Aforizmat e Agim Metbalës

[Agim Metbala]

- Edhe kundërshtarit më ekstrem, me durim, i vihet balansi!
- Ta keni me dije, në çdo VENDKALIM, mund të ngritet edhe MBIKALIM!
- Çdo veprim pa arsye – falet shumë rëndë!
- Zënkën, përpiqu ta bishtërosh, do t’i bësh nder si vetës ashtu dhe kundërshtarit

[Agim Metbala]

- Shmangu furtunës, ajo vërtet ka forcë shkatërruese, por ka jetë të shkurtër!
- Nga niveli i intensitetit të debatit, vlerësohet edhe çështja e parashtruar!
- Nëse luhatet besimi, arsyetimet janë të kota!
- Barazpesha në mes të emocioneve dhe veprimit, e bëjnë njeriun racional!

[Agim Metbala]

- Fatin dhe lumturinë, mos i kërko larg, ato të sillen aty pranë, rreth këmbëve tua!
- Sa herë merrë një vendim – lë hapësirë edhe për përmirësim!
- Nëgjueshmëria ekstreme – kalon në banalitet!
- Largohu shoqërimit nga shoku që i dramatizon gjërat!

[Agim Metbala]

- Nëse do respekt, trego gjëra të vërteta dhe ato që i di në mënyrë ekzakt!
- Mos i përfillni në mënyrë të verbër rregullat tradicionale, mbase disa nga ato, i tejkalon koha!
- Familja është bërë institut juridik dhe faktik shumë i brisht!
- Personin që kurkush nuk e shanë, ta kesh me dije, nuk vlen as për pesë pare!

[Agim Metbala]

- Buzëqeshu sa më shumë, armiku dëshiron të të shoh të mrolur!
- Të mirën madhëroje, të keqën sulmoje!
- Hatkeqësisht, premtimet dhe gënjeshtrat, janë të vetmet “gjella” që na servojnë shumica nga politikanët dhe pushtetarët tanë!
- Djersa e huaj, i ngjan një senduçit të prishur – duket i shijshëm, por ta kesh me dije se të helmon!

[EDUARDI]

Te pershendes Zoti Agim ..

[Agim Metbala]

Mbrëmje të këndshme Eduard...

- Hamendja dhe iluzionet, barazohen me pasojat!
- Ta keni me dije se pik, pik, pik…nga një pikë, shkëmbi shpohet!
- HAMENDJA = NGARENDJA!
- Shumë më lehtë përballohet lodhja nga puna se ajo nga mospuna!

[Agim Metbala]

- Ankesat e vazhdueshme, ta zbehin autoritetin në masë!
- Me intelelektualin që lexon shumë, lehtë do të mirresh vesh!
- Kurrë mos u mashtro mbas gjërave të ndaluar, ato janë të rrezikshme e me pasoja të pariparueshme!
- Secili armik ndër shekuj, ka tentuar të na godas e të na përqaj në tolerancën tonë fetare!

[Agim Metbala]

- Në çdo rast kur fëmijët e pushtetarëve bajnë armë në mënyrë ilegale, pushteti është mafioz!
- Mos u hamend për veprim, do humbasish kot kohën në vijim!
- Jeta i ngjan njëzet e katër orëshit, prej teje varet a do të kesh natë apo ditë!
- Populli është bërë turmë që nga politikanët tërhiqet vetëm një herë në katër vite – për zgjedhje!

[Agim Metbala]

- Ofertat e ofruar, çdo herë merri si opsionet e fundit për marrjen e një vendimi!
- Kur mungon vullneti dhe veprimi i organizuar i qytetarëve, shtohen apetitet e pushtetarëve!
- Nëse një shok e toleron në gënjeshtra, shumë shpejt do të bëhesh preja e gënjeshtrave të tij!
- Fatkeqësisht, politika është bërë bosht, rreth së cilës sillen të gjitha krimet dhe gjenocidi mbi njerëzimin!