Aforizmat e Agim Metbalës

[Agim Metbala]

- Jeta shumë shpeshë bëhet e padrejtë – t’i largon njerëz që i do e t’i afron njerëz që s’i do!
- Mërzinë mos e le të të afrohet, ajo pastaj të ngjitet si ushujza duke të pirë gjakun pandërprerë!
- Nëse do më shumë, është ekuacioni me asnjë të panjohur – puno më shumë!
- Ta dini, dita do të ik, o i shijuat o nuk i shijuat kënaqësitë

[Agim Metbala]

- Gabimi i një gjykatësi, mund të kushtoj një kokë njeriu – gabimi i një politikani, mund të kushtoj me mija e miliona koka njerëzish!
- Vlerësoe burrin që ka shumë armiq – ia kanë zili vlerave!
- Shokët duhet të zgjidhen sipas shijes – mu sikur muzikën!
- Politikani I keq, është qenie më e mjerë në mesin e species njeri

[Agim Metbala]

- Besimi i ngjanë xhamit – nëse thehet, s’ka rikthim në gjendjen fillestare!
- Dëshmo drejtë – do i bësh nder fajtorit!
- Njerëzit e aftë, të urtë dhe guximtarët, çdo herë kanë mendim ndryshe nga masa (shumica)!
- Njeriut të ndershëm, nuk i intereson a ka apo nuk ka dëshmitarë okularë!

[Agim Metbala]

- Nëse e dhunoni fjalën, del gjysëm kuptimi!
- Mirënjohjet zakonisht nuk ndahen sipas meritave!
- Personi që kënaqet me pak, ta dini se është njeriu i ndershëm!
- Secili hap që hidhet përpara pa meritë, do të kthej tri hapa mbrapa

[Agim Metbala]

- Nëse do pushtet, bashkangjitju atyre që janë operuar nga ndjenjat!
- Përkundër mirësjelljes, kurrë mos barazo një shok të vjetër me një të ri!
- Grua - nënë e mire, është si ombrellë që të mbron nga era e shiu!
- Edhe nëse të ofrohet mirënjohja pa meritë, të preferoj mos e merrë, do t’kushtoj shumë shtrenjt!

[Agim Metbala]

- Një punë e mire, një grua (burr) e kuptueshme, ja jetë e lumtur!
- Populli që nuk shqetësohet kur nuk ka rrymë, kur nuk ka ujë…që nuk reagon në mënyrë të organizuar për asnjë dukuri negative, që i vidhet lumturia para syve…vërtet ka nevojë për kurim kolektiv!
- Në momentin kur fillon të ikish – të lëshohen pas të gjithë qent e mundshëm!
- Epokës së kuaziintelektualve e kuazipatriotëve, fatbardhësisht po i vie fundi!

[Agim Metbala]

- Nëse dëshironi ëndrrat e bukura – mos bëni keq mbrenda ditës!
- Për të gjetur lumturinë, kurrë mos hezito t’i kalosh 100 porta, rrugica e po aq rrugë!
- Kur në tavolinën e bisedës ngriten zërat – bëhet përpjekje për fshehjen e së vërtetës ose pregatitet një kurthë!
- Edhe nga dëshirat e shprehur, mund ta kuptoni karakterin e personit!

[Agim Metbala]

- Të them se s'jam lodhur nga shkrimet, do gënjej - të them se nuk do të shkruaj më nga lodhja e tepërt, prapë do gënjej...
- Shumë politikanëve tanë, iu është këputur sajla e frenimit! (Sajla – tërkuzë me fije çeliku)
- Femra që ka garderobë mesatare, shumë më lehtë përzgjedh se çka do të veshë!
- Në emër të interesit kombëtar, shumë njerëzve të mençur, u “mbydhet” goja!

[Agim Metbala]

- Në emër të interesit kombëtar – çelitë me shekuj janë mbushur me atdhetarë!
- Pranvera, stinë e preferuar dhe frymëzuese për secilin krijues…sajimet dalin të ngjyrosura e me aromat e këndshme….
- Në emër të patriotizmit e interesit kombëtar – shumë kriminelë, janë bërë milionerë!
‎- Nëse vërtet je poet, pse atëherë shkruan mirë kur diçka është e keqe, e pse atëherë shkruan keq kur diçka është e mirë? - Poltron i rrezikshëm!

[Agim Metbala]

- Krimi s’ka shpëtim – herret a vonë, do marrë dënim!
- Mos iu dorëzo padrejtësisë, ajo vërtet ka forcë dhe vrazhdësi ekstreme, ama është jetëshkrurtër!
- Në momentin kur fillojnë lëvdatat – ta kesh të qartë, fillojnë edhe të sharat!
- Jo se më pëlqen kur dikush më kundërvihet – ama e pëlqej guximin e tij!