Aforizmat e Agim Metbalës

[jul-linda]

AFORIZMAT E Agim METBALËS

- Vërtetë kohën s'mund ta kthesh mbrapa, por kohën e mbetur, mund të ecish me kohën!
- Kurrë mos humbë energji duke analizuar gabimin e bërë, por përpiqu në të ardhmen, të mos e përsërishin gabimin e njejtë!
- Mbivlerësimi dhe nënvlerësimi i aftësive që i posedon, të sjedhjin pasojat e barabarta!
- Edhe në hidhërime edhe në gëzime, përpiqu t'i drejtosh emocionet, e nëse këtë e arrin, e ke mundur edhe armikun më të madh!
- Kush arrin t'i udhëheq emocionet, definitivisht definitivisht shkurorizohet me korinë!
- Mosmarrëveshtjet më të mëdha, lindin mu nga paaftësia për t'u pajtuar me gjërat!
- S'ka njeri që nuk ëndrron, por ëndrra e të vobektit është më e pastër!
- Nëse analizohen holl e holl, i pasuri, i forti dhe pushtetari, edhe ëndrrat i kanë të rrezikshme - të komplikuar!
- Nëse do t'i analizosh pasojat e tërbimit dhe durimit, pa kusht se më lehtë do të kalosh me durimin!
- Ushqimi i përditshëm i keqbërësve, është fjala keqardhja!
- Kryeneqësia, i ngjanë vetëtimës, ka shndritje shumë të shkurtër!
- Mendjemadhësinë, e ushqejnë të mjerët!

* Këto aforizmat i kam botuar në revistën "filizat".

P.S.h.h. Më vjenë mirë se ju pëlqejnë aforizmat, ngase ato janë mehlem për shpirtin!

te gjitha i lexova dhe te gjitha me pelqyen shume , por keto i vecova , shum te bukura .

[Agim Metbala]

te gjitha i lexova dhe te gjitha me pelqyen shume , por keto i vecova , shum te bukura .

E nderuar Jul_linda, përshëndetje të veçanta, mëvjenë mirë që u futët në temën aforizmat...

Aforizmat janë tërheqëse...

Ju përshëndesë përzemërsisht!

[Agim Metbala]

- Jeta i gjason një karnavali, ku shumica e njerëzve jetojnë duke e fshehur fytyrën me maska!
- Nuk ka punë a veprim që nuk arsyetohet, por në çdo arsyetim, lind nga një dyshim!
- Brejtja e ndërgjegjes, në fillim ta dhuron pagjumësinë, pagjumësia ta dhuron frikën e frika çmendurinë!
- Kush arrin ta kuptoj veten, që nga ai moment, do të shkëputet nga mosmarrëveshtjet me të tjerë!
- Duartrokitja, është "malli" shumë me vlerë çdo kund në botë, shqiptarët nde u dhurojnë të gjithëve dhe gratis!

[Agim Metbala]

- Shqiptarët duartrokitjet, ende i dhurojnë kuturu!
- Duartrokitjet falso, vërtetë i merr era, por janë shumë të rrezikshme se i japin kurajo personit të pamerituar në veprimin e tij në vijim!
- Ai që di të "lexoj" poezinë, do t'i zbuloj shumicën e sekreteve jetësore!
- Deri më sot, e gjithë krijimtaria kosovare, ka qenë e ngjyrosur politikisht, shpeshëherë e gjakosur, herë-herë irituese, në vazhdimësi nxitëse, herë e zymtë e herë trimësuese... me Pavarësinë e Kosovës, pa kusht duhet ta ndryshoj krejtësisht pamjen e vet!
- Porositësit dhe shërbyesit e krimit më tëmadh, janë pushtetarët e korruptuar!
- Me gjithë këtë arsenal të armëve bërthamore në duart të të krisurve, është droja emadhe që planeti ynë të shndërrohet në "planetin e invalidëve të rëndë"!

[Agim Metbala]

- Secili që ka tentuar t'i shmanget vetvetes, ka mbjedhur në vete pasigurinë e vazhdueshme!
- Cinizmi sjell pasoja të papërshkrueshme për të tjerët, por në fund, grushtin vdekjeprurës për vet cinikun!
- Heshtja e vazhdueshme, fsheh në vete moskënaqësinë e thellë!
- Gënjeshtari s'kishte me qenë aq i rrezikshëm, vetëm nga fakti se gënjen, por se është i pregatitur që gënjeshtrën ta mbroj me të gjitha mjetet emundshme dhe të pamundhsme deri në skajshmëri!
- Aty ku veprojnë forcat progresivem nuk ka vend për rebelizëm!
- Vullneti i fuqishëm, i kapërcenë edhe shumë barriera të pakapërcyeshme!
-Në momente kur do të humben krahasimet, jeta nuk do të ket as kuptim!
- E tërë jeta është shumë antagoniste, ajo mund të kalohet qetë, vetëm me kërkim faljesh dhe me falje!
- Pavendosmëria, është karakteristikë e njerëzve labil!
- Njëtrajtshmëria është si grumbullimi i dëmshëm i thartësinave në lukth, që medoemos organizmit i krijon mund që patjetër qitet jasht, por me mundim të madh!

[Agim Metbala]

- Sa herë politikanëve fillon t'u bie besueshmëria, fillojnë lojën me numra!
- Vrasja e tiranit, vërtetë është akt i dënueshëm me ligj, por moralisht i pranuar!

[Agim Metbala]

- Nëse kërkon përsosmëri, dështimi do të të përcjell vazhdimisht!
- Të jesh ambicioz, është plotësisht normale, por të kërkosh përsosmëri, kalon në gjendje abnormale!

[Agim Metbala]

- Politikani i cili në momentin e duhur, nuk tërheq potezin e duhur, më vonë do të shkoj zhag, ose do ta tëheqin zvarrë!
- Fushata paraelektorale e partive tona, ma qojnë mallin e tifozve të futbollit kosovar!
- Me poltikanët e ngjizur me "grushtin e kuq" dhe të lindur nga martesa "vëllazërim - bashkim", duhet patur kujdes të madh, ngase ata kanë të zhvilluar metodën e përvetësimit të çdo gjëje!

[Agim Metbala]

- Sëmundja është provë e madhe, që secili t'i analizoj e korigjoj sjelljet e veta!
- Tërheqja e vërejtjes para syve, është sikurse ilaçi i cili djeg kur e lyen varrën, por me kalimin e kohës, me siguri se do të ndikoj në shërrim!

[Agim Metbala]

- Pamvarsisht nga motivi, aktin e vrasjes e kryen shpirti kriminel!
- Maskat, nuk i përkasin moralit dhe karakterit të shqiptarit, andaj ato sa më shpejt duhet shqyer!
- Në Kosovë, ndërkombëtarët dhe vendorët, bëjnë gara kush kënd më shumë e korrupton!