Aforizmat e Agim Metbalës

[tetovarja87]

flm per keta aforizma qe na sjell baci Agim


e lexova diku: e nesermja nuk vdes kurre


dhe po e shtoj: por ne mund te vdesim te nesermen.

[EDUARDI]

- Nuk i ka fajet ajo se më neglizhon, fajet i kam unë se e dashuroj!

-------------------------------------------------------------
Unike

[Agim Metbala]

Tetovare dhe Eduardi, Ju falenderohem se më lexoni e komplimentoni...

[Arvima]

Aforizma te vecanta dhe me domethenie.... faleminderit Z Agim qe i percillni tek ne

URIME!

[Agim Metbala]

Aforizma te vecanta dhe me domethenie.... faleminderit Z Agim qe i percillni tek ne

URIME!

Z. Arvima, Ju falenderohem për lexim e vlerësim...

[Sorkadhe_Kelcyre]

- Syri në esencë, është "trathtari" i shpirtit!

... sikurse edhe deshmitari me i mire i tij...
rrespekte Z. Agim.

[Agim Metbala]

... sikurse edhe deshmitari me i mire i tij...
rrespekte Z. Agim.

Ju falenderohem shumë z. Sorkadhe Këlcyre...

[Sorkadhe_Kelcyre]

- Njeriu në vete, vazhdimisht ka dy vullkane të gjalla - njërin me energjinë pozitive, ndërsa tjetrin me energjinë negative; dhe se cili vullkan në të do të aktivizohej, mvaret nga shtytja e forcës së jashtme që do të ndikoj!

shume e vertete...

[Agim Metbala]

shume e vertete...

Z. Sorkadhe_Kelcyre, Ju falenderohem për lexim e komplimente...

[Agim Metbala]

- Po të mos ishin në pyetje përfitimet e mëdha personale, poltikanët tanë, nuk kishin "aterruar" kaq lehtë prej një partie në parti tjetër!

- Në momentin kur palët barazohen me forcat, kompromisi është i pa shmangshëm!

- Shpirtëngushtësia, është si lidhje e shkurtër, e cila do të dridh në çdo moment!

- Para çdo veprimi, nuk nevojitet shumë të meditosh, të planifikosh...mjafton ta ndëgjosh zemrën, gabimit pa kusht i mbyllet dera!

- Shpirtëngushtësia, vazhdimisht të dërgon në qorrsokaqe!

- Shumica e politikanëve tanë, ka kohë që kanë sharruar në rërë të gjallë, vështirë se kanë shpëtim!

- Njoh shumë njerëz të vdekur që ende jetojnë, dhe shumë njerëz të gjallë, që kaherë kanë vdekur!


- Dhuna e njeh forcën, forca pjell frikën...e frika i fuzionon në vete të dyjat për të triumfuar mbi dhunën!

- Nëse ti vet me sjelljet tua bëhesh temë e bisedës, nuk ke arsye të hidhërohesh në të tjerë!

- Kushdo që është kthyer mbrapa, s'i ka mbetur gjë të zgjedh e as të marrë!

- Nëse jetën e zgjëroni shumë, do t'ju dalë si këpucë e shkyer e gishtat jashtë e nëse jetën e ngushtoni shumë, do t'ju dalë si këpucë e ngushtë e gishtat e ajur!

- Sa jemi të bashkuar, nuk do koment, edhe festën e pavarësisë, e festojmë në dy data!


- Largohu shoqërimit me tipa që vazhdimisht i kërkojnë të metat e të tjerëve!

- Shumica e politikanëve tanë, pavarësinë e ndiejnë vetëm me 28 Nëntor!

- Injoranca e njeriut të padijshëm, është budallakia, injoranca e njeriut të dijshëm, është idiotizëm!

- Kokat e shumë politikanëve tanë (në të dy shtete), janë përplot me viruse, e kanë kohën e fundit ta "formatizojnë" kokën!

- Leku është mjet i domozdoshëm, mbi të gjitha, ju preferoj të mos dashurohuni në të!

- Modestia është si engjulli e cila vazhdimisht të mbron nga çdo e keqe!

- Kush i bënë ball tundimit, kapia e jetës i hapet krah më krah!

- Kokëfortësia, për një çast, ta dhuron krenarinë, pastaj ta then qafën për shumë kohë!

- Leku duhet të mbetet vetëm mjet kusuritje e jo okupator i shpirtit!

- Truri ka shpejtësi marramendëse, ai mund të lëviz ku duhet e ku nuk duhet...por syrin dhe dorën, duhet ta drejtosh vet me ndërgjegje të pastër!

- Nga vet sjellja jote mvaret a do të të "ulet" në prehër gëzimi apo hidhërimi!

- Leku vërtet mund t'i prish njerëz, ama ata me karakter labil!

- Serioziteti vazhdimisht duhet të jetë në balans me kundërforcën!

- Aq sa të qonë përpara guximi, po aq mbrapa të kthenë paluajtshmëria!

- Njeriu i luhatshëm, kot di, prej dijes së tij, askush s'ka dobi!

- Truri vepron në mënyrë perfekte derisa nuk e prek urrejtja apo dashuria, që nga ai moment, e humbë ekuilibrin si ora gati me bateri të shpenzuar!


- Tundimi është provimi ku bijnë shumica e njerëzve...

- Kujdes popull, Fatos Nano po "ringjallet", pregatituni për katandisjet e reja!

- Sikur njerëzit të dinin se sot e kanë ditën e fundit të jetës, në botë kishin ndodhur një mijë e një kataklizma!

- Shumica nga njerëzit, në vete vazhdimisht bëjnë pazarllëqe!

- Ai që vlerëson dhe krijon bindje nga politika ditore, ai s'merrë erë nga politika!

- S'kam arsye të mos e dua një hajn të vockël i cili i ka vjedhur disa gjëra të imta një pushtetari të korruptuar?!

- Nëse kundërshtarit ia dëshiron dështimin, uroja fitim të shpejtë apo kohë të lirë!

- Modestia, s'ka qare pa ta gjetur e pa çelur një shteg!

- Së pari pastroje veten në maksimum, pastaj mund të trokasish në portën e ndershmërisë!

- Shumë gjëra të paarijtshme nga njerëzit mesatar, emërtohen si çmenduri!

- Nëse vërtet je këmbëngulës, do realizosh edhe ëndrrën më të çmendur!

- Shtegu deri te e vërteta, është shumë i ngushtë, si në xhungël, me iks të pa pritura, rreziqe të panumërta...por edhe me bukuritë e kënaqësitë të papërshkruar!

- Ata njerëz që fitojnë në mënyrë të paligjshme e të pamoralshme, dallohen shumë lehtë - parat i shpenzojnë në mënyrë të paligjshme e të pamoralshme!

- Nga politikani, nuk kërkohet sentimentalizëm, por arsyeshmëria (racionaliteti)!

- Klasa politike shqiptare (andej e këndej kufirit), kanë nevojë urgjente për ndërhyrje kirugjike!

- Nëse lidhesh e shoqërohesh me tipa zemrak, mos u befaso aspak nëse hasish nga zënka në zënkë!

- Koha e lirë (pa punë), është kancer i pashërueshëm i cili të ha dalë-ngadalë!

- Grua tjetër, është si dielli i dimrit, të duket se të nxenë, por do mërdhihesh nga të ftoftit!

- I urituri, e pëlqen secilën gjellë të mundshme!

- Dhurata më e shtrenjtë dhe e vlefshme që mund t'i dhurohet dikujt, është buzëqeshja e sinqertë!

- Nën ombrellën e patriotizmit, janë fshehur e fshihen shumë kriminel ordinar!

- Ai e deshti për bukuri, ajo e deshti për para, këtu s'ka asnjë të keqe, secili morën ato çka deshtën!

- Zemra, truri dhe goja, duhet vazhdimisht të jenë të sinkronizuar para çdo thënie të thënur a veprimi të ndërmarrë!

Të gjithë lexuesve, vizitorëve e posaqërisht të gjithë atyre që i komentuan aforzmat e mi, Ju uroj Vitin e Ri, duke Ju dëshiruar shëndet të mirë, gëzime, suksese e mbi të gjitha jetë pa brenga në vitin që do të hymë edhe disa orë...

- Jeta është si erruzioni që vazhdimisht gërryen, duke krijuar relief të pashlyer!

- Opozita jonë (në të dy shtete), po gjuan me fyshek qorr!

- Kush i lëviz kufinjt e vjetra, krijon ngatërresa të reja!

- Ka njerëz që me sjellje, fatkeqësisht, kurrë nuk dalin nga faza e pubertetit!

- Çdo gjë gjë ka arijtur barazpeshë, mos gabo ta lëvizish, do krijosh me qinda probleme!

- Sa kishte me qenë e dobishme për njerëzimin, sikur ta "formatizonte" kokën e vet secili njeri si kompjuterin!

- Modestia është si bleta, në pamje të parë të duket se gjithë ditën kot lodron, ama në mbrëmje sajon mjalë!

- Dhuroja fëmiut një libër, nuk do ta pëlqej, por më vonë, do të kujtoj tërë jetën!

- Patriotizmi, është fjaë më e keqpërdorur dhe më e dhunuar nga ana e shumica të politikanëve tanë!

- Në mungesë të informacionit, njerëzit zakonisht janë të prirë të fillojnë të imagjinojnë, trillojnë e të krijojnë konkluzione e përfundime sipas logjikës dhe dëshirës së tyre!

- Shumica nga opozitarët tanë (në të dy shtete), në parlament sillen si kamikazë!

- Nëse vërtet ke ambicie të ngritesh deri në maje, atëherë paraprakisht, duhet të "operohesh" nga ndjenjat!

- Opozita jonë (në të dy shtete), vërtet bënë paraqitje si në spektakle - spektakolare, ama me aq edhe përfundon shfaqja e tyre!