Kosova dhe Serbia përballen për pavarësinë në Hagë

[muskulozi]

Ketu mund te postoni Gjith te Rejat nga Procesi i Hages per legjitimitetin e Pavarsis Se Kosoves Po ja nisi me Deklaraten e Sapodhene Nga Ministri i Puneve te Jashtme te Kosoves Hyseni: “Asgjë e re” nga pala serbe

Pas fjalës hyrëse të delegacionit serb, në seancën dëgjimore në GJND, ministri i Jashtëm i Kosovës, Skënder Hyseni ka deklaruar se nuk ka “dëgjuar asgjë të re dhe se vazhdon të besojë në drejtësinë e çështjes së Kosovës”.
“Në të njëjtën kohë vazhdojmë të besojmë në paanësinë e Gjykatës. Kemi besim të plotë që Gjykata në fund do të rikonfirmojë vullnetin politik të popullit të Kosovës për të qenë i lirë dhe i pavarur”, tha Hyseni.

Pikërisht në orën 10:00, ashtu siç ishte paralajmëruar, në Hagë ka filluar seanca e parë dëgjimore rreth ligjshmërisë së shpalljes së pavarësisë së Kosovës.

Folësi i parë, pas hapjes zyrtare të seancës, ka qenë përfaqësuesi i Serbisë, Dushan Batakoviq, i cili tha se për organizatat ndërkombëtare, “veçanërisht kur bëhet fjalë për ruajtjen e paqes dhe të sigurisë”, deklarata unilaterale e shpalljes së pavarësisë së Kosovës, siç e cilësoi ai shpalljen e pavarësisë së Kosovës, “është një sfidë shumë e madhe”.

Ai tha se “ajo sfidon rendin ndërkombëtar dhe parimin e integritetit territorial”. Mendimi i Gjykatës Ndërkombëtare të Drejtësisë do të ketë rëndësi fundamentale jo vetëm për zhvillimet në Kosovës, por edhe për rendin ndërkombëtar, ka vënë në pah Batakoviq.

Në të shumtën e kohës, Batakoviq është thirrur në Rezolutën 1244, që, sipas tij, “garanton integritetin territorial të Serbisë”.

Në mbyllje, Batakoviq ka thënë se “Serbia është e bindur se kur GJND-ja të japë mendimin e vet këshillëdhënës, vetëm atëherë do të krijohen kushte për bisedime të reja ndërmjet Serbisë dhe Kosovës që të gjendet një zgjidhje e pranueshme për statusin e Kosovës”.

Në favor të Serbisë ka folur edhe avokati Vladimir Gjeriq, duke përmendur aspektet procedurale dhe në këtë drejtim, sipas tij, Gjykata Ndërkombëtare e Drejtësisë do të duhej të jepte mendimin këshillëdhënës në favor të Serbisë.

Mbrojtësi i radhës i argumenteve të Serbisë ishte eksperti i së drejtës ndërkombëtare, Andreas Zimerman, i cili ka pohuar se “Rezoluta 1244 ka qenë garantuese e sovranitetit dhe integritetit territorial të Serbisë”. Zimerman ka nënvizuar se “Rezoluta 1244 nënkupton që çdo zgjidhje të jetë e harmonizuar ndërmjet dy vendeve, pra Kosovës dhe Serbisë”.

Malkolm Shau ndërkaq, pjesëtar i ekipit të Serbisë, ka thënë se njohja e Kosovës nga vendet tjera është irelevante.

Delegacioni i Kosovës pritet të paraqesë pasdite përpara Gjykatës argumentet për ligjshmërinë e shpalljes së pavarësisë së Kosovës. /Radio Evropa e Lirë/QIK/Telegrafi/

[muskulozi]

Argumentet e Kosovës
“Kosova është e përkushtuar ndaj të drejtës ndërkombëtare dhe për parimet e demokracisë, sekularizmit, multi-etnicitetit dhe jo-diskriminimit”, ka thënë ministri i jashtëm i Kosovës, Skender Hyseni, në paraqitjen e tij në GJND.
Ministri i punëve të jashtme i Republikës së Kosovës, Skënder Hyseni, në paraqitjen e tij para Gjykatës Ndërkombëtare të Drejtësisë, fillimisht ka folur për pozitën në të cilën gjendet Kosova sot, për të ofruar, siç ka thënë, substancë të rëndësishme për këtë proces.
Në këtë kuadër, zoti Hyseni ka përmendur Kushtetutën e Kosovës, duke e cilësuar atë si një “Kushtetutë moderne, e cila reflekton standardet më të larta ndërkombëtare të të drejtave të njeriut dhe të drejtave të pakicave”. (rel)
Zoti Hyseni ka përmendur edhe “ligjet e miratuara që mbulojnë fusha të rëndësishme të parashikuara në Planin Ahtisaari, sikurse është decentralizimi i qeverisjes lokale, mbrojtja e të drejtave të pakicave, dhe mbrojtja e trashëgimisë kulturore dhe fetare”.
“Përkundër thirrjeve të vazhdueshme të Serbisë, dhe në të vërtetë përkundër presionit serb, serbët e Kosovës gjithnjë e më tepër po marrin pjesë në ndërtimin e institucioneve në Kosovë. Pajtimi ndërmjet të gjitha komuniteteve tona ka qenë prioriteti kryesor i institucioneve të Republikës së Kosovës”, ka thënë zoti Hyseni. Ai ka folur edhe për zgjedhjet vendore të 15 nëntorit, duke u thirrë në vlerësimet e misioneve vëzhguese, të cilat këtë proces e kanë cilësuar si të lirë, të drejtë dhe demokratike.
“Bashkësia ndërkombëtare ka luajtur një rol vital në ruajtjen e paqes dhe të sigurisë, dhe në ofrimin e shpresës dhe perspektivës për popullin e Kosovës”, ka thënë ministri i jashtëm kosovar, duke nënvizuar këtu edhe anëtarësimin e Kosovës në Fondin Monetar Ndërkombëtar dhe Bankën Botërore.
“Ne sot jemi në paqe, por sikur e dini, ka qenë një kohë kur gjendja në Kosovë ishte ndryshe. Kjo është dokumentuar mirë, përfshirë në vendimin e shkurtit të këtij viti të Tribunalit për ish-Jugosllavinë në rastin Milutinović. Ne nuk mund dhe nuk duhet të harrojmë krimet kundër njerëzimit dhe terrorin që është ushtruar mbi popullin e Kosovës; gjëra të këtilla nuk duhet të përsëriten asnjëherë”, ka thënë ministri Hyseni, duke shprehur edhe përkushtimin dhe vendosmërinë për të shikuar drejt së ardhmes.
“Ne po ashtu shikojmë kah dita kur do të mund të zëmë vendin tonë si Anëtar i Kombeve të Bashkuara. Zotimet e shprehura në Deklaratën tonë të Pavarësisë dhe në Kushtetutën tonë, demonstrojnë vullnetin tonë për të marrë përgjegjësitë e këtij anëtarësimi”, ka vënë në pah zoti Hyseni.
Duke folur ndërkaq për kërkesat e Serbisë për negociata të mëtejshme për çështjen e statusit, ai i ka cilësuar ato si të pamundshme dhe të padobishme.
“Është e paimagjinueshme që ne të pranojmë thirrjen e Serbisë për të kthyer orën mbrapa- për të zhvilluar negociata të mëtejshme, rreth asaj se a do ta pranojë apo jo Serbia Kosovën shtet të pavarur dhe sovran. Kjo do të ishte tepër destabilizuese, dhe madje mund të prodhojë konflikt të ri në rajon”, ka tërhequr vërejtjen ministri i jashtëm, për të nënvizuar se “pavarësia e Kosovës është e pakthyeshme dhe kështu do të mbetet, jo vetëm për hir të Kosovës, por edhe për hir të paqes dhe sigurisë së qëndrueshme rajonale, për të cilën pavarësia e Kosovës ka kontribuar aq shumë”.
Ai ia ka rikujtuar Gjykatës edhe faktin se më 2005, “ka pasur një pajtueshmëri të gjerë brenda bashkësisë ndërkombëtare se status quo-ja në Kosovë ishte e paqëndrueshme”.
“Edhe pse për të gjetur një zgjidhje, ishte lëvizur çdo gur, populli i Kosovës duhej të ecte përpara. Mungesa e qartësisë për statusin e stagnonte ekonominë tonë, dekurajonte investimet ndërkombëtare dhe nuk na e lejonte qasjen për huamarrje në institucionet ndërkombëtare financiare”, tha Hyseni.
Pas dy dekadash izolimi, lufte dhe pasigurie politike, ka thënë ai, ishim të rraskapitur.
“Ata të cilët sot thërrasin për ripërtëritje të negociatave janë qoftë të pavetëdijshëm për situatën dhe përpjekjet e jashtëzakonshme për të gjetur konsensus ose, edhe më keq, kërkojnë aktivisht që të destabilizojnë rajonin”, ka thënë ministri kosovar.
Duke folur për vetë Deklaratën e Pavarësisë, të cilën zoti Hyseni e cilësoi si “manifestim dhe realizim të vullnetit politik të popullit të Kosovës”, ministri i jashtëm tha se nëpërmjet saj, “Kosova është e përkushtuar ndaj të drejtës ndërkombëtare” dhe “për parimet e demokracisë, sekularizmit, multi-etnicitetit dhe jo-diskriminimit”.
Në mbyllje të paraqitjes, ai tha se “pavarësisht vështirësive të së kaluarës, dhe vuajtjeve nëpër të cilat kaloi populli i Kosovës, ne ende dëshirojmë marrëdhënie të mira fqinjësore me Serbinë”.
Argumentet e Serbisë
Në seancën e parë dëgjimore rreth ligjshmërisë së shpalljes së pavarësisë së Kosovës, delegacionin e Serbisë e ka udhëhequr ambasadori i këtij vendi në Francë Dushan Batakoviq.
Delegacioni serb
Në argumentimin e tij, ai tha se për organizatat ndërkombëtare, “veçanërisht kur bëhet fjalë për ruajtjen e paqes dhe të sigurisë”, deklarata unilaterale e shpalljes së pavarësisë së Kosovës, siç e cilësoi ai shpalljen e pavarësisë së Kosovës, "është një sfidë shumë e madhe".
Ai tha se "ajo sfidon rendin ndërkombëtar dhe parimin e integritetit territorial".
Mendimi i Gjykatës Ndërkombëtare të Drejtësisë do të ketë rëndësi fundamentale jo vetëm për zhvillimet në Kosovës, por edhe për rendin ndërkombëtar, ka vënë në pah Batakoviq.
Ai e ka cilësuar edhe kësaj radhe Kosovën si “djep të Serbisë”, duke përsëritur kësisoj një formulim tashmë të njohur të Serbisë zyrtare. Sipas zotit Batakoviq, është pikërisht deklarata e pavarësisë ajo që i shndërroi serbët në Kosovë në një minoritet.
“Deklarata e pavarësisë paraqet shkelje flagrante të sovranitetit dhe të integritetit territorial”, ka thënë Batakoviq, për të shtuar se “megjithatë, Serbia do të kërkojë zgjidhje fleksibile dhe praktike për Kosovën”.
Në të shumtën e kohës, Batakoviq është thirrur në Rezolutën 1244, që, sipas tij, “garanton integritetin territorial të Serbisë”.
Ai ka thënë se i dërguari i Kombeve të Bashkuara, Marti Ahtisari, dhe disa vende të caktuara “kanë bërë presion që pavarësia të imponohet si zgjidhje”.
Batakoviq, me këtë rast, ka akuzuar, siç ka thënë ai, “ekstremistët shqiptarë për krime, veçanërisht pas fushatës së bombardimeve në vitin 1999” dhe në këtë kuadër, ka përshkruar “kishat e rrënuara ortodokse serbe dhe zbrazjen e Prishtinës nga serbët”.
"Deklarata unilaterale e pavarësisë", ka thënë Batakoviq, "është një përpjekje që t’i jepet fund administrimit të UNMIK-ut dhe sovranitetit të Serbisë në Kosovë".
Në mbyllje, Batakoviq ka thënë se “Serbia është e bindur se kur GJND-ja të japë mendimin e vet këshillëdhënës, vetëm atëherë do të krijohen kushte për bisedime të reja ndërmjet Serbisë dhe Kosovës që të gjendet një zgjidhje e pranueshme për statusin e Kosovës”.
Në favor të Serbisë ka folur edhe avokati Vladimir Gjeriq, duke përmendur aspektet procedurale dhe në këtë drejtim, sipas tij, Gjykata Ndërkombëtare e Drejtësisë do të duhej të jepte mendimin këshillëdhënës në favor të Serbisë.
Gjeriq ka thënë se mendimi këshillëdhënës në këtë rast do të jetë në shërbim të rendit ndërkombëtar.
Shpallja e pavarësisë së Kosovës nga, siç ka thënë ai, “organet e përkohshme të vetadministrimit në Kosovë, nën Rezolutën 1244 dhe në këto rrethana, nuk ka mundur të jetë legjitime”.
Mbrojtësi i radhës i argumenteve të Serbisë ishte eksperti i së drejtës ndërkombëtare, Andreas Zimerman, i cili ka pohuar se “Rezoluta 1244 ka qenë garantuese e sovranitetit dhe integritetit territorial të Serbisë”.
Zimerman ka nënvizuar se “Rezoluta 1244 nënkupton që çdo zgjidhje të jetë e harmonizuar ndërmjet dy vendeve, pra Kosovës dhe Serbisë”.
Malkolm Shau ndërkaq, pjesëtar i ekipit të Serbisë, ka thënë se njohja e Kosovës nga vendet tjera është irelevante.
“Ajo që është e paligjshme nuk mund të konsiderohet si e ligjshme nga veprimet e palës së tretë”, u ka thënë ai gjyqtarëve, duke tërhequr vërejtjen se nëse mendimi i gjykatës shihet si dobësim i parimeve për të drejtat e një shtetit mbi tërësinë territoriale, “atëherë do të jetë burim i konsiderueshëm i nervozizmit për vendet tjera që përballen me lëvizje secesioniste”.
Melazim Koci, Hagë (rel)

[alem_de]

Pe cdo lloje vendimi qe te meret ne Den Hage per Shqipetaret eshte jo interesante dhe e pa rendesi.

[xfiles]

Pavaresia e Kosoves eshte fakt i pakthyeshem,
soap operat e gjykates se hages nuk kane per te ndryshuar asgje.

[Brari]

Populli i Kosoves autokton qysh ne djep te njerzimit eshte aty ne trojet e veta dhe ka te drejten te kete shtetin e vet sikurse ju serbet ne shumadi sikurse ju ruset ne vollge e sikur ju hollandezet ketu ne kenetat buz detit..

Gjithe shtetet demokratike e njohin Kosoven..
Gjith shtetet imperialiste qe shtypin popujt e vegjel nuk e njohin Kosoven..
Kaq mjafton o shok te gjykates se Hages..


Rrofte Kosova shtet i pamvarur..

[Kreksi]

Populli i Kosoves autokton qysh ne djep te njerzimit eshte aty ne trojet e veta dhe ka te drejten te kete shtetin e vet sikurse ju serbet ne shumadi sikurse ju ruset ne vollge e sikur ju hollandezet ketu ne kenetat buz detit..

Gjithe shtetet demokratike e njohin Kosoven..
Gjith shtetet imperialiste qe shtypin popujt e vegjel nuk e njohin Kosoven..
Kaq mjafton o shok te gjykates se Hages..


Rrofte Kosova shtet i pamvarur..

Po te kishim nje avokat ne shqiptaret aty ne Hagë para ketij tribunali qe po shendrrohet ne nje cirkus koheve te fundit...nuk do ishte e nevojshme te flitet aqë shumë per te mbrojtur te drejtat e popullit shqiptar per vetevendosje, ska nevoj te dergohet Albin Kurti aty as Thaqi, do mjaftonte te shkoje cilido forumist i yni, pse jo edhe Brari me keto tri fjalë do mjaftonte mbrojtja si argument i forte.

Mirëpo une do kisha shtua diçka Brari, me ra ndermend tani...

Pse jo, te mos e vendosim aty para Tribunalit nga një shqiptar per çdo dite sa te zgjase ky proces apo sa do zgjat kjo "epoka para gjygji" me nje tablo te zezë dhe nje shkumes te bardh dhe një hartë e ballkanit dhe nje tjeter te rusisë.
Personi, njeri nag ne, ose Brari ose une qe do rrijmi ne kete te ftohtë te kaloje epokat qe nga antikiteti, romaket, greket, bizantin deh ketu te nalet ne vitin 1217 kur Nemanjiqet e sulmojne mesinë(kosoven) provenc e Bizantit e rrembyer nga serbet pastaj te vejmi edhe nje llogarites aty siper(si ato ndertesat ne Nju jork..lol ! dhe ti numrojm vitet qe nga kjo date 1217 e deri ne vitin 1389 dhe STOP ! Drita dhezet aty dikun si nje semafor i rrugëve ...pastaj kalojn makinat hajt me ore te tera, 5 shekuj( ne do e bejmi 5 ore te mos nalen Makinat aty ne Hage fare dhe vjen viti 1912 !
Menjehere vijn serbet prape dhe s'ujn bejn kurrgja hiç...as sujn e majn kosoven as se lshojne...prej 1217 deri 1389 bejne 172 vite !

Shife tani, pra !

Vetem pse një pushtues ka shkelur me dhun kete tokë njehere ne tere historin e tij per nje periudh 172 vjeçare tani populli autokton i ketij vendi me shumicë 90% Jo serbë por Autoktonë, na qenka i detyruar ti ndegjoje gjyqet e Hages ?

Me duket se keta gjyqtar ose jane te marrë ose ne jemi qyqarë, si ka mundesi një gjë e till te ndodhi nëse ne shqiptaret te ishim vendosur me dhunë ne nje cepë te rusisë dhe aty te vendonim ne mbi nje popullsi ruse qe eshte 90%, athua a do mblidheshin keta gjyqtar sot per te gjykuar nje fenomen aqë skandaloz sot ?

Mirepo fajet i kemi ne qe nuk jemi te organizuar se e mira do ishte te dilnim aty je te brohorisim por do dilnim ne nje manifestim PA KOMENT, s'ia vlen as me hapë gojen ne kete te ftohet, do mjaftonte ky plan qe e citova per ti ridikylizue keta organizator !
besa edhe s'ia vlen as te shkruhet ketu..; e lere me te dilet ne ate te ftoftë...

[Llapi]

Kryeministri Thaçi: Drejtësia ndërkombëtare do ta vërtetojë se ne ishim në përputhje të plotë me të drejtën ndërkombëtare



Prishtinë, 1 dhjetor 2009

Fjala e plotë e kryeministrit Hashim Thaçi në mbledhjen e 96-të të Qeverisë së Republikës së Kosovës, që është mbajtur sot

Të nderuar zëvendëskryeministra,
Të nderuar ministra, kabinet qeveritar,

Më lejoni të hap këtë mbledhje të radhës të Qeverisë së Republikës së Kosovës, me një pikë të vetme të rendit të ditës, të propozuar para jush, që i kushtohet qëndrimit dhe mbështetjes së plotë të Kosovës për procesin në Gjykatën Ndërkombëtare në Hagë, si dhe çështje tjera në të ndryshme.

Kjo është mbledhje e veçantë e Qeverisë së Republikës së Kosovës, që i kushtohet qëndrimit dhe mbështetjes së plotë të Qeverisë së Republikës së Kosovës në procesin e Gjykatës Ndërkombëtare në Hagë.

Sot vendi ynë përballet me një proces, i cili zhvillohet nga organi më i lartë i drejtësisë ndërkombëtare. Qeveria ka bërë përgatitje shumë serioze për një prezantim të denjë të shtetit tonë. Prandaj, ne duam të besojmë se të gjithë do të jenë të përgjegjshëm përballë kësaj sfide të Kosovës.

Sot edhe ne nga këtu, në emër të Qeverisë së Republikës së Kosovës falënderojmë shtetet, që e mbështesin Kosovën në këtë gjykatë, gjithashtu edhe shtetet tjera që janë në proces të njohjes.

Institucionet e Republikës së Kosovës do të vazhdojnë të punojnë fuqishëm për të respektuar vullnetin e qytetarëve të Kosovës, pra ndërtimin e shtetit tonë demokratik dhe multietnik.

Institucionet e drejtësisë ndërkombëtare kanë pasur, e kanë dhe do ta kenë besimin e plotë të institucioneve dhe popullit të Kosovës, dhe respektojmë plotësisht autoritetin e kësaj gjykate dhe të drejtën ndërkombëtare.

Të nderuar zëvendëskryeministra,
Të nderuar ministra,

Gjatë gjithë periudhës së angazhimeve dhe luftës sonë për pavarësi dhe pas luftës kemi bashkëpunuar dhe respektuar të gjitha normat dhe institucionet më të larta ndërkombëtare. Gjithë transicionin e kemi kaluar bashkërisht si Kosovës dhe bashkësi ndërkombëtare dhe suksesi është i përbashkët.

Pavarësia e Kosovës është shpallur pas një procesi të gjatë negociues mes autoriteteve kosovare, me ndërmjetësimin ndërkombëtar dhe refuzimin e këtij procesi nga autoritetet e Serbisë. Shteti i pavarur, sovran dhe demokratik i Kosovës është shpallur në mënyrë të koordinuar dhe duke respektuar plotësisht vullnetin e qytetarëve dhe drejtësinë ndërkombëtare, pasi që janë shterur të gjitha mundësitë e arritjes së një pajtueshmërie, në kuptimin e respektimit të vullnetit të qytetarëve të Kosovës.

Historia jonë politike e juridike tregon se të tjerët kanë bërë shkelje të normave ndërkombëtare në Kosovë, duke ardhur me dhunë e duke u larguar me dhunë e gjenocid.

Ne si Kosovë jemi pavarësuar pas shumë viteve të vuajtjeve, përpjekjeve, luftës, por edhe ndihmës nga bota demokratike që ka ndalur gjenocidin e Serbisë në Kosovë.

Ne jemi shtet i pavarur, në përputhje me të gjitha normat vendore dhe ndërkombëtare dhe kështu do të funksionojmë për gjithmonë.

Ne si shtet i Kosovës do të vazhdojmë ndërtimin e institucioneve demokratike, konsolidimin e tyre, në mënyrë që të jemi anëtar i barabartë i botës demokratike dhe pjesë e BE dhe e NATO-s, dhe në miqësi të përjetshme me Shtetet e Bashkuara të Amerikës.

Tanimë Kosova si shtet është anëtar i Bankës Botërore, Fondit Monetar Ndërkombëtar. Republika e Kosovës është njohur nga 63 shtete më me ndikim në botë dhe jemi duke pritur njohje të reja.

Vullnetin e qytetarëve tanë për pavarësi dhe vendimin e shpalljes së pavarësisë së Kosovës nga përfaqësuesit legjitimë të Kosovës e kanë pranuar të gjitha vendet fqinje, përpos hezitimit të Serbisë deri në shkallë refuzimi. Njohjet do të vazhdojnë.

Po ashtu, edhe anëtarësimi jonë në mekanizmat ndërkombëtarë është në rrugë të mbarë. Unë edhe dje kam zhvilluar bisedë telefonike me zotëri Solana dhe Kosovës i jepet përkrahje e plotë në perspektivën evropiane nga autoritetet unike dhe autoritetet e reja në Bruksel.

Prandaj, edhe ne si kabinet qeveritar duhet vetëm t’i rrisim angazhimet që i kemi në raport me agjendën numër një që kemi për t’u integruar sa më parë në gjithë mekanizmat euroatlantikë.

Ne besojmë se çështja e Gjykatës Ndërkombëtare për Kosovën do të përfundojë në favor të vendit tonë, ngase në favor tonin është e drejta, drejtësia dhe e vërteta. Kjo është përpjekje e Serbisë për të frenuar zhvillimin normal të vendit tonë, si shumë herë gjatë historisë, por e vërteta do të ngadhënjejë. E ftojmë botën demokratike që të vazhdojë ta mbështesë Republikën e Kosovës. Njëkohësisht, duke falënderuar të gjitha vendet që e kanë njohur pavarësinë e Kosovës, vazhdojmë që t’u bëjmë ftesë edhe vendeve tjera, që janë në proces të njohjes, ta njohin Republikën e Kosovës, në mënyrë që të krijohet edhe një rrethanë më lehtësuese për integrimin e Kosovës në gjithë mekanizmat ndërkombëtarë.

Njohja e pavarësisë së Kosovës nga 63 shtete dhe vazhdimi i njohjeve të reja që do të ndodhin, është mesazhi më i mirë për punën që është bërë në Kosovë, për suksesin që është arritur në Kosovë, por dua të theksoj se Republika e Kosovës, shteti i Kosovës ka sjellur më tepër siguri dhe mirëqenie për të gjithë qytetarët tanë. Ka sjellur një ambient, një klimë, një realitet demokratik dhe shumetnik, ka avancuar standardet demokratike, ka hapur perspektivë evropiane.

Pavarësia e Kosovës ka sjellur më tepër stabilitet dhe paqe në rajon. Asnjëherë rajoni nuk ka qenë më i qetë dhe i sigurt sesa nga koha e shpalljes dhe njohjes së pavarësisë së Kosovës.

Edhe njëherë dëshiroj të shpreh bindjen e plotë se ky proces do të jetë i drejtë dhe Republika jonë do të merr përgjigjen që është në përputhshmëri me vullnetin e qytetarëve të Kosovës, me vendimin për shpalljen e Kosovës shtet nga përfaqësuesit legjitimë të saj më 17 shkurt.

Drejtësia ndërkombëtare do ta vërtetojë se ne ishim në përputhje të plotë me standardet ndërkombëtare, me të drejtën ndërkombëtare dhe vullnetin legjitim të qytetarëve të Republikës së Kosovës.

Çështjen dhe të vërtetën e Kosovës do ta prezantojë ministri Hyseni me ekipin vendor dhe atë ndërkombëtar, një ekip ky i nivelit shumë të lartë profesional. Kosova ka bërë të gjitha përgatitjet e standardit më të lartë të prezantimit të së vërtetës së saj dhe e vërteta do të ngadhënjejë.

Ne do të vazhdojmë të respektojmë dhe ndërtojmë shtetin e Kosovës në përputhje të plotë me të drejtën ndërkombëtare. Kosova ka të ardhme të sigurt euroatlantike, Kosova do të jetë pjesë e BE, e NATO-s dhe e gjithë mekanizmave relevantë ndërkombëtarë, si të gjitha shtete tjera të pavarura.

Në të njëjtën kohë ne do të vazhdojmë me reforma të cilat i kemi para nesh, reforma këto demokratike, edhe në politikë, që të arrijmë standardin politik në nivelin më të lartë të BE, nivelin më të lartë perëndimor, të vazhdojmë me reformat e thella me sistemin e legjislacionit, të drejtësisë, që të vazhdojmë që gjithë ky proces i legjislacionit të jetë plotësisht në përputhshmëri me standardet e BE. Por, do të vazhdojmë fuqishëm edhe me reformat e reja e të thella demokratike edhe në ekonomi.

[Llapi]

Deklarata e Hysenit në GJND



Fjala e plotë e ministrit Hyseni:

I. Kosova sot

2. Pyetja përpara Gjykatës ka të bëjë me një Deklaratë të veçantë, atë të Pavarësisë, që është shpallur në një ditë të veçantë në shkurt të vitit 2008. Por, më lejoni së pari të them disa fjalë për pozitën e Kosovës sot, me qëllimin për të ofruar substancë të rëndësishme për këtë proces.
3. Vetëm disa muaj pas shpalljes së Deklaratës së Pavarësisë në shkurt 2008, Kushtetuta e Republikës së Kosovës ka hyrë në fuqi në qershor 2008. Kjo Kushtetutë është në pajtim me Planin e hartuar më 2007 nga Përfaqësuesi i Posaçëm i Sekretarit të Përgjithshëm, Presidenti Ahtisaari, për pavarësinë e Kosovës. Kushtetuta e Kosovës është një kushtetutë moderne, e cila reflekton standardet më të larta ndërkombëtare të të drejtave të njeriut dhe të drejtave të pakicave. Ajo mbron të drejtat e të gjithë qytetarëve të Kosovës, dhe u jep të drejta të posaτme komuniteteve të ndryshme që jetojnë në Kosovë. Populli i Kosovës është krenar me këtë dokument themeltar.
4. Institucionet e Republikës së Kosovës, duke përfshirë të tri degët e pushtetit, tashmë janë plotësisht të konsoliduara. Në pajtim me Kushtetutën, Parlamenti i Kosovës, debaton dhe aprovon legjislacionin, dhe deri më sot ka miratuar rreth 120 ligje. Për më tej, një numër i madh ministrish implementon ligjet e Kosovës, në τështje si politika e jashtme, tregtia, biznesi, mbrojtja e mjedisit, marrëdhëniet e punës, bujqësia dhe fusha të tjera të rëndësishme. Një tërësi gjykatash civile dhe penale veprojnë në Kosovë në të gjitha nivelet për të vënë në zbatim këto ligje, dhe Gjykata Kushtetuese ka filluar së funksionuari më herët këtë vit. 5. Këto ligje mbulojnë fusha të rëndësishme të parashikuara në Planin Ahtisaari, sikurse është decentralizimi i qeverisjes lokale, mbrojtja e të drejtave të pakicave, dhe mbrojtja e trashëgimisë kulturore dhe fetare. Si Kushtetuta e re, ashtu edhe miratimi dhe zbatimi i këtyre ligjeve, kanë krijuar parakushtet themelore për të zbatuar Planin Ahtisaari në tërësinë e tij.
6. Përkundër thirrjeve të vazhdueshme të Serbisë, dhe në të vërtetë përkundër presionit serb, serbët e Kosovës gjithnjë e më tepër po marrin pjesë në ndërtimin e institucioneve në Kosovë. Pajtimi ndërmjet të gjitha komuniteteve tona ka qenë prioriteti kryesor i institucioneve të Republikës së Kosovës. Një Këshill Konsultativ i Komuniteteve është themeluar në Zyrën e Presidentit, dhe Kryeministri ka themeluar një Zyrë të Posaτme për të qenë në shërbim të komuniteteve etnike pakicë.
7. Kushtetuta e Republikës së Kosovës dhe një numër i ligjeve rregullojnë dhe organizojnë mbajtjen e zgjedhjeve në Kosovë. Ligji për Zgjedhjet e Përgjithshme, por edhe ai për Zgjedhjet Komunale, është miratuar në qershor 2008. Komisioni Qendror i Zgjedhjeve i Kosovës si rrjedhojë është ngarkuar plotësisht me organizimin dhe mbajtjen e zgjedhjeve të 15 nëntorit për kuvendet dhe kryetarët e komunave të 36 komunave të Kosovës. Unë jam i kënaqur që mund ta njoftoj Gjykatën se, pjesëmarrja e komuniteteve jo shumicë në zgjedhjet e nëntorit ishte e konsiderueshme. Prej 74 entiteteve të certifikuara për të garuar në këto zgjedhje, 40 sosh përfaqësojnë komunitete të ndryshme pakicë. Prej tyre, 22 ishin entitete politike të serbëve të Kosovës. Pjesëmarrja e pjesëtarëve të komunitetit serb në këto zgjedhje ishte e kënaqshme, pavarësisht thirrjeve të Beogradit për bojkot. Në një rezolutë të miratuar të enjten e kaluar, më 26 nëntor, Parlamenti Evropian mirëpriti "pjesëmarrjen shumë të mirë të serbëve të Kosovës" dhe i vlerësoi ato si "një tregues inkurajues se komuniteti serb i Kosovës është i gatshëm të marrë përgjegjësitë e veta në institucionet e Kosovës". Ky është një moment i ri në ndërtimin e një Kosovë shumetnike.
8. Misionet vëzhguese të zgjedhjeve të 15 nëntorit në deklaratat e tyre përfundimtare i kanë përshkruar zgjedhjet si të lira, të drejta dhe demokratike. Delegacioni Ad Hoc i Parlamentit Evropian e mirëpriti në deklaratën e vet, "procesin në vazhdim të decentralizimit dhe ditën paqësore të zgjedhjeve në Kosovë". Deklarata e Presidencës së BE së "mirëpriti mbajtjen e rregullt të zgjedhjeve komunale", si dhe pjesëmarrjen e gjerë të grupeve të ndryshme etnike. Mbajtja e rregullt e zgjedhjeve të nëntorit është mirëpritur edhe nga deklaratat individuale të shumë qeverive dhe misioneve vëzhguese nga Evropa dhe më gjerë. Reagime shumë pozitive për zgjedhjet erdhën nga Sekretari i Përgjithshëm i NATO s, Përfaqësuesi i Posaçëm i Bashkimit Evropian në Kosovë, Ambasadorët e shteteve të ndryshme të akredituar në Prishtinë, dhe OJQ të ndryshme vendore dhe ndërkombëtare. Edhe, PSSP ja " e vlerësoi trendin drejt një pjesëmarrjeje më aktive nga komuniteti serb i Kosovës si një hap inkurajues drejt pajtimit afatgjatë dhe integrimit me komunitetin lokal".
9. Bashkësia ndërkombëtare ka luajtur një rol vital në ruajtjen e paqes dhe të sigurisë, dhe në ofrimin e shpresës dhe perspektivës për popullin e Kosovës. Misioni i Kombeve të Bashkuara në Kosovë (UNMIK) ka ofruar mbështetje të rëndësishme për popullin e Kosovës, në përgatitjen e institucioneve tona, në mënyrë që ato të jenë të gatshme për pavarësi. Pas pavarësisë, EULEX i tash është duke ofruar asistencë në fushën e sundimit të ligjit. Populli i Kosovës është mirënjohës për të gjithë kontributin që është dhënë, dhe po jepet për zhvillimin tonë.
10. Sa u përket marrëdhënieve me shtetet e tjera, 63 shtete tashmë e kanë njohur Kosovën si shtet sovran dhe të pavarur. Shumica dërmuese e shteteve në Evropë e kanë njohur Kosovën, përfshirë të gjithë fqinjët e afërt, më përjashtim të Serbisë. Shtete të tjera kanë ndërmarrë hapa që tregojnë pranimin e sovranitetit të Kosovës. Një numër total prej 109 shteteve e kanë mbështetur anëtarësimin e Kosovës në Fondin Monetar Ndërkombëtar dhe Bankën Botërore.
11. Kosova ka hyrë në marrëdhënie diplomatike me shumë shtete. Ne tash kemi 21 misione diplomatike dhe 9 misione konsullore nëpër botë. Ne kemi lidhur një numër marrëveshjesh ndërkombëtare, përfshirë me Shqipërinë, Austrinë, Danimarkën, Luksemburgun, Slloveninë, Turqinë dhe Shtetet e Bashkuara të Amerikës. Më 17 tetor të këtij viti, kemi lidhur gjithashtu, një marrëveshje për kufirin me Republikën e Maqedonisë, sikurse është parashikuar në Planin Ahtisaari. Së fundi ne kemi lidhur marrëveshjen e parë për suksedim të traktateve me Belgjikën. Zyrtarë të lartë të Kosovës kanë vazhduar të kenë takime të shumta dypalëshe dhe ndërkombëtare me homologë të tyre nga shtete të tjera, me vizita si brenda ashtu edhe jashtë.
12. Z. President, Anëtarë të Gjykatës, ne sot jemi në paqe, por sikur e dini, ka qenë një kohë kur gjendja në Kosovë ishte ndryshe. Kjo është dokumentuar mirë, përfshirë në vendimin e shkurtit të këtij viti të Tribunalit për ish Jugosllavinë në rastin Milutinovic. Ne nuk mund dhe nuk duhet të harrojmë krimet kundër njerëzimit dhe terrorin që është ushtruar mbi popullin e Kosovës; gjëra të këtilla nuk duhet të përsëriten asnjëherë.
13. Sido që të jetë, Z. President, ne në Kosovë jemi plotësisht të përkushtuar dhe të vendosur që të shikojmë kah e ardhmja. Tani, më në fund, ka paqe dhe siguri në Kosovë, dhe në rajon; jemi të vendosur që ta ruajmë këtë paqe. Tani ka mbrojtje kushtetuese të të drejtave të njeriut në Kosovë dhe në rajon: jemi të vendosur që t'i respektojmë këto dispozita. Tash është më e sigurt se asnjëherë më parë se e ardhmja e përbashkët si për Kosovën ashtu dhe për Serbinë është në anëtarësimin përfundimtar të të dy shteteve në Bashkimin Evropian, ashtu siτ thuhet në raportin më të fundit të Komisionit Evropian në tetor. Pa dyshim, e ardhmja për të shtatë shtetet e Ballkanit Perëndimor është në integrimin evropian.
14. Ne po ashtu shikojmë kah dita kur do të mund të zëmë vendin tonë si Anëtar i Kombeve të Bashkuara. Zotimet e shprehura në Deklaratën tonë të Pavarësisë dhe në Kushtetutën tonë, demonstrojnë vullnetin tonë për të marrë përgjegjësitë e këtij anëtarësimi. Në të vërtetë, Qeveria miratoi një projektligj që i mundëson Kosovës të zbatojë sanksionet e Kombeve të Bashkuara të vendosura nga Këshilli i Sigurimit, i cili pritet të miratohet shpejt nga Kuvendi.

II. Negociatat e mëtejshme për status janë të pamundshme dhe të padobishme

15. Z. President, Anëtarë të Gjykatës, pas gjithë asaj që ka ndodhur, është e paimagjinueshme që ne të pranojmë thirrjen e Serbisë për të kthyer orën mbrapa për të zhvilluar negociata të mëtejshme, rreth asaj se a do ta pranojë apo jo Serbia Kosovën shtet të pavarur dhe sovran. Kjo do të ishte tepër destabilizuese, dhe madje mund të prodhojë konflikt të ri në rajon. Pavarësia e Kosovës është e pakthyeshme dhe kështu do të mbetet, jo vetëm për hir të Kosovës, por edhe për hir të paqes dhe sigurisë së qëndrueshme rajonale, për të cilën pavarësia e Kosovës ka kontribuar aq shumë.
16. Siç mund t'i kujtohet Gjykatës, më 2005 ka pasur një pajtueshmëri të gjerë brenda bashkësisë ndërkombëtare se status quo ja në Kosovë ishte e paqëndrueshme. Për rrjedhojë, negociata intensive u zhvilluan gjatë viteve 2006 dhe 2007 për statusin përfundimtar të Kosovës, përfshirë këtu edhe çështje si decentralizimi, mbrojtja e trashëgimisë kulturore dhe fetare, dhe të drejtat e pakicave. I Dërguari i Posaçëm i Kombeve të Bashkuara, Martti Ahtisaari, tash një fitues i Çmimit Nobel për Paqe, përgatiti një Plan të detajuar, përfshirë një paketë të masave për mbrojtjen e pakicave të Kosovës dhe një rekomandim për pavarësi për Kosovën. Duke e bërë këtë, Presidenti Ahtisaari, e pranoi se nuk kishte asnjë mundësi që Kosova dhe Serbia të mund të mbeteshin së bashku në të njëjtin shtet, pas ngjarjeve të tmerrshme të viteve të '90 ta. Plani ishte mbështetur nga Bashkimi Evropian dhe NATO ja. Ai ishte mbështetur plotësisht nga Sekretari i Përgjithshëm i Kombeve të Bashkuara. Po ashtu, ka gëzuar mbështetje të gjerë ndërkombëtare, por ishte refuzuar nga Serbia.
17. Pas një periudhe të diskutimeve në Këshillin e Sigurimit dhe dërgimit të një misioni të Këshillit të Sigurimit në rajon, Grupi i Kontaktit (i përbërë nga Franca, Gjermania, Italia, Federata Ruse, Mbretëria e Bashkuar dhe Shtetet e Bashkuara) propozuan që një "Treshe" e zyrtarëve nga BE ja, Federata Ruse, dhe Shtetet e Bashkuara të bënin edhe një përpjekje të fundit për të gjetur gjuhë të përbashkët ndërmjet Prishtinës dhe Beogradit. Ambasadori gjerman Wolfgang Ischinger pati thënë në fillim të kësaj përpjekjeje se, asnjë gurë nuk do të mbetej pa lëvizur në përpjekje për të gjetur një zgjidhje të pranueshme nga të dyja palët.
18. Kosova është angazhuar në bisedimet e udhëhequra nga Treshja, aktivisht dhe në mirëbesim. Por, përkundër kësaj, një zgjidhje e pranueshme nga të dyja palët ishte e pamundur, para së gjithash dhe mbi të gjitha për shkak të qëndrimit skajshmërisht të papajtueshëm të Serbisë, e cila e shihte Kosovën thjesht si një pjesë territori, që Serbia duhet ta posedojë, pa as më të voglën konsideratë, çfarëdo qoftë ajo, ndaj shpresave, aspiratave, dhe frikës së popullit që jeton në atë tokë.
19. Edhe pse për të gjetur një zgjidhje, ishte lëvizur çdo gur, populli i Kosovës duhej të ecte përpara. Mungesa e qartësisë për statusin e stagnonte ekonominë tonë, dekurajonte investimet ndërkombëtare dhe nuk na e lejonte qasjen për huamarrje në institucionet ndërkombëtare financiare. Mungesa e qartësisë për statusin po e ndalonte popullin e Kosovës të merrte pronësinë e plotë mbi institucionet e tyre demokratike. Shkurt, mungesa e qartësisë ia mohonte popullit të Kosovës, dhe në të vërtetë të gjithë rajonit, udhërrëfyesin për të ardhmen. Pas dy dekadave izolimi, lufte dhe pasigurie politike, ishim të rraskapitur.
20. Në mungesë të ndonjë marrëveshjeje ndërmjet Kosovës dhe Serbisë, pavarësia ishte zgjidhja që u mbështet nga i Dërguari i Posaτëm Ahtisaari. Pavarësia ishte zgjidhja që u mbështet nga Sekretari i Përgjithshëm i Kombeve të Bashkuara. Pavarësia ishte zgjidhja që u mbrojt nga shumë anëtarë të bashkësisë ndërkombëtare, përfshirë shtetet e Evropës dhe Ballkanit, pasi ato e kuptuan se shtyrja e statusit të pasigurt do të kishte qenë tepër destabilizuese, duke kërcënuar paqen në Kosovë, dhe në rajon, që bashkësia ndërkombëtare është përpjekur aq shumë për ta arritur. Pra, pavarësia ishte rruga që përfundimisht u ndoq nga populli i Kosovës, përmes përfaqësuesve të zgjedhur në mënyrë demokratike, më 17 shkurt 2008.
21. Ata të cilët sot thërrasin për ripërtëritje të negociatave janë qoftë të pavetëdijshëm për situatën dhe përpjekjet e jashtëzakonshme për të gjetur konsensus ose, edhe më keq, kërkojnë aktivisht që të destabilizojnë rajonin. Ata që e kanë njohur Kosovën në rajon, në veçanti të gjithë fqinjët e afërt të Kosovës përveç Serbisë, në vazhdimësi e kanë theksuar këtë pikë.

III. Shpallja e Pavarësisë

22. Z. President, tash do të adresoj në mënyrë specifike Deklaratën e Pavarësisë, të shpallur nga përfaqësuesit e popullit të Kosovës më 17 shkurt 2008.
23. Deklarata është bashkëngjitur në shtojcën 1 të kontributit të parë me shkrim. Pas një sërë dispozitash preambulare, janë 12 paragrafe operative. Paragrafi 1 përmban: "Ne, udhëheqësit e popullit tonë, të zgjedhur në mënyrë demokratike, nëpërmjet kësaj Deklarate shpallim Kosovën shtet të pavarur dhe sovran".
24. Ashtu siç është e shprehur në Deklaratë, si dhe në Kushtetutën tonë, Kosova është e përkushtuar ndaj të drejtës ndërkombëtare, përfshirë këtu rezolutat e detyrueshme të vendosura nga Këshilli i Sigurimit. Ky zotim nuk është lëkundur asnjëherë. Në secilën paraqitje timen në Këshill të Sigurimit këtë vit, e kam ripërsëritur këtë zotim.
25. Një aspekt tjetër i rëndësishëm i Deklaratës së Pavarësisë është zotimi, në paragrafin 2, për parimet e demokracisë, sekularizmit, multi etnicitetit dhe jo diskriminimit. Parimet fondamentale të të drejtave të njeriut, janë thelbësore për Kosovën. Në paragrafin 3, ne kemi pranuar plotësisht të gjitha obligimet, të cilat i përmban Plani i Ahtisaarit, përfshirë mbrojtjen dhe promovimin e të drejtave të të gjitha komuniteteve në Kosovë.
26. Aspekti përfundimtar i Deklaratës së Pavarësisë, të cilin dëshiroj ta theksoj është se ajo është shpallur në emër të popullit të Kosovës, nga përfaqësuesit e zgjedhur në mënyrë demokratike, në një sesion të jashtëzakonshëm, si një trup kushtetues në Prishtinë, siç edhe një numër i shteteve me të drejtë e kanë theksuar në deklaratat e tyre me shkrim . Shpallja e Deklaratës së Pavarësisë nuk ishte një akt i "Institucioneve të Përkohshme të Vetëqeverisjes në Kosovëö ["institutions provisoires d'administration autonome du Kosovo"] (IPVQ), apo i Kuvendit të Kosovës duke vepruar si një nga IPVQ të. Ashtu siç e kam shpjeguar në Këshillin e Sigurimit në qershor të këtij viti:
"Pavarësia e Republikës së Kosovës është shpallur nga përfaqësuesit e zgjedhur të popullit të Kosovës, përfshirë përfaqësuesit e zgjedhur të komuniteteve jo shqiptare, përveç pjesëtarëve të komunitetit serb".
27. Deklarata e Pavarësisë ishte manifestim dhe realizim i vullnetit të popullit të Kosovës. Vullneti i popullit të Kosovës që të vendosë në mënyrë të lirë statusin e tij politik shkon shumë vite mbrapa. Kjo ishte e qartë për të gjithë pjesëmarrësit në Konferencën e Rambujesë të vitit 1999. Kjo ishte pranuar përmes klauzolës së "vullnetit të popullit" në Marrëveshjen e Përkohshme të Rambujesë si një element kyç në zgjidhjen e statusit të Kosovës. Ishte e qartë menjëherë pas konfliktit të vitit 1999, kur Rezoluta 12 44 shprehimisht i referohej marrëveshjes së Rambujesë. Ishte e qartë gjatë gjithë periudhës së administrimit të UNMIK ut dhe ishte diskutuar dhe shqyrtuar plotësisht gjatë negociatave për statusin përfundimtar.

IV. E ardhmja e marrëdhënieve të Kosovës me Serbinë dhe rajonin

28. Pavarësisht vështirësive të së kaluarës, dhe vuajtjeve nëpër të cilat kaloi populli i Kosovës, ne ende dëshirojmë marrëdhënie të mira fqinjësore me Serbinë. Ne do tÆi mirëprisnim bisedimet me Serbinë lidhur me çështje praktike të interesit të dyanshëm. Në të vërtetë, kjo ishte ajo që ishte paraparë në Planin e Ahtisaarit, të cilin ne e pranuam me zemërgjerësi në Deklaratën e Pavarësisë. Bisedimet e tilla do të ishin të zakonshme ndërmjet shteteve sovrane dhe të pavarura.
29. Por, çfarëdo bisedash të mundshme duhet të zhvillohen në baza krejtësisht të barabarta, ndërmjet dy shteteve sovrane. Nuk mund të hyjmë në negociata, të cilat do ta vinin në pikëpyetje statusin tonë si një shtet sovran dhe i pavarur. Këtu nuk ka kthim mbrapa. Çdo përpjekje për ta bërë këtë, do të ishte tepër destabilizuese dhe e rrezikshme për paqen dhe sigurinë në rajon.
30. Stabiliteti dhe bashkëpunimi rajonal me të gjithë fqinjët tanë mbetet një prej prioriteteve kyçe të Kosovës. Ne shpresojmë që, në kohën e duhur, edhe Republika e Serbisë do t'u bashkohet përpjekjeve të shteteve të tjera të Ballkanit Perëndimor për të krijuar një mjedis të bashkëpunimit dhe mirëkuptimit në mbarë rajonin tonë.

V. Prezantimi i Argumentit Ligjor

31. Z. President, ne vazhdojmë të mbështetemi në atë që është thënë në deklaratën tonë me shkrim të prillit të këtij viti dhe në deklaratën tjetër me shkrim të korrikut. Një numër i konsiderueshëm i anëtarëve të Kombeve të Bashkuara ka dorëzuar deklarata me shkrim dhe komente, ose do t'i drejtohen Gjykatës gjatë këtij dëgjimi, në mbështetje të qëndrimit se Deklarata e Pavarësisë nuk ka qenë në kundërshtim me asnjë rregull të aplikueshëm të së drejtës ndërkombëtare. Ne e çmojmë këtë mbështetje.
32. Këshilltarët tanë do të paraqesin elementët kryesorë të rastit tonë, të cilët çojnë deri te kërkesa jonë për Gjykatën, nëse ajo e konsideron të përshtatshme t'i përgjigjet pyetjes, që të konstatojë se Deklarata e Pavarësisë e 17 shkurtit 2008, nuk ka qenë në kundërshtim me asnjë rregull të aplikueshëm të së drejtës ndërkombëtare.
33. Z. President, tash do të doja t'ju kërkoja që të ftoni Sir Michael Wood, që të vazhdojë me prezantimin e rastit të Kosovës. Ju falënderoj shumë për vëmendjen tuaj.



Publikuar më:
07:02:42 01.12.2009

[K.i EPERM]

GJND--Ska mundësi as të drejtë ligjore ta anuloj SHTETËSINË E KOSOVËS të gjitha këto gjykime ,genjështra,trillime ,dredhina politike,lobime më shtetet tjera për ta pengu Kosovën e dim te GJITHË NE POPULLI SHQIPTARË , se na vijnë nga shkit ,vetem një vendim pozitiv ose negativ sa do të ndikon në të ardhmen e Kosovës kjo është ne pyetje e jo Pavarësia.
GJND-- e ka filluar gjyqin më padinë Secesion--çka don të thotë ndarje nga një Shtet ,tani ne duhet të themi se ishte vullneti i Popullit shpallja e Pavarësisë .
P.S---Besoj se në Hagë janë Perfaqësuesit e duhur të Popullit Shqiptarë dhe ti thotë Botës se ka marrë FUND -gjenocidi,krimi,terrori,masakrimi,shkurt zhdukja e një Populli nga një armik i përbetuar (shka) i cili vazhdon të shpresoj se prap do të kthehet ta bënë pastrimin etnik të një Populli autoktonë.

Vetem bashkimi bënë fuqinë Përshendetje F.SH

[Llapi]

Bota rreth nesh
Bota do të sillet rreth Kosovës për 10 ditë. Rrethi i parë nisi dje. Përfaqësuesit e Kosovës në Gjykatën e Drejtësisë deklaruan se shpallja e pavarësisë është bërë nga udhëheqësit e zgjedhur në mënyrë demokratike dhe jo nga IPVQ’të. Ata argumentuan se nuk është shkelur e drejta ndërkombëtare. Përfaqësuesit serbë thanë të kundërtën. Drejtësinë do ta ndajë Gjykata e Botës.

Nga Bekim Greiçevci më 02.12.2009 në ora 7:50
Pesëmbëdhjetë gjykatësit ndërkombëtarë në Hagë dëgjuan të martën argumentet kosovare dhe ato serbe se a është shkelur e drejta ndërkombëtare më 17 Shkurt në Prishtinë, kur u shpall pavarësia e Kosovës.

Me paraqitje prej tri orësh, fillimisht nga juristët e Serbisë dhe pastaj nga ata të Kosovës, në Gjykatën e Botës është mbajtur seanca e parë dëgjuese rreth ligjshmërisë së krijimit të shtetit ri. Prezantimi i argumenteve me gojë zgjat deri më 11 dhjetor.

Delegacioni i Kosovës, i udhëhequr nga Ministri i Jashtëm Skënder Hyseni, u përqendrua në pesë çështje kryesore. Shpallja e pavarësisë është bërë nga udhëheqësit e zgjedhur në mënyrë demokratike dhe jo nga IPVQ’të. Rezoluta 1244 nuk ka qenë pengesë për shpalljen e pavarësisë. E drejta ndërkombëtare nuk parandalon pavarësinë. Dhuna serbe në Kosovë gjatë një shekulli, si dhe statusi i Kosovës në ish-Jugosllavi.

Të gjitha këto u përcollën me argumente nga Ministri Hyseni dhe tre ekspertë ligjorë ndërkombëtarë të angazhuar nga institucionet e Kosovës.

Në orën 3 pasdite, në foltoren para panelit të gjykatësve ndërkombëtarë, doli Ministri Hyseni, i cili fillimisht u përqendruar në procesin e shtetndërtimit të Kosovës sipas planit të Martti Ahtisaarit, legjislacionin, si dhe mbrojtjen e pakicave. Ai gjithashtu foli për mbajtjen e zgjedhjeve lokale, vlerësimin ndërkombëtar për këtë proces, si dhe për pjesëmarrjen e konsiderueshme të serbëve, pavarësisht thirrjes së Beogradit për bojkot.

Ai theksoi se një numër i konsiderueshëm i anëtarëve të OKB’së ka dorëzuar deklarata me shkrim dhe komente, ose do t’i drejtohen Gjykatës gjatë këtij dëgjimi, në mbështetje të qëndrimit se Deklarata e Pavarësisë nuk ka qenë në kundërshtim me asnjë rregull të aplikueshëm të së drejtës ndërkombëtare.

“Aspekti përfundimtar i Deklaratës së Pavarësisë, të cilin dëshiroj ta theksoj, është se ajo është shpallur në emër të popullit të Kosovës, nga përfaqësuesit e zgjedhur në mënyrë demokratike, në një sesion të jashtëzakonshëm, si një trup kushtetues në Prishtinë. Shpallja e Deklaratës së Pavarësisë nuk ishte një akt i “Institucioneve të Përkohshme të Vetëqeverisjes në Kosovë” apo i Kuvendit të Kosovës, duke vepruar si një nga IPVQ’të. Ashtu siç e kam shpjeguar në Këshillin e Sigurimit në qershor të këtij viti”, tha Hyseni.

Shefi i diplomacisë kosovare deklaroi se nuk mund të ketë kurrfarë bisedimesh të reja për statusin e Kosovës.

“Çfarëdo bisedash të mundshme duhet të zhvillohen në baza krejtësisht të barabarta, ndërmjet dy shteteve sovrane. Nuk mund të hyjmë në negociata, të cilat do ta vinin në pikëpyetje statusin tonë si një shtet sovran dhe i pavarur. Këtu nuk ka kthim mbrapa. Çdo përpjekje për ta bërë këtë, do të ishte tepër destabilizuese dhe e rrezikshme për paqen dhe sigurinë në rajon”, tha ai.

Pas Ministrit Hyseni, fjalën e mori juristi britanik, Sir Michael Wood, i cili përshkroi ngjarjet kryesore që sollën deri te shpallja e pavarësisë. Fillimisht ai theksoi se përshkrimi serb në seancën e paradites nuk ka kurrfarë baze dhe shtoi se asgjë në Rezolutën 1244 nuk ka parandaluar shpalljen e Deklaratës së Pavarësisë.

“Populli i Kosovës ka pasur të drejtë të ushtrojë të drejtën e vetëvendosjes në shkurt të vitit 2008”, tha ai.

Duke folur për katastrofën humanitare në vitet 1998-98, ai theksoi se “miratimi i Rezolutës 1244 nuk ka ardhur nga qielli i hapur”.

Wood u përqendruar shkurtimisht në historinë e Kosovës dhe raportit të saj me Serbinë.

“Kosova ishte me shekuj nën Perandorinë Osmane dhe padrejtësisht u okupua në vitin 1912 nga Serbia”, ka thënë avokati Wood, duke përmendur krimet mbi popullin shqiptar gjatë kohës së Mbretërisë Serbe-Kroate-Sllovene.

Ai deklaroi se edhe gjatë Jugosllavisë komuniste, sidomos në vitet ‘50, shqiptarët u persekutuan nga Ministria e Punëve të Brendshme dhe Shefi i saj, Aleksandar Rankovic.

Juristi britanik tha se Kosova ka gëzuar statusin e njësisë federative në Jugosllavi që, siç tha ai, në esencë ka qenë e njëjtë me atë të gjashtë republikave.

“Kosova ka pasur në Kushtetutën krahinore masa mbrojtëse kundër Serbisë, megjithëse ishte edhe pjesë e saj në Kushtetutën serbe”.

Wood iu referua Sllovenisë në deklaratën e saj të deponuar në GJND, ku ka dëshmuar se ndryshimet kushtuese në vitin 1989 kanë qenë shkelje e Kushtetutës jugosllave të vitit 1974 dhe parimeve të sundimit të ligjit.

Për periudhën tragjike të popullit të Kosovës dhe shkeljen e madhe të të drejtave të njeriut në vitet ‘80 dhe veçanërisht në vitet ‘90, tha Wood, është dëshmuar dhe vërtetuar gjatë gjykimeve në Tribunalin e Hagës.

“Katastrofa humanitare në vitet 1998-1999 ishte e një shkallë të paimagjinueshme, krime të luftës, spastrim etnik, rreth 90 për qind e popullatës së Kosovës është përzënë nga shtëpitë”, ka thënë ai.

Përkundër pretendimeve të Serbisë, Wood tha se nuk mund të bëhet asnjë krahasim mes krimeve serbe që janë bërë në mënyrë institucionale dhe krimeve individuale të ndonjë kosovari, pas luftës, ndaj pakicës serbe.

Këshilltari ligjor i delegacionit kosovar përmendi rezoluta dhe dokumente të tjera të Asamblesë së Përgjithshme dhe Këshillit të Sigurimit të OKB’së që kanë dënuar dhunën shtetërore serbe në Kosovë gjatë kohës së luftës. Ai rikujtoi pamjet e tmerrshme në kolonat me mijëra refugjatë që po dëboheshin drejt vendeve fqinje.

“Secili kosovar ka një tregim që zgjat me ditë dhe muaj. Dhimbja është ende e pranishme. Populli i Kosovës nuk mund të imagjinojë bashkëjetesë me Serbinë”, tha Wood.

Ai u përqendrua edhe te negociatat dhe bisedimet gjatë kohës së luftës të diplomatëve amerikanë dhe europianë me përfaqësues të Kosovës dhe të Beogradit. Pastaj foli për përpjekjet për zgjidhjen e statusit të Kosovës, të udhëhequra nga Martti Ahtisaari, i dërguar i OKB’së.

“Pas dy vitesh, në fund të viti 2007, të gjithë, përveç Serbisë, e panë pavarësinë e Kosovës si opsionin e vetëm të mundshëm. Vonesat e mëtejme do të ishin të dëmshme për Kosovën dhe rajonin”.

Në vazhdim të fjalës së tij, Wood tha se përfaqësuesit e zgjedhur në mënyrë demokratike shpallën pavarësinë e Kosovës.

“Në asnjë mënyrë Deklarata e Pavarësisë nuk është ngjarje e papritur ose radikale dhe nuk është në kundërshtim me të drejtën ndërkombëtare. Është esenciale të bëjmë një dallim të qartë. Rezoluta flet kryesisht për periudhën e përkohshme dhe gati fare nuk ka prekur në përcaktimin e statusit”, ka thënë ai.

Këshilltari tjetër ndërkombëtar, Daniel Müller, tha se asnjë rregull në të drejtën ndërkombëtare nuk parandalon shpalljen e pavarësisë.

“Ajo është në përputhje me të drejtën ndërkombëtare”, tha ai.

Müller bëri një analizë se përse Rezoluta 1244 nuk ishte pengesë për shpalljen e pavarësisë së Kosovës. Edhe ai theksoi se shpallja e pavarësisë u bë nga udhëheqësit e zgjedhur në mënyrë demokratike të Kosovës dhe jo nga Kuvendi i Kosovës si një nga organet e Institucioneve të Përkohshme Vetëqeverisëse të Kosovës (IPVQ).

Ndërkaq, Sean Murphy, anëtari tjetër i delegacionit të Kosovës, tha se nuk ka kurrfarë reference në Rezolutën 1244 që ndalon shpalljen e pavarësisë, siç pretendon Serbia. Sipas tij, juristët e delegacionit serbë nuk kanë mundur të dëshmojnë këtë me asnjë pjesë të kësaj rezolute.

“Nuk ekziston një gjuhë e tillë në rezolutë. Mungesa e një gjuhë të tillë nuk ka parandaluar shpalljen e Deklaratës së Pavarësisë. Rezoluta nuk ka asnjë referencë që Kosova mbetet pjesë e Jugosllavisë apo Serbisë”, ka thënë ai.

Ai po ashtu kundërshtoi krahasimin e rastit të Qipros me atë të Kosovës.

Sipas tij, Rezoluta 1244 është neutrale ndaj statusit të Kosovës.

“Edhe vetë Serbia ka konfirmuar se Rezoluta 1244 është neutrale ndaj statusit. Prandaj është vështirë që Serbia të argumentojë se rezoluta është edhe neutrale ndaj statusit, por edhe ndalon shpalljen e pavarësisë”, ka thënë Murphy.

Në pjesën me të madhe rezoluta flet për rolin e bashkësisë ndërkombëtare në Kosovë, e shumë pak për zgjidhjen politike të statusit të Kosovës, tha Murphy, duke cituar paragrafë dhe dispozita të kësaj rezolute.

Ai vlerësoi se Serbia përpiqet të lexojë brenda rreshtave disa paragrafë të Rezolutës dhe t’i interpretojë sipas interesit të vet se Beogradi duhej të pyetej për statusin e Kosovës.

Muller citoi një varg dokumentesh të diplomatëve ndërkombëtarë të përfshirë në çështjen e Kosovës që nga koha e luftës deri në vitin 2007, në të cilat theksohet qartë se për zgjidhjen e statusit duhet marrë parasysh vullneti politik i popullit të Kosovës.

Këshilltar ligjor i Kosovës foli gjerësisht rreth negociatave për zgjidhjen e statusit të udhëhequra nga Ahtisaari, duke theksuar se ai rekomandoi pavarësinë e mbikëqyrur vetëm pasi ishin shterur të gjitha mundësitë për zgjidhje të pranueshme për të gjitha palët.

“Shpallja e pavarësisë nuk ka qenë befasi, as akt i njëanshëm, apo në kundërshtim me paragrafin 11 të Rezolutës 1244. Ka qenë zgjidhja e vetme dhe e pritur”, tha Murphy.

Sipas tij, edhe po të aprovohej me një rezolutë të Këshillit të Sigurimit Plani i Ahtisaarit, kjo rezolutë nuk do të mund të bënte thirrje për shpallje të pavarësisë. Në këtë mënyrë ai kundërshtoi argumentin serb se Kosova mund të bëhej e pavarur vetëm me vendim të Këshillit të Sigurimit të OKB’së.

Ai gjithashtu kundërshtoi pohimin e ekspertëve të Serbisë se Shefi i UNMIK’ut ka shkelur Rezolutën 1244 dhe mandatin, sepse nuk ka anuluar Deklaratën e Pavarësisë së Kosovës. Muller tha se Shefi i UNMIK’ut kishte pritur udhëzime nga Sekretari i Përgjithshëm i OKB’së, e ky i fundit nga Këshilli i Sigurimit, por një gjë e tillë nuk ndodhi kurrë. Deklarata e Pavarësisë, tha ai, nuk kishte të bënte as me Kornizën Kushtetuese që ishte një nga rregulloret e UNMIK’ut. Muller shtoi se Deklarata e Pavarësisë nuk i dha fund misionit të OKB’së, sepse kjo mund të bëhet vetëm nga Këshilli i Sigurimit. Kjo tha ai, është një tjetër argument se udhëheqësit kosovarë nuk kanë shkelur as në këtë pikë Rezolutën 1244, respektivisht të drejtën ndërkombëtare.

Argumentet serbe

Ndonëse ishte ulur në mesin e delegacionit serb, Ministri i Jashtëm, Vuk Jeremic nuk doli fare në foltore. Si Shef i delegacionit të Serbisë, foli ambasadori serb në Paris, Dusan Batakovic.

Ai tha se shpallja e njëanshme e pavarësisë së Kosovës paraqet një akt të motivuar etnikisht që rrënon themelet e së drejtës ndërkombëtare. Batakovic përsëriti se Serbia nuk do të heqë dorë nga lufta për mbrojtjen e integritetit territorial, por “është e gatshme për fleksibilitet në kërkimin e zgjidhjeve praktike për situatën aktuale në terren”.

Ambasadori serb tha se i dërguari i Kombeve të Bashkuara, Martti Ahtisaari, dhe disa vende të caktuara kanë bërë presion që pavarësia të imponohet si zgjidhje.

Ai shfaqi shpresën se vendimi i Gjykatës do të jetë i tillë që të mundësojë vazhdimin e negociatave të cilat do të çonin në zgjidhje të pranueshme për Beogradin dhe Prishtinën.

Përfaqësuesi tjetër serb, Vladimir Djeric tha se është e paqëndrueshme përpjekja e delegacionit të Kosovës që të argumentojnë se vendimin për shpallje të pavarësisë e kanë marrë udhëheqësit e popullit të zgjedhur në mënyrë demokratike, e jo Institucionet e Përkohshme Vetëqeverisëse të Kosovës (IPVQ).

“Edhe po të ishte ashtu, ata aktorë kanë pasur për obligim që t’i përmbahen të drejtës ndërkombëtare, të cilën e kanë shkelur me shpalljen e pavarësisë”, ka thënë ai.

Ndërkaq, Marselo Kohen, ka pyetur se cilat janë ato argumente që do ta bindnin se Kosova duhet të konsiderohet një rast i veçantë, siç kanë deklaruar shtetet që e kanë njohur pavarësinë e Kosovës.

Sipas tij, deri më tash, as Këshilli i Sigurimit, as organet e tjera të OKB’së nuk kanë pranuar shkëputjen e një pjese të territorit të ndonjë shteti në mënyrën siç ka bërë Kosova.

Këshilltari ndërkombëtar i delegacionit serb, gjermani Andreas Zimmermann ka thënë se shkëputja e Kosovës është bërë në kohën kur ajo ishte nën administrimin e OKB’së.

Ndërsa, Malcolm Shaw, një tjetër avokat ndërkombëtar i Serbisë, tha se njohja e Kosovës nga vendet e tjera nuk është e rëndësishme. Sipas tij, ajo që është e paligjshme nuk mund të konsiderohet si e ligjshme nga veprimet e palës së tretë.

Ai ka deklaruar se nëse mendimi i Gjykatës shihet si dobësim i parimeve për të drejtat e një shteti mbi tërësinë territoriale, atëherë do të jetë burim i konsiderueshëm i nervozizmit për vendet e tjera që përballen me lëvizje secesioniste.

Në ditën e dytë të seancës, të mërkurën, do të dëshmojnë përfaqësues të Shqipërisë, Gjermanisë, Arabisë Saudite dhe Argjentinës. Kjo e fundit është kundër pavarësisë e Kosovës.