Aforizmat e Agim Metbalës

[Agim Metbala]

- Çuditërisht çfarë popull jemi - të gjitha opinionet i krijojmë nga mendimet e thënë të politikanëve!
- Plaku i mençur, e merrë kërrutën, mos t'i dorëzohet pafuqisë!
- Për t'i fituar e për t'i mbrojtur gjërat me vlerë - kërkohet sakrificë përherë!
- Të padrejtën kush s'e lufton - të vërtetën e trathton!

[Agim Metbala]

- Kush s'e kupton një përgjigje të shkurtër, aq më pak do ta kuptoj përgjigjen e gjërë!
- Kujdes, shtiza e fjalëve godet drejtë në zemër!
- NGUTIA, ka rrënjë te MOSDIJA!
- Kujdes maksimal me njeriun e matur - maturia e tij ka rrënjë të thella në kulturë e dije!

[anita340]

Shume domethenese z Agim. Lejohet kopjimi? Gjithsesi duke permendur autorin ........

[Agim Metbala]

Falemnderit për vlerësim Anita, po si je, merrë krejt çka të pëlqen, ato janë të sajuar për t'u lexuar nga të tjerët, më bëni nder...

[Agim Metbala]

- Kush lidh aleancë me MATURINË - shumë pak peshë e probleme, do të mbajë mbi shpinë!
- Te ne edhe kur dashurohesh, prite “aktakuzën” me një mijë e një akuzime!
- Ka njerëz që vazhdimisht ballafaqohen me probleme, ata kanë problem me vetveten!
- Vlerat te ne kurrë nuk kanë zënë vendin e merituar - ngase në vendimmarrje, jovlera janë instaluar!

[Agim Metbala]

- Sinqeriteti, freskon lehtas si puhiza n'breg deti!
- Interesi vërtet vazhdimisht të josh – të prferoj, ik sa më larg, mbase çdo herë do kesh zemrën e shpirtin bosh!
- Çdo nxitim, pa kusht sjell një gabim - çdo gabim, sjell dëm thuase pa riparim!
- Facebook më ngjanë një kafeneje në stacionin e trenave - kalimthi defilojnë të gjitha grupmoshat e të gjitha shtresat shoqërore!

[Agim Metbala]

- Ngritja e zërit për shkeljen e një të drejte personale, është veprim për admirim - ama ngritja e zërit për shkeljen e një të drejte kolektive, është veprim për adhurim!
- Durimi, sakrifica e guximi - shqiptarët i shpëtoi ndër shekuj!
- Kurrë mos u brengos se përditë ndryshon - kështu dialektika e kërkon!
- Largohu shoqërimit me shokun që vazhdimisht ka shpërputhje në mes të fjalëve të thënë e punëve të bërër!

[Agim Metbala]

- Egocentrizmi, vazhdimisht nëpër mote, na i ka "thyer" kafkat e na i ka nxi shpirtrat!
- T'i njohish e t'i respektosh kulturat e botës, vërtet është pasuri - por ta mbrosh kulturën kombëtare, është hyjnore e obligim pa kufi!
- Nga të gjitha mënyrat e komunikimit, përzgjedh sinqeritetin, ai të divorcon me diversitetin!
- E çuditshme është puna e diturisë, sa më shumë fiton njohuri e dije, aq më i paknaqur mbetesh me njerëz!

[Agim Metbala]

- Ka raste kur veten e ndjej më të lumtur duke luajtur me lodra si një fëmi - se sa në mesin e shokëve që flasin tërë kohën vetëm për lakminë!
- ‎ Facebook, më ngjanë shumë botës së xhunglës - aty defilojnë të gjitha llojet e insekteve e shpezëve, të gjitha speciet e kafshve, ama edhe ekspeditat kërkimore e shkencore!
- Secili politikan që ndëgjon zërin e qytetarëve, arsyen do ta ket vazhdimisht me vete!

[Agim Metbala]

- Zëri i qytetarëve, është zëri i drejtësisë!
- Poetët janë avangardë në çdo çështje me rëndësi kombëtare!
- Nëse vazhdimisht të largohen shokë - analizoje veten se në çfarë rruge po ecish o babëlok!
- Një popull i cili vazhdimisht ka krijuar probleme e lufta në një regjion, nëse dëshirohet paqeja, nga bashkësia ndërkombëtare, dënim të gjatë meriton!