Aforizmat e Agim Metbalës

[Agim Metbala]

- Mirësjellja ka vlerë kur respektohet nga shumica, individi nuk qon peshë!
- Goja i mbulon të gjitha dëshirat dhe marrëzitë e shpirtit e të zemrës!
- Po mos të ishte goja, zemra do ishte koritur nga disa herë në ditë!
- Në shekullin e njëzet e një, vërtet mund të gjesh çka të do shpirti – ta gjesh njeriun, vërtet është mana e madhe!

[Agim Metbala]

- Sa herë nga njerëzit presish shumë – patjetër do ta përqafosh zhgënjimin!
- Pushtetarët janë të atillë – nuk të lëjnë të afrohesh shumë, por nuk të lëjnë as të largohesh shumë!
- Nëse shtrëngohesh të vendosish se kujt duhet t’i besosh, përzgjedhe zemrën tënde!
- Nëse në pyetjen tënde shoqëria hesht, duhet ta kesh me dije se ka mendim të kundërt!

[Agim Metbala]

- Nëse nuk dëshiron ta ndryshosh shpejt bindjen, mos e krijo lehtë!
- Mos krijo bindjen nga dukja, dukja mund të mashtroj!
- Vigjilenca dhe gadishmëria, të shpëtojnë nga shumë situata të palakmueshme!
- Sa më shumë që rritesh e sa më shumë që merr njohuri, aq më shumë do të kuptosh se sa e padrejtë është bota – njerëzimi!

[Agim Metbala]

- Gjatë jetës, kam njohur shumë pak veta që mendojnë e flasin atë çka mendojnë!
- Dashnori/rja për të martuar, i ngjan një kondicioneri – të duket se të ftoh, por në fakt të sëmun!
- Nëse dëshiron ndryshime, fillo me hapin më të vockël!
- Të gjithë dëshirojnë ndryshime, por ato t’i sjell dikush tjetër!

[Agim Metbala]

- Kujdes, suksesi ytë, mbrapa teje ngreh shumë kundërshtarë dhe armiq!
- Më vjen keq, por vërtet jetojmë në “shekullin e bitheve”!
- Fal Zotit që ka krijuar edhe gojën, mbase shumica nga njerëzit ishin bërë gaz i botës!
-Aty ku ka shumë konkurentë, aty ka edhe kualitet!

[Agim Metbala]

- Nëse beson verbërisht në diçka, do të bëhesh subjektiv në vlerësim!
- Interesant njerëzit sa bukur aktrojnë në jetë, herë me arsye e herë fare pa arsye!
- Subjektet politike shqiptare, janë ndërtuar sikurse qytetet tona thuase pa plane urbanistike!
- Politikanët shqiptarë, mund të bëjnë çdo gjë, por kurrësesi të flasin me një zë!

[Agim Metbala]

- Sa u ngjan shqiptarëve gjithë ditën ta këndojnë këngën: “Ani nasht, ani nasht, vet e kam dasht, vet e kam dasht”!
- Çdo ikje, në realitet është dorëzim!
- Sinqerisht nuk e preferoj heshtjen, mbase mbrapa saj, fshehet diçka!
- Po mos të isha pjesë e këtij komuniteti, s’do më interesonte aspak politika!

[Agim Metbala]

- Gëzoju suksesit e mobilizohu për veprim të ri!
- Mos prefero aktrimin, mbase nuk je aktor!
- Mos lejo veten ta mësosh jetën përmenç, bëjë ndryshime edhe sado që të jenë të vogla!
- Të bëhesh i durueshëm me dikë që aspak s’ke pikëpërputhje, vërtet është madhështi!

[Agim Metbala]

- Çdo herë kur mbas diçkafit fshehet diçka, atëherë ruhet si sekret!
- Rregullat morale dhe ato ligjore, sajohen për t’i sunduar njerëzit më lehtë!
- Ka njerëz që ëndërrojnë të fluturojnë…ata vetveten e kanë dënuar të vuajnë tërë jetën!
- Vështërsitë, t’i qesin në sipërfaqe të gjitha dobësitë, në anën tjetër, edhe të gjitha aftësitë!

[Agim Metbala]

- Krenaria e tepruar, ta then qafën!
- Mos u dëshpro me vështërsitë e jetës, ajo i ngjanë vitit kalendarik me katër stinët – pas dimrit të mërzitshëm e të ftoft, vjen pranvera e këndshme dhe e ngrohtë…vera me bukuritë e papërshkruar e vjeshta me bereqet të shtruar!
- Vërtet të gjitha rrugë të dërgojnë dikund, por të gjitha rrugët nuk të dërgojnë në cakun e kërkuar!