Aforizmat e Agim Metbalës

[Agim Metbala]

- Mos rri vazhdimisht në defanzivë, armikut do i japish kohë për ofanzivë të re!
- Nga vet konstruksioni i trupit të njeriut, mund të zbulohet shumëçka!
- Mos i besoni secilës buzëqeshje të bukur, bukur buzëqeshë edhe një lavire!
- DEMOKRACI = DEMO(N)KRACI!

[Agim Metbala]

- Mos u besoni shumë sondazheve, ato zakonisht janë të porositur!
- Në momentin kur poeti zë të shkruaj nga mëria, i preferoj që në atë moment ta “thej” lapsin!
- Përpiqu maksimalisht të mos mbetesh në repartin defanziv!
- Befasohen zakonisht njerëzit mendjelehtë!

[Agim Metbala]

- Njeriu më i mjerë në botë është ai që pret shpëtim nga humaniteti i njerëzve!
- Njerëzit për nga natyra zakonisht janë xheloz dhe mos u befaso nëse të vejnë kleçkat!
- Politikani i ngjanë shumë hajnit – atij nuk i zihet besa se më nuk do vjedh!
- Si në Kosovë, do kisha pi duhan edhe në Gjermani e Norvegji…por në të dyja shtetet më dënuan nga 50 Euro për një cigare të ndezur në vende publike!

[Agim Metbala]

- Kur gratë shqiptare do të votojnë pa ndikimin e burrave, situata do të ndryshoj rrënjësisht për të mirë!
- Njerëzit zakonisht çlirohen, aq sa u japish hapësirë!
- Ai që vazhdimisht jep, gëzon të drejtën edhe të kërkoj!
- Në dëm të shokut e të shëndetit, kurrë mos kurse!

[Agim Metbala]

- Largohu shoqërimit nga shoku që posedon energji negative!
- Njeriu i ndershëm, kurrë s’mund të bëhet politikan i suksesshëm!
- Parlamenti zakonisht i ngjanë një maçali ku mblidhen insektet më të ndryshme, bretkosat, lejlekët, do breshka e breshkana…me ushqim të bollshëm!
- Mos u bë tinëzar, mbase do zbulohesh e do të dal ngjyra si magarit të bardhë!

[Agim Metbala]

- As vet shoqëria, nuk ka interes të bëhesh viktimë e shoqërisë!
- Nuk ia vlenë për askë, të biesh viktimë!
-…”Vaj vatani e mjerë mileti”…është sintagmë që po na përcjell nëpër kohë, me ata e këta liderë batakçinj!
- VJEHËR – NUSE, personazhet e pavdekshëm për barcaleta!

[Agim Metbala]

- Poeti i vërtetë, në esencë, tërë jetën është rebel!
- Të paktën, mundohu të mos i shkelish parimet, rregullat universale të moralit!
- Derisa e kanë “MJEL” mirë diasporën, fjala e parë dhe e fundit thuase e secilit politikan, ishte MËRGIMTARI!
- Dashuria e vërtetë, çdo herë është e varfër nga fjalët!

[Agim Metbala]

- Mëdyshja për drejtësi – është fillimi i përmirësimit të gabimit!
- Thonë se oreksi shtohet duke ngrënë – kështu qëndron puna edhe me pushtetarët!
- Mos lejoni që emocionet t’ju vrapojnë në mënyrë të paartikuluar si në garat masive të vrapimit!
- Të gjithë themi se sa shumë e duam natyrën – paradoksalisht të gjithë e përditë po dëmtojmë (dikush më shumë e dikush më pak)!

[Agim Metbala]

- Dyshimi dhe frika, i ngjajnë frerëve të autos që e ndalojnë në lëvizje!
- Politikanët, zakonisht patriotizmin e përdorin si prazmore për t’u mbrojtur nga kundërshtarët!
- Ramazani i sivjetëm, skajshmërisht është shfrytëzuar nga politikanët!
- Sot me njeriun e ndershëm, zbaviten si me budallain në Oborrin mbretëror!

[Agim Metbala]

- Politika shqiptare, vërtet ka prodhuar shumë Don Kishota!
- Liberalizimin e vizave do ta fitojmë, kur ne sinqerisht do ta dëshirojmë e jo kur të tjerët do t’na dhurojnë!
- Respektoje maksimalisht shokun që ta hap derën sa herë që trokasish!
- Arsyeja bindëse, nuk i do fjalë!