Aforizmat e Agim Metbalës

[Agim Metbala]

- Ta kesh me dije – asgjë nuk dhurohet, por me mund të madh fitohet!
- Kurrë mos kurse kohën për të ndëgjuar atë i cili meriton të ndëgjohet!
- DREJTËSIA është bërë si qeni i zhuglaft, nga i cili ikin të gjithë!
- Në shpirtin e prishur, e keqja vazhdimisht bënë çerdhe e çel zogjët!

[Agim Metbala]

- GËNJESHTRA dhe PREMTIMI – janë bërë gangrenë e njerëzimit!
- Opozita shqiptare, në tërë këtë kohë të demokratizimit, në parlament është sjell si një grup turistësh!
- PUSHTETARI dhe LAVIRJA, vazhdimisht ankohen si nuk e shfrytëzuan më shumë kohën!
- Politikani dhe e vërteta – shkurorëzohen që në start!

[Agim Metbala]

- Nga BESA dhe DREJTËSIA, fatkeqësisht, shumica e njerëzve ikin si nga sida!
- Fjala DASHURI, vërtet është shumë komplekse!
- Kur zogjët fluturojnë, ta kesh me dije, dikush i ka tremb!
- Kur mungon guximi i qytetarëve, në mënyrë refleksive, i shtyen pushtetarët t’i ndryshojnë ligjet në faor të vet!

[Agim Metbala]

- Kur skifteri ngritet qiellit, pëllumbat armatosen me syçeltësinë!
- Shumë rrallë kam hasur në njerëz të dijshëm e të guximshëm, këto dy vlera, vështirë kompozohen!
- Nëse rinia ka BUKURINË – pleqëria duhet të ket KRENARINË!
- Ne shqiptarët zakonisht themi një mendim pa menduar – pastaj humbim kohë për t’a arsyetuar!

[Agim Metbala]

- Shoqëria i ngjan fermentimit – duhet kojë, për t’u bërë verë!
- Çdo pendim nga ndonjë shtrëngim, është vetëm mashtrim!
- Nëse pushteti qytetarin e bie në buzë të ekzistencës, detyrimisht do prodhoj trazira dhe gjakderdhje!
- S'ka me art klasik - çdo pikturë, të prek në secilin ind, çelizë...e shpirti? Shpirti relaksohet skajshmërisht...

[Agim Metbala]

- Kur njeriu i mençur bëhet i marrë, ta dini se është në rrezik ose fsheh një gjë të madhe!
- Në jetë, është mirë të mbash distancë, por mos u largo shumë!
- Nëse bënë shumë egzebicione, dështimin e ke të sigurt!
- Pendimin e kanë shok vetëm njerëzit e ndershëm!

[Agim Metbala]

- Leximi është kulturë!
- Vlerat mund të nënçmohen e të mos pranohen, vetëm për një kohë!
- Kur kombinohet bukuria e jashtme me atë të mbrendshme, është bukuri mbi bukurinë!
- Nëse nuk e respekton veten – nuk ke të drejtë të presish respekt nga të tjerët!

[Agim Metbala]

- Nëse hetohet mungesa jote – ta dish se rrethi të vlerëson!
- Është për t’u çuditur se ka koka boshe po e udhëheqin politikën botërore!
- Ta keni me dije se sjellja e mirë dhe ndershmëria, nuk plaken kurrë!
- Nëse nuk hetohet mungesa jote – je i padëshiruar nga rrethi!

[Agim Metbala]

- Çdo përshtypje që krijiohet lehtë – sjell zhgënjimin e shpejtë!
- Mos u bë shumë ALTRUIST, njerëzit zakonisht janë KEQPËRDORUES!
- Nëse në zemër ke një plagë, mos kërko ndihmë, atë mund ta kurosh vetëm ti e askush tjetër!
- Shpesh ndodh në jetë, të skuqesh që nga veprimet e të tjerëve!

[Agim Metbala]

- Pendimi i vetëm i shumicës së pushtetarëve është: Pse nuk bëri më shumë para, derisa ishte në pushtet!
- Mos u befaso, kundërshtimi i pushtetit, të dhuron vuajtjet më të tmerrshme!
- Poeti që ndëgjon psherëtimën e njerëzve dhe pëshpërimën e gjërave – sendeve, veprat e tij nuk do vdesin kurrë!
- Shpirtërisht nuk i duroj njerëzit që shtiren si viktimë për fërfitime shumë të vogla!