ndara.
Pesëmbëdhjetë gjykatësit e GJND-së, prej të cilëve 8 janë nga vendet që kanë njohur pavarësinë e Kosovës dhe 7 nga ato që këtë nuk e kanë bërë, gjatë 9 ditëve të kaluara kanë dëgjuar argumentet e Kosovës, Serbisë dhe 27 vendeve të tjera.
Legjitimitetin dhe ligjshmërinë e shpalljes së pavarësisë së Kosovës e kanë mbështetur: Shqipëria, Shtetet e Bashkuara të Amerikës, Gjermania, Britania e Madhe, Franca, Arabia Saudite, Austria, Bullgaria, Kroacia, Danimarka, Holanda, Norvegjia, Finlanda dhe Jordania.
Në mbrojtje të qëndrimit të Serbisë kanë dalë: Rusia, Kina, Spanja, Brazili, Argjentina, Azerbajxhani, Bjellorusia, Bolivia, Rumania, Qipro, Venezuela dhe Vietnami.
Burundi ka qenë i balancuar, ndonëse nuk ka kontestuar pavarësinë e Kosovës.
Pra, 14 vende kanë qenë në anën e Kosovës, ndërsa 12 në anën e Serbisë.
Gjykata Ndërkombëtare e Drejtësisë nuk e ka të përcaktuar asnjë afat deri kur duhet të deklarohet, por supozohet se do ta thotë fjalën e vet në pranverë të vitit të ardhshëm.
Një nga mundësitë është dhe që GJND-ja të mos deklarohet fare rreth rastit të Kosovë.

[goldian]

po ca leshin u merrka parasysh dhe venetzuela azerbagjani e boletvia

pome banpershtypje rumunet ne krah te serbit?

[King_Arthur]

po ca leshin u merrka parasysh dhe venetzuela azerbagjani e boletvia

pome banpershtypje rumunet ne krah te serbit?

si spanja dhe rumania dhe kina kane hallin e vet prandaj nuk e njohin dhe jo se i dalin ne krahe serbit , spanja ka hallin se po te njohe kosoven do kerkojne basket te ndahen
po te njejtin problem ka dhe rumania ka krahina te cilat duan te ndahen
po ashtu dhe kina

po ti shikosh shtetet ne krahe te serbit nuk kane ndonje peshe te madhe pervec rusit dhe spanjes

[Llapi]

Deklaratë e kryeministrit të Republikës së Kosovës, Hashim Thaçi lidhur me përfundimin e procesit dëgjimor për ligjshmërinë e shpalljes së Pavarësinë e Kosovës, që u mbajt në Gjykatën Ndërkombëtare të Drejtësisë

Prishtinë, 10 dhjetor 2009

Me rastin e përfundimin të procesit dëgjimor për ligjshmërinë e shpalljes së Pavarësisë së Kosovës, që u mbajt në Gjykatën Ndërkombëtare të Drejtësisë, kryeministri i Republikës së Kosovës, Hashim Thaçi, shpreh vlerësimet e Qeverisë së Republikës së Kosovës, për rrjedhën e deritanishme të këtij procesi, duke vlerësuar lartë prezantimin e Delegacionit të Kosovës në kuadër të këtij procesi.

Kryeministri Thaçi shpreh mirënjohje dhe falënderon shtetet që dolën në mbështetje të ligjshmërisë së Pavarësisë së Kosovës, duke argumentuar se shtetësia e Kosovës është arritur në përputhje të plotë me vullnetin e qytetarëve të Kosovës dhe me të drejtën ndërkombëtare.

Kryeministri i Republikës së Kosovës, Hashim Thaçi shpreh bindjen e plotë se Gjykata Ndërkombëtare e Drejtësisë do të marrë vendimin meritor në favor të ligjshmërinë e shpalljes së Pavarësisë së Kosovës, duke kontribuar kështu në thellimin e paqes, stabilitetit, fqinjësisë së mirë, në funksion të zhvillimit të gjithmbarshëm dhe integrimit të vendeve të rajonit në instititucionet euro-atlantike.

[Llapi]

Turk: Mos prisni vendim nga GJND
Presidenti i Sllovenisë, Danilo Turk - i cili është edhe profesor i të drejtës ndërkombëtare - tha se nuk duhet pritur vendim për Kosovën nga Gjykata Ndërkombëtare e Drejtësisë.

Nga Express më 14.12.2009 në ora 17:59
Presidenti i Sllovenisë, Danilo Turk ka porositur aleatët e Serbisë që mos të presin ndonjë vendim nga Gjykata Ndërkombëtare e Drejtësisë, e cila po shqyrton kërkesën e Beogradit rreth ligjshmërisë së shpalljes së pavarësisë së Kosovës.

Turk, i cili është profesor i të drejtës ndërkombëtare, në një intervistë për gazetën serbe “Politika”, tha se nuk beson që Gjykata Ndërkombëtare e Drejtësisë do të miratojë konkluzione përfundimtare për të hedhur poshtë pavarësinë e shpallur të Kosovës.

“Duhet marrë parasysh rregullën që njohja e shtetit është çështje e sovranitetit të atyre shteteve që e njohin”, tha Presidenti i Sllovenisë, vendi i të cilit dikur ishte një ndër gjashtë republikat e Federatës Jugosllave.

Danilo Turk vlerësoi se paralajmërimi i paradokohshëm i Kryetarit të Gjykatës Ndërkombëtare të Drejtësisë, Hisashi Owada është krejtësisht me vend. Owada pati deklaruar disa javë përpara se të nis procesi i Kosovës në GJND se - nuk duhet të pritet ndonjë vendim i prerë nga Gjykata e Botës.

Në këtë kontekst foli edhe Presidenti i Sllovenisë.

“Gabojnë të gjithë ata që në shembullin e Kosovës presin që Gjykata të marrë aktvendimin nën firmën e mendimit. Mendimi është vetëm ajo që edhe vetë emri e thotë - mendim”, tha Presidenti Turk.

Në fillim të këtij muaji, Gjykata Ndërkombëtare e Drejtësisë nisi seancat dëgjimore për kërkesën e Serbisë rreth ligjshmërisë së shpalljes së pavarësisë së Kosovës.

Shtetet e fuqishme perëndimore, si Shtete e Bashkuara, Britania, Gjermania... u pozicionuan fuqishëm në krah të Kosovës. Derisa Serbia kishte në krah aleatët tradicional, Federatën Ruse, Kinën, Brazilin...
Në favor të Kosovës dëshmuan edhe dy republikat ish-jugosllave, Kroacia dhe Sllovenia.

Mendohet se Gjykata Ndërkombëtare e Drejtësisë ta jap mendimin e saj për Kosovës në pranverën e vitit të ardhshëm.

[Llapi]

Po tash, çka?
Martë, 15 Dhjetor 2009 22:29

Shkëlzen Dragaj



Mendimi i Gjykatës Ndërkombëtare të Drejtësisë sigurisht se do të jetë në favor të Kosovës. Argumentimet që u dhanë për gati dy javë në këtë gjykatë në pyetjen nëse pavarësia e Kosovës ishte në harmoni me ligjet ndërkombëtare dëshmuan se e drejta është në anën e Kosovës, jo veç pse na konvenon neve të mendojmë kështu, por pse kështu flasin dokumentet dhe kështu flet edhe historia. Fundja, sikur që e kanë thënë edhe shumë tjerë, rasti i Kosovës është më shumë politik dhe në një rast të tillë Gjykata s'ka pse vendos ndryshe, pos pro neve.

Gjithsesi edhe në një situatë të tillë ne nuk do të duhej të ndiheshim mjaft komodë dhe të mendojmë sikur që mendonim para tre vjetësh se kur të jemi shtet, gjërat do të jenë shumë mirë, e që në fakt nuk na doli edhe mu ashtu. Pra, çështja tash është se çka pas këtij procesi?

Është thënë se pas GJND-së, njohjet e reja do të pasojnë, por ne nuk do të duhej të rrinim me shpresë se ato do piknin prej qielli sapo të përfundonte tërësisht ky proces. Edhe dhënia e një mendimi decidivisht pro pavarësisë së Kosovës na krijon një situatë, në të cilën, në fakt, kërkohet një angazhim edhe më i madh. Kjo për faktin se krijohen rrethana krejt tjera dhe shtetet që na kanë njohur dhe do të na njohin presin qasje më serioze dhe më shtetërore nga Kosova. Kosova duhet ta forcojë edhe më tej diplomacinë dhe ta shtojë agjendën ndërkombëtare dhe të jetë më e qartë në kërkesat e veta. Lobimi gjithsesi duhet të vazhdojë, por kjo assesi nuk guxon të shprehet në luftë ndërmjet njërit-tjetrit se kush solli njohje më shumë. Këto veprime, që do të merreshin nga institucionet e Kosovës, absolutisht duhet të jenë në koordinimin me vendet mike, por është koha që në shumëçka propozimet dhe proceset t'i udhëheqim ne, e jo miqtë.

Por, aq sa është i rëndësishëm fakti se duhet ta kemi një politikë të jashtme të fortë, mjaft me rëndësi është që të kemi edhe politikë të brendshme. Në fund të fundit, politika e brendshme, në çdo aspekt, e dikton edhe politikën e jashtme.

E rëndësishme është që të krijohet një program i qartë në ato detyra që ne duhet t'i kryejmë në proceset e brendshme që lidhen me integrimin në strukturat euroatlantike dhe të mos bëjmë projekte ad hoc, që nuk shërbejnë shpeshherë për asgjë tjetër, pos vetëm që dikush të marrë mëditje.

Përgjegjësia politike duhet të rritet, e kjo duhet të dëshmohet. Ne nuk mund të sillemi sikur asgjë s'po ndodh. Kur përgjegjësia politike është në atë shkallë të kënaqshme, edhe gjërat tjera do të shkojnë mirë, si përpjekja që të sundojë ligji dhe barazia e të gjithëve para tij dhe lufta kundër korrupsionit, si dy nga kushtet kryesore për integrim. Tash edhe pak më shumë se dy javë do ta festojmë ndërrimin e viteve. Dhe, urimi më i mirë që do të duhej t'ia përcillnim secilit do të ishte ai për një vit me plot punë. Le të mësohemi që edhe festat t'i shndërrojmë në një ditë angazhimi. Angazhimi dhe puna do të na sjellin ditë të mira. E kur të vijnë ditë të mira, do të kemi kohë edhe për festë.

[Llapi]

Argumentimi i Kosovës në GJND, shumëdimensional

Nga Express më 17.12.2009 në ora 13:54
Kryeministri Hashim Thaçi dhe ministri i Punëve të Jashtme, Skënder Hyseni e kanë vlerësuar procesin e përballjes së Kosovës me Serbinë në Gjykatën Ndërkombëtare të Drejtësisë në Hagë, duke thënë se argumentimi i Kosovës në gjykatë ka qenë shumëdimensional dhe absolutisht i plotë, ndërkohë që kanë shprehur besimin se do të ketë njohje të reja pas këtij procesi.

Kreu i ekzekutivit vendor tha të enjten në mbledhjen e Qeverisë së Kosovës, se procesi i njohjeve do të vazhdojë, duke u mbështetur edhe në prezantimin dinjitoz të Kosovës në GJND.

“Është një proces që do të vazhdojë i njohjeve, Kosova në GJND ka pasur një prezantim mjaft dinjitoz, në kuptimin më profesional dhe nivelin më të lartë të mundshëm. Ekipi kosovar ka pasur një prezantim të shkëlqyeshëm. Presim njohje të reja”, ka thënë ai.

Para kabinetit qeveritar, ministri Skënder Hyseni ka folur lidhur me ecurinë e procesit në GJND, duke vlerësuar si mjaft të suksesshëm paraqitjen e Kosovës, ndërkohë që ka shprehur besimin e Kosovës në qëndrimin e drejtë të drejtësisë ndërkombëtare dhe në paanësinë e këtij institucioni ndërkombëtar, para të cilit, sipas Hyseni, Kosova ka paraqitur argumente shumëdimensionale.

“Ky shumëdimensionalitet nuk do të ishte ai që është pa mbështetjen e fuqishme që Kosova ka pasur nga më tepër se 16 kombe të lira të botës që janë paraqitur për dëshmi gojore në gjykatë. Ka qenë përshtypje e përgjithshme në GJND të pjesëmarrësit se Kosova ka arritur në mënyrë bindëse të dëshmojë për ligjshmërinë e shpalljes së pavarësisë së Kosovës, ta mbështesë të drejtën e popullit të Kosovës për të qenë i lirë dhe i pavarur”, ka thënë ai.

Sipas Hysenit, në një afat optimal që mund të sillet mes 4 dhe 6 muajve të ardhshëm gjykata mund të vendosë të japë një mendim siç është kërkuar në rezolutën e OKB-së.

Kreu i diplomacisë së Kosovës nuk e ka përjashtuar mundësinë që të mos ketë fare mendim nga ana e GJND-së, megjithëse duke e pas parasysh kërkesën e OKB-së për një gjë të tillë, ai beson se nuk do të mbetet pa mendim, po beson fuqishëm se ai mendim do të jetë neutral me nuanca në mbështetje të Kosovës.

“Mendimi i gjykatës, nëse do të vijë, do të jetë neutral me nuanca të theksuara në favor të Kosovës, sepse pas gjithë asaj që është dëgjuar në gjykatë që një institucion aq serioz të deklarohej kundër pavarësisë së një vendi. Në fund, Kosova i mbetet konsekuent qëndrimit dhe besimit te drejtësia ndërkombëtare dhe në paanësinë e këtij institucioni ndërkombëtar të drejtësisë”, ka thënë Hyseni.

Kryeministri Thaçi në mbledhjen e qeverisë ka falënderuar shtetin e Malavit për njohjen e Kosovës, ndërkaq, duke folur për procesin zgjedhor, ka thënë se populli ka folur dhe ka vendosur, ndërkaq tani duhet fokusim në certifikimin e rezultatit zgjedhor dhe të depolitizohet ky proces. (Kosovapress)